Morgunblaðið - 10.11.2002, Blaðsíða 2

FRÉTTIR
2 SUNNUDAGUR 10. NÓVEMBER 2002 MORGUNBLAÐIÐ
ÍRAKAR TVÍSTÍGANDI
Írakar sögðu í gær að skilmálar
þeir, sem öryggisráð Sameinuðu
þjóðanna hefur sett þeim, væru
ósanngjarnir en ýjuðu engu að síður
að því að þeir kynnu að fallast á
ályktunina til að Bandaríkin fengju
ekki „tækifæri til að ráðast á Írak“.
Bygg á sandi?
Evrópusambandið mun styrkja
verkefni, sem miðar að því að græða
upp íslenzka sanda með lúpínu og
byggi og nota til að framleiða líf-
massa, sem gæti skilað bæði vist-
vænum afurðum og orku.
Öflugur poppútflutningur
Íslenzkt popp selst vel víða um
heim þessa dagana. Ný plata Sigur
Rósar er t.d. á metsölulistum í 19
löndum. Nýr safnkassi Bjarkar og
plötur múm og Quarashi seljast
einnig vel.
Hart deilt um OR
Minnihluti og meirihluti í borg-
arstjórn Reykjavíkur deila hart um
Orkuveituna. Minnihlutinn segir
lýðræðisleg vinnubrögð og góða
stjórnsýslu ekki í heiðri hafða í
stjórn fyrirtækisins.
Mikill viðbótarsparnaður
Viðbótarlífeyrissparnaður launa-
fólks er nú þegar orðinn um einum
og hálfum milljarði króna meiri á ári
en reiknað var með, samkvæmt út-
reikningum Samtaka atvinnulífsins.
Sparnaðurinn er nokkuð jafn eftir
starfsstéttum.
Konur betri námsmenn
Konur eru betri námsmenn en
karlar í flestum greinum á há-
skólastigi, þar á meðal í stærðfræði,
en sækja þó lítið í raungreinar. Þetta
kom fram á líflegum fundi í Háskóla
Íslands.
Stjórnvöld sinnulaus
Umboðsmaður Alþingis segir við-
brögð stjórnvalda við athugunum,
sem hann hefur hafið að eigin frum-
kvæði, valda sér nokkrum vanda í
starfi. Þótt stjórnvöld séu sammála
athugasemdum umboðsmanns verði
ósköp lítið úr framkvæmdum.
SKÓLAHLJÓMSVEIT
KÓPAVOGS
• óskar að ráða þverflautukennara í
25% starf frá næstu áramótum.
Laun samkv. kjarasamningi Launanefndar sveitar-
félaga og FÍH eða Launanefndar sveitarfélaga og
FT.
Karlar jafnt og konur eru hvött til að sækja um
starfið.
Nánari upplýsingar gefur Össur Geirsson, stjórn-
andi SK í síma 554-3190 og 864-6111.
Starfsmannastjóri
KÓPAVOGSBÆR
Háskóli Íslands
Alþjóðamálastofnun Háskóla Íslands
og Rannsóknasetur um smáríki
Forstöðumaður
(50% starf)
Stjórn Alþjóðamálastofnunar Háskóla Íslands
auglýsir laust til umsóknar starf forstöðumanns
stofnunarinnar. Um er að ræða 50% starf.
Alþjóðamálastofnun er rannsókna-, fræðslu-
og þjónustustofnun. Rannsóknasetur um smá-
ríki starfar innan hennar. Hlutverk Alþjóða-
málastofnunar er margþætt en meginviðfangs-
efni stofnunarinnar er að standa fyrir rannsókn-
um og fræðslu á samskiptum ríkja og stöðu
þeirra í alþjóðakerfinu.
Forstöðumaður annast daglegan rekstur stofn-
unarinnar. Starfið er fjölþætt og krefst frum-
kvæðis og skipulags- og samstarfshæfni.
Umsækjendur skulu hafa lokið meistaraprófi
frá viðurkenndum háskóla eða jafngildi þess.
Skilyrði er að viðkomandi hafi reynslu af rann-
sóknar-, stjórnunar- og skipulagsvinnu. Um-
sækjendur þurfa að hafa gott vald á íslensku
og ensku sem og einu öðru Norðurlandamáli.
Umsókn þarf að fylgja greinargóð skýrsla um
námsferil og fyrri störf.
Laun eru samkvæmt kjarasamningi fjármála-
ráðherra og hlutaðeigandi stéttarfélags.
Umsóknarfrestur er til 25. nóvember nk. og
skal umsóknum skilað til starfsmannasviðs
Háskóla Íslands, Aðalbyggingu, við Suðurgötu,
101 Reykjavík. Öllum umsóknum verður svarað
og umsækjendum tilkynnt um ráðstöfun starfs-
ins þegar ákvörðun hefur verið tekin.
Nánari upplýsingar gefur Baldur Þórhallsson
í síma 525 5244.
Við ráðningar í störf við Háskóla Íslands er
tekið mið af jafnréttisáætlun háskólans.
http://www.starf.hi.is
NIOM
Nordisk Institutt for odontologisk materialprøvning (NIOM) heyrir undir
Norrænu ráðherranefndina og sinnir rannsóknum, prófunum og upplýs-
ingagjöf varðandi efni fyrir tannlækningar. Stofnunin er staðsett í Haslum,
ekki langt frá Osló, Noregi.
Forstjóri
Laus er staða forstjóra NIOM frá 1. júlí 2003.
Forstjórinn þarf að hafa háskólamenntun og staðfesta
reynslu af stjórnun og rannsóknarstarfi, gjarnan tengdu efn-
um fyrir tannlækningar. Við leitum að kröftugum og metnað-
arfullum einstaklingi sem getur bæði stjórnað rannsóknum
og samhæft og markaðssett starfsemi NIOM gagnvart heil-
brigðisyfirvöldum, háskólum og öðrum kaupendum, sérstak-
lega á Norðurlöndunum. Viðkomandi skal hafa fullt vald á
ensku og einu af Norðurlandamálunum, dönsku, norsku eða
sænsku. Stefnt er að jafnri stöðu kynja við stofnunina. Ráðn-
ingin er til 4ra ára með möguleika á framlengingu til mest 8
ára. Laun eftir samkomulagi við Norrænu ráðherranefndina.
Nánari lýsing stöðu er á http://www.niom.no og hjá formanni
stjórnar NIOM, Preben Hørsted Bindslev, Afdeling for Tands-
ygdomslære, Det Sundhedsvidenskabelige Fakultet, Aarhus
Universitet, Vennelyst Boulevard, DK-8000 Århus C, Dan-
mörk, sími 0045 8942 4140, netf. ph-b@odont.au.dk.
Umsóknir ásamt ferilskrá og meðmælum sendist í 3 eintök-
um til Preben Hørsted Bindslev. Umsóknir þurfa að hafa bor-
ist í síðasta lagi fyrir 21. desember 2002.
Framkvæmdastjóri
Skíðasamband Íslands óskar eftir að ráða fram-
kvæmdastjóra. Leitað er að skipulögðum og
þjónustulunduðum einstaklingi, sem getur
unnið sjálfstætt og hefur metnað til að ná
árangri í starfi. Reynsla/menntun tengd við-
skiptum og rekstri auk góðrar enskukunnáttu
er skilyrði.
Starfssvið:

Umsjón með daglegum rekstri skrifstofu.

Samskipti við innlenda og erlenda sam-
starfsaðila.

Kynningarmál og samningagerð.

Ýmis árstíðabundin verkefni.
Vinsamlegast sendið umsóknir til Skíðasam-
bands Íslands, Engjavegi 6, 104 Reykjavík, eða
á netfangið ski@ski.is fyrir 17. nóvember nk.
Sunnudagur
10. nóvember 2002
atvinnatilboðútboðfundirtilsölutilleigutilkynningarkennslahúsnæðiþjónustauppboð
mbl.is/atvinna Gestir í vikunni 8.075  Innlit 15.517  Flettingar 68.072  Heimild: Samræmd vefmæling
Sunnudagur
10. nóvember 2002
ferðalögDagar myrkurs bílarSsangyong Rexton börnH. C. Andersen bíóEdduverðlaunin
Myndræn tímavél
Saga stríðsáranna á Íslandi
Valgeir Guð-
jónsson ætlaði
ekkert að ílengj-
ast í tónlistinni.
Prentsmiðja
Morgunblaðsins
Morgunblaðið/Golli
Sigríður Ósk Jónsdóttir leggur sig í boltabaði í Hæfingarstöðinni í Bæjarhrauni, en það er hugsað til líkamlegrar örvunar fyrir fatlaða.
Stofnanamúrarnir falla
Fjölbreytileikinn er mikill í
samfélagi fatlaðra og þjón-
ustu við þá hefur verið um-
bylt á undanförnum árum,
þótt enn gæti víða fordóma.
Svæðisskrifstofa málefna
fatlaðra á Reykjanesi hefur
yfir þúsund fatlaða ein-
staklinga á þjónustuskrá.
Pétur Blöndal ræðir við
Sigríði Kristjánsdóttur
framkvæmdastjóra og rýnir
í þennan heim, sem mörg-
um er hulinn. Þá skoðar
hann veruleika hinnar lífs-
glöðu Sigríðar Óskar Jóns-
dóttur ásamt Kjartani
Þorbjörnssyni ljósmyndara,
en hún var að flytja inn í
nýja einstaklingsíbúð og
notar gómrofa á tungunni
til að tjá sig í gegnum tölvu.
Yf ir l i t
Í dag
Sigmund 8 Hugvekja 47
Listir 26/31 Myndasögur 48
Af listum 26 Bréf 48/49
Birna Anna 26 Dagbók 50/51
Forystugrein 32 Krossgáta 53
Reykjavíkurbréf 32 Fólk 55/61
Skoðun 34/35 Bíó 58/61
Minningar 36/39 Sjónvarp 52/62
Þjónusta 46 Veður 63
* * *
Kynningar – Blaðinu í dag fylgir aug-
lýsingablaðið Nýjar bækur 2002 frá
PP-forlagi. Blaðinu verður dreift um
allt land.
HJARTAVERND hefur gert samn-
ing að jafnvirði 350 milljónir króna
við bandarísk heilbrigðisyfirvöld
um heyrnar- og augnrannsóknir í
öldrunarrannsókn Hjartaverndar.
Samningurinn er við Augnstofnun
og Heyrnarrannsóknastofnun
bandaríska heilbrigðismálaráðu-
neytisins. Að mati talsmanna
Hjartaverndar gefst með þessu
einstakt tækifæri til að kanna ald-
ursbundnar sjón- og heyrnarbreyt-
ingar hjá öldruðum.
Hluti styrksins til sjónrannsókna
felur í sér háþróaða augnbotna-
myndavél og sjónlags- og sjónmæl-
ingatæki. Líklegt er talið að þessi
hluti öldrunarrannsóknarinnar
gefi tækifæri til að tengja aldurs-
bundnar augnbreytingar og
smáæðabreytingar í augnbotnum
við önnur líffærakerfi.
Þá verður hluti styrksins til
heyrnarrannsókna notaður til
kaupa á bestu tækjum sem völ er á
til heyrnarmælinga. Líklegt er tal-
ið að í fyrirhuguðum rannsóknum
á eyrum og heyrn í þessum hluta
öldrunarrannsóknarinnar gefist
tækifæri á að tengja aldurs-
bundnar breytingar á starfsemi
eyrans, miðeyra og innra eyra
ásamt heyrn, við önnur líffæra-
kerfi hjá öldruðum.
Öldrunarrannsókn Hjartaverndar
350 milljóna samning-
ur við bandarísk
heilbrigðisyfirvöld
VIÐBÓTARLÍFEYRISSPARNAÐUR launa-
fólks hefur reynst meiri og jafnari milli starfs-
stétta en áætlað var við gerð kjarasamninga, sam-
kvæmt úrvinnslu Samtaka atvinnulífsins úr
gögnum Kjararannsóknarnefndar. Samkvæmt
upplýsingum SA er kostnaður atvinnulífsins þeg-
ar orðinn um 4–4,5 milljarðar kr. á ári, um einum
og hálfum milljarði meiri en reiknað var með.
Samkomulag samtaka á vinnumarkaði í desem-
ber sl. um 1% framlag vinnuveitenda til viðbót-
arlífeyrissparnaðar, sem gekk í gildi 1. júlí í ár,
mun að mati samtakanna hækka þessa tölu um
a.m.k. einn milljarð til viðbótar.
Í frétt sem birt er á vefsíðu SA kemur fram að
mikil þátttaka verkafólks í viðbótarlífeyrissparn-
aði hafi sérstaklega komið á óvart, og einnig hve
mikill sparnaðurinn sé og hve jafn hann sé eftir
starfsstéttum. Gögn kjararannsóknanefndar
benda til að 55% launamanna hafi í mars sl. fengið
framlög vegna viðbótarsparnaðar samanborið við
22% launamanna tveimur árum áður.
Samið var fyrst um mótframlag vinnuveitenda
gegn viðbótarframlögum launamanna til lífeyris-
sparnaðar árið 2000. Frá miðju ári 2000 og til árs-
loka 2001 námu mótframlögin 1% af launum gegn
2% sparnaði launamanns en á árinu 2002 hækkaði
mótframlagið í 2% og auk þess skyldu vinnuveit-
endur greiða mótframlag sem næmi tíunda hluta
viðbótarframlags launamannsins.
Meðalframlag vinnuveitenda
vegna lífeyrissparnaðar 8,1%
Frá 1. júlí sl. greiða vinnuveitendur einnig þeim
launamönnum sem ekki hafa tekið þátt í viðbót-
arsparnaði 1% framlag til ráðstöfunar í séreigna-
sjóð.
Árið 2000 nam meðalframlag vinnuveitenda til
lífeyrissparnaðar 6,7% af launum en í mars 2001
var mótframlag vinnuveitenda orðið 7,5% að með-
altali og hafði hækkað um 0,8%. „Þetta er mun
meiri aukning sparnaðar en gert var ráð fyrir í
kjarasamningunum, en þá var búist við að þetta
samningsákvæði myndi kosta atvinnulífið 0,2–
0,3% á árinu 2001.
Í mars 2002 var framlag vinnuveitenda orðið
8,1% að meðaltali og aukning launakostnaðar orð-
in 1,4% á samningstímanum vegna viðbótarfram-
laga í lífeyrissjóði, eða 4–4,5 milljarðar króna á
ársgrundvelli. Kostnaður atvinnulífsins er orðinn
mun meiri en búist var við að hann yrði á öllum
samningstímanum, eða 1,4% í stað 0,9%, og nemur
viðbótin um einum og hálfum milljarði króna á ári.
Samningurinn um 1% framlag til viðbótarlífeyr-
issparnaðar, sem gekk í gildi 1. júlí í ár, mun vænt-
anlega hækka þessa tölu um a.m.k. einn milljarð
til viðbótar,“ segir í samantekt Samtaka atvinnu-
lífsins.
Mikil þátttaka í lífeyris-
sparnaði kemur á óvart
Kostnaður atvinnulífs-
ins vegna mótframlaga
er um 4–4,5 milljarðar
MATTHÍAS Johannessen, skáld og fyrrverandi rit-
stjóri Morgunblaðsins, var heiðursgestur á ritþingi í
Gerðubergi í gær þar sem nokkrir valinkunnir ein-
staklingar fjölluðu um skáldskap Matthíasar sem
spannar nærri hálfa öld. Fyrsta ljóðabók hans, Borgin
hló, kom út árið 1958 en ljóð Matthíasar hafa síðan ver-
ið þýdd á fjölda tungumála og hann hefur hlotið marg-
víslegar viðurkenningar fyrir verk sín.
Silja Aðalsteinsdóttir stjórnaði umræðunum en
blandað var saman upplestrum skáldsins, umræðum og
útleggingum spyrlanna, Bernards Scudders og Ástráðs
Eysteinssonar.
Matthías las upp úr bók sinni Vatnaskil sem kemur út
á næstu dögum og Sigrún Hjálmtýsdóttir og Anna
Guðný Guðmundsdóttir fluttu tónlistaratriði.
Að ritþinginu loknu var opnuð sýning á myndverkum
úr einkaeign Matthíasar.
Við hlið Matthíasar er Bernard Scudder.
Morgunblaðið/Golli
Matthías Johannessen á ritþingi
GÍSLI Tryggvason hdl. og fram-
kvæmdastjóri BHM segir kröfur
kvenna í vinnu hjá hinu opinbera um
að fá umsamda óunna yfirvinnu við-
urkennda sem hluta af dagvinnu-
launum í barnsburðarleyfi hafa verið
baráttumál BHM í rúman áratug.
Dregist hafi að láta reyna á kjararétt
kvenna fyrir dómi en laganefnd
BHM hafi þrívegis komist að svip-
aðri niðurstöðu og Hæstiréttur gerði
í síðustu viku er hann dæmdi konu í
vil þegar hún stefndi ríkinu vegna
launa í barnsburðarleyfi.
Gísli segir einkum um að ræða
konur með lögfræði- og viðskipta-
menntun í opinberum störfum. Segir
hann margar konur hafa beðið eftir
niðurstöðu Hæstaréttar, enda um
prófmál að ræða. Að sögn hans eru
e.t.v. nokkrir tugir kvenna sem eiga
sama rétt og sú sem Hæstiréttur
dæmdi í vil, þ.e. ef ríkið ber ekki fyr-
ir sig fyrningu vegna hugsanlegra
krafna.
„Ég vona að konur geti lýst kröf-
um sínum hjá ríkisstofnunum og
fengið þær greiddar ef þær hafa haft
samskonar samninga um óunna yf-
irvinnu,“ segir hann.
Gísli segir að hætta sé á að margar
kröfur séu þó fyrndar vegna dráttar
á málunum, en það helgist af því
hvort ríkið beri fyrir sig fyrningu.
Kona vann próf-
mál gegn ríkinu
Konur geta
krafist
greiðslna