Morgunblaðið - 06.11.2002, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 6. NÓVEMBER 2002 VERÐ Í LAUSASÖLU 190 KR. MEÐ VSK.
LÖGREGLAN á Húsavík var köll-
uð út að íþróttahöllinni á Húsavík
um helgina þar sem karlakórarnir
Hreimur og Heimir voru að æfa
fyrir tónleika sem þeir ætluðu að
halda um kvöldið. Ástæðan var
ekki sú að slegið hefði í brýnu
milli skapmanna úr Suður-
Þingeyjarsýslu og gestanna úr
Skagafirði, heldur hafði skóg-
arþröstur villst inn í húsið og vald-
ið tónleikahöldurum hugarangri.
Að sögn lögreglunnar á Húsa-
vík þótti ótækt að þrösturinn
fengi að flögra um húsið meðan á
tónleiknum stæði, því óttast var að
hann kynni að drita á tónleika-
gesti eða jafnvel kórfélaga sjálfa.
Þá hefði þrösturinn hugsanlega
dregið athygli frá tónlistarmönn-
unum sem voru jú sumir komnir
langt að.
Lögreglan mætti því á svæðið
vopnuð háfi og loftbyssu og hugð-
ist freista þess að handsama hinn
óboðna þröst, annað hvort dauðan
eða lifandi. Það gekk hins vegar
brösulega lengi framan af. Hátt er
til lofts í íþróttahöllinni og þrátt
fyrir að lögreglu tækist að hæfa
þröstinn með loftbyssunni var
skotið þá orðið svo kraftlítið að
það hrökk af fuglinum sem aðeins
hristi sig og færði sig úr stað.
Einnig tókst að hæfa fuglinn með
brennibolta en ekki fékkst hann til
að yfirgefa íþróttahöllina. Þröst-
urinn leitaði að lokum skjóls í
viftu á loftræstikerfinu og hefur
sjálfsagt talið sig hólpinn. Hús-
vörðurinn kveikti þá á loftræsti-
kerfinu og þar með voru dagar
þrastarins taldir, fiður þeyttist frá
viftunni og ljóst að hann lést sam-
stundis. Klukkustund síðar hófust
tónleikarnir eins og ekkert hefði í
skorist og tókust þeir að sögn við-
staddra firnavel.
Síðasti söngur skógarþrastarins
Morgunblaðið/Þorkell
SÓLVEIG Pétursdóttir dómsmála-
ráðherra mun á þessu þingi leggja
fram frumvarp til laga um breyt-
ingar á almennum hegningarlögum
þar sem m.a. verður kveðið á um
hækkun refsiramma vegna kyn-
ferðisbrota gegn börnum og ung-
mennum. Frá þessu skýrði hún á
Alþingi í gær í utandagskrárum-
ræðu um vændi á Íslandi.
Sólveig sagðist ennfremur ætla
að beita sér fyrir því að auka
vernd vitna en í niðurstöðum
skýrslu nefndar dómsmálaráð-
herra um úrbætur vegna kláms og
vændis er m.a. hvatt til þess að
fórnarlömbum mansals verði veitt
aukin vernd svo þau geti snúið sér
til lögregluyfirvalda án þess að ótt-
ast um líf sitt og limi. Sólveig sagð-
ist þó ekki tilbúin til þess að leggja
fram breytingar á almennum
hegningarlögum í samræmi við þá
tillögu skýrsluhöfunda að fella út
ákvæði sem gera það refsivert að
stunda vændi.
Málshefjandi utandagskrárum-
ræðunnar var Guðrún Ögmunds-
dóttir þingmaður Samfylkingar-
innar, sem sagði áðurnefnda
skýrslu um margt góða og hefði
þegar orðið til þess að opna augu
margra fyrir þeim falda vanda sem
vændi væri. „Ég segi falda vanda
vegna þess að við erum núna fyrst
að setja þessa hluti upp á yfirborð-
ið; skoða þá og skilgreina,“ sagði
Guðrún. Sagði hún að næstu skref
hlytu að felast í því að koma með
lausn á vandanum.
Guðrún lagði áherslu á mikil-
vægi þess að drengjavændi hér-
lendis yrði kannað en benti á að
það væri ekki bara ungt fólk sem
stundaði vændi. „Við erum líka að
tala um konur sem eru komnar
fast að sjötugu. Konur sem neyð-
ast til þess seinni hluta mánaðar
að selja sig svo endar nái saman,“
sagði hún.
Steingrímur J. Sigfússon, þing-
maður VG, sagði að þingmenn VG
hefðu fjórum sinnum lagt fram á
Alþingi frumvarp til laga um að
kaup á vændi yrðu gerð refsiverð.
Sú leið hefði verið farin í Svíþjóð.
Sagði Steingrímur að stuðningur
við þá leið yxi hröðum skrefum og
til athugunar væri að taka hana
upp í Danmörku og Finnlandi.
Refsingar fyrir kynferðis-
brot gegn börnum hertar
Vændi stundað í framfærslu-
skyni verður áfram refsivert

Telja að/10
MIKIÐ er nú að gera hjá lækni á eftirlaunum
sem rekur læknastofu í Keflavík hluta vikunnar.
Eftir að uppsagnir allra heilsugæslulækna á
Heilbrigðisstofnun Suðurnesja tóku gildi er
Hreggviður Hermannsson eini heilsugæslulækn-
irinn á Suðurnesjum.
Eftir að Hreggviður lét af störfum við Heil-
brigðisstofnunina vegna aldurs fyrir hálfu öðru
ári hefur hann verið á stofu sinni um þrjá tíma á
dag, þrjá til fjóra daga vikunnar. Þar hefur hann
unnið án samnings við Tryggingastofnun ríkisins
og ekki alltaf verið mikið að gera. Hann varð því
undrandi þegar hann mætti á stofuna í gær, en
þá biðu þar 22 sjúklingar og stöðugt var að bæt-
ast í biðröðina. Biðstofan var full og stigagang-
urinn líka að fyllast. Raunar hafði biðröð mynd-
ast utan við húsið sem læknastofa Hreggviðs er í
stundarfjórðungi áður en von var á lækninum.
„Ég veit ekki á hvaða öld maður er, maður þarf
að taka númer eins og á skömmtunartímanum,“
sagði kona í hópnum, ekki ánægð með ástandið í
heilsugæslumálum svæðisins. Þegar Hreggviður
kom tók hann undir það að líklega yrði hann að
vinna eftirvinnu þennan daginn.
Morgunblaðið/Helgi Bjarnason
Eins og á skömmtunartímum

22 manna/23
Óvænt ös var á biðstofu og stigagangi læknastofu Hreggviðs Hermannssonar í gær.
AÐFERÐ sem notuð hefur verið til að halda
uppi aga í Lækjarskóla í Hafnarfirði, þar sem
svokölluðum agaspjöldum hefur verið beitt, er
harðlega gagnrýnd af móður 6 ára drengs í
skólanum. Segir hún aðferðina til þess fallna að
niðurlægja börnin fyrir framan skólafélaga
sína.
Aðferðinni svipar til dómgæslu í knatt-
spyrnuleikjum. Gengur hún út á að gefa börn-
um gult spjald við agabrot og síðan rautt spjald
þegar nemandi hefur tvívegis fengið gula
spjaldið. Sá sem fær rautt spjald þarf að sitja
inni í frímínútum í 3 daga og vinna heimavinn-
una sína. „Það er varla mjög skynsamlegt þeg-
ar þú ert sex ára að byrja í skólanum að nota
lærdóm sem refsingu,“ segir Jóhanna Flecken-
stein, móðir drengsins.
Halla Þórðardóttir, aðstoðarskólastjóri, segir
að alltaf sé reynt að fá barnið til að breyta rétt
áður en spjaldið er gefið þannig að spjaldgjöfin
er alls ekki fyrsta viðbragð kennara. Hún segir
að þessi aðferð sé í endurskoðun og dregið hafi
úr spjaldanotkun.
Bragi Guðbrandsson forstjóri Barnavernd-
arstofu segir að í fljótu bragði virðist þessi að-
ferð geta valdið skaða frekar en hitt.
Börnum
refsað með
gulum og
rauðum
spjöldum

Niðurlæging/21
EES kost-
ar 770
milljónir
KOSTNAÐUR Íslands af aðildinni að
Evrópska efnahagssvæðinu nemur í
heild tæplega 770 milljónum króna í
ár.
Í nýrri skýrslu Fríverzlunarsam-
taka Evrópu (EFTA) um fjármögnun
EES-samstarfsins kemur fram að
kostnaður vegna þátttöku EFTA-
ríkjanna í rannsóknar- og þróunar-
starfi Evrópu-
sambandsins,
ýmsum áætl-
unum, sam-
starfsverkefn-
um og
stofnunum
ESB sé sam-
tals um 8,2
milljarðar
króna á þessu
ári. Þar við
bætast rúmlega tveir milljarðar í þró-
unarsjóð fyrir fátækari ríki ESB.
Af þessum kostnaði greiðir Ísland í
kringum 5%, samtals um 526 millj-
ónir. Þar af rennur 101 milljón í þró-
unarsjóðinn, en fram hefur komið að
Evrópusambandið muni gera kröfur
um verulega hækkun framlaga í hann
vegna stækkunar sambandsins.
Til viðbótar við þetta greiðir Ísland
samkvæmt upplýsingum Morgun-
blaðsins um 53 milljónir vegna rekstr-
ar aðalskrifstofu EFTA, 71 milljón til
Eftirlitsstofnunarinnar í Brussel og
23 milljónir til EFTA-dómstólsins. Þá
kostar þýðingamiðstöð utanríkisráðu-
neytisins um 60 milljónir á ári og
ferðakostnaður vegna EES er áætl-
aður 35 milljónir.
Norðmenn greiða 12 milljarða
Í norska blaðinu Aftenposten var
frá því greint í gær að kostnaður
Norðmanna af samstarfinu væri tæp-
lega 12 milljarðar íslenzkra króna.
Í þessum tölum er ekki gert ráð
fyrir styrkjum og framlögum, sem
EFTA-ríkin fá til baka, t.d. vegna vís-
indasamstarfsins við ESB.



95.65!4P
E:'$4-'P
0*)!3P
5$J26$!06$5!P
,6-@
-6)@
/*6-@
)6-@
.61@
 
 

  ! "

LÖGREGLAN í Borgarnesi
kyrrsetti í gærkvöldi erlent
skip í Grundartangahöfn sam-
kvæmt úrskurði sýslumannsins
í Borgarnesi.
Skipið sem ber nafnið Olma
var kyrrsett vegna kröfu sem
barst frá útlöndum og hljóðaði
upp á 190 milljónir kr., sam-
kvæmt upplýsingum sem feng-
ust hjá lögreglunni í Borgar-
nesi í gærkvöldi. Rússneskir
aðilar standa að útgerð skipsins
en það er skrásett á Möltu.
Skipið sem var í flutningum
fyrir Járnblendiverksmiðjuna á
Grundartanga kom til landsins
í gær og ætlaði að láta úr höfn í
gærkvöldi. Samkvæmt upplýs-
ingum lögreglu þarf gerðar-
beiðandi að höfða staðfesting-
armál innan einnar viku og
leggja fram 26 milljóna króna
tryggingu fyrir kl. 15 í dag, að
öðrum kosti verður skipinu
leyft að láta úr höfn.
Lögreglan
kyrrsetur
erlent skip
í Grundar-
tangahöfn