Morgunblaðið - 26.06.2002, Síða 16

LANDIÐ
16 MIÐVIKUDAGUR 26. JÚNÍ 2002 MORGUNBLAÐIÐ
STOFNAÐUR hefur verið minn-
ingarsjóður um Karl Kristinn
Kristjánsson, sem lést af slysför-
um 10. apríl 2000, aðeins 21 árs
gamall. Karl var innfæddur Ak-
urnesingur og foreldrar hans og
systkini vilja heiðra minningu
hans með stofnun sjóðsins.
Norðurál hf. gaf eina milljón
króna í minningargjöf sem ákveð-
ið var að yrði hluti sjóðsins. Karl
Kristinn var starfsmaður Ístaks
hf. við framkvæmdir í Álveri
Norðuráls hf. í Hvalfirði þegar
hann lést.
Fjölbrautaskóla Vesturlands á
Akranesi hefur verið falið að
varðveita sjóðinn, en Karl Krist-
inn var nemandi skólans á ár-
unum 1995–1999 og útskrifaðist
þaðan sem stúdent. Ákveðið er að
veita úr honum styrki ár hvert,
sem nemur andvirði vaxta af
fjármunum hans, þeim nemanda
sem hefur verið framúrskarandi í
félagslífi í skólanum eða þá að
verja fjárhæðinni til verkefnis
innan skólans sem kemur fé-
lagslífi nemenda til góða. Nú við
skólaslit vorannar var í fyrsta
skipti veitt viðurkenning úr
sjóðnum og fékk ungur Akur-
nesingur, Sigurður Þór Elísson,
viðurkenningu fyrir þróttmikil
störf að félagsmálum.
Á afmælisdegi Karls Kristins
17. febrúar sl. var sjóðurinn
formlega stofnaður. Við það tæki-
færi heimsóttu forráðamenn
Norðuráls hf. fjölskyldu Karls
heitins ásamt stjórnendum Fjöl-
brautaskóla Vesturlands og veitti
Hörður Helgason, skólameistari
FVA, gjöf fyrirtækisins viðtöku
fyrir hönd skólans. Hér er um
rausnarlega gjöf að ræða og vill
fjölskyldan koma á framfæri
þakklæti til Norðuráls hf. og
jafnframt vonast þau til að fé-
lagslífi nemenda FVA sé lagt lið
um leið og sonar þeirra sé
minnst.
Fjölbrautaskóli Vesturlands, Akranesi
Frá vinstri: Ragnar Guðmundsson, frkvstj. fjármálasviðs Norðuráls, Tómas Már Sigurðsson, frkvstj. tæknisviðs
Norðuráls, Hörður Helgason skólameistari, Kristján Sveinsson, Sigrún Halla Karlsdóttir, Kristján Sturluson,
frkvstj. starfsmannasviðs Norðuráls, og Richard Starkweather, forstjóri Norðuráls.
Minningarsjóður um fyrrv. nemanda
Akranes
UM SÍÐUSTU helgi tók Guðmunda
Wium við rekstri blóma- og gjafa-
vöruverslunarinnar Blómaverk við
Ólafsbraut af Friðgerði Péturs-
dóttur, sem rekið hefur Blómaverk
undanfarin ár. Guðmunda sagðist
ætla að rýma aðeins til í versl-
uninni með hressilegri útsölu
næstu daga og síðan er ætlunin að
auka heldur við vöruúrvalið með
þeim vörutegundum sem hún hefur
verið með á boðstólunum í verslun
sem hún hefur hingað til rekið í
kjallaranum að Vallholti 4. Segja
má að Guðmunda sé að búa til eina
verslun úr tveimur og því augljóst
að nóg framboð verður á gjafa-
vöru.
Ljósmynd/Tómas Alfonsson
Þær stöllur Friðgerður og Guðmunda, að sjálfsögðu með blóm.
Tekur við rekstri Blómaverks
Ólafsvík
ALLT AÐ 10 hektarar lands fóru
undir aurskriðu á svokallaðri Hlíð
við bæinn Mælivelli á Jökuldal í
vatnsveðrinu á dögunum.
Að sögn Jóns Hallgrímssonar,
bónda á Mælivöllum, er þetta ótrú-
lega stór skriða miðað við hvað
brattinn er lítill þar sem skriðan á
upptök sín. Skriðan fellur síðan fram
af gilbarmi Hneflu í ána og gengur
hátt á land upp í gilbarminn hinum
megin árinnar.
Ekki lítur út fyrir að kindur hafi
lent í skriðunni, að sögn Jóns, en
heiðagæsir og ungar hafa að öllum
líkindum orðið undir aurflaumi
skriðunnar, þar sem mikið gæsavarp
er á svæðinu sem skriðan féll á og
gæsin um það bil að leiða út unga
sína. Skriðan fer af stað á hjalla um
það bil 300 metrum ofan gilbarmsins
og fyrstu 150 metrana hreinsar hún
jarðveginn ofan á klöpp, flýtur síðan
upp og fer ofan á jarðveginum síð-
asta spölinn fram á gilbarminn þar
sem bratti er mjög lítill. Þar verður
stór hluti jarðvegsins úr skriðunni
eftir en restin fellur niður í gilið.
Morgunblaðið/Sigurður Aðalsteins
Sigurður Jónsson, bóndi á Mælivöllum í Jökuldal, lítur yfir skriðuna sem
féll á dögunum og flæmist yfir ótrúlega stórt svæði.
Allt að 10 hektarar
undir aurskriðu
Norður-Hérað
TJÖRNESHREPPUR hefur kosið
sér oddvita, Jón Heiðar Steinþórs-
son frá Ytri-Tungu, og er hann fjórði
oddvitinn frá 1938 þegar Úlfur Indr-
iðason frá Héðinshöfða var kosinn
oddviti en hann gegndi starfinu í 44
ár. Síðan tók Hermann Aðalsteins-
son frá Hóli við en hann lést eftir
fimm ár í starfi og þá tók við Kristján
Kárason frá Ketilsstöðum sem nú
lætur af störfum að eigin ósk eftir 15
ár í starfi.
Á Tjörnesi eru 69 íbúar og 21 býli
byggt. Einbúar eru fjórir, aðeins
húsbændur á bæ eru sjö en á 10 bæj-
um er fjölmennara.
Hreppurinn er vel stæður, skuld-
laus og er nú með í smíðum viðbygg-
ingu við félagsheimilið Sólvang og
vantar ekki fé til þeirra fram-
kvæmda. Í fyrra var kosið um að
endurreisa hinn forna Tjörneshrepp
sem náði yfir Tjörnes, Húsavík og
Reykjahverfi en það vildu Tjörnes-
ingar ekki.
Morgunblaðið/Silli
Tjörnesviti á Voladalstorfu en
þar er mikil lundabyggð og vin-
sæll skoðunarstaður.
Skuldlaus og
vill sjálfstæði
Húsavík
„ÞAÐ er ekki nema tvennt, annað hvort er landið
að lækka eða hafið að hækka, því þegar stór-
streymt er og hvassviðri gengur sjórinn hærra upp
á land hér en við höfum átt að venjast,“ sagði
Björn H. Pálsson, bóndi í Þorpum í Tungusveit.
Hann var ásamt tveimur barna sinna að hreinsa
hluta af fjörunni en land hans liggur fyrir opnum
Húnaflóa.
Þrátt fyrir áróður í því skyni að öllu sorpi sé
komið til sorpeyðingarstöðva virðast ekki allir
sinna því. „Svo virðist sem mjög margir séu kæru-
lausir og hendi nánast öllu sorpi í sjóinn svo ótrú-
legir hlutir finnast hér í fjörunni, svo sem eins og
venjulegt heimilissorp svo ekki sé talað um það
sem tengist útgerð eins og netadræsur og plast,“
sagði Björn.
Þess má geta að í Þorpum eru fjörur árlega
hreinsaðar eins og best verður gert hér um slóðir.
Morgunblaðið/Arnheiður Guðlaugsdóttir
Björn H. Pálsson og tvö barna hans, Hadda Borg og Guðjón Hraunberg, hreinsa fjörurnar.
Ótrúlegustu hluti
rekur á fjöru
Strandir
FINNSKI harmóníku-
leikarinn Tato Kont-
omaa spilaði á tónleikum
hjá Harmoníkufélagi
Þingeyinga í Félags-
heimilinu á Húsavík ný-
lega við góðar undirtekt-
ir áheyrenda enda
mættu harmóníkuunn-
endur í héraðinu vel.
Auk Tatos spilaði harm-
onikkuhljómsveit félags-
ins og Strákabandið spil-
aði einnig nokkur lög. Þá
spilaði Aðalsteinn Ís-
fjörð með Tato m.a.
frumsamið lag sitt sem
nefnist „Hopp og hí“ og
vann 1. verðlaun í laga-
keppni á Egilsstöðum nú
í vor.
Tato Kontomaa hefur
búið lengi á Íslandi og kom til
landsins á vegum Harmonikku-
félags Héraðsbúa árið 1993 og
kenndi á Egilsstöðum um árabil.
Hann býr nú í Hafnarfirði og spilar
á tónleikum víða um landið. Á þess-
um tónleikum á Húsavík spilaði
hann einkum lög eftir Frosini.
Tato Kontomaa á tón-
leikum í Þingeyjarsýslu
Morgunblaðið/Atli Vigfússon
Tato Kontomaa með harmóníkuna
í Félagsheimilinu á Húsavík.
Laxamýri