Morgunblaðið - 17.11.2002, Page 30

LISTIR
30 SUNNUDAGUR 17. NÓVEMBER 2002 MORGUNBLAÐIÐ
TVÖ stórverk frá 19. öld eru á dagskrá tónleikasem Sinfóníuhljómsveit Norðurlands heldur íGlerárkirkju á Akureyri í dag, sunnudaginn 17.nóvember. Þetta eru fiðlukonsert í D-dúr op.
77 eftir Johannes Brahms og Sinfónía nr. 3 í Es-dúr op.
55, „Eroica“, eftir Ludwig van Beethoven. Einleikari á
tónleikunum er Sigrún Eðvaldsdóttir fiðluleikari.
Þetta verður í fyrsta skipti sem Sigrún leikur einleik
með Sinfóníuhljómsveit Norðurlands, en fyrir tíu árum
kom hún reyndar fram sem einleikari með forvera sveit-
arinnar, Kammerhljómsveit Akureyrar.
„Ég hef unnið talsvert með Sigrúnu, til dæmis í Sin-
fóníuhljómsveit Íslands, og það er alltaf mjög gaman.
Svo hefur hún spilað með mér fiðlukonsert eftir Hauk
Tómasson með Caput-hópnum; ég er reyndar að fara að
flytja konsert Hauks með Sigrúnu í Berlín í þarnæstu
viku,“ sagði Guðmundur Óli Gunnarsson, stjórnandi Sin-
fóníuhljómsveitar Norðurlands, í samtali við Morg-
unblaðið í tilefni tónleikanna í dag.
Guðmundur Óli og samherjar hans ráðast ekki á garð-
inn þar sem hann er lægstur að þessu sinni.
„Þetta er mjög bitastætt prógramm; mikið kjöt á bein-
unum, og mikil ögrun fyrir hljómsveitina að takast á við
tvö svona stór verk á sömu tónleikunum. Þau eru bæði í
hópi þeirra stóru frá rómantíska tímabilinu sem mann
hefur lengi dreymt um að stjórna. Ég hef hvorugu verk-
inu stjórnað áður, þannig að nú er hátíð í bæ!“
Mikill vinur Brahms, fiðlusnillingurinn Joseph
Joachim, hafði lengi lagt hart að honum að semja fiðlu-
konsert. Brahms, sem var mjög gagnrýninn á eigin verk,
taldi sig þurfa að kynna sér fiðlutæknina betur fyrst, en
veturinn 1878 hóf hann að skrifa konsertinn. Hann sendi
einleikspartinn til fyrrnefnds vinar síns og bað hann að
fara yfir og færa inn athugasemdir eins og „erfitt“,
„óþægilegt“ eða „óspilandi“. Þetta gerði Joachim sam-
viskusamlega, Brahms tók því vel, en breytti nánast
engu! Það þarf því e.t.v. engan að undra að fyrir aðeins
50 árum var því haldið fram í mikilsvirtum tónlist-
arfræðibókum að fiðlukonsertinn, sem nú telst hátindur
fiðlutónlistar, væri of erfiður til að leika svo vel færi.
Konsertinn var frumfluttur í Leipzig á nýársdag 1879
undir stjórn Brahms með vin hans Joseph Joachim sem
einleikara.
Þriðja sinfónía Beethovens, „Sinfonia eroica“ eða
„Hetjusinfónían“, var frumflutt 7. apríl 1805. Beethoven,
sem var mikill lýðræðissinni og baráttumaður fyrir jafn-
rétti og frelsi, hreifst mjög af franska herforingjanum
Napóleon Bónaparte og hugðist tileinka honum þessa
sinfóníu og gefa henni nafnið „Buonaparte“. En þegar
hann frétti að Napóleon hefði látið krýna sig keisara
reiddist hann mjög og þegar verkið var gefið út bar það
heitið „Sinfonia eroica“ eða „Hetjusinfónían“. Sinfónían
er stór í sniðum og er það samdóma álit flestra tónlistar-
unnenda að hún sé ein af merkilegustu tónsmíðum hins
mikla tónjöfurs.
„Það er alltaf erfitt að spila verk sem eru mjög þekkt
því þá hefur fólk samanburð; langflestir hafa heyrt eitt-
hvað úr 3. sinfóníu Beethovens í flutningi flottustu
hljómsveita í heimi. Það er því mikil ögrun fyrir okkur að
spila þetta en engu að síður nauðsynlegt fyrir hljóm-
sveitina. Með aukinni starfsemi er að myndast svigrúm
til að spila þessi stærri verk, sem er nauðsynlegt fyrir
uppbyggingu hljómsveitarinnar. Við höfum verið með
svo fáa tónleika á hverju ári að ég hef ekki viljað leggja
heila tónleika undir tvö verk; það hefur verið nauðsyn-
legt að hljómsveitin spili sem fjölbreytilegasta tónlist, en
nú eru tónleikarnir orðnir heldur fleiri þannig að hægt er
að fara að gera svona hluti.“
Sinfóníuhljómsveit Norðurlands er skipuð hljóðfæra-
leikurum af Norðurlandi. Í þetta sinn koma einnig til
leiks tónlistarmenn frá Reyðarfirði, Hvolsvelli og
Reykjavík.
Tónleikarnir í Glerárkirkju hefjast kl. 16.
skapti@mbl.is
Sinfóníuhljómsveit Norðurlands leikur verk eftir
Brahms og Beethoven í Glerárkirkju
„Mikil ögrun fyrir
hljómsveitina“
Morgunblaðið/Skapti Hallgrímsson
Guðmundur Óli Gunnarsson, stjórnandi Sinfóníu-
hljómsveitar Norðurlands, á æfingu á fimmtudags-
kvöldið fyrir tónleika hljómsveitarinnar í Glerárkirkju
í dag kl. 16. Á efnisskrá að þessu sinni eru tvö stórverk
frá 19. öld. Fiðlukonsert í D-dúr op. 77 eftir Johannes
Brahms og Sinfónía nr. 3 í Es-dúr op. 55 „Eroica“ eftir
Ludwig van Beethoven.
KAMMERKÓRINN Vox Gaudiae
og Kammerkór Nýja tónlistarskól-
ans, einsöngvarar og hljóðfæraleik-
arar halda tónleika í Hjallakirkju í
dag, sunnudag, kl. 20. Á efnisskránni
eru m.a. verk eftir Gaspar van Wer-
becke, Orlando di Lasso, Thomas
Morley, Johann Dowland, Nikolus
Gomolka, G.A. Homilius, W.A. Moz-
art, Anton Bruckner, Camille Saint-
Saëns, Gabriel Fauré og Jón Ás-
geirsson.
Einsöngvarar eru Magnea Gunn-
arsdóttir, Erlendur Elvarsson, Sig-
urlaug Arnardóttir, Laufey Helga
Geirsdóttir, Árni Gunnarsson, Anna
Jónsdóttir, Lára Hrönn Pétursdótt-
ir, Sólveig Elín Þórhallsdóttir, Þor-
steinn Þorsteinsson, Ardís Ólöf Vík-
ingsdóttir, Sigurlaug Arnardóttir,
Anna Margrét Óskarsdóttir og Jóna
Fanney Svavarsdóttir.
Kórar og einsöngvarar koma fram
ásamt semballeikaranum Richard
Simm, lútuleikaranum Snorra Erni
Snorrasyni, organistanum Bjarna Þ.
Jónatanssyni og sellóleikaranum
Grétu Rún Snorradóttur.
Kammer-
kórar í
Hjallakirkju
alltaf á föstudögum
Leiðsöguskóli Íslands
Menntaskólanum í Kópavogi, v. Digranesveg, 200 Kópavogur. Sími 594 4025, netfang: lsk@ismennt.is.
Nám í gönguleiðsögn
Nám og kennsla
Innritun og inntökuskilyrði
Umsóknir
Nám í gönguleiðsögn hefst í byrjun janúar 2003. Kennt verður fram í maímánuð og fer kennsla fram tvisvar
í viku frá kl. 17:30-22:00. Námsgreinar eru svæðalýsingar, hópstjórn, veður og jöklar, ferðamennska og skyndihjálp.
6 daga starfsþjálfun fer fram hjá ferðaþjónustufyrirtækjum sem sérhæfa sig í gönguferðum.
Leiðbeinendur eru úr hópi starfsmanna Íslenskra fjallaleiðsögumanna, okkar reyndustu gönguleiðsögumenn.
Inntökupróf felst í því að taka þátt í tveggja daga göngu með leiðbeinanda.
Umsóknareyðublöð og nánari upplýsingar fást á skrifstofu skólans
eða á heimasíðunni http://mk.ismennt.is/leidny/lsk.htm. Umsóknarfrestur er til 28. nóv. 2002.
Vegna flutnings Brunamálastofnunar losna 450 fermetrar af skrif-
stofuhúsnæði á 4. hæð í Kjörgarði, Laugavegi 59. Húsnæðinu má
deila niður í smærri einingar, t.d. 225 fermetra eða smærri. Leiga
samkvæmt samkomulagi. Bílastæði eru á lóð við bakinngang húss-
ins, sem snýr að Hverfisgötu og svo er bílageymsla hinu megin við
þá götu.
Upplýsingar hjá Vesturgarði ehf.
í síma 587 2640 eða 893 5100.
Kjörgarði, Laugavegi 59
Skrifstofuhúsnæði til leigu

110 fm skrifstofuhúsnæði

120 fm vinnustofa/stúdíó

Bílastæði fylgja
Húsið er á rólegum stað
en steinsnar frá kjarna
miðborgarinnar
Húseignin Klapparstígur 16 ehf.,
símar 896 2470 eða 551 3333.
Til leigu
Klapparstígur 16, 101 R.