Morgunblaðið - 05.01.2003, Blaðsíða 6

FRÉTTIR
6 SUNNUDAGUR 5. JANÚAR 2003 MORGUNBLAÐIÐ
Skógarhlíð 18, sími 595 1000.
www.heimsferdir.is
Stökktu til
Kanarí
16. janúar
frá kr. 45.962
Nú bjóðum við síðustu sætin í sólina 16. janúar til Kanaríeyja á hreint ótrú-
legu verði. Beint flug til Kanarí þann 16. janúar og þú getur valið um eina
eða tvær vikur í sólinni. Það er um 25 stiga hiti á Kanarí um miðjan janúar,
og hér er auðvelt að njóta lífsins við frábærar aðstæður. Þú bókar ferðina
núna og tryggir þér síðustu sætin og 4
dögum fyrir brottför, hringjum við í þig
og látum þig vita hvar þú gistir, og á
meðan á dvölinni stendur nýtur þú
þjónustu reyndra fararstjóra okkar allan
tímann.
Val um 1 eða 2 vikur
Verð kr. 55.950
Verð fyrir manninn, m.v. 2 í íbúð,
gisting, skattar. 16. janúar, 7 nætur.
Ferðir til og frá flugvelli kr. 1.800.
Almennt verð kr. 58.750.
Verð kr. 45.962
Verð fyrir manninn, m.v. hjón með 2
börn, 2–11 ára, flug, gisting og skatt-
ar. 16. janúar, 7 nætur. Ferðir til og
frá flugvelli kr. 1.800. Almennt verð
kr. 48.260.
LEIÐTOGI sértrúarsöfnuðar sem
kveðst hafa klónað fyrsta barnið í
veraldarsögunni hefur neitað því að
koma fyrir rétt í Flórída í Bandaríkj-
unum.
Claude Vorihlon, leiðtogi Raelian-
sértrúarhópsins, sagði í viðtali við
kanadíska sjónvarpið að honum hefði
verið gert að mæta fyrir rétti í Fort
Lauderdale í Florída 22. þessa mán-
aðar. Þar væri ætlunin sú að ákveða
hvort færa bæri barnið undir vernd
réttarins. Sagðist hann hafa ákveðið
að hundsa þessa kvaðningu.
Vorihlon, sem tekið hefur upp
nafnið Rael, sagði að DNA-rannsókn
á barninu hefði hafist á fimmtudag.
Ætlunin hefði verið að leggja fram
sönnun fyrir því að barnið, stúlka
sem að sögn hópsins hefur verið skírð
„Eva“, væri afkvæmi einræktunar.
Rannsókninni hefði verið hætt sökum
dómskvaðningarinnar í Flórída.
Hópurinn lýsti yfir því í liðinni viku
að stúlkubarnið „Eva“ hefði litið
dagsins ljós. Þar með væri fyrsta ein-
ræktaða barnið fætt. Vísindamenn
hafa margir hverjir dregið fullyrðing-
ar hópsins og leiðtoga hans í efa.
Vorihlon er Frakki og kveðst hafa
komist í samband við geimverur á
áttunda áratugnum. Hann og fylgis-
menn hans telja að geimverur hafi
skapað lífið á Jörðinni með einrækt-
un fyrir 25.000 árum. Í sjónvarpsvið-
tölum hefur Vorihlon farið fram á að
hann sé ávarpaður „yðar heilagleiki“.
Annað barn í Hollandi?
Belgíska sjónvarpsstöðin VTM
greindi frá því seint á föstudagskvöld
að annað einræktað barn myndi fæð-
ast í Evrópu um helgina. Ræddi þar
um barn tveggja samkynhneigðra
kvenna. Þessi yfirlýsing barst frá
Raelian-hópnum og sagði þar að
landið þar sem barnið fæddist ætti
landamæri að Belgíu. Landið á landa-
mæri að Frakklandi, Þýskalandi,
Lúxemborg og Hollandi.
Síðar greindi sjónvarpsstöðin frá
því að Vorihlon hefði skýrt frá því í
símaviðtali að barnið myndi fæðast
um helgina í Hollandi.
Hætt við rann-
sókn á „Evu“
Sértrúarhópur segir annað einrækt-
að barn munu fæðast um helgina
Washington. AFP.
TVEIR menn, hið minnsta, féllu og
tugir særðust í Caracas, höfuðborg
Venesúela, á föstudagskvöld þegar
leyniskyttur skutu á hóp mótmæl-
enda.
Átökin voru hörð. Stjórnarand-
stæðingar grýttu lögreglu og fólk
sem safnast hafði saman til að sýna
Hugo Chavez, forseta landsins,
stuðning. Lögregla hóf skothríð og
stuðningsmenn forsetans svöruðu
árásinni með því að grýta fjendur
sína.
Sjónvarpsstöð í Venesúela greindi
frá því að sex menn hefðu verið flutt-
ir í sjúkrahús með skotsár. 12 menn
hefðu slasast eftir grjót- og flösku-
kastið og 75 hefðu þurft á meðferð að
halda eftir að hafa andað að sér tára-
gasi.
Óeirðirnar hófust er stjórnarand-
stæðingar gengu að Fuerte Tiuna-
herstöðinni í Caracas. Fólkið krafð-
ist þess að herforingi í Þjóðvarðlið-
inu, sem gengið hefur til liðs við
andstæðinga forsetans, yrði leystur
úr haldi. Þá var þess og krafist að
Chaves forseti segði af sér. Við her-
stöðina voru fyrir þúsundir fylgis-
manna forsetans, sem nefnast „cha-
vistas“ á spænskri tungu.
Talsmenn mótmælenda sögðu að
30 stjórnarandstæðingar hefðu verið
handteknir.
Vændur um valdníðslu
Ólga og óeirðir hafa verið daglegt
brauð í Venesúela síðasta mánuðinn
eða svo. Andstæðingar forsetans
væna hann um valdníðslu og segja
hann hafa svikið gefin loforð um að
bæta kjör alþýðu manna. Olíuiðnað-
urinn í landinu liggur að mestu niðri
vegna verkfalla en Venesúela er
fimmta mesta olíuútflutningsríki
heims. Hugo Chavez hefur lýst yfir
því að hann hyggist ekki víkja og að
verkfallið verði brotið á bak aftur.
Reuters
Eldri maður leiddur á brott eftir að hafa lent í táragassárás lögreglunnar í Caracas, höfuðborg Venesúela.
Tveir falla í Caracas
Caracas. AFP.
SALEEM Khan, sjö ára drengur í
Kandahar í Afganistan, er hér að
sauma blómamynstur á rúmfatnað
en við það vinnur hann hálfan dag-
inn eftir skóla. Eru vikulaunin hans
um 320 ísl. kr. Mikið fjör hefur
hlaupið í alls konar smáiðnað og
verslunarstarfsemi í borginni eftir
að talibanar voru hraktir frá völd-
um.
AP
Harður heimur
EIGANDI fornrar þorpsknæpu í
Steventon, 90 km norðvestur af
Lundúnum, hefur verið ákærður
fyrir að hafa eyðilagt með jarðýtu
hluta hins sögulega húss sem knæp-
an hefur verið rekin í um aldir.
Kvað starfsfólk knæpunnar hafa
neitað manninum um afgreiðslu á
áfengi á nýársnótt og hann brug-
ðizt við með þessum óvenjulega
hætti.
Knæpan, The North Star Inn, er í
16. aldar bindingsverkshúsi í ensk-
um sveitaþorpsstíl, sem í leið-
sögubókum fyrir ferðamenn er lýst
sem einstaklega vel varðveittu húsi
frá þessum tíma. Eftir ölæðis-
aðfarir eigandans voru veggir
knæpunnar stórskemmdir og þakið
hrunið að hluta.
Kærður fyr-
ir að rústa
eigin knæpu
Lundúnum. AP.
BÁTS með 40 manns um borð er
saknað undan ströndum Tansaníu.
Lagði hann úr höfn sl. þriðjudag og
síðan hefur ekki til hans spurst.
Báturinn fór frá hafnarbænum
Tanga og var ferðinni heitið til eyj-
arinnar Pemba en þangað er aðeins
þriggja til fimm stunda sigling. Tals-
maður lögreglunnar á svæðinu sagði,
að báturinn hefði aldrei komið í
áfangastað og sjálf réði hún ekki yfir
skipi til leitar. Eina vonin er, að bát-
urinn hafi hrakist fyrir veðri og vind-
um til Kenýa eða jafnvel til Comor-
os-eyja.
40 manna
saknað
Dar Es Salaam. AFP.
♦ ♦ ♦
TVEIR menn hafa verið handteknir
í Halmstad í Svíþjóð í tengslum við
morðið á 22 ára gömlum karlmanni,
Marcus Norén. Höfuðið af honum
fannst sl. mánudag gaddfreðið í ánni
Nissen en aðrar líkamsleifar í svört-
um plastpokum á víð og dreif í ánni
með aðstoð kafara og leitarhunda, að
sögn Dagens Nyheter.
Norén hvarf 28. desember. Hinir
handteknu eru að sögn Lars Ham-
ren, lögreglumanns sem stjórnar
rannsókninni, báðir með langan of-
beldisferil að baki og fundust einnig
líkamsleifar í íbúð þar sem þeir náð-
ust eftir ábendingu frá almenningi.
Talið er að þeir hafi myrt Norén í
íbúð hans við Söderlings-götu í
miðbæ Halmstad. Íbúðin er í nokkur
hundruð metra fjarlægð frá Nissen-
ánni.
Annar mannanna er 46 ára gamall
og er hann grunaður um verknaðinn
en hinn er 28 ára og talinn hafa veitt
honum aðstoð.
Óljóst er hvert tilefnið er en vitað
er að Norén var mjög áhugasamur
um svonefndan „hlutverkaleik“. En
ekki er vitað til að hinir handteknu
hafi þekkt hinn látna og hafa menn
því gefið upp á bátinn tilgátur um að
Norén hafi ásamt mönnunum tekið
þátt í ofbeldisfullum hlutverkaleik
sem hafi endað með morði.
Tveir handteknir vegna
morðs í Halmstad