Morgunblaðið - 16.07.2002, Qupperneq 18

SUÐURNES
18 ÞRIÐJUDAGUR 16. JÚLÍ 2002 MORGUNBLAÐIÐ
TAYLOR’S
TÍVOLÍ
FUNLAND
Miðbakka Reykjavík
Opið daglega frá kl. 14-23.30
Í ár erum við með
nýjustu tækin í Evrópu.
Sérstök fjölskyldukort í boði
mánudaga til fimmtudaga
SPARIÐ 1.000 kr.
með hverju korti sem inniheldur
50 miða.
Munið! Lokadagur
TAYLOR´S TÍVOLÍ FUNLAND
er 22. júlí.
Sjáumst á Miðbakka!
ÚTLIT er fyrir það að víkingaskip-
ið Íslendingur komi til landsins í
haust og fái varanlega heimahöfn í
Njarðvík í Reykjanesbæ. Árni Sig-
fússon bæjarstjóri staðfesti í gær að
viðræður stæðu yfir við eiganda
skipsins og að þær væru á lokastigi.
Víkingaskipið Íslendingur hefur
verið í geymslu skammt frá New
York í Bandaríkjunum frá því
haustið 2000 er Gunnar Marel Egg-
ertsson, skipstjóri og eigandi Ís-
lendings, og áhöfn hans luku sigl-
ingunni frá Íslandi til Ameríku.
Ferðin var sem kunnugt er farin til
að minnast 1000 ára afmælis landa-
fundanna og var liður í hátíðarhöld-
um og landkynningu í tilefni þess.
Skipið hefur verið til sölu, hérlendis
og erlendis.
Fulltrúar Reykjanesbæjar hafa
að undanförnu átt í viðræðum við
Gunnar Marel um kaup á skipinu og
samkvæmt heimildum Morgun-
blaðsins mun vera farið að sjá fyrir
endann á þeim. Reykjanesbær mun
kaupa skipið með aðstoð frá fjöl-
mörgum aðilum, bæði fyrirtækjum
sem eiga kröfur í skipið og fyr-
irtækjum sem styrkja heimkomu
þess með beinum fjárframlögum.
Eftirlíking Gauksstaðaskipsins
Kaup skipsins eru liður í að efla
ferðaþjónustu í Reykjanesbæ, ætl-
unin er að það verði enn einn
áfangastaður ferðafólks á Reykja-
nesi og er áhugi á að fá Gunnar
Marel til að vinna að kynningu þess.
Uppi eru hugmyndir um að koma
skipinu fyrir til framtíðar í Njarð-
víkinni, utan við Fitjar, en þar er
unnið að endurbótum á umhverfinu.
Víkingaskipið Íslendingur var
smíðað á árunum 1994 til 1996 og
var Gunnar Marel sjálfur yfirsmið-
ur og reyndar mikið til eini smið-
urinn. Tilurð skipsins má þó óbeint
rekja allt til ársins 1882, en þá
grófu fornleifafræðingar í Noregi
hið fræga Gaukstaðaskip úr jörðu.
Íslendingur er einmitt smíðaður
með Gaukstaðaskipið sem fyrir-
mynd, eins og fram hefur komið í
samtali við Gunnar Marel hér í
blaðinu.
Eins og kunnugt er hafa víkinga-
skipin löngum verið flokkuð í tvo
flokka, knerri og langskip, þar sem
knörrinn var fremur hægfara
þungaflutningaskip en langskipið
liprara og hraðskreiðara og hent-
ugra til hernaðar. Gunnar sagði í
viðtalinu að Íslendingur myndi telj-
ast til langskipa, en þó telji margir
fræðimenn að fyrirmyndin, Gauk-
staðaskipið, hafi verið eins konar
tilraun til að sameina kosti beggja,
stöðugleika knarrarins og hraða og
lipurð langskipsins.
Reykjanesbær í viðræðum við eiganda víkingaskipsins
Íslendingur fær
heimahöfn í Njarðvík
Morgunblaðið/Brynjar Gauti
Víkingaskipið Íslendingur siglir frá Reykjavík, í áleiðis til Ameríku.
Reykjanesbær
VERIÐ er að undirbúa byggingu
tómstundasvæðis til æfinga og
keppni á fjarstýrðum smábílum, bát-
um og flugvélum. Tómstundasvæðið
verður á landi go-kart-brautarinnar í
Njarðvík.
Gerð hafa verið drög að samningi
milli Reykjanesbæjar annars vegar
og Tómstundabandalags Reykjanes-
bæjar fyrir hönd Smábílaklúbbs Ís-
lands, Flugmódelklúbbs Suðurnesja
og eiganda go-kart-brautarinnar
hins vegar um uppbyggingu og
rekstur svæðisins. Samningsdrögin
hafa verið lögð fyrir tómstunda- og
íþróttaráð Reykjanesbæjar sem
samþykkti þau fyrir sína hönd.
Gunnar Oddsson, formaður ráðsins,
segir að með þessari viðbót verði
svæðið mun fjölbreyttara. Þá sé rætt
um að koma þar upp leiktækjum fyr-
ir börn og annarri aðstöðu svo fjöl-
skyldan geti komið saman og flestir
fundið eitthvað við sitt hæfi.
Stefán Guðmundsson, eigandi go-
kart-brautarinnar, segir að nóg
pláss sé við brautina til að koma upp
aðstöðu fyrir smábíla og fleira og nú
þegar þjónustuhúsið sé risið sé kom-
in góð aðstaða fyrir gesti og þá sem
vilja stunda þessi áhugamál. Segist
Stefán helst hafa viljað koma upp
einhverri aðstöðu strax í sumar en
fleiri komi að málinu það taki tíma að
koma því í kring.
Tvær akstursbrautir
Fyrirhugað er að setja upp tvær
brautir fyrir fjarstýrða smábíla.
Önnur er malbikuð fyrir svokallaða
götubíla og hin með mold fyrir
torfærujeppa. Yrðu þetta einu var-
anlegu smábílabrautirnar hér á
landi. Í framhaldinu er stefnt að því
að gera tjörn fyrir fjarstýrða báta og
jafnvel flugbraut fyrir flugmódel en
það mál þarfnast nánari athugunar
vegna krafna sem gerðar eru til
slíkra brauta.
Andri Örn Víðisson, einn af stofn-
endum og stjórnarmaður í Smábíla-
klúbbi Íslands, segir að lengi hafi
verið til umræðu um að koma upp
þessu svæði og það hafi komist í
ákveðinn farveg með stofnun Tóm-
stundabandalags Reykjanesbæjar
síðastliðinn vetur. Hann kveðst
ánægður með að áhugamenn um
fjarstýrða bíla fái loksins fasta að-
stöðu.
Unnið að gerð frekara tómstunda-
svæðis við go-kart-brautina
Aðstaða fyrir
fjarstýrða bíla,
báta og flugvélar
Njarðvík
STOLIÐ var 35 gullhringum úr Úra-
og skartgripaverslun Georg V.
Hannah við Hafnargötu í Keflavík
fyrir helgina og er verðmæti þeirra
áætlað hátt í 600 þúsund krónur.
Leitað er tveggja manna sem eru
grunaðir um að tengjast málinu.
Georg segir að mikið hafi verið að
gera í búðinni um miðjan dag á föstu-
dag og þegar starfsfólkið var að
ganga frá eftir törnina hafi komið í
ljós að einn bakka með gullhringum
vantaði í borðið. Hann segist ekki
vita hvernig hringarnir hafi horfið en
eftir á hafi hann áttað sig á grun-
samlegu háttalagi tveggja útlend-
inga sem komu í verslunina á þess-
um tíma og talið að þeir kynnu að
eiga hlut að máli. Þeir hafi verið
lengi að skoða, m.a. undarlegustu
hluti. Telur Georg hugsanlegt að
þeir hafi verið að bíða eftir rétta
tækifærinu til að taka hringana.
Mennirnir eru dökkir yfirlitum.
Annar er talinn um það bil 190 senti-
metra hár, með axlasítt hár og
skegg, en hinn um það bil 170 sm á
hæð, grannur með stuttklippt hár og
gleraugu með þykkri umgjörð. Lög-
reglan í Keflavík biður þá sem hugs-
anlega geta gefið upplýsingar um
mennina að hafa samband við rann-
sóknardeild lögreglunnar.
Bakki með
35 gull-
hringum
hvarf
Keflavík
AÐALSTJÓRN Keflavíkur, íþrótta-
og ungmennafélags, hefur í sam-
vinnu við Sparisjóðinn í Keflavík og
Umferðarráð látið hanna reið-
hjólahjálma sem eru merktir félag-
inu. Keflavíkurhjálmarnir verða
seldir í félagsheimilinu á Hring-
braut 108 í Keflavík.
Sparisjóðurinn í Keflavík greiðir
kostnað við hjálmana og í gær af-
henti Geirmundur Kristinsson,
sparisjóðsstjóri, Einari Haralds-
syni, formanni Keflavíkur, 100
hjálma og mátuðu báðir hjálma við
það tækifæri. Einar þakkaði spari-
sjóðnum fyrir að stuðla með þessum
hætti að auknu öryggi barna í um-
ferðinni.
Keflavík og sparisjóðurinn senda
af þessu tilefni frá sér ábendingar
til barna og ekki síður foreldra um
meðferð og öryggi hjólahjálma.
Þar kemur fram að vægur heila-
hristingur geti haft veruleg áhrif á
líðan og námsárangur barna.
Fá 100 reið-
hjólahjálma
að gjöf
Ljósmynd/Hilmar Bragi Bárðarson
Keflavík