Morgunblaðið - 06.11.2002, Blaðsíða 16

VIÐSKIPTI/ATHAFNALÍF
16 MIÐVIKUDAGUR 6. NÓVEMBER 2002 MORGUNBLAÐIÐ
SÆPLAST hf. hefur skrifað undir
samning um kaup félagsins á fyr-
irtækinu Icebox Plastico S.A. sem er
nálægt borginni Vigo á vesturströnd
Spánar. Félagið, sem hefur verið í
eigu íslenskra fjárfesta framleiðir
hverfissteyptar plastafurðir, mest-
megnis fyrir sjávarútveginn.
Steinþór Ólafsson, fram-
kvæmdastjóri Sæplasts, segir að
rekstrarumhvefi á Spáni sé hag-
stætt og mikil nálægð við afar stór-
an markað. „Það er okkur mjög
mikilvægt að hefja starfsemi innan
Evrópusambandsins, þó svo að það
hafi ekki háð okkur teljandi hingað
til að standa utan við það. Með
þessu getum við hagrætt í rekstr-
inum og flutt hluta af starfsemi okk-
ar í Noregi til Spánar. Þannig spör-
um við okkur mikinn
flutningskostnað og fyrirhöfn. Það
er líka ljóst að þurfi franskt fyr-
irtæki að velja á milli þess að kaupa
sömu vöruna frá fyrirtæki innan
ESB eða utan þess, velur það vafa-
lítið ESB-fyrirtækið og losnar þann-
ig við alls konar pappírsvinu og fyr-
irhöfn sem fylgir því að skipta við
fyrirtæki utan ESB. Það má því
segja að kaup okkar á fyrirtækinu á
Spáni séu lykillinn að sókn okkar
inn á markaði Suður-Evrópu, en
Spánverjar eru ein mesta sjáv-
arútvegsþjóð veraldar og hvergi í
Evrópu er eins stór ferskfiskhöfn og
í Vigo á Spáni,“ segir Steinþór.
Vélbúnaður og húsnæði nýtt
Icebox Plastico S.A. tók til starfa
um mitt ár 2001 og er vélbúnaður og
húsnæði fyrirtækisins allt nýtt. Frá
stofunun fyrirtækisins hefur verið
unnið að sölu- og markaðssetningu
afurða en sölutekjur eru enn sem
komið er litlar. Það er mat stjórn-
enda Sæplasts að með kaupum á
Icebox Plastico S.A. sé félagið að
styrkja stöðu sína á markaði í Suð-
ur-Evrópu en markaður fyrir hverf-
issteyptar plastafurðir þar hefur
verið mjög vaxandi á undanförnum
árum. Þá styrkja kaupin almennt
samkeppnisstöðu Sæplasts en sam-
keppnisumhverfi á Spáni er mjög
gott og verður framleiðslukostnaður
í verksmiðjunni töluvert lægri en í
núverandi verksmiðjum Sæplasts í
Evrópu. Í framhaldi af kaupunum
má gera ráð fyrir frekari hagræð-
ingu í framleiðslu Sæplasts.
Kaup þessi eru gerð með þeim
fyrirvara að kostgæfnisathugun,
standist, en áformað er að Sæplast
taki formlega við rekstri Icebox
Plastico S.A. um næstkomandi ára-
mót.
Sæplast rekur verksmiðjur á Dal-
vík, í Kanada, tvær verksmiðjur í
Noregi og eina á Indlandi. Starfs-
menn eru um 250.
Sæplast fjárfestir á Spáni
Starfsemi Sæplasts
verður á sex stöðum í
fimm löndum
Morgunblaðið/Kristján
Steinþór Ólafsson, framkvæmdastjóri Sæplasts, segir kaupin lykilinn að
sókn inn á markaði Suður-Evrópu.
S-hópurinn
Vill fá nið-
urstöðu í
mánuðinum
FYRSTI fundur fulltrúa S-hópsins
svokallaða og einkavæðingarnefndar
um kaup á hlut ríkisins í Búnaðar-
bankanum var haldinn í gær. Að sögn
Kristins Hallgrímssonar, talsmanns
S-hópsins, var einvörðungu farið yfir
verklag í viðræðunum. Hann segir að
stefnt sé að því að sölu Búnaðarbank-
ans verði lokið í árslok. „Við viljum fá
botn í þetta mál, hvað okkur varðar, í
mánuðinum,“ segir Kristinn.
Sem kunnugt er var í fyrradag til-
kynnt að einkavæðingarnefnd hefði
ákveðið að velja S-hópinn til við-
ræðna, en hún hafði einnig rætt við
Fjárfestingafélagið Kaldbak um kaup
á hlutabréfum í Búnaðarbankanum.
S-hópurinn samanstendur af Eignar-
haldsfélaginu Andvöku, Eignarhalds-
félaginu Samvinnutryggingum, VÍS
hf., Kaupfélagi Skagfirðinga svf.,
Keri hf. og Samvinnulífeyrissjóðnum.
Í upphafi, þegar hópurinn lýsti fyrst
yfir áhuga á kaupum á bankanum,
voru innan hans Samskip og Fiskiðj-
an Skagfirðingur, en ekki VÍS hf.
Kristinn vildi ekki tjá sig um ástæður
þessara breytinga í samtali við Morg-
unblaðið í gær.
Uppsagnir
hjá SAS
FLUGFÉLAGIÐ SAS áformar að
segja upp hátt í 1.000 starfsmönn-
um á næstunni. Í frétt á fréttavef
Politiken í gær segir að gert sé ráð
fyrir að þessar ráðstafanir muni
leiða til um 1,3 milljarða danskra
króna sparnaðar í rekstri félagsins,
jafnvirðis um 15 milljarða íslenskra
króna. Tillögur þessa efnir verða
teknar fyrir í stjórn félagsins í
næstu viku.
Segir í Politiken að þessi nið-
urskurður muni helst koma niður á
starfseminni í höfuðstöðvum SAS í
Stokkhólmi, en höfuðstöðvarnar í
Danmörku og Noregi muni einnig
finna fyrir þeim.
♦ ♦ ♦
HAGNAÐUR írska lágfargjalda-
flugfélagsins Ryanair á fyrri
helmingi þessa fjárhagsárs jókst
um 71% frá sama tímabili á síð-
asta ári. Í frétt á fréttavef BBC í
fyrradag segir að stjórnendur
Ryanair geri ráð fyrir að hagn-
aður félagsins verði enn meiri á
öllu árinu en áætlanir hafi gert
ráð fyrir. Þeir segi hins vegar að
ólíklegt sé að hagnaðurinn komi
til með að aukast eins mikið á
seinni helmingi ársins og á þeim
fyrri.
Hagnaður Ryanair á fyrri
helmingi þessa fjárhagsárs nam
169 milljónum evra, jafnvirði um
14,6 milljarða íslenskra króna, en
102 milljónum evra á sama tíma-
bili á síðasta ári, sem er um 8,8
milljarðar íslenskra króna. Segir
í frétt BBC að sérfræðingar á
fjármálamarkaði telji að hagnað-
ur félagsins muni verða á bilinu
frá 5% til 19% meiri en áætlaður
200 milljóna evra hagnaður árs-
ins geri ráð fyrir. Þá segir að
Ryanair hafi greint frá því að
farþegum félagsins hafi fjölgað
um 37% milli ára og að áætlanir
félagsins um tvöföldun farþega,
úr 15 milljónum á þessu ári í 30
milljónir eftir 5 ár, muni stand-
ast.
Samtals munu 13 flugvélar
bætast í 44 véla flota Ryanair
eftir komandi jólahátið, að því er
segir á fréttavef BBC.
Aukinn hagnað-
ur hjá Ryanair
HAGNAÐUR af rekstri Loðnu-
vinnslunnar h/f á Fáskrúðsfirði
fyrstu 9 mánuði ársins 2002 nam
300 milljónum króna eftir skatta.
Ekki er um samanburðartölur að
ræða þar sem þetta er fyrsta
rekstrarár eftir samruna Loðnu-
vinnslunnar h/f og sjávarútvegs-
hluta Kaupfélags Fáskrúðsfirð-
inga.
Rekstrartekjur félagsins voru
1.900 milljónir króna. Hagnaður
fyrir afskriftir og fjármagnsliði
(EBITDA) var 428 milljónir eða
23% af tekjum. Afskriftir námu
210 milljónum en fjármagnsgjöld
eru jákvæð um 135 milljónir, fyrst
og fremst vegna styrkingar ís-
lensku krónunnar. Veltufé frá
rekstri nam 379 milljónum króna
sem er 20% af veltu. Eigið fé 30.
september 2002 var 1.343 milljónir
króna, sem er 46% af niðurstöðu
efnahagsreiknings.
Afkoman á síðasta ársfjórðungi
ræðst af síldveiðum
Í tilkynningu frá Loðnuvinnsl-
unni segir að afkoma félagsins á
síðasta ársfjórðungi þessa árs ráð-
ist mjög af því hvernig síldveið-
arnar komi til með að ganga.
Loðnuvinnslan h/f rekur fiski-
mjölsverksmiðju, frystihús, síldar-
söltun og gerir út ísfisktogarann
Ljósafell SU 70 og flottrolls- og
nótaveiðiskipið Hoffell SU 80. Þá
rekur félagið vélaverkstæði, raf-
magnsverkstæði og trésmíðaverk-
stæði. Starfsmenn eru um 180.
Hluthafar Loðnuvinnslunnar h/f
eru um 200 og er Kaupfélag Fá-
skrúðsfirðinga stærsti hluthafinn
með um 85% hlutafjárins.
Hagnaður Loðnu-
vinnslunnar hf.
300 milljónir
TAL hf. kynnti í gær talsímaþjón-
ustu fyrir heimili undir heitinu Tal-
sími. Símtöl í talsímaþjónustu Tals
fara um sama grunnnet og talsíma-
þjónusta Landssíma Íslands.
Þórólfur Árnason, forstjóri Tals,
sagði á blaðamannafundi í gær, þar
sem þjónustan var kynnt, að mark-
miðið með henni væri að veita not-
endum auðveldari og ódýrari að-
gang að fjarskiptakerfi
fyrirtækisins.
Guðni Ágústsson landbún-
aðarráðherra hleypti talsímaþjón-
ustu Tals fyrir heimilin af stokk-
unum í gær. Hann sagði af því
tilefni að síminn væri mesta bylting
allra tíma. „Síminn rauf einangrun
dreifðra byggða og Íslands,“ sagði
Guðni. „Enn er síminn langmik-
ilvægasta tækið sem hver Íslend-
ingur heldur á í hendi sinni.“
Guðni sagðist vera feginn að fá
tækifæri til að leiðrétta mestu lygi
Íslandssögunnar. Sunnlenskir
bændur hefðu ekki riðið suður til
þess að mótmæla símanum fyrir um
100 árum. Þeir hefðu riðið suður til
þess að biðja um frelsi í símamálum
og þráðlaust samband.
Þórólfur sagði að undirbúningur
að þjónustunni hefði tekið þrjá
mánuði og að fyrirtækið hefði
ákveðið að ýta þjónustunni úr vör
þrátt fyrir að nýir eigendur hefðu
komið til skjalanna. Hann sagði
aldrei hafa komið til álita að seinka
þessu skrefi þó svo að Íslandssími
hafi keypt meirihluta í fyrirtækinu
í síðasta mánuði.
Morgunblaðið/Jim Smart
Guðni Ágústsson landbúnaðarráðherra sagði símann enn vera langmik-
ilvægasta tækið sem hver Íslendingur heldur á í hendi sinni, er talsíma-
þjónusta Tals fyrir heimilin var kynnt í gær.
Tal kynnir
talsímaþjónustu
fyrir heimilin