Morgunblaðið - 15.10.2002, Side 13

FRÉTTIR
MORGUNBLAÐIÐ ÞRIÐJUDAGUR 15. OKTÓBER 2002 13
LOKIÐ er lagningu nýs vegar yfir
Kleifaheiði milli Patreksfjarðar og
Barðastrandar. Heildarlengd kafl-
ans milli Haukabergsár á Barða-
strönd og vegamóta Örlygshafnar-
vegar í botni Patreksfjarðar er 12,1
km, samkvæmt upplýsingum Gísla
Eiríkssonar umdæmisverkfræðings
hjá Vegagerðinni.
Um helming leiðarinnar Patreks-
fjarðarmegin er vegurinn á sama
stað og gamli vegurinn en Barða-
strandarmegin liggur hann á nýjum
stað upp Mikladal. Hæsti punktur
vegarins er í 411 m hæð yfir sjáv-
armáli og áætlaður heildarkostnaður
300 milljónir króna.
Með lagningu vegarkaflans er
komið samfellt bundið slitlag á að-
alveginn um byggðina í Vestur-
Barðastrandarsýslu milli Vatns-
fjarðar og Bíldudals, samtals um 100
km.
Starfsmenn umdæmisskrifstofu
Vegagerðarinnar á Ísafirði hönnuðu
veginn og sáu um eftirlit með fram-
kvæmdum. Verktakafyrirtækið
Norðurtak hf. frá Sauðarkróki lagði
veginn og Myllan ehf. á Egilsstöðum
sá um efnisvinnslu. Klæðingarflokk-
ur Vegagerðarinnar á Akureyri lagði
klæðingarslitlagið ásamt annarri
klæðingu á svæðinu.
Nýr vegur
yfir
Kleifaheiði
ÍSLAND hefur tekið við for-
mennsku í Norðurskautsráðinu á
fundi utanríkisráðherra ráðsins í In-
ari í Finnlandi. Halldór Ásgrímsson
utanríkisráðherra sat fundinn fyrir
Íslands hönd. Ísland gegnir for-
mennskunni í tvö ár og verður skrif-
stofa ráðsins starfrækt í utanríkis-
ráðuneytinu á því tímabili.
Norðurskautsráðið var stofnað
1996 með sameiginlegri yfirlýsingu
aðildarríkjanna átta; Bandaríkjanna,
Danmerkur, Finnlands, Íslands,
Kanada, Noregs, Rússlands og Sví-
þjóðar. Norðurskautsráðið er vett-
vangur aðildarríkjanna og samtaka
frumbyggja á norðurslóðum, sem
eiga aðild að ráðinu, um samvinnu á
sviði umhverfismála og uppbyggingu
sjálfbærrar þróunar. Auk þess eiga
ýmis ríki, alþjóðasamtök og frjáls fé-
lagasamtök áheyrnaraðild að ráðinu.
Norðurskautsráðið er fyrst og
fremst samráðs- og samvinnuvett-
vangur um stefnumörkun. Á vett-
vangi þess er unnið öflugt starf á
sviði vöktunar á efnamengun á norð-
urskautssvæðinu, verndunar hafsins
gegn mengun og lífríkisverndar.
Ráðið sinnir jafnframt málefnum
sem lúta að lífsskilyrðum og lífskjör-
um fólks á norðurslóðum. Af ein-
stökum verkefnum ráðsins má nefna
umfangsmikið mat á áhrifum lofts-
lagsbreytinga á norðurslóðum og
hugsanleg viðbrögð við þeim, sem nú
er unnið að.
Í formennskunni leggur Ísland
áherslu á áframhaldandi öflugt sam-
starf á vettvangi umhverfismála en
beinir sjónum í auknum mæli að
hlutverki ráðsins á sviði efnahags- og
félagslegra þátta sjálfbærrar þróun-
ar, einkum að lífskjörum og lífsskil-
yrðum fólks á norðurslóðum.
Ísland tekur við formennsku
í Norðurskautsráðinu
VEIRUSÝKING, sem hefur verið
að ganga og margir á Hrafnistu í
Reykjavík og Hafnarfirði smituðust
af, virðist vera í rénun á heimilunum
að sögn Aðalsteins Guðmundssonar,
lækningaforstjóra Hrafnistu. Hann
segir að aðgerðir sem gripið hafi ver-
ið til í þeim tilgangi að hefta út-
breiðslu virðist hafa skilað árangri.
„Við munum fylgjast vel með
heimilisfólkinu áfram,“ sagði Aðal-
steinn. „Aðstæður okkar eru góðar
til að takast á við og fylgjast með
málum þegar eitthvað þessu líkt
kemur upp.“
Veirusýkingin, sem er bráðsmit-
andi, veldur hita, uppgangi, niður-
gangi og beinverkjum. Um er að
ræða svokallaða Norwalk-veiru sem
er undirflokkur Calici-veiru.
„Við höfðum frammi viðbrögð sem
að við teljum að hafi orðið til þess að
hefta frekari útbreiðslu, en allur er
varinn góður og við munum enn um
sinn fylgjast vel með.“
Áfram fylgst
með heim-
ilisfólki á
Hrafnistu
♦ ♦ ♦