Morgunblaðið - 18.09.2002, Blaðsíða 21

LISTIR
MORGUNBLAÐIÐ MIÐVIKUDAGUR 18. SEPTEMBER 2002 21
ÞAÐ er óþarfi að fjalla um flest
það sem stjórn STEFs setur fram
í yfirlýsingu sinni og tekur í raun
mjög lítið á aðalatriði
þessa máls, nefnilega
úrsögninni úr STEFi,
Tónskáldafélaginu og
Tónverkamiðstöðinni.
Baráttan um Vísur
Vatnsenda-Rósu
Það er sama sagan
sem fyrr, að í um-
ræðum er öllu hrært
saman, hvort sem það
varðar málið beint og
óbeint, ýmsu hagrætt,
en því sleppt sem
skiptir máli. Í svari
stjórnar STEFs er að-
allega fjallað um lagið
Vísur Vatnsenda-Rósu
og sé ég ekki betur á
þessari skýrslu en að stjórn
STEFs sé á lævísan hátt að reyna
að gera lítið úr mínum hlut, sem er
sérkennileg aðferð við að vernda
höfundarrétt minn. Það er jafnvel
hægt að lesa úr yfirlýsingu stjórn-
ar STEFs, að markmiðið sé að
hafa af mér höfundarréttinn á Vís-
um Vatnsenda-Rósu, afhenda hann
öðrum og kalla til þess verks inn-
lenda og erlenda tónfræðinga.
Segja má að þarna hafi STEF tek-
ið upp nýja stefnu varðandi höf-
undarrétt.
Úrsögnin úr STEFi,
Tónskáldafélaginu og
Tónverkamiðstöðinni
Það sem ég legg áherslu á er
hvers vegna ég sagði mig úr
STEFi, Tónskáldafélaginu og Tón-
verkamiðstöðinni, en um það atriði
er lítið fjallað í þessari greinar-
gerð. Ástæðan fyrir því að ég tók
málið í mínar hendur er sú, að í
nærri tvö ár gerði STEF ekkert til
að leysa umrætt mál. Ég hef undir
höndum bréf, frá 25. júlí 2000, til
hins enska lögfræðings míns, frá
þeim erlenda lögfræðingi er fyrst
varð til andsvara, þar sem vísað er
til bréfs frá 9. september 1998,
sem mér var sent og getið er um í
greinarstúfi mínum dagsettum 12.
sept. og birtist í Morgunblaðinu
hinn 14. sept.
Þessu bréfi, frá 9. sept., kom ég
til STEfs, eða eins og stendur í
bréfinu frá 25. júlí; „með þeirri ósk
að taka þetta mál til meðferðar,
sem ljóst er að STEF gerði ekki“.
Seinna í þessu sama bréfi, frá
25. júlí, stendur, og þar er einnig
vitnað til bréfsins frá 9. sept. 1998:
„Í seinna bréfinu (frá 9. sept.,
innsk. JÁ), sem NN sendi til skjól-
stæðings þíns, er óskað eftir upp-
lýsingum um útgefendur eða þá
sem um málið eiga að fjalla. Ekk-
ert frekara heyrðist frá skjólstæð-
ingi þínum og ég sé enga þörf fyrir
hann, að óska eftir hjálp þinni, í
ljósi þess, að sáttaumleitanir voru
þegar hafnar 1998, og í ljósi þeirr-
ar staðreyndar, að STEF, ekki
minn skjólstæðingur, á sök á þeirri
töf og stöðu, sem málið er nú í.“
Það bíður síns tíma að birta
þessi bréfaskipti í heild en það er
staðreynd, að STEF hafði ekki
hreyft þessu máli við þá aðila, sem
hér áttu hlut að og höfðu, tveimur
árum áður en ég fór af stað, sagt
sig fúsa til samninga.
Höfundarréttar-
deilan
Hafi ég gefið ónafngreindum að-
ila munnlegt leyfi til að syngja til-
greint lag, sem stjórn STEFs not-
ar sér til afsökunar, felur það ekki
í sér leyfi til að nota það í kvik-
mynd og, það sem meira er, að til-
greina ekki á svonefndu „Music
Cue Sheet“, sem nú hefur form-
lega verið breytt og er hluti af
samkomulaginu sem undirritað var
28. ágúst 2001. Slíkt fylgiskjal
fylgir hverri kvik-
mynd, hver sé höf-
undur og/eða útsetj-
ari lags. Þessu var
breytt til bráða-
birgða, er ég benti
skrifstofustjóra
STEFs á fyrirtækið,
sem sá um dreif-
inguna, en þá hafði
myndinni verið dreift
til 27 landa, sam-
kvæmt skýrslu frá
þessu sama dreifing-
arfyrirtæki, dagsettri
3. október 2000. Auk
þessa var tiltekið lag
framselt þriðja aðila,
og einnig gefið út á
hljómdiskum, án þess
að getið væri minnar eignar í lag-
inu, hvorki sem höfundar eða í það
minnsta útsetjara, þótt mín út-
færsla væri notuð nótu fyrir nótu.
Þarna er bæði um að ræða brot á
heiðursrétti mínum og tilraun til
að komast hjá því að greiða svo-
nefnd STEF-gjöld, samkvæmt lög-
um um höfundarrétt og afnot hug-
verka.
Sem sagt: Afskiptaleysi STEFs
er ástæðan fyrir því að ég tók mál-
ið í mínar hendur og lausn þess
kenndi mér, að ég stóð einn, og
það ætla ég að gera framvegis.
Annað var það ekki.
Til þess „at hafa þat heldr, er
sannara reynist“ legg ég til að
þessum atriðum verði bætt inn í
greinargerð STEFs, sem birt var í
Morgunblaðinu 17. september
2002, svona til sögulegrar geymd-
ar og til styrktar við þá sannleiks-
elskandi, strangheiðarlegu og dug-
andi réttargæslumenn, er sitja í
stjórn STEFs.
Reykjavík
18. september 2002,
Jón Ásgeirsson.
Svar til
stjórnar STEFs
Vegna yfirlýsingar í Morgunblaðinu
þriðjudaginn 17. september 2002
Jón
Ásgeirsson
HAUSTHÁTÍÐ verður í Borg-
arleikhúsinu á frá sunnudegi til
föstudags þar sem nútímadans og
dansleikhús er í brennidepli.
Til hátíðarinnar hefur verið boð-
ið tveimur fremstu dansflokkum
heims, öðrum frá Bandaríkjunum
og hinum frá Þýskalandi. Hátíðinni
lýkur með sýningu og fyrirlestri
um vídeódans föstudaginn 27. sept-
ember.
Frá Þýskalandi kemur Dans-
flokkur Henriette Horn frá Folk-
wang Tanzstudio í Essen og verður
sýningin á sunnudagskvöld kl.
20.30.
Henriette Horn er danshöfundur
og dansari sem ásamt Pinu Bausch
er listrænn stjórnandi Folkwang
Tanzstudio í Essen. Verk Henriettu
Horn eru þungamiðja þeirrar vinnu
sem fram fer hjá dansflokknum og
er hún almennt talin arftaki Pinu
Bausch við að þróa áfram nútíma-
dansleikhús í Þýskalandi. Verkin
sem hér verða flutt eru Auftaucher
(Sá sem birtist) og Solo sem Henr-
iette Horn dansar ein, m.a. við tón-
list Arvos Pärts. Í hópnum eru ell-
efu dansarar og kemur hann
hingað með stuðningi Goethe
Zentrum í Reykjavík, þýska sendi-
ráðsins á Íslandi og sambandslands-
ins Nordrhein-Westfalen.
Frá Bandaríkjunum kemur hinn
heimsþekkti dansflokkur Merce
Cunningham og mun dansa hér að
viðstöddum meistaranum sjálfum
þriðjudagskvöld 24. september kl.
20. Merce Cunningham er óum-
deildur áhrifavaldur í heimi nú-
tímadanslistar, en hann hóf feril
sinn sem dansari fyrir rúmum 50
árum. Enginn einn maður er sagð-
ur hafa haft jafn afgerandi áhrif á
þróun listgreinarinnar og hann.
John Cage var einn af stofnendum
dansflokksins og fyrsti tónlistar-
stjóri hans og áttu þeir Merce
Cunningham náið samstarf.
Hér mun hópurinn, 16 dansarar,
sýna verkin RainForest og Biped.
Tónlistin við RainForest er eftir
David Tudor, en leikmyndin er eftir
Andy Warhol. Það eru Shelley
Eshkar og Paul Kaiser sem eru höf-
undar leikmyndar Biped, en Gavin
Bryars semur tónlistina. Gavin
Bryars hefur nú þegið boð um að
koma til Íslands og leika sjálfur
undir Biped.
Hausthátíðinni lýkur svo á föstu-
dagskvöldið með sýningu og fyr-
irlestri Birgit Hauska um vídeó-
dans á Litla sviðinu. Videódans er
þekkt fyrirbæri úti í hinum stóra
nútímalega heimi. Dansverkið er
samið sérstaklega og eingöngu fyr-
ir upptöku á myndband. Hin hreyf-
anlega upptökuvél getur séð dans-
inn frá öllum sjónarhornum og úr
hvaða fjarlægð sem er og tekið
þannig þátt í dansinum. Birgit
Hauska kemur hingað fyrir til-
stuðlan Goethe Zentrum í Reykja-
vík.
Listdans í brennidepli á Hausthátíð í Borgarleikhúsinu
Tvö dansleikhús á heimsmælikvarða
Úr sýningu Merce Cunningham-
dansflokksins, RainForest.
ÍSMEDÍA, í samvinnu við Draumasmiðjuna, frumsýnir Ævintýrið
um Benedikt búálf og vinkonu hans, Dídí mannabarn, í Loftkast-
alanum sunnudaginn 6. október næstkomandi. Leikritið er unnið
upp úr fyrstu bókinni af þremur um búálfinn Benedikt, eftir Ólaf
Gunnar Guðlaugsson, en fjórða bókin kemur út hjá Máli og menn-
ingu í haust.
Verkið hefst á því að Dídí mannabarn rekur augun í Benedikt,
þar sem hann stendur nakinn, en með handklæði um sig miðjan, í
einu horninu á herbergi hennar – en búálfar eru aðeins sýnilegir
mannabörnum þegar þeir eru blautir. Benedikt er nýkominn úr
baði. Örlög búálfa eru með þeim ósköpum að þegar þeir lenda í
þeim hremmingum að verða mannabörnum sýnilegir, þá ráða
mannabörnin hvað verður um þá.
Leikarar í sýningunni eru: Björgvin Franz Gíslason, Selma
Björnsdóttir, Jóhann Sigurðarson, Hinrik Ólafsson, Sveinn Þórir
Geirsson, Lára Sveinsdóttir og Tinna Hrafnsdóttir. Höfundur leik-
gerðarinnar er Ólafur Gunnar Guðlaugsson. Tónlistina semur Þor-
valdur Bjarni Þorvaldsson við texta Andreu Gylfadóttur. María
Ólafsdóttir hannar leikmynd og búninga, Ásta Hafþórsdóttir sér
um gervi og förðun, aðstoðarleikstjóri er Selma Björnsdóttir, sem
einnig er dansahöfundur. Leikstjóri er Gunnar Gunnsteinsson.
Benedikt búálfur
í Loftkastalanum
Morgunblaðið/Golli
Nokkrir leikaranna, sem taka þátt í sýn-
ingunni Benedikt búálfi, ásamt leikstjóra.
barnafatnaður
fyrir stelpur og
stráka
(2-14 ára)
Fæst nú einnig í
á Laugavegi
Nýju haustvörurnar
komnar.......
bolir - peysur -
pils - buxur -
treflar - húfur -
sokkar