Morgunblaðið - 11.01.2003, Blaðsíða 18

Morgunblaðið - 11.01.2003, Blaðsíða 18
ERLENT 18 LAUGARDAGUR 11. JANÚAR 2003 MORGUNBLAÐIÐ ÞRÍR menn létu lífið í hörðum árekstri rútu með belgískum skíðamönnum, vöruflutningabíls og bílaflutningabifreiðar á hraðbraut nálægt bæj- unum Rosenheim og Kierfersfelden í Suður- Þýskalandi í gær. Lögreglan sagði að slysið hefði orðið vegna mikillar hálku. 44 slösuðust og nokkrir þeirra alvarlega. Bílstjórar vöruflutn- ingabílsins og rútunnar fórust og einn farþega rútunnar. AP Banaslys á hraðbraut í Þýskalandi LÍKLEGT þótti í gær, að tekist hefði að afstýra fyrsta stórverkfalli opinberra starfsmanna í Þýskalandi í áratug. Náðu deiluaðilar samkomu- lagi í fyrrinótt um málamiðlunartil- lögu og var talið víst, að hún yrði formlega samþykkt. Frank Bsirske, formaður Ver.di, stærstu samtaka opinberra starfs- manna, lét vel af samningnum og Otto Schily innanríkisráðherra og formaður samninganefndar ríkis og bæja sagði, að efnahagslega væri samningurinn réttlætanlegur þótt með honum væri vissulega farið fram á ystu nöf. Samkvæmt samningnum hækka laun opinberra starfsmanna um 2,4% á þessu ári og um 1% í janúar og maí á næsta ári. Þá munu launþegar fá eingreiðslu í tvennu lagi, 15.700 kr. og 4.250 kr. Þá er gert ráð fyrir, að opinberir starfsmenn í lægri launa- þrepum í austurhlutanum fái sömu laun og starfsbræður þeirra í vest- urhlutanum ekki síðar en 2007 og þeir, sem betri laun hafa, 2009. Efnahagsástandið í Þýskalandi er slæmt og ríkisstjórn Gerhards Schröders á ekki sjö dagana sæla af þeim sökum. Er atvinnuleysið komið yfir 10%. Skoðanakönnun, sem birt var í gær, bendir til þess að Angela Merk- el, leiðtogi stjórnarandstöðunnar, sé nú orðin vinsælli en Schröder í fyrsta sinn. 45% aðspurðra sögðust styðja Merkel en 42% kanslarann. Reuters Gerhard Schröder, kanslari Þýskalands, ræðir við fjölmiðlamenn um mála- miðlunarsamkomulag sem afstýrði verkfalli opinberra starfsmanna. Verkfalli afstýrt í Þýskalandi Potsdam. AFP. FLEST bendir til, að grænlenska heimastjórn- in sé fallin og ástæðan er óneitanlega dálítið óvenjuleg: Særingar eða útrekstur illra anda. Þá þykir einnig líklegt, að krafan um fullt eða aukið sjálfstæði Grænlands verði lögð til hliðar að sinni. Hans Enoksen, formaður heimastjórnarinnar og leiðtogi Siumuts eða jafnaðarmanna, sagði í viðtali við grænlenska sjónvarpið í fyrrakvöld, að hann liti svo á, að samstarfið við hinn vinstrisinnaða IA, Inuit Ataqatigiit, væri farið út um þúfur. Þá stóðu líka fyrir dyrum við- ræður um nýja stjórn milli IA og borgara- flokksins Atassuts með Augustu Salling í broddi fylkingar. Kom þetta fram í dönskum fjölmiðlum í gær. Baðst afsökunar á uppátækinu Grunnt hefur verið á því góða með IA og Siumut í þá 37 daga, sem flokkarnir hafa starf- að saman, og aðallega vegna þess, að Siumut hefur skipað tvo af sínum mönnum í æðstu stöður í embættismannakerfinu. Er annar þeirra Jens Lyberth en hann fékk um jólin einkasæringamann sinn, Manguak Berthelsen, til að fara um höfuðstöðvar heimastjórnarinnar í Nuuk og reka burt illa anda. Hefur þetta tiltæki mælst illa fyrir og ekki aðeins hjá kirkjunni, heldur einnig hjá starfs- mannafélögum og öllum almenningi. Josef Motzfeldt, leiðtogi IA, kvaðst heldur ekki kunna að meta hindurvitni af þessu tagi og þetta var kornið, sem fyllti mælinn. Hefur Lyberth beðist afsökunar á uppátæk- inu og segist aldrei munu gera það aftur. Óvissa í sjálfstæðismálunum Siumut og IA hugðust leggja fram skýrslu um sjálfstæðismálin í mars næstkomandi en ekki er nú ljóst hvort af því verður. Hugsanleg stjórnarþátttaka Atassuts getur ráðið einhverju um það en flokkurinn vill fara hægar í sakirnar í þessum efnum en hinir flokkarnir. Þar við bætist, að Grænlendingar virðast vera að átta sig á því, að þeir geti ekki án danska styrksins verið um ófyrirsjáanlega framtíð. Fá tvo þriðju fjárlaganna frá Dönum Jakob Janussen, formaður sjálfstæðisnefnd- arinnar, bendir á, að danski styrkurinn sé tveir þriðju af fjárlögum heimastjórnarinnar og ekki bæti úr skák, að helmingur allra vinnufærra manna í landinu er opinberir starfsmenn. Viðræður milli Grænlendinga og Dana um sjálfstæðismálin fóru fram í Kristjánsborgar- höll í fyrradag og augljóst er af þeim, að Græn- lendingar eru ekki lengur neitt að flýta sér í málinu. Á fundinum minnti Anders Fogh Rasmussen, forsætisráðherra Dana, á, að sjálfstjórn hefði í raun ekkert innihald fyrr en Grænlendingar gætu staðið á eigin fótum fjárhagslega. Samsteypustjórn Grænlands líklega fallin eftir að hafa verið við völd í 37 daga Sprakk á útrekstri illra anda Sennilegt að dregið verði úr kröfunni um aukið sjálfstæði ÞEIR, sem láta áfengi inn fyrir sínar varir þrisvar sinnum í viku, eiga síður á hættu að fá hjartaáfall en þeir, sem smakka það sjaldnar. Er það niðurstaða rannsóknar, sem staðið hefur í 12 ár, en þátttakendur í henni voru næstum 40.000 manns. Rannsóknin sýnir, að bragði menn lítillega á áfengi þrisvar eða fjórum sinnum í viku, eru líkurnar á hjartaáfalli ekki nema 68% miðað við þá, sem smakka það sjaldnar en einu sinni í viku. Þá er áhætta þeirra, sem fá sér lítinn sopa næstum daglega, 63%. Er þá átt við, að menn drekki tvö lítil staup og vísindamennirnir segja, að meira en það hafi eng- an ávinning í för með sér. Hóflega drukkið vín bætir manns- ins hjarta Washington. AFP. MIÐFLOKKURINN í Finnlandi, sem verið hefur í stjórnarandstöðu síðastliðin tvö kjörtímabil, nýtur nú góðs meðbyrs í skoðanakönnunum þegar tveir mánuðir eru þar til Finnar ganga næst til þing- kosninga. Í niðurstöðum könnunar, sem birtar voru á fimmtudag, nýt- ur Miðflokkurinn svo gott sem jafnmikils fylgis og Jafnaðar- mannaflokkur- inn, sem síðustu áratugi hefur verið langstærsti flokkurinn í landinu. Finnskir stjórnmálaskýrendur líta svo á, að Anneli Jäätteenmäki, formaður Miðflokksins, sé eini stjórnmálamaðurinn sem í þessari kosningabaráttu veiti forsætisráð- herranum og jafnaðarmannaleið- toganum Paavo Lipponen harða samkeppni um hylli kjósenda. „Miðflokkurinn er augljóslega að sækja mikið í sig veðrið í skoð- anakönnunum, og þegar svo mjótt er á mununum verður kosningabar- áttan mun harðari en annars hefði mátt búast við,“ sagði Tuomo Martikainen, stjórnmálafræðipró- fessor við Helsinki-háskóla. Sagði Martikainen að átta ára seta á stjórnarandstöðubekknum hleypi auknum baráttuvilja í frambjóðend- ur Miðflokksins; takist flokknum ekki að komast í stjórn eftir næstu kosningar verði framtíð hans óviss. Í nýjustu fylgiskönnun flokkanna hafði Miðflokkurinn aukið fylgi sitt í 24,4%, sem er 1,4% aukning frá síðustu sambærilegu könnun í nóv- ember. Fylgi Jafnaðarmannaflokks- ins mældist nú 24,7%. Fylgi hægri- flokkanna í fjögurra flokka breiðsamsteypustjórn Lipponens, mældist nú nokkuð undir kjörfylgi úr kosningunum 1999. Samkvæmt niðurstöðum könnunarinnar er Hægriflokkurinn nú með 18,3% fylgi (var 21% 1999) og Sænska þjóðarflokksins 4,2% (var 5,1%). Minnsta stjórnarflokknum, Vinstri- bandalaginu, er nú spáð 8,5% fylgi (var 10,9%). Græningjar, sem eru í stjórnarandstöðu, mælast nú með 12,5% fylgi. Finnskir miðju- menn í sókn Tveir mánuðir til þingkosninga Paavo Lipponen. Helsinki. AFP.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.