Morgunblaðið - 16.11.2002, Page 12

FRÉTTIR
12 LAUGARDAGUR 16. NÓVEMBER 2002 MORGUNBLAÐIÐ
SEX Íslendingar mæta jafn-
mörgum Bandaríkjamönnum á
hnefaleikasýningu í Laugardalshöll
í kvöld en að keppninni standa
Sextándinn og BAG, boxklúbbur
Hnefaleikafélags Reykjaness.
Verður þetta fyrsta stóra keppnin í
ólympískum hnefaleikum sem fram
fer hér á landi. Þórður Svavarsson,
Skúli Vilbergsson, Árni Ísaksson,
Skúli Ármannsson, Ævar Ómarsson
og Axel Borgarsson verja heiður
landans í Höllinni. Skúli Ármanns-
son er í boxklúbbi Guðmundar Ara-
sonar í Reykjavík en hinir eru frá
BAG í Keflavík.
Guðjón Vilhelm Sigurðsson er
þjálfari strákanna frá BAG. „Ég á
von að því að þetta verði æðislegt
kvöld. Við vitum að Kanarnir eru
góðir tæknilega séð en ég er virki-
lega stoltur af því hvað strákarnir
eru alltaf brattir og tilbúnir í allt.
Það er ekkert verið að ráðast á
garðinn þar sem hann er lægstur,“
segir Guðjón Vilhelm og segir
hnefaleika eiga framtíð fyrir sé á
Íslandi.
„Við ætlum okkur að sýna og
sanna fyrir þjóðinni hvað við erum
búnir að vera að leggja mikið í
þetta. Ég verð illa svekktur ef eng-
inn frá okkur vinnur bardaga þetta
kvöld,“ segir Guðjón Vilhelm en
reyndur sænskur dómari og hnefa-
leikakappi, Mikael Höök, dæmir
keppnina.
Sögulegur viðburður
„Fólk ætti að vera meðvitað um
það að þetta er sögulegur við-
burður. Eftir tíu til fimmtán ár á
fólk eftir að geta stært sig af því að
það hafi verið statt á fyrsta boxvið-
burðinum á Íslandi eftir að það var
leyft,“ segir Guðjón Vilhelm.
Hann segir að fyrsta flokks
keppnishringur verði notaður í
Höllinni í kvöld og segir að ekkert
verði til sparað í umgjörð sýning-
arinnar. Lofar hann góðri skemmt-
un í Höllinni. „Okkar markmið með
þessu er að sýna fram á flott box.“
Íslensku Rottweilerhundarnir
hita upp, Páll Rósinkrans verður á
staðnum og Jón Gnarr skemmtir.
Hnefaleikasýn-
ing í Höllinni
Ljósmynd/Arnar Fells
Æfingin skapar meistarann, líka í hnefaleikum, en myndin er frá æfingu
hjá BAG í Keflavík. Guðjón Vilhelm þjálfari er stoltur af íslensku keppend-
unum og segir þá ekki ráðast á garðinn þar sem hann sé lægstur.
„VIÐBRÖGÐIN hafa hreint út sagt
verið eins og í lygasögu, ég er orð-
laus,“ segir Stefán Karl Stefánsson
leikari um áhuga almennings á
samtökunum Regnbogabörn, en
stofnfundur þeirra verður í Þjóð-
leikhúsinu í dag kl. 14. „Það er á
degi sem þessum sem manni finnst
óþarfi að sofa,“ bætir hann hlæj-
andi við. Fundurinn er öllum opinn
og aðgangur ókeypis.
Á fundinum verður kosin und-
irbúningsstjórn sem ætlað er að
halda áfram að vinna í samræmi
við hugmyndir Stefáns Karls um
framtíðarstarfsemi samtakanna.
„Við munum vinna áfram að þeim
hugmyndum sem ég hef hingað til
unnið að, að réttur barna sé virt-
ur. Það er vandasamt verk fyrir
höndum. Við höfum komið saman
meðferðarráði sem mun vinna að
meðferðinni sem fram mun fara í
húsnæði samtakanna. Við þurfum
líka að vinna að samkomulagi um
rekstur hússins við Hafnarfjarð-
arbæ og að ýmsum sérverkefnum
sem við munum beita okkur fyrir.
En fyrst og fremst ætlum við að
einbeita okkur að því að reyna að
stöðva einelti og annað andlegt of-
beldi sem veldur vanlíðan fólks.
Við munum finna samtökunum
góðan og nýtan farveg.“
Stefán Karl segist gera sér
grein fyrir að vandamálið sé mikið
og erfitt viðfangs. „Ég vil sjá
breytingu eftir 25 ár. Ég vil sjá
stjórnvöld koma að þessu, ég vil
sjá húsið rísa.“
Þá leggur Stefán Karl ríka
áherslu á samstarf við aðra aðila
s.s. Rauða krossinn sem hann segir
þegar í bígerð. Hann hvetur alla
til að skrá sig í samtökin og að
starfa í þágu þeirra. Lagt er til að
áhugasamir styrki Regnbogabörn
mánaðarlega um 250 krónur, þ.e.
3.000 krónur á ári til að skapa
samtökunum starfs- og rekstr-
argrundvöll. „Hugmynd mín er að
samtökin fari á fjárlög strax árið
2004. Að öðrum kosti mun þetta
ekki getað gengið upp sem
skyldi.“
Fyrsta orrustan unnin
„Þetta er samfélagsmál, okkar
hlutverk er að hlúa að börnunum.
Ég lít svo á að ég hafi unnið fyrstu
orrustuna í stríðinu og nú ætla ég
safna í eitt allsherjar herlið og
fara í stríð gegn einelti fyrir fullt
og allt. En þetta gerist hægt og
rólega.“
Stefán Karl hefur ferðast milli
grunnskóla landsins um nokkurt
skeið og haldið fyrirlestra um ein-
elti sem hvarvetna hafa verið vel
sóttir. Nú hefur honum bæst liðs-
auki frá leikurunum Gunnari
Helgasyni og Felixi Bergssyni sem
síðar meir munu leysa hann af
hólmi í fyrirlestrahaldinu.
Forseti Íslands, Ólafur Ragnar
Grímsson, mun ávarpa stofnfund-
inn. Þá munu söngkonurnar Selma
Björnsdóttir og Jóhanna Vigdís
Arnardóttir syngja við undirleik
Kjartans Valdemarssonar píanó-
leikara. Pálmi Gestsson leikari er
fundarstjóri.
Morgunblaðið/Jim Smart
Stefán Karl Stefánsson, einn helsti talsmaður þolenda eineltis á Íslandi,
vonast til að sjá sem flesta á stofnfundi Regnbogabarna í Þjóðleikhúsinu.
Safnað í herlið
gegn einelti
Stofnfundur Regnbogabarna
í Þjóðleikhúsinu í dag
Aðspurður segir hann að ef ekk-
ert gerist gæti málið á endanum
farið fyrir EFTA-dómstólinn, en
segist vona að ekki þurfi að koma
til þess.
Jónas segir að tiltölulega fá
samningsbrotamál við Ísland
standi opin, eða átján talsins, en í
skýrslunni segir að Ísland standi
sig best af öllum 18 EES-lönd-
unum í að leysa ágreiningsmál
fljótt og örugglega.
Hanna Sigríður Gunnsteinsdótt-
ir, lögfræðingur í félagsmálaráðu-
neytinu, segir að aðalskýringin á
því að lögleiðing tilskipana er lúta
að vinnumarkaði hafi tekið svo
langan tíma sé að ráðuneytið hafi
samráð við heildarsamtök aðila
vinnumarkaðarins.
„Þegar margir koma að málum
tekur það lengri tíma, það er að-
alskýringin,“ segir Hanna Sig-
ríður. Hún segir að ekki hafi verið
ræddar leiðir til að gera kerfið
skilvirkara en bendir á að nú hafi
ráðuneytið betri tök á því að
undirbúa löggjöf fram í tímann.
Hún tekur sem dæmi að nú sé
verið að hefja samvinnu við aðila
vinnumarkaðarins vegna tilskipana
sem teknar hafi verið upp í
EES-samninginn og taki gildi árið
2005.
ÍSLAND stendur sig ágætlega í að
lögleiða tilskipanir sem samþykkt-
ar hafa verið á Evrópska efnahags-
svæðinu, samkvæmt nýrri skýrslu
ESA, Eftirlitsstofnunar EFTA, um
framkvæmd EES-samningsins. Ís-
land er þar í 6.-7. sæti af öllum 18
ríkjum EES, sem Jónas Fr. Jóns-
son, framkvæmdastjóri hjá ESA,
telur viðunandi frammistöðu.
Í skýrslunni kemur fram að 1,4%
tilskipananna hafi ekki verið lög-
leidd með fullnægjandi hætti hér á
landi. Það er í samræmi við
markmið ESB um að aldrei standi
meira út af en 1,5% gildandi til-
skipana.
Gengur hægt að lögleiða
vinnumarkaðstilskipanir
Jónas bendir á að hægt hafi
gengið að lögleiða tilskipanir er
varða vinnumarkaðinn hér á landi,
það sé þó ekki nýtt vandamál þar
sem það hafi einnig komið fram í
síðustu könnun. „Þar virðist vera
einhver tregða sem maður ætlar að
sé ekki af öðrum en skipulagsleg-
um toga; að menn vinni ekki nógu
hratt við að koma þessu í gagnið.
Það er auðvitað ekki gott og ef
heldur fram sem horfir held ég að
við neyðumst til að gera eitthvað í
því,“ segir Jónas.
Lögleiðing EES-
reglna gengur vel
PERSÓNUVERND bárust alls 920
erindi á síðasta ári og náðist að af-
greiða 890 erindi. Í árslok voru því
30 mál óafgreidd. Að auki tók Per-
sónuvernd við 541 erindi í tilkynn-
ingu. Í ársskýrslu Persónuverndar
fyrir árið 2001 kemur einnig fram að
af nærri 25 milljóna kr. sértekjum
hafði stofnunin rúmar 18 milljónir í
tekjur af svonefndu eftirlitsgjaldi
vegna gagnagrunns á heilbrigðis-
sviði. Gjaldið hefur Íslensk erfða-
greining greitt þó að gagnagrunnur-
inn hafi ekki formlega verið tekinn í
notkun.
Samkvæmt reglugerð um gagna-
grunninn ber Íslenskri erfðagrein-
ingu að standa undir kostnaði sem
heilbrigðisráðuneytið, starfrækslu-
nefnd, Persónuvernd, siðanefnd og
landlæknir hafa af því hlutverki sem
þessum aðilum er falið að sinna sam-
kvæmt ákvæðum laga um gagna-
grunninn. Samkvæmt upplýsingum
frá Íslenskri erfðagreiningu hafa
greiðslur aðallega runnið til Per-
sónuverndar, aðrar greiðslur hafa
verið í biðstöðu.
Tilfallinn kostnaður Persónu-
verndar í fyrra vegna gagnagrunns-
ins nam sem sagt rúmum 18 millj-
ónum kr. en aðrar sértekjur voru
sérfræðiþjónusta fyrir rúmar 6 millj-
ónir. Stofnuninni tókst nokkurn veg-
inn að vera innan fjárheimildar frá
ríkinu, sem nam 43,5 milljónum, en
kostnaður af starfseminni endaði í
rúmum 44 milljónum kr.
ÍE með 50 rannsóknaleyfi af 64
Í ársskýrslu Persónuverndar er
m.a. birt yfirlit um leyfi sem veitt
voru vegna vinnslu persónuupplýs-
inga í tengslum við framkvæmd vís-
indarannsókna á heilbrigðissviði. Af
64 leyfum tengdist Íslensk erfða-
greining 50 þeirra ásamt fjölmörg-
um vísindamönnum sem eru í sam-
starfi við fyrirtækið. Átta leyfi
tengdust Urði-Verðandi-Skuld.
Þá var starfsleyfi veitt til handa
Einnig kemur fram í ársskýrslunni
að ÁTVR hafi fengið leyfi til að
„skrá“ upplýsingar um þá sem grun-
aðir eru um þjófnað í verslunum
ÁTVR, þ.e. til söfnunar og vinnslu
efnis úr eftirlitsmyndavélum.
Persónuvernd bárust
920 erindi á síðasta ári
18 milljónir
í sértekjur
af gagna-
grunninum
„SÍMINN hefur undanfarin ár verið
með stöðugt varasímasamband í
gegnum jarðstöðina Skyggni,“ segir
Heiðrún Jónsdóttir, upplýsinga-
fulltrúi Landssímans. Hún segir
Símann hins vegar ekki til þessa
hafa tryggt sér stöðugt varasam-
band í gagnaflutningi í gegnum
gervitungl.
Greint var frá í Morgunblaðinu í
vikunni að Íslandssími hefði tryggt
stöðugt varasamband við útlönd
með samningum við TDC í Dan-
mörku um aðgang að gervitungli.
Heiðrún segir að vegna varasam-
bandsins í gegnum Skyggni hafi
Síminn ekki misst niður símasam-
band eins og hin fjarskiptafyrirtæk-
in, þegar Cantat3 bilaði 28. ágúst sl.
„Hins vegar er afkastageta þess-
ara varasambanda mun minni en af-
kastageta okkar dagsdaglega, þann-
ig að frávísun var óhjákvæmilega
einhver á talsímasambandi áður en
sambandið var sett yfir gervihnött.
Það er því ekkert nýtt að fara þá leið
að hafa stöðugt varasamband við út-
lönd í gegnum gervitungl eins og Ís-
landssími er að boða. Síminn hefur
hins vegar ekki til þessa tryggt sér
stöðugt varasamband í gagnaflutn-
ingi í gegnum gervitungl,“ segir
hún.
Ákvörðunarvald hjá Símanum
Heiðrún segir að í kjölfar atburð-
anna 28. ágúst sl. hafi Síminn farið
yfir málið með Teleglobe, rekstrar-
aðila Cantat3. „Það sem tafði það að
varasamband var sett á var að Tele-
globe hafði ákvörðunarvald yfir því
hvenær sambönd væru flutt um
gervitungl. Síminn hefur nú tryggt
að í framtíðinni er það ákvörðunar-
vald hjá okkur, þannig að við höfum
nú forræðið í málinu. Þannig hefur
Síminn nú forræðið í málinu eftir 30
mínútna bilun,“ segir hún.
Heiðrún bendir einnig á að Sím-
inn hafi unnið að undirbúningi að
lagningu Farice-sæstrengsins í tæp
tvö ár. Auk mikillar vinnu og sér-
fræðikunnáttu hafi Síminn lagt út í
vel yfir 150 milljóna kr. kostnað
vegna verkefnisins. Hún segir Sím-
inn hafa verið í forystu við að koma
upp nýjun sæsteng til landsins og
tryggja þannig stöðugt varasam-
band. Vonir standi til að hann verði
kominn í gagnið í lok næsta árs og
gæði á slíkum varasamböndum séu
miklum mun meiri en á samböndum
yfir gervitungl. Að sögn hennar hef-
ur Síminn einnig skoðað með hvaða
hætti hægt væri að tryggja öryggi
einstakra viðskiptavina sem eru sér-
lega háðir gagnasamböndum vegna
eðlis viðskiptanna og er sú vinna
enn í gangi. „Síminn er einnig að
skoða aðrar leiðir, s.s. sams konar
leið og Íslandssími hefur nú farið,“
segir hún.
Ekki nýtt að hafa
varasamband
um gervitungl