Morgunblaðið - 05.01.2003, Blaðsíða 20
20 SUNNUDAGUR 5. JANÚAR 2003 MORGUNBLAÐIÐ
ÞJÓÐARÁTAK um nýsköpun er yf-irskrift nýsköpunarsamkeppn-innar að þessu sinni. Fram kom ímáli aðstandenda keppninnarþegar henni var formlega hleypt
af stokkunum fyrir nokkrum dögum að
markmið átaksins væri að örva nýsköpun og
frumkvöðlastarfsemi í íslensku atvinnulífi til
að stuðla að auknum hagvexti og bættum
lífskjörum. Ætlunin væri að stuðla að mark-
vissum vinnubrögðum við virkjun nýrra
hugmynda í atvinnulífinu og laða fram
áhugaverð verkefni. Nýsköpun og frum-
kvöðlastarfsemi í atvinnulífi hefði mikil
áhrif á hagvöxt og þar með lífskjör almenn-
ings.
Að Nýsköpun 2003 standa Nýsköp-
unarsjóður atvinnulífsins, KPMG, Háskól-
inn í Reykjavík, Morgunblaðið, Íslands-
banki og Byggðastofnun. Tveir þeir
síðastnefndu hafa ekki komið að keppninni
áður. Auk þess styðja Síminn, Eimskip,
Samherji og Nýherji keppnina. Skilafrestur
í Nýsköpun 2003 er til 31. maí 2003, en úr-
slit verða kynnt í september það ár.
Viðskiptaáætlanir af ýmsum toga
Samtals bárust 229 viðskiptaáætlanir í
þeim þremur nýsköpunarsamkeppnum sem
haldnar hafa verið til þessa. Þar af bárust
85 áætlanir í fyrstu keppninni, Nýsköpun
1999. Árið eftir bárust 35 áætlanir en Ný-
sköpun 2001 var sú fjölmennasta, þá bárust
109 viðskiptaáætlanir. Þeir sem skráðu sig
til keppni í þessum samkeppnum voru 700
að tölu árið 1999, 650 árið 2000 og 580 árið
2001.
Þær viðskiptaáætlanir sem borist hafa í
keppnunum til þessa eru af ýmsum toga.
Það sama á og við um þær áætlanir sem
fengið hafa viðurkenningu eða verðlaun. Má
þar nefna ýmsa starfsemi á sviði hugbún-
aðargerðar, fatahönnun, ferðamál, þróun í
skólastarfi, tannlækningar, heilbrigðismál-
efni, tækninýjungar, ljósmyndir, nýjungar í
rekstri leikskóla og margt fleira.
Þátttakendum í nýsköpunarsamkeppnum
hefur frá upphafi staðið til boða að sækja
námskeið þar sem sérfræðingar leiðbeina
við gerð viðskiptaáætlana. Fjöldi þeirra sem
sótt hafa slík námskeið hefur verið á bilinu
4–500 í hverri keppni. Nú eftir áramót
verða haldin námskeið víða um land vegna
Nýsköpunar 2003.
Eins og áður fá allir sem skrá sig til
keppni leiðbeiningarhefti og Excel-líkan til
aðstoðar við að vinna að uppsetningu við-
skiptahugmyndar. KPMG hefur smíðað
þetta líkan. Auk þess fylgir með gögnum
sérstakur CD-diskur með fyrirlestrum og
ýmsum öðrum gögnum sem eiga að geta
komið þátttakendum að gagni.
Viðameiri samkeppni en áður
Nýsköpun 2003 er nokkru viðameiri en
þær samkeppnir sem haldnar hafa verið
hingað til. Keppnin er nú í fyrsta skipti með
tvennum hætti. Annars vegar er hægt að
senda inn fullbúna viðskiptaáætlun, sem
þarf að vera u.þ.b. 20–25 síður. Hins vegar
er nýjung að hægt er að leggja fram hug-
myndalýsingu. Hún þarf að uppfylla ákveð-
in skilyrði hvað varðar innihald og lengd og
skal hún vera 5–7 síður.
Hugmyndalýsing getur ekki unnið til
verðlauna í aðalkeppninni en hún fer hins
vegar í hóp þeirra sem koma til álita við val
á fulltrúum Íslands í Evrópukeppni um við-
skiptahugmyndir. Hugmyndalýsingar munu
fá stutta umsögn dómnefndar.
Í aðalkeppninni, þ.e. samkeppni um við-
skiptaáætlanir, er keppt um peningaverð-
laun. Fyrsti vinningur er ein milljón króna,
að viðbættri ráðgjöf hjá KPMG, og önnur
verðlaun eru 500 þúsund krónur. Þar að
auki eru veitt fimm eitt hundrað þúsund
króna hvatningarverðlaun.
Fullgildar viðskiptaáætlanir verða lesnar
og metnar af sérfræðingum og fær hver
áætlun ítarlega umsögn.
Í Nýsköpun 2003 verður höfðað sér-
staklega til starfandi fyrirtækja. Í því sam-
bandi er ekki endilega verið að leita að ný-
stárlegum hugmyndum, heldur verkefnum
sem kalla á gerð viðskiptaáætlunar. Þetta
geta t.d. verið verkefni sem fela í sér sókn á
nýja markaði, þróun nýrrar þjónustu eða
vöru, starfsemi á sviði verslunar o.s.frv.
Auk þess er eins og áður lögð áhersla á að
laða fram nýstárlegar hugmyndir úr um-
hverfi frumherjanna.
Á annað hundrað ný störf
Samkvæmt könnun Nýsköpunarsjóðs at-
vinnulífsins má ætla að á annað hundrað ný
störf hafi orðið til í landinu í tengslum við
þær samkeppnir um gerð viðskiptaáætlana
sem haldnar hafa verið til þessa. Einnig er
gert ráð fyrir að til hafi orðið nokkur fjöldi
nýrra fyrirtækja vítt og breitt um landið í
framhaldi af samkeppnunum.
Hér til hliðar eru viðtöl við aðstandendur
tveggja fyrirtækja og eins verkefnis sem
fengu verðlaun í fyrri samkeppnum. Til-
viljun réð því hvaða fyrirtæki og verkefni
voru tekin til athugunar en af nógu var að
taka. Ekki verður annað séð af þessum fyr-
irtækjum og verkefninu en að samkeppni
um gerð viðskiptaáætlana hafi komið að
gagni og að nýstárlegar hugmyndir frum-
herja hafi verið laðaðar fram.
Þjóðarátak um nýsköpun
Yfir 200 viðskiptaáætlanir hafa verið sendar inn til keppni í þau þrjú skipti, sem efnt hefur verið til samkeppni um gerð viðskiptaáætlana til þessa.
Grétar Júníus Guðmundsson kynnti sér markmið Nýsköpunar 2003 og ræddi við þátttakendur sem hlotið hafa viðurkenningu og starfa á grundvelli
viðskiptaáætlana sem þeir lögðu fram. Auk þess voru fulltrúar tveggja nýrra aðstandenda keppninnar teknir tali.
gretar@mbl.is
Samkeppni um gerð við-
skiptaáætlana, Nýsköpun
2003, er farin af stað í
fjórða skipti og er skila-
frestur í keppninni til 31.
maí 2003.
ÍSLANDSBANKI hf. hefur bæst
í hóp þeirra fyrirtækja og stofn-
ana sem standa að Nýsköpun
2003.
Halldór S. Magnússon, for-
stöðumaður fyrirtækjaviðskipta á
útibúasviði Íslandsbanka, segir
að bankinn hafi sérstökum skyld-
um að gegna gagnvart litlum og
meðalstórum fyrirtækjum. Mun
fleiri þessara fyrirtækja hafi val-
ið Íslandsbanka sem sinn við-
skiptabanka en nokkurn annan
banka. „Bankinn leitast við að
uppfylla þarfir hvers og eins fyr-
irtækis fyrir fjármálaþjónustu en
vill á sama tíma styðja við þau
verkefni sem líkleg eru til að
skapa framfarir og efla fyrirtækin,“ segir
Halldór. „Með aðild að Nýsköpun 2003 fær
Íslandsbanki kærkomið tækifæri til að taka
þátt í að efla íslenskt atvinnulíf í náinni sam-
vinnu við fyrirtækin í landinu.“
Allar hugmyndir gjaldgengar
Halldór segir engan vafa leika á að gagn sé
að samkeppni af þessu tagi. Hvað eina sem
hvetji til frjórrar hugsunar sé af hinu góða.
Það eitt að forráðamenn fyr-
irtækis setjist niður og geri
áætlun um tiltekna viðskipta-
hugmynd geti skipt verulegu
máli fyrir viðkomandi fyrir-
tæki.
„Í svörum þeirra sem tekið
hafa þátt í nýsköpunarsam-
keppni undanfarin ár kemur
fram að þeir telji sig hafa haft
mikið gagn af þátttöku, hún
hafi komið þeim til þess að for-
ma hugmyndir sem lengi höfðu
blundað í þeim. Mörgum hug-
myndum hefur verið hrint í
framkvæmd og ný störf hafa
skapast.
Auk þess sem leitað er eftir
frumkvöðlahugmyndum eins og áður verður
nú lögð sérstök áhersla á að fá hugmyndir frá
starfandi fyrirtækjum. Hvers kyns hugmynd-
ir, stórar og smáar, geta unnið til verðlauna,
hvort sem um er að ræða hugmynd um nýja
eða breytta framleiðsluaðferð, nýja eða
breytta vörutegund, nýja eða breytta sölu-
aðferð eða sölu inn á nýja markaði. Allar hug-
myndir eiga heima í Nýsköpun 2003,“ segir
Halldór.
Tækifæri til að
efla íslenskt atvinnulíf
Halldór S. Magnússon
„ÞÁTTTAKA Byggðastofnunar í
Nýsköpun 2003 er tilkomin af því
að við sem störfum hjá stofnun-
inni teljum þetta vera tæki til at-
vinnuþróunar sem efli frum-
kvöðlastarf á landsbyggðinni, á
okkar starfssviði,“ segir Aðal-
steinn Þorsteinsson, forstjóri
Byggðastofnunarinnar. Þetta er í
fyrsta skipti sem stofnunin er
meðal þeirra sem standa að sam-
keppni um gerð viðskiptaáætl-
ana.
Aðalsteinn segir að til að fá
fjármagn til framkvæmda þurfi
fyrirtæki og einstaklingar að
leggja fram vandaðar viðskipta-
áætlanir. Byggðastofnun vilji
stuðla að því að Nýsköpun 2003
nái yfir allt landið, þ.e. að lands-
byggðinni sé sinnt í verkefni af
þessu tagi. Í því sambandi muni stofnunin til
að mynda koma að námskeiðahaldi í tengslum
við keppnina út um land.
„Við lítum svo á að verkefnið feli í sér mik-
ilvæga hvatningu til einstak-
linga og starfandi fyrirtækja,
sem kunna að liggja með góðar
hugmyndir, að vinna þær áfram.
Að því viljum við á Byggðastofn-
un stuðla.“
Keppni sem gagnast
á öllu landinu
Að sögn Aðalsteins liggur
ótvírætt fyrir að þær samkeppn-
ir um gerð viðskiptaáætlana,
sem haldnar hafa verið hingað
til, hafi skilað miklum árangri.
Fjöldi starfa hafi orðið til, víða
um landið. Keppnin gagnist í
raun á öllu landinu og ekki sé
hægt að taka landsbyggðina sér-
staklega út gegn höfuðborgar-
svæði í þessu samhengi.
„Við á Byggðastofnun bindum
auðvitað vonir við að út úr Nýsköpun 2003
komi ferskar hugmyndir sem hægt verður að
koma í framkvæmd þegar fram líða stundir,“
segir Aðalsteinn.
Tæki til atvinnuþróunar
Aðalsteinn Þorsteinsson,
forstjóri Byggðastofn-
unar.