Morgunblaðið - 19.07.2002, Side 46

ÞAÐ VERÐUR án efa glatt á
hjalla á Þórshöfn um helgina
en þá verður í annað sinn
blásið til Kátra daga þar í bæ.
Að sögn Sigfúsar Ólafssonar
ferðamálafulltrúa er á hátíð-
inni fyrst og fremst reynt að
höfða til fjölskyldufólks þó að
sjálfsögðu séu allir velkomnir.
„Þetta er fjölskyldu- og
menningarhátíð í senn. Til-
gangurinn með henni er auð-
vitað sá að hér safnist saman
fólk, sýni sig og sjái aðra og
eigi saman ánægjulega stund.“
Aðspurður hvort einhver
sérstök ástæða sé fyrir því að
þessi tiltekna helgi hafi orðið
fyrir valinu segir hann tilfinn-
ingu heimamanna fyrir góðu
veðri hafa ráðið þar mestu
um: „Við hugsum þetta ekki
sem verslunarmannahelg-
arhátíð og ákváðum að halda
þetta í júlí vegna þess að við
erum að veðja á góða veðrið.
Það stefnir allt í það að besta
veðrið á öllu landinu verði
hérna hjá okkur um helgina,“
sagði Sigfús. Dagskráin um
helgina er mjög fjölbreytileg
og ættu því allir að geta fund-
ið eitthvað við sitt hæfi til að
hafa ofan af fyrir sjálfum sér
og öðrum.
Meðal þess sem boðið verð-
ur upp á er kassabílarall, ung-
lingadansleikir, dorg-
veiðikeppni, útimarkaður,
fótboltamót, gönguferðir og
messur svo fátt eitt sé nefnt.
Auk þess mun Hreimur Örn
Heimisson, söngvari Lands og
sona, stjórna hreystikeppni og
taka lagið.
Sigfús segir svo óvænta
uppákomu hafa nýverið bæst
við dagskrána: „Á laugardag-
inn kemur seglskútan Mb.
Haukur frá Húsavík í op-
inbera heimsókn hingað til
Þórshafnar. Það verður boðið
upp á siglingar með skútunni
á laugardeginum og við hvetj-
um bara alla sem eiga leið um
Norðausturlandið til að koma
hérna við og skella sér í sigl-
ingu.“
Allir velkomnir
Morgunblaðið/Arnaldur
Hreimur Örn Heimisson fer fyrir
hreystimennum á Kátum dögum.
Kátir dagar á Þórshöfn 19. til 21. júlí
FÓLK Í FRÉTTUM
46 FÖSTUDAGUR 19. JÚLÍ 2002 MORGUNBLAÐIÐ
N jun
g!
Í TÉKKLANDI eru menn í hálf-
gerðu gleðisjokki þar sem í fyrsta
skiptið í sjö ár vinnur tékknesk
mynd – Ár djöfulsins (Rok dábla)
eftir Petr Zelenka – til einhverra
verðlauna á hátíðinni þeirra í Karl-
ovy Vary. En þó dómnefndin sé valin
af Tékkum þá er nánast enginn
Tékki í henni, heldur er dómnefndin
skipuð alþjóðlegum atvinnumönnum
líkt og á öllum A-kvikmyndahátíð-
um, sbr. Cannes og Berlín.
Tékkar unnu ekki aðeins verð-
launin fyrir bestu mynd hátíðarinnar
heldur einnig verðlaunin um bestu
heimildarmyndina – Þorp B (Obec
B) eftir Filip Remunda.
En fyrir íslensk hjörtu hlýtur það
að hafa verið sérlega gleðilegt að sjá
að ein þeirra mynda sem veittu vinn-
ingsmyndinni harða samkeppni var
Mávahlátur í leikstjórn Ágústs Guð-
mundssonar. Myndin var enda sú
næst mest sótta af öllum þeim er
sýndar voru opinberlega á hátíðinni,
á eftir tékknesku sigurmyndinni.
Þó myndin fengi ekki verðlaun
sem slík var það mikil sárabót að
Ugla Egilsdóttir fékk verðlaun sem
besta leikkonan.
Umfjöllun tékkneskra blaða-
manna um myndina er ekki af verri
endanum. Í Lidove Noviny, sem er
mest selda dagblað Tékklands, segir
blaðamaður að myndin sé ekki að-
eins stórvel leikin „og þá á ég [blaða-
maðurinn] aðallega við kvenleikar-
ana sem eru hreint út sagt
framúrskarandi,“ heldur einkenni
myndina alla svartur húmor af bestu
gerð.
Í dagblaðinu Pravo bendir blaða-
maður á að oft sé verðlaunum fyrir
leikframmistöðu beint til mynda sem
sóttu hvað harðast að verðlauna-
myndinni og í næstu setningu talar
hann um hversu Mávahlátur hafi
komið á óvart á hátíðinni með
óvenjulegum en jákvæðum tón í
kvikmyndatöku og góðum leik.
Þó Tékkar hlæi af gleði þessa dag-
ana munu mávarnir í framleiðslu-
deild Mávahláturs án nokkurs vafa
einnig hlæja af gleði þar sem verð-
laun á svona A-hátíð skipta miklu
þegar sækja á inn á Evrópumarkað
með myndina. Vafalaust hafa þeir
gert rétt í því að halda alþjóðlega
frumsýningu á myndinni hér í Karl-
ovy Vary.
Leikkonur Mávahláturs fá mikið lof: Margrét Vilhjálmsdóttir, Ugla Eg-
ilsdóttir og Edda Björg Eyjólfsdóttir.
Kvenleik-
ararnir
framúr-
skarandi
Umsagnir tékkneskra dagblaða um Mávahlátur
Karlovy Vary. Morgunblaðið.
About a Boy
Hugh Grant fer fyrir einstökum leikhóp og
myndin er undur vel gerð og skrifuð. Frábær
skemmtun. (S.V.) Háskólabíó, Sambíóin.
Amores Perros
Fersk og sterk örlagasaga frá mexíkóska leik-
stjóranum Alejandro González Inárritu. (H.J.)

Sambíóin, Háskólabíó.
Jimmy Neutron
Virkilega vel til fundin og flott teiknimynd,
skemmtun fyrir alla í fjölskyldunni.
(H.L.)
Sambíóin, Háskólabíó.
Skrímsli HF
Raddsett tölvuteiknuð barna- og fjölskyldu-
mynd um skrímslin í skápnum sem reynast
jafnvel hræddari við börn en börn við þau.
(S.V.)
Sambíóin.
Árás klónanna
Næstsíðasti kafli Stjörnustríðsins er skref í
rétta átt, hreinræktað ævintýri og þrjúbíó þó
nokkuð vanti upp á seið fyrstu myndanna.
(S.V.)
Regnboginn.
Murder By Numbers
Í anda Rope eftir Hitchcock og vinnubrögð
Barbets Schroeser eru öll hin fagmannlegustu.
Morðsagan sjálf er hins vegar full fyrirsjáanleg.
Ungu leikararnir standa sig best. (S.V.)

½
Sambíóin Reykjavík og Akureyri.
Panic Room
Vel gerður og lengst af spennandi tryllir um
mæðgur í höggi við innbrotsþjófa. (S.V.)

Smárabíó, Regnboginn.
Kóngulóarmaðurinn
Ný og flott mynd um Kóngulóarmanninn í
gamaldags hasarblaðastíl, í bland við strauml-
ínulagað tölvugrafíkútlit. (H.J.)
Regnboginn.
Bad Company
Hopkins og Rock eru furðulegt par sem venst
vel í annars stundum fyndinni en alltof langri
og ófrumlegri spennumynd. (H.L.) Sambíóin, Háskólabíó.
Pétur Pan 2:
Aftur til Hvergilands
Pétur Pan berst enn við Kaftein Krók og nú
með hjálp Jónu dóttur hennar Vöndu. Ósköp
sæt mynd en heldur tíðindalítil og ófrumleg.
(H.J.) Sambíóin, Háskólabíó.
Van Wilder Party Liaison
Einhver alversta mynd sem rekið hefur á fjörur
íslenskra kvikmyndahúsagesta í langan tíma.
(H.J.) 0 Regnboginn.
BÍÓIN Í BORGINNI
Sæbjörn Valdimarsson/Hildur Loftsdóttir/Heiða Jóhannsdóttir




Meistaraverk


Ómissandi

Miðjumoð
Tímasóun 0 Botninn
Skrímsli hf., prýðis fjölskyldumynd,
að mati Sæbjörns Valdimarssonar.