Morgunblaðið - 11.01.2003, Blaðsíða 12

Morgunblaðið - 11.01.2003, Blaðsíða 12
VIÐSKIPTI/ATHAFNALÍF 12 LAUGARDAGUR 11. JANÚAR 2003 MORGUNBLAÐIÐ HAGNAÐUR Baugs Group hf. nam 8,8 millj- örðum króna eftir skatta á fyrstu níu mán- uðum yfirstandandi uppgjörsárs, eða á tíma- bilinu frá 1. mars til 30. nóvember 2002. Þyngst vegur hagnaður af sölu bréfa Baugs ID í Arcadia í september sl., alls um 7,4 millj- arðar króna. Heildarhagnaður Baugs ID nam um 10 milljörðum, en auk hagnaðarins af sölu Arcadia hagnaðist félagið um tæpa 2 millj- arða vegna óinnleysts gengishagnaðar sem færður var til tekna, þ.e. eignarhlutir í skráð- um félögum voru færðir á markaðsverði í uppgjörinu. Tæpra 300 milljóna tap varð hins vegar hjá Baugi Ísland og um 890 milljóna tap hjá Baugi USA. Mesti hagnaður í viðskiptasögu Íslands Heildaruppgjörið sýnir mesta hagnað í ís- lenskri viðskiptasögu frá upphafi. Tekjur fé- lagsins af rekstri á fyrstu níu mánuðunum námu alls 38,5 milljörðum króna og hagnaður fyrir skatta var 6,6 milljarðar króna. Eignir félagsins nema um 48 milljörðum króna og eigið fé er um 19,2 milljarðar króna, sem er aukning um 76% frá síðasta uppgjöri. Eig- infjárhlutfall félagsins var um 40% í lok nóv- embermánaðar liðins árs. Handbært fé Baugs Group nemur 14,2 milljörðum króna. EBITDA framlegð (hagnaður fyrir af- skriftir og fjármagnsliði) var neikvæð um 885 milljónir króna, einkum vegna Baugs USA. Í samtali við Morgunblaðið í gær sagðist Jón Ásgeir Jóhannesson, forstjóri Baugs Group, vera ánægður með útkomuna í heild. „Á heildina litið er þetta frábært uppgjör, hið besta í íslenskri rekstrarsögu. Styrkleikar fé- lagsins felast einkum í því að við erum með um 14 milljarða króna í reiðufé og rúmlega 400 milljónir í nettóskuldir. Við getum byggt mjög mikið á núverandi stöðu, hún gefur okkur tækifæri til framtíðar,“ segir Jón Ás- geir. Baugur Ísland undir væntingum Vörusala hjá Baugi Ísland nam tæpum 25 milljörðum króna sem er 10,2% aukning sé miðað við sömu níu mánuði ársins 2001. EBITDA hagnaður nam 911 milljónum króna en tap Baugs Ísland eftir skatta var 297 millj- ónir króna. Í tilkynningu frá félaginu segir að árangur hafi náðst í birgðastýringu á tímabilinu en matvörubirgðir félagsins minnkuðu um 4,5% milli áranna 2001 og 2002 og sérvörubirgðir um 12%. Jón Ásgeir segir afkomu Baugs Ísland ekki vera viðunandi og helst þurfi að auka fram- legð rekstrarins hér á landi til að bæta af- komuna. „Þetta er heldur lakara en við gerð- um ráð fyrir. Það er ekki viðunandi að eiga varla fyrir afskriftunum.“ Jón Ásgeir bendir á að Baugur hafi nýlega lokað tveimur óarð- bærum verslunum, Hagkaup í Njarðvík og Top Shop við Lækjargötu. „Við erum að reyna að spara í húsnæðiskostnaði, skera nið- ur og ná meira út úr rekstrinum hérna heima.“ Debenhams verslanir Baugs hafa verið mikið í umræðunni og segir Jón Ásgeir að engin eining innan Baugs Ísland hafi sýnt eins mikla söluaukningu í desember og Deb- enhams. Þá hafi verslununum verið ágætlega tekið í Svíþjóð og bindur hann vonir við að rekstur Debenhams taki við sér á næstunni. Hagnaður Stoða 545 milljónir Að sögn Jóns Ásgeirs ganga hlutdeild- arfélög Baugs Group eins og Stoðir, Húsa- smiðjan og SMS í Færeyjum mjög vel. Hagn- aður Stoða á uppgjörstímabilinu nam 545 milljónum og Baugur ID tvöfaldaði eign- arhlut sinn í félaginu í desember, á nú tæpan helming hlutafjár. Síðasta ár var erfitt hjá Baugi USA en stefnt er að því að hagnaður verði af rekstr- inum á næsta reikningsári. Nýr fram- kvæmdastjóri tók við Baugi USA í byrjun nóvember auk þess sem félagið var endur- fjármagnað. Í kjölfarið hefur verið unnið að því að lækka rekstrarkostnað. Jón Ásgeir tel- ur Bonus Stores eiga framtíðina fyrir sér þrátt fyrir tæpra 900 milljóna tap í uppgjör- inu. „Við erum búin að gera mjög mikið í Bandaríkjunum á skömmum tíma og það er að skila árangri.“ Hann segir lokanir á óarð- bærum verslunum vestra hafa verið kostn- aðarsamar en telur að það muni skila sér í betri afkomu á næstunni. Fjárhagsstaða Baugs Group er á heildina litið mjög sterk en mikið verk er framundan hjá stjórnendum, segir í tilkynningu frá fé- laginu. Segir að engar stórfjárfestingar séu áætlaðar hérlendis eða í Bandaríkjunum en áhersla lögð á innri vöxt. Mikil áhersla verði hins vegar lögð á verkefni Baugs Group í Bretlandi en þar telja forsvarsmenn gríð- arleg vaxtartækifæri liggja fyrir félagið. Baugur Group skilar 8,8 milljarða króna hagnaði á fyrstu níu mánuðum uppgjörsársins Hagnaður af sölu Arcadia 7,4 millj- arðar króna Morgunblaðið/Kristinn Jón Ásgeir Jóhannesson, forstjóri Baugs Group, segir afkomu Baugs Ísland vera óviðunandi. BANDARÍSKA verðbréfafyrirtækið JP Morgan hefur hækkað verðmat sitt á deCODE, móðurfélagi Íslenskr- ar erfiðagreiningar. Þetta kemur í kjölfar tilkynningar frá Íslenskri erfðagreiningu um að ákveðnum áfanga hafi verið náð í lyfjaþróun. JP Morgan hefur vegna þessa breytt ráðgjöf sinni varðandi hlutabréf de- CODE og mælir nú með kaupum á hlutabréfunum í stað hlutlausrar ráð- gjafar áður. Frá þessu er greint í greiningarskýrslu JP Morgan á de- CODE, sem birt var í gær. Gengi hlutabréfa deCODE á Nas- daq-hlutabréfamarkaðinum í New York hækkaði um 41,43% í gær í kjöl- far birtingar skýrslunnar. Gengið var 2,97 dalir á hlut við lok markaða. Í greiningarskýrslu JP Morgan kemur fram að verðbréfafyrirtækið telur að eðlilegt gengi hlutabréfa de- CODE sé á bilinu 4-5 Bandaríkjadalir á hlut á þessu ári. Gengið hefur verið í kringum 2 dalir á hlut að undanförnu. JP Morgan telur því að markaðsvirði deCODE sé á bilinu 170-220 milljónir Bandaríkjadala, jafnvirði 13,8-17,8 milljarða íslenskra króna. Bandaríska sjónvarpsstöðin CNBC fjallaði um skýrslu JP Morgan varðandi deCODE í gær með jákvæð- um hætti. Þar var tekið fram að erfða- rannsóknir virtust ganga vel á Íslandi og sérstaklega greint frá því áliti JP Morgan að verð á hlutabréfum de- CODE hefði verið lágt að undan- förnu. Gengi hlutabréfa deCODE hækkaði strax í kjölfar þessarar já- kvæðu umfjöllunar sjónvarpsstöðvar- innar um 25–30 sent á hlut. Fram kemur í greiningarskýrslu JP Morgan að deCODE hafi verið með kynningu á starfsemi félagsins á heilbrigðisráðstefnu JP Morgan í San Francisco í fyrradag. Kári Stefáns- son, forstjóri Íslenskrar erfðagrein- ingar, sá um kynninguna og greindi m.a. frá nýlegum áföngum í starfsem- inni. Þar kom fram að hugsanlegt væri að tveir „lyfjakandidatar“ ÍE, varðandi hjartaáfall annars vegar, og háþrýsting hins vegar, kunni að fara fyrr en almennt megi reikna með í svonefndan annan fasa klínískra rannsókna á þessu ári, í samstarfi við lyfjafyrirtæki. Í skýrslu JP Morgan segir að ef de- CODE takist að gera samstarfssam- ing varðandi annað eða bæði þeirra sjúkdómssviða sem náðst hefur ár- angur í hjá ÍE, þá megi gera ráð fyrir verulegum áfangagreiðslum til fé- lagsins og mögulegum hlut af sölu lyfja. JP Morgan spáir því að tap á rekstri deCODE muni nema 0,75 Bandaríkjadölum á hlut á þessu ári. Gengi hlutabréfa deCODE hækkar í kjölfar greiningarskýrslu JP Morgan Verðmat á deCODE hækk- að verulega Morgunblaðið/Jim Smart Verð á bréfum deCODE tók kipp í gær eftir að JP Morgan hækkaði mat sitt á fyrirtækinu. Lokagengi í gær var tæpum 90 sentum hærra en í fyrradag. AÐ mati Greiningardeildar Kaup- þings banka kemur fátt nýtt fram í mati fjármálaráðuneytisins á þjóð- félagslegum áhrifum stóriðju- og virkjanaframkvæmda á hagkerfið. Í matinu eru dregin upp þrjú dæmi og áhrif þeirra á helstu lykilstærðir í hagkerfinu metin. Dæmin þrjú eru: áhrif þess ef byggt yrði 322 þúsund tonna álver á Reyðarfirði, áhrif þess að álver Norðuráls á Grundartanga yrði stækkað um 150 þúsund tonn en ekki yrði af byggingu álvers á Reyð- arfirði og áhrif þess að reist verði ál- ver á Reyðarfirði og að álverið á Grundartanga verði stækkað. „Fátt nýtt kemur fram sem að ekki hafði komið fram í skýrslu Þjóðhags- stofnunar síðan í sumar en aðferða- fræðin er svipuð. Hins vegar hafa þjóðhagsforsendur breyst nokkuð frá því í sumar og virtist eftirspurn- arslaki enn að aukast og verðbólgu- þrýstingur alveg genginn niður. Jafnframt er krónan orðin sterkari, en í matinu er þó gert ráð fyrir að gengisvísitalan verði um 130 stig. Gengisvísitalan er nú 125 stig,“ segir í Morgunpunktum Kaupþings í gær. Ennfremur telur greiningardeild- in það vekja athygli að gert sé ráð fyrir 322 þúsund tonna álveri eins og Norsk Hydro hugðist byggja, en í sumar og haust hafi hins vegar verið talað um að álver Alcoa yrði 290 þús- und tonn. Greiningardeildin telur að taka verði útreikningum ráðuneytisins með miklum fyrirvara „þar sem margir óvissuþættir eru varðandi verkefnið sem hafa þarna áhrif á t.d. hversu stórt hlutfall vinnuafls væri aðflutt, hvenær framkvæmdir hefj- ast o.s.frv. Einnig skiptir verulegu máli hvar í hagsveiflunni við værum stödd ef ekki kæmi til álversfram- kvæmda, þ.e. hvort eftirspurnar- þrýstingur væri til staðar eða eftir- spurnarslaki. Þannig er mikil óvissa bæði varðandi framkvæmdirnar sjálfar og varðandi matið sjálft á ástandi þjóðarbúskaparins á næstu árum.“ Fátt nýtt í mati fjár- málaráðu- neytis MAT fjármálaráðuneytis á hugsan- legum áhrifum stóriðjuframkvæmda, sem birt var í fyrradag, hefur skapað óvissu á skuldabréfamarkaði. Þessu er haldið fram í vefritum helstu fjár- málastofnana landsins. Ávöxtunarkrafa helstu skulda- bréfaflokka hækkaði í fyrradag í miklum viðskiptum, sem þýðir lækk- un á verðgildi þeirra. Hækkunin gekk til baka á verðtryggðum skuldabréf- um í gær en ekki á óverðtryggðum. Ávöxtunarkrafa verðtryggðra skuldabréfa hækkaði um 0,01–0,06% í fyrradag en lækkaði aftur í gær og rúmlega það. Ávöxtunarkrafa óverð- tryggðra bréfa hækkaði hins vegar í fyrradag um 0,17–0,36% en lækkaði lítillega aftur í gær, eða um 0,04%. Í Morgunkornum Íslandsbanka í gær sagði að svo virtist sem mat fjár- málaráðuneytisins á þjóðhagslegum áhrifum stóriðju- og álversfram- kvæmda hefði haft mest áhrif á hegð- un markaðsaðila á skuldabréfamark- aði. Auk þess mætti ætla að einhverjir fjárfestar hefðu leyst inn hagnað eftir mikla lækkun ávöxtun- arkröfu hús- og húsnæðisbréfa síð- ustu daga. Hækkun ávöxtunarkröfu ríkisbréfaflokka gæti einnig að nokkru leyti verið tengd væntingum um vísitölumælingu Hagstofunnar, sem birtist nk. þriðjudag. Fram kom í Morgunpunktum Kaupþings banka í gær að ætla mætti að hugmyndir um hækkun á lang- tímaraunvöxtum um 2%, til mótvægis við hugsanlegar álversframkvæmdir, og það mat fjármálaráðuneytisins að verðbólgan geti mögulega farið upp í 5–8%, hefðu valdið nokkrum tauga- titringi á skuldabréfamarkaði. Í Markaðsyfirliti Landsbankans í gær sagði að auknar verðbólguvænt- ingar og söluþrýsting á óverðtryggð- um skuldabréfum mætti rekja til greinargerðar fjármálaráðuneytisins um mat á þjóðhagslegum áhrifum stóriðju- og virkjanaframkvæmda. Í hálffimm fréttum Búnaðarbank- ans í fyrradag sagði að greiningar- deild bankans gerði ráð fyrir að óvissuástand muni ríkja áfram á skuldabréfamarkaði næstu vikurnar og ljóst sé að fréttir sem tengist fyr- irhugaðri stóriðju geti breytt lands- laginu á mjög skömmum tíma. Þá sagði í hálffimm fréttum að Seðla- bankinn mundi birta mat sitt á áhrif- um stóriðju í febrúar og skrif bank- ans gætu haft mikil áhrif á þróun skuldabréfamarkaðarins. Óvissa á skuldabréfamarkaði GENGISVÍSITALA krónunn- ar endaði í 124,09 og styrktist um 0,67% í gær. Krónan hefur ekki verið sterkari síðan vik- mörkin voru afnumin 27. mars 2001. Í hálf fimm fréttum Búnað- arbankans kemur fram að doll- arinn hefur verið að veikjast gagnvart helstu gjaldmiðlum á undanförnum mánuðum og til að mynda hefur evran ekki ver- ið sterkari gagnvart dollara síð- an í október 1999. Dollarinn stendur nú í 79,87 og hefur ekki verið lægri síðan 18. ágúst árið 2000. Dollarinn niður fyrir 80 krónur
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.