Morgunblaðið - 18.09.2002, Qupperneq 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 18. SEPTEMBER 2002 VERÐ Í LAUSASÖLU 190 KR. MEÐ VSK.
Þú hringir
ÞESSAR ungu stúlkur voru uppá-
tækjasamar á skólalóðinni í frímín-
útum. Það er ekki galin hugmynd
að nota handriðið til þess að fá sér
snúning eða tvo. Þá má líka nota
sippubandið til að krækja í vinkonu
sína, einkum og sér í lagi þegar hún
er annars hugar eða upptekin við
eitthvað annað.
Morgunblaðið/Golli
Uppátæki á
skólalóðinni
VERULEGA dró úr skjálftavirkni
norður af Grímsey eftir klukkan 19 í
gærkvöldi. Talið er líklegast að á
næstu dögum dragi áfram úr skjálfta-
hrinunni sem hófst með skjálfta upp á
5,5 stig á Richter í fyrrakvöld.
Sá skjálfti átti upptök sín um 100
km norður af mynni Eyjafjarðar.
Vel á annað hundrað eftirskjálftar,
stærri en 2 stig á Richter, hafa mælst
síðan sá stærsti reið yfir. Öflugustu
eftirskjálftarnir voru um 4,5 á Richter
og fundust þeir báðir í Grímsey, sá
fyrri um eittleytið í fyrrinótt en sá
seinni um hádegisbil í gær. Engar
skemmdir hafa orðið í skjálftunum þó
að smáhlutir hafi fallið úr hillum í
Grímsey.
Viðvarandi skjálftavirkni
„Það verður viðvarandi skjálfta-
virkni þarna næstu dagana, það er al-
veg öruggt,“ sagði Gunnar B. Guð-
mundsson, jarðeðlisfræðingur á
Veðurstofu Íslands, í samtali við
Morgunblaðið. „Það eru samt mestar
líkur á að þetta sé að fjara út í bili að
minnsta kosti.“ Ómögulegt væri að
segja til um hvað mundi gerast á
svæðinu á næstunni en það mundi
ráðast á næstu dögum og mánuðum.
Aðspurður sagði hann að ekkert benti
til að skjálftarnir væru undanfarar
neðansjávargoss eða frekari um-
brota. Skjálftarnir væru á svæði sem
væri hluti af svokölluðu Tjörnes-
brotabelti, á milli Grímseyjar og Kol-
beinseyjar. Gunnar sagði að þekkt
háhitasvæði væru í nágrenninu. Lítið
væri vitað um hafsbotninn á skjálfta-
svæðinu, annað en að þar hefðu ein-
hvern tíma verið eldsumbrot.
Verulega
hefur
dregið úr
skjálfta-
virkni
ÚTLIT er fyrir að samkeppni á kjöt-
markaði verði hörð í haust. Offram-
boð hefur verið á svínakjöti og fram-
leiðsla á kjúklingum, sem hefur verið
í lægð undanfarið, er að aukast mikið.
Sauðfjárbændur telja að þetta valdi
því að þeir verði í erfiðleikum með að
verja stöðu sína á markaðnum.
Neysla á svínakjöti og kjúklingum
hefur aukist ár frá ári. Nautakjötið
hefur að mestu haldið stöðu sinni en
sala á lambakjöti hefur á hinn bóginn
dregist saman. Síðustu 12 mánuði
hefur salan minnkað um 3,2%. Frá
maí til júlí seldist 1.541 tonn af svína-
kjöti en 1.767 tonn af lambakjöti.
Guðmundur Lárusson, formaður
Kjötframleiðanda ehf., segir ljóst að
ef fram haldi sem horfi verði ekki
langt þangað til svínakjötsneysla á
Íslandi verði orðin meiri en neysla á
lambakjöti. Framleiðsla á svínakjöti
hefur aukist mikið og er nú svo komið
að framleiðslan er meiri en salan. Í
sumar lækkaði verð á svínakjöti mik-
ið og til að bregðast við því ákváðu
svínabændur að selja talsvert magn
til Færeyja og Rússlands fyrir lágt
verð. Þó að jafnvægi komist á svína-
kjötsmarkaðinn má áfram búast við
harðri samkeppni milli svínakjöts og
lambakjöts.
Framleiðsla á
kjúklingakjöti eykst á ný
Nú eru einnig horfur á að lamba-
kjötið, og aðrar kjöttegundir verði
fyrir enn harðari samkeppni frá kjúk-
lingum því útlit er fyrir að mun meira
verði af þeim á markaðnum á næstu
vikum og mánuðum en verið hefur.
Snemma á árinu kom upp svokölluð
Newcastle-veiki í kjúklingum í Sví-
þjóð sem varð til þess að kjúklinga-
framleiðendum á Íslandi var bannað
að flytja inn egg til að endurnýja
varpstofna sína. Þetta varð ásamt
öðru til þess að framleiðsla dróst
saman. Eftirspurnin, sem hefur auk-
ist jafnvel enn hraðar en eftir svína-
kjöti, var hins vegar sú sama og áður
og því varð skortur á kjúklingum í
sumar. Nú hefur banninu verið aflétt
og má búast við að nægt framboð
verði af kjúklingum næstu vikur og
mánuði. Um leið er búist við fram-
leiðsluaukningu á lambakjöti og telur
Özur Lárusson, framkvæmdastjóri
Landssamtaka sauðfjárbænda að
ekki sé annað að gera en að herða
verulega sölustarfsemina.
Stefnir í mikið fram-
boð á kjöti í haust

Framboð/11
ÁKVEÐIÐ hefur verið í samráði við
Atlantshafsbandalagið að íslenskir
flugumferðarstjórar fari til Pristina
til að taka við flugumferðarstjórn í
Kosovo. Halldór Ásgrímsson utan-
ríkisráðherra átti á dögunum fund
með Elísabetu Jones, aðstoðarutan-
ríkisráðherra Bandaríkjanna, þar
sem málið bar á góma en Íslendingar
hafa fengið beiðni um að taka við yf-
irstjórn flugvallarins. Er nú leitað
leiða til að verða við þeirri beiðni, að
sögn Halldórs.
Að sögn Þorgeirs Pálssonar flug-
málastjóra hafa áður komið fram
hugmyndir um að íslenskir flugum-
ferðarstjórar og fluggagnafræðingar
fari þangað til að sinna flugumferð-
arstjórn. Málið kom upp að nýju í
síðustu viku og er rætt um að allt að
sex manns, flugumferðarstjórar
ásamt fluggagnafræðingum, fari til
starfa í Pristina, að öllum líkindum í
næsta mánuði. Þeir sem þátt taka í
verkefninu starfa bæði í Reykjavík
og á Keflavíkurflugvelli.
„Það hefur verið óskað eftir þess-
ari aðstoð nú alveg á næstunni og ut-
anríkisráðuneytið hefur farið þess á
leit við samgönguráðuneyti og Flug-
málastjórn að kannaðir verði mögu-
leikar á að senda flugumferðarstjóra
þangað,“ segir Þorgeir.
Stendur yfir í sex mánuði
Að sögn Þorgeirs er Hallgrímur
Sigurðsson, varaframkvæmdastjóri
flugumferðarsviðs hjá Flugmála-
stjórn, farinn til Pristina til að kanna
þar aðstæður en hann er kunnugur á
þessum slóðum og átti meðal annars
þátt í undirbúningi á vegum NATO
að því að flugumferð hófst um
Pristina-flugvöll að nýju fyrir um
tveimur árum.
Að sögn Þorgeirs mun það skýrast
nánar á næstunni hvernig verkefn-
inu verður háttað en rætt hefur verið
um að það standi yfir í sex mánuði og
að íslenskir flugumferðarstjórar og
fluggagnafræðingar starfi þar í þrjá
til sex mánuði.
Flugumferðarstjórar til Pristina
Taka við flug-
umferðarstjórn
í Kosovo

Öllu sem/4
MÁLEFNI Áslandsskóla verða rædd
á aukafundi bæjarstjórnar Hafnar-
fjarðar í dag þar sem á dagskrá er til-
laga fræðsluráðs um riftun samnings
Íslensku menntasamtakanna og bæj-
arins um rekstur skólans.
Tillagan komst ekki á dagskrá bæj-
arstjórnarfundar í gær sökum þess að
minnihluti D-lista lagðist gegn því að
hún yrði tekin til umræðu og af-
greiðslu. Ákveðið var að boða til auka-
fundar kl. 17:30 í dag þar sem tillagan
verður tekin fyrir. Í bókun bæjarfull-
trúa Sjálfstæðisflokks á fundinum í
gær segir meðal annars: „Fulltrúar
Sjálfstæðisflokks mótmæla harðlega
því gerræði sem felst í samþykki til-
lögu um fyrirvaralausa riftun samn-
ings við Íslensku menntasamtökin og
er þá sérstaklega haft í huga að rift-
unin á sér ekki nokkra stoð í samningi
aðila eða almennum réttarreglum.
Verður að telja að slík vinnubrögð séu
algjörlega óforsvaranleg,“ segir þar.
Í bókun sjálfstæðismanna segir
enn fremur að það verði að teljast af-
ar ólíklegt að dómstólar muni heimila
bæjarstjórn að ryðja húsnæði skólans
á grundvelli aðfaralaga. Er fram-
ganga fulltrúa Samfylkingar í málinu
fordæmd og hyggjast fulltrúar Sjálf-
stæðisflokksins leita eftir lögmæti
þeirrar ákvörðunar sem tekin var.
Íslensku menntasamtökin hafa lát-
ið Gallup vinna skoðanakönnun meðal
foreldra og aðstandenda barna í Ás-
landsskóla. Í könnuninni er fólk með-
al annars spurt hvort það sé ánægt
með skólann og hvort því finnist að
Íslensku menntasamtökin eigi áfram
að koma að rekstri Áslandsskóla.
Könnunin var unnin í byrjun vikunn-
ar og tóku 74% þeirra sem spurðir
voru þátt í henni. Er stefnt að því að
niðurstöður könnunarinnar verði
birtar í dag.
Riftun samnings við ÍMS ekki á dagskrá í gær
Aukafundur um málið í dag

D-listi/10