Morgunblaðið - 06.07.2002, Blaðsíða 12
HÖFUÐBORGARSVÆÐIÐ
12 LAUGARDAGUR 6. JÚLÍ 2002 MORGUNBLAÐIÐ
MÆÐRAGARÐURINN hlaut nafn
sitt af styttunni Móðurást, eftir
Nínu Sæmundsson myndhöggvara,
en styttan var sett upp í garðinum
á þriðja áratug síðustu aldar. Þetta
segir Pétur Pétursson þulur sem
hafnar þeirri söguskýringu að
garðurinn dragi nafn sitt af rólu-
velli sem þar var.
Í Morgunblaðinu á miðvikudag
var greint frá fyrirætlunum um
bílastæðakjallara undir Tjörninni
og þeirri tillögu að aðkeyrslu-
rampur að honum fari í gegnum
Mæðragarðinn en hann er við mót
Lækjargötu og Fríkirkjuvegar. Í
greininni var skýrt frá því að fram
hefði komið á fundinum að nafn
Mæðragarðsins væri þannig til
komið að mæður hefðu sótt í garð-
inn á róluvöll sem þar var en áður
hefðu róluvellir gjarnan verið
nefndir mæðragarðar.
Pétur Pétursson þulur segir
þetta af og frá. Nafnið á umrædd-
um garði sé til komið af því að þar
sé styttan Móðurást eftir Nínu Sæ-
mundsson myndhöggvara. „Eftir
að hún var sett þarna upp var
þetta kennt við Móðurást og svo
var farið að kalla þetta Mæðra-
garðinn,“ segir hann.
Um þetta má lesa í bókinni
Áfram Víkingur eftir Ágúst Inga
Jónsson en þar greinir Þorsteinn
Ólafsson, tannlæknir, svo frá: „Síð-
an æfðum við einnig út á Móðurást,
eins og við kölluðum túnið vestur
undir Miðbæjarskóla, þar sem sam-
nefnd myndastytta er.“
Þarna er Þorsteinn trúlega að
tala um knattspyrnuæfingar Vík-
inga árin um og eftir 1930.
Samkvæmt upplýsingum frá
Listasafni Reykjavíkur var það
Listvinafélagið sem gaf styttuna
og stóð fyrir því að hún var sett
upp í garðinum árið 1925. Í bókinni
Reykjavík – Sögustaður við Sund
eftir Pál Líndal er þess getið að
styttan sé í garðinum. Ekki kemur
fram hvort nafnið á garðinum sé
þannig til komið en tekið er fram
að áður hafi garðurinn gengið und-
ir nafninu Útnorðurvöllur.
Þá segir á öðrum stað í bókinni
að Mæðragarðurinn sé í landi Skál-
holtskots og þar hafi áður verið
vatnsból, nefnt Skálholtslind.
„Þótti þar heilnæmara vatn en í
flestum öðrum vatnsbólum í
Reykjavík,“ segir í bókinni.
Þess má geta að í bókinni Árbók
Reykjavíkurbæjar frá 1945 sem dr.
Björn Björnsson hagfræðingur reit
er að sögn Péturs talað um barna-
leikvelli og að einn slíkur hafi ver-
ið í umræddum garði sem Björn
nefnir Útnorðurvöll.
Mæðragarðurinn við Lækjargötu
Dregur
nafn
sitt af
Móðurást
Morgunblaðið/Jim Smart
Styttuna Móðurást gerði Nína
Sæmundsson árið 1924 og var
hún sett upp í Mæðragarðinum
ári síðar eða 1925.
Miðborg
KRAKKARNIR á leikskólanum
Víðivöllum fengu góða heimsókn
á þriðjudag þegar lögregluþjónar
komu við hjá þeim og yfirfóru
reiðskjóta þeirra.
Einu sinni í viku í sumar er
hjóladagur á Víðivöllum þar sem
lagðar eru brautir sem börnin
hjóla eftir á reiðhjólum, hlaupa-
hjólum, þríhjólum og jafnvel
hjólastólum ef svo bregður við.
Hins vegar kemur löggan bara
einu sinni yfir sumarið og því var
sérstaklega mikið um að vera
þennan dag.
Hjálmar og annar búnaður var
yfirfarinn af kostgæfni enda viss-
ara að vera með allt slíkt á
hreinu þegar brunað er um á
hjólhestunum fínu. Er ekki
ástæða til að ætla annað en að
þessir spræku krakkar hafi feng-
ið skoðun hjá löggunni að þessu
sinni.
Allir með skoðun
Hafnarfjörður
ÍBÚASAMTÖK Kjalarness hafa far-
ið fram á það við borgina að hún hlut-
ist til um að skýra eignarhald á landi í
fyrrum Kjalarneshreppi. Skrifstofu-
stjóri borgarverkfræðings telur það
ekki í verkahring Reykjavíkurborgar
að skera úr um ágreining þar um og
vísar kostnaði vegna rannsóknar á
landamörkum á landeigendur. Borg-
arráð hefur samþykkt umsögn skrif-
stofustjórans.
Í bréfi formanns íbúasamtakanna
segir að gera þurfi ljóst eignarhald á
fjalllendi, þjóð- og sýsluvegum og
uppfyllingu út í sjó. Að mati stjórnar
samtakanna sé „víða óljóst hvað hver
á og hvað hver má í þessu sambandi,“
eins og segir í bréfinu. „Það er því ein-
læg ósk stjórnar að brugðist verði
hratt við þessari beiðni svo ekki komi
til frekari átaka milli íbúa á svæðinu
um þessi mál.“
Að sögn Sigþórs Magnússonar, for-
manns íbúasamtakanna, hafa þessi
átök verið mikil á stundum. „Það virð-
ist ekki allt vera á hreinu og sem íbúa-
samtök þjónandi öllum íbúum óskuð-
um við eftir því að þessu yrði komið á
hreint svo menn þyrftu ekki að vera
að þrasa um þetta. Við tökum enga
aðra afstöðu í þessu máli en það.“
Hann segir að þessar deilur hafi
stundum orðið til leiðinda. „Okkur
þykir leiðinlegt þegar okkar fé-
lagsmenn þurfa að vera að þrasa sín á
milli vegna þess að eitthvað er óljóst
með landamerki. Þess vegna fannst
okkur sjálfsagt að borgin gengi í það
að ganga frá þessu.“
Hann segir málið einnig snerta
vegi á svæðinu og hvernig þeir séu
skilgreindir. „Segjum að það sé vegur
sem menn telja að allir eigi að geta
ekið um. Síðan á landeigandi land sitt
hvoru megin við veginn.“ Sigþór segir
að skilgreina þurfi þá nýtingu vegar-
ins og hvort hann teljist einkavegur
eða almenningsvegur. „Væri til dæm-
is eðlilegt að landeigandinn setti upp
rimlahlið sitt hvoru megin við sín
landamerki, svo ég taki einfalt
dæmi?“
Í umsögn borgarverkfræðings seg-
ir að Reykjavíkurborg sé ekki réttur
aðili til að skera úr um slíkan ágrein-
ing. „Rannsókn á landamörkum á
Kjalarnesi er mjög viðamikið verk og
dýrt sem ekki er eðlilegt að borgar-
sjóður beri kostnað af, frekar en af
könnun á lóðamörkum í borginni yf-
irleitt,“ segir í umsögninni. Hins veg-
ar gæti Verkfræðistofa umhverfis- og
tæknisviðs látið fara fram könnun á
lóða- og landamörkum að beiðni ein-
stakra landeigenda og á þeirra kostn-
að.
Aðspurður um það hvort slíkt
kæmi til greina segir Sigþór: „Það
virðist ekki vera að farið verði í það af
hálfu borgarinnar að koma þessum
málum á hreint.
Næstu skref hjá okkur í íbúasam-
tökunum er að birta þessi svör strax
eftir sumarfrí og láta íbúana vita af
því að þetta er farvegurinn sem þarf
að fara. Þá er ekkert um annað að
ræða fyrir fólk en að fara hann ef það
vill gera eitthvað frekar í málinu. En
samtökin sem slík taka ekki afstöðu í
einstökum málum.“
Deilt um
landamerki
Kjalarnes
NOKKUR óvissa virðist ríkja um
hægriréttinn í umferðinni í Garða-
bæ. Kemur fram í bréfi bæjarrit-
ara til bæjarráðs að af þessum
sökum sé nauðsynlegt að kanna
hvort æskilegt sé að hægriréttur
eigi að vera jafnalmennur og nú er
í Garðabæ.
Hægriréttur er sú umferðar-
regla kölluð sem kveður á um að
ökumaður bifreiðar eigi að víkja
fyrir annarri bifreið sem er honum
á hægri hönd á gatnamótum. Þessi
umferðarregla var til umfjöllunar
á fundi bæjarstjórnar um miðjan
júní þegar Páll Hilmarsson bæj-
arfulltrúi lagði til að óháðum aðila
yrði falið að gera úttekt á kostum
og göllum hægriréttar í Garðabæ.
Tillagan var samþykkt og á bæj-
arráðsfundi síðastliðinn þriðjudag
var tekin fyrir greinargerð bæj-
arritara um málið. Þar segir að
hægrirétturinn sé ríkjandi um-
ferðarréttur í Garðabæ en bið- og
stöðvunarskylda undantekningar.
Ábendingar hafi hins vegar borist
um að óvissa ríki um hægriréttinn
því margir geri sér ekki grein fyrir
því hve ríkjandi hann sé og allt of
oft virði ökumenn ekki hægrirétt-
inn.
„Nauðsynlegt er að kannað
verði hvort æskilegt sé að hægri-
réttur eigi að vera jafnalmennur
og nú er í Garðabæ. Einnig væri
fróðlegt að sjá samanburð á um-
fangi hægriréttar í Garðabæ við
önnur sveitarfélög,“ segir í grein-
argerðinni.
Á fundi bæjarráðs kom fram að
Vegagerðin ynni að skráningu á
umferðarslysum í Garðabæ og að
slík skráning kæmi að notum við
úttekt á kostum og göllum hægri-
réttarins. Var samþykkt að fela
bæjarverkfræðingi að gera tillögu
um nánari útfærslu á framkvæmd
slíkrar könnunar.
Óvissa um hægriréttinn?
Garðabær
ÁRLEG íþróttakeppni milli vinnu-
skóla Mosfellsbæjar og Garðabæjar
fór fram í blíðskaparveðri á Varm-
árvöllum við íþróttamiðstöðina í
Mosfellsbæ á miðvikudag. Keppt
var í fjölda íþrótta á borð við fót-
bolta, boðhlaupi, sundlaugarslag,
körfubolta og „fitness-tímaþraut“
sem stjórnað var af Andrési Guð-
mundssyni og Hjalta Úrsusi. Í há-
deginu var blásið til pitsuveislu þar
sem „betri helmingur“ Bæjarins
bestu hélt uppi fjörinu. Var ekki
annað að sjá en að veisluföngin hafi
runnið ljúflega niður kverkar
vinnusamra unglinganna.
Morgunblaðið/Golli
Orka innbyrð milli keppnisgreina
Mosfellsbær/Garðabær
BORGARRÁÐ hefur samþykkt að
úthluta Samtökum aldraðra bygg-
ingarétti við Dalbraut 14 fyrir 27
íbúðir í fjölbýlishúsum.
Í bréfi skrifstofustjóra borgar-
verkfræðings er athygli vakin á því
að Reykjavíkurborg áformi ekki að
að byggja eða reka þjónustukjarna í
húsinu eða á lóð þess.
Lóð úthlutað
fyrir fjölbýlis-
hús aldraðra
Laugarneshverfi