Morgunblaðið - 06.11.2002, Blaðsíða 22

AKUREYRI
22 MIÐVIKUDAGUR 6. NÓVEMBER 2002 MORGUNBLAÐIÐ
NORÐLENSKA lækkar verð á
nautakjöti til bænda frá og með
deginum í dag, miðvikudag, auk
þess sem nautakjötsframleiðendur
þurfa framvegis að greiða 300 krón-
ur fyrir innmat af hverri skepnu,
taki þeir innmatinn til sín. Þeir
framleiðendur sem leggja innmat-
inn inn til Norðlenska fá hins vegar
greiddar 150 krónur fyrir hvern
skammt. Sigmundur Ófeigsson
framkvæmdastjóri Norðlenska
sagði að fyrirtækið hefði tvívegis
hækkað verð til bænda umfram það
sem aðrar afurðastöðvar greiða en
það hefði ekki gengið upp. Með
þessari breytingu sé verið að færa
verðið til samræmis við aðrar stöðv-
ar. „Við getum ekki staðið einir í því
að borga hærra verð. Það er enginn
tilbúinn að borga okkur hærra verð
þegar við seljum áfram,“ sagði Sig-
mundur.
Þorsteinn Rútsson formaður bú-
greinaráðs nautgriparæktenda inn-
an Búnaðarsambands Eyjafjarðar
sagði að þessi breyting gæti orðið
til þess að nautakjötsframleiðslan
myndi hrynja, sem þá þýddi að slát-
urleyfishafar fengju ekkert kjöt og
vinnslan ekkert hráefni til að vinna.
„Ég er ekki búinn að sjá að þetta
sé leiðin að farsælum rekstri kjöt-
iðnaðar. Það er búið að ganga allt of
lengi á framleiðendur með að færa
niður verð og það hefur verið gós-
entíð fyrir sláturleyfishafa og kjöt-
vinnslur að spila þennan leik en
þessi leikur gengur úr sér,“ sagði
Þorsteinn. Hann sagði að aðilar í
greininni ættu eftir að ræða saman
og fara yfir þessi mál en þó væri
ljóst að illa horfði með framhaldið.
Sigmundur sagði að verðið yrði
lækkað á sjö flokkum nautakjöts og
er lækkunin á bilinu 2–5%. Verð á
algengustu flokkunum hjá Norð-
lenska, UN 1 A og UN 1 M+, lækk-
ar annars vegar úr 313 krónum kg í
307 krónur og hins vegar úr 260
krónum hvert kg í 255 krónur. Mest
er þó lækkunin 17 krónur á kílóið.
„Eftirspurn eftir nautakjöti hefur
minnkað og það er offramboð á öllu
kjöti á markaðnum í dag.“
Samkeppni á milli sláturleyf-
ishafa verið mjög óheppileg
Sigmundur sagði að innmaturinn
félli sjálfkrafa til með slátruninni
þegar skepnan væri tekin inn. „Við
kaupum innmatinn á 150 krónur en
ef við þurfum að afgreiða hann frá
okkur, kostar það 300 krónur. Í dag
eru harðari reglur um umgengni um
allt sláturhús og þar er engin eig-
inleg afgreiðsla. Við erum með
þessu gjaldi að hvetja menn til að
leggja innmatinn einnig inn í stað
þess að taka hann heim,“ sagði Sig-
mundur.
Þorsteinn sagði að staðan væri
orðin þannig að það væri enginn
hagur af því fyrir bændur að stunda
nautakjötsframleiðslu. „Menn hafa
verið að reyna að halda í þá von að
eitthvað rættist úr þessum málum,
til að nautakjötsframleiðslan leggist
ekki af. Þetta er ákveðinn stuðn-
ingur við mjólkurframleiðsluna og
þeir sem hafa verið að reyna að
vera í nautakjötsframleiðslu ein-
göngu sjá fram á innflutning ef ekki
verður hægt að halda framleiðsl-
unni uppi í landinu. Það hefur verið
erfitt til langs tíma fyrir sláturleyf-
ishafa að halda uppi verði með því
fyrirkomulagi sem hefur verið á
þessum hlutum. Samkeppni á milli
sláturleyfishafa hefur verið mjög
óheppileg fyrir greinina. Og það
versta í þessu er að neytendur
hagnast ekki á þessum verðlækk-
unum sem hafa orðið á nautakjöti,
heldur milligönguaðilarnir, verslun
og vinnsla,“ sagði Þorsteinn.
Verð á nautakjöti til bænda lækkar í dag hjá Norðlenska matborðinu
Breytingin getur leitt til
hruns í kjötframleiðslunni
JÓN Þór Benediktsson á Ytri-
Bakka og sveitarstjórnarmaður í
Arnarneshreppi er alfarið á móti
því að næsti urðunarstaður fyrir
sorp í Eyjafirði verði við Bjarn-
arhól í Arnarneshreppi eða á Gás-
um í Hörgárbyggð. „Ég hef ekki
aðra viðmiðun en þá hvernig geng-
ið er um uppi á Glerárdal og á
meðan ekki hafa komið fram rök
um að einhver breyting verði þar
á, er ég algjörlega á móti þessu.“
Gásir og Bjarnarhóll þykja koma
helst til greina og hefur verið gerð-
ur ítarlegur samanburður á þeim,
þar sem urðunarstaður við Gásar
er talinn mun betri kostur.
Bjarnarhóll er í landi Syðri-
Bakka og er jörðin í eigu ríkisins.
Lögbýlið Ytri-Bakki og um 20
hektarar lands eru í eigu Jóns
Þórs, tveggja bræðra hans og föð-
ur en þar er enginn búskapur í
dag. Stærsti hluti jarðarinnar er í
eigu Arnarneshrepps og árið 1999
keypti hreppurinn um 100 hektara
í landi Ytri-Bakka.
Jón Þór sagði að sorpmálið hefði
ekki enn verið kynnt í sveitarstjórn
og að sú afstaða sem liggi fyrir,
væri frá síðustu sveitarstjórn. Nú-
verandi sveitarstjórn hefði enn
ekki tekið málið til afgreiðslu. Jón
Þór sagði það ekki spennandi fyrir
ferðalanga sem keyrðu um vegi
svæðisins eða farþega af skemmti-
ferðaskipum sem sigldu inn fjörð-
inn til Akureyrar að horfa á rusla-
hauga við Bjarnarhól eða Gásar.
„Mér finnst sorpurðun betur
komin uppi á Glerárdal en á þess-
um tveimur stöðum sem nefndir
eru. Ég skil heldur ekki rök Ak-
ureyringa að vilja eyðileggja önnur
landsvæði. Úr því að búið er að
skemma svæðið á Glerárdal er þá
ekki rétt að halda því áfram, þótt
það sé ekki fallegt?“
Jón Þór sagði þó skynsamlegast
að menn reyndu að finna aðra
lausn en að grafa sorpið. Innan
fárra ára yrði bannað að urða sorp
og þá þyrfti að vinna málið upp á
nýtt. „Það er alla vega engin lausn
að henda ruslinu yfir til nágrann-
ans.“
Sveitarstjórnarmaður á Ytri-
Bakka í Arnarneshreppi
Alfarið á móti sorp-
urðun við Bjarnar-
hól eða Gásar
ÞAÐ má með sanni segja um
börnin í Grímsey að þau eru ein-
staklega hugmyndarík. Tvö vöru-
bretti lágu fyrir utan skólann og
voru börnin ekki lengi að grípa
tækifærið. Sippubönd voru hnýtt á
brettin og óðara var kominn hinn
besti sleði sem tók marga í hverri
ferð. Einhverjir fengu það hlut-
verk að draga, meðan aðrir sátu
og nutu lífsins, brunandi eftir ísi-
lögðum götunum í kringum skóla-
húsið. Síðan var skipt, þannig að
allir gætu fengið góða salíbunu.
Ekki eru það alltaf dýrustu tækin
sem veita mestu gleðina. Þetta
sýndu skólabörnin í Grunnskól-
anum í Grímsey aldeilis á vöru-
brettunum.
Hugmynda-
rík börn
Morgunblaðið/Helga Mattína
Hraustir strákar draga skólasystkini sín á vörubrettunum.
Grímsey
TALIÐ er að um 5 milljónir Kóreu-
búa hafi séð sjónvarpsþátt sem tvær
sjónvarpskonur frá Suður-Kóreu
tóku upp í Dalvíkurbyggð í sumar.
Konurnar komu til bæjarins í byrjun
ágúst en tilefnið var að taka upp
myndir sem sýndu íslenskan sjávar-
útveg og fiskvinnslu. Þórður Krist-
leifsson, ferðamálafulltrúi Dalvíkur-
byggðar, fór með þeim um
bæjarfélagið og skoðuðu þær m.a.
frystihús Samherja, sem er eitt hið
fullkomnasta hér á landi, segir í
fréttatilkynningu frá Dalvíkurbyggð.
Einnig voru konurnar á Fiskideg-
inum mikla og tóku þá upp mikið efni.
Úr þessari heimsókn varð til 10 mín-
útna langur þáttur um heimsóknina,
sem fengið hefur sérstaka viðurkenn-
ingu í Kóreu.
Ferðamálafulltrúi Dalvíkurbyggð-
ar fékk á dögunum eintak af þætt-
inum og þar kemur greinilega fram að
Fiskidagurinn hefur fangað athygli
sjónvarpskvennanna.
Talið að 5
milljónir
manna hafi
séð þáttinn
Dalvíkurbyggð í
sjónvarpi Kóreu
STJÓRN fasteigna Akureyrarbæj-
ar telur ekkert því til fyrirstöðu að
Sinfóníuhljómsveit Norðurlands fái
Akoplasthúsið við Þórsstíg til af-
nota fyrir aðventutónleika í desem-
ber og aðra tónleika meðan húsið
stendur ónotað, sjái forsvarsmenn
hljómsveitarinnar sér fært að nota
húsið og fá til þess tilskilin leyfi.
Stjórnin tók fyrir erindi frá
framkvæmdastjóra Sinfóníuhljóm-
sveitar Norðurlands á síðasta fundi
varðandi húsnæðisvanda sveitar-
innar og þar kom fram að Ako-
plasthúsið sé ekki eingöngu í eigu
bæjarins. Húsið sé til sölu og því
sé ekki hægt að horfa til aðstöðu í
því fyrir hljómsveitina til lengri
tíma. Stjórnin telur því óráðlegt að
leggja í kostnaðarsamar breytingar
á húsinu.
Aðventutón-
leikar í „Ako-
plasthúsinu“?
♦ ♦ ♦