Morgunblaðið - 15.01.2003, Page 4

FRÉTTIR
4 MIÐVIKUDAGUR 15. JANÚAR 2003 MORGUNBLAÐIÐ
„ÞAÐ bar heldur vel í veiði hjá okk-
ur Sveini í Götu. Við náðum tveim
hvítum tófum og sama fjölda minka
á tæpum tveim tímum þegar við
skruppum niður á aura. Það virðist
allt kvikt af þessum ófögnuði þarna
niður frá,“ sagði Jón Kristinsson á
Staðarbakka í Fljótshlíð eftir vel
heppnaða grenjaferð.
Félagarnir Jón Kristinsson og
Sveinn Pálmi Hólmgeirsson í Götu í
Hvolhreppi ásamt Maríönnu, unn-
ustu þess fyrrnefnda, voru fyrir
skemmstu á ferð á Markarfljótsaur-
um. Með í ferð voru minkahundar
Jóns Ólafssonar á Kirkjulæk í
Fljótshlíð. Á rölti um aurana tóku
hundarnir skyndilega að gerast
órólegir og ekki leið á löngu þar til
þeir hurfu þeim sjónum. Félagarnir
áttuðu sig þó fljótlega á því að
hundarnir höfðu skriðið inn í tófu-
greni. Önnur lágfótan kom fljótlega
út úr greninu hvar hennar lífdagar
voru taldir en hundarnir létu ekki
sjá sig. Eftir talsverða stund kom
önnur og biðu hennar sömu örlög.
Um miðja síðustu öld voru byggð-
ir stýri- eða varnargarðar til að
veita Markarfljóti í einn farveg en
fyrir þær aðgerðir rann fljótið
stjórnlaust yfir gríðarlega stórt
svæði. Eftir þessar aðgerðir var
hafist handa um að græða og rækta
upp aurana með góðum árangri.
Við þetta jókst fuglalíf á þessu
svæði og til margra ára var talsvert
gæsavarp þar sem Markarfljót
rann áður. Nú er svo komið að gæs
og sjálfsagt fleiri fuglategundir
hafa að mestu hörfað vegna ágangs
tófu og minks.
Það er verðugt verkefni fyrir
veiðiyfirvöld að leggjast yfir þessi
mál og kanna hvort ekki sé eitt-
hvað til ráða. Fyrir hvert veitt dýr
eru greiddar sjö þúsund krónur.
Auðvitað er sú tala viðunandi ef
vel veiðist en menn geta þurft að
liggja nótt eftir nótt án þess að
verða varir.
„Allt kvikt
af þessum
ófögnuði“
Ljósmynd/Önundur S. Björnsson
Félagarnir Sveinn Pálmi (t.v.) og Jón Kristinsson með bráð sína og minkahundana frá Kirkjulæk.
Fljótshlíð. Morgunblaðið.
FRÁ og með 1. mars verður hætt að
greiða læknum á Landspítala – há-
skólasjúkrahúsi sérstaklega fyrir
ferliverkaþjónustu sem veitt er á
göngudeildum sjúkrahússins. Til
stóð að fella flestar þessar greiðslur
niður um áramót og hinar 1. febrúar
en stjórnarnefnd LSH ákvað á síð-
asta fundi sínum að fresta gildistök-
unni að beiðni lækna sem málið varð-
ar og á fundi stjórnarformanns og
varaformanns stjórnar, forstjóra og
framkvæmdastjóra lækninga í gær
var ákveðið að sá frestur yrði út
febrúar.
Jóhannes M. Gunnarsson, fram-
kvæmdastjóri lækninga á LSH, seg-
ir að málið sé mjög flókið. Á tveimur
deildum, augndeild og krabbameins-
deild, snúist 80 til 90% vinnunnar um
ferlisjúklinga, þ.e. óinnskrifaða sjúk-
linga, og finna þurfi lausn á því hvað
við taki. „Það er verið að reyna að ná
sæmilegri lendingu sem ekki er allt-
of mikill ófriður um,“ segir hann, en
áréttar að ekki sé um stefnubreyt-
ingu að ræða.
Á stjórnarnefndarfundinum voru
lögð fram bréf yfirlækna í blóðlækn-
ingum, lyflækningum krabbameina
og geislameðferð krabbameina þar
sem fram komu áhyggjur vegna fyr-
irhugaðrar ákvörðunar og óskað eft-
ir að gildistökunni yrði frestað.
Farsæl lausn mikilvæg
Sigurður Björnsson, læknir og
formaður sérfræðingafélags ís-
lenskra lækna, segir að þetta sé
mjög viðamikið og flókið mál.
„Heilbrigðis- og tryggingamála-
ráðuneytið beitti sér fyrir því árið
1992 að sjúkrahúsin gætu tekið þátt í
læknisþjónustu við utanspítalasjúk-
linga, sem ekki þyrftu innlagnar
við,“ segir hann. „Þar sem Trygg-
ingastofnun og einstaklingarnir
sjálfir greiddu fyrir þjónustuna yrði
þetta til að auka sértekjur sjúkra-
húsanna og stuðlaði auk þess að
betri nýtingu á þeirri aðstöðu, sem
sjúkrahúsin höfðu yfir að ráða. Síðan
hafa verið í gildi samningar milli
ráðuneytisins, læknafélaganna,
lækna sem sinna ferliverkum og
sjúkrahúsanna.
Nú hefur Landspítali – háskóla-
sjúkrahús hinsvegar sagt upp samn-
ingum við 66 lækna, sem sinnt hafa
ferliverkum, og er því augljóst að
semja þarf um það með hvaða hætti
þessari þjónustu verður háttað fram-
vegis. Jafnframt þarf að gæta þess
að jafnræði ríki meðal þeirra lækna,
sem sinna læknisverkum við utan-
spítalasjúklinga á spítalanum þannig
að öllum gefist kostur á að sitja við
sama borð í þeim efnum.
Ég tel að frestun stjórnarnefndar
á gildistöku ákvörðunar um afnám
ferliverkagreiðslna sé til marks um
áhuga stjórnenda spítalans á því að
finna á þessu máli farsæla lausn og
tryggja jafnframt að sú góða lækn-
isþjónusta, sem byggð hefur verið
upp, raskist ekki. Jafnframt þarf að
nást um það sátt, hvar veita beri hina
ýmsu þætti heilbrigðisþjónustunnar
á Íslandi og hverjir eigi að koma að
skipulagningu. Einungis með þeim
hætti verður tryggt að fé almanna-
trygginga nýtist sem best og heil-
brigðisþjónustan á Íslandi verði
áfram í fremstu röð.“
Niðurfellingu greiðslna
fyrir ferliverk frestað
EIGENDUR Íshúss Njarðvíkur
fengu í gær grænt ljós frá norskum
yfirvöldum um að þeir mættu halda
áfram björgunaraðgerðum vegna
Guðrúnar Gísladóttur KE-15, sem
sökk við strendur N-Noregs í sumar.
Þetta var tilkynnt eftir að trygging-
ar voru lagðar fram um fjármögnun
verksins. Íshúsið hefur frest til
klukkan 11 í dag til að semja við kaf-
ara um að taka þátt í verkefninu, en
Riise Underwater Engineering var
búið að segja sig frá verkinu, þar
sem eigandi þess var ósáttur við
skipulagningu og fjármögnun verk-
efnisins.
Talsmaður björgunaraðgerðanna
á Íslandi sagði í gær að ekkert bendi
til annars en að samningar muni nást
fyrir tilsettan tíma. Viðræður væru í
gangi við tvö norsk kafarafyrirtæki,
Riise og Seløy. Það fyrirtæki sem
samið verði við muni ljúka verkinu. Í
kafarasamningnum verði miðað við
að verkinu verði lokið á 15–20 sólar-
hringum, en það velti þó allt á veðri,
því ekki sé hægt að ná samningum
við veðurguðina.
50 milljóna viðbótartrygging
Talsmaðurinn segir að eftir að
fréttir bárust um það í gær að fjár-
mögnun verkefnins vegna viðbótar-
kostnaðar væri í höfn, hafi margir
hringt til Íshússins og tilkynnt að
þeir hefðu áhuga á að leggja verk-
efninu lið og taka þátt í fjármögn-
uninni. Að sögn eru það mjög traust-
ir íslenskir fjárfestar sem taka þátt í
verkefninu.
Tryggingin barst yfirvöldum í
Noregi um klukkutíma eftir að frest-
urinn, sem Mengunarvarnir norska
ríkisins (SFT) höfðu gefið, rann út.
Ástæðan var, að sögn talsmannsins,
að það tafðist að afgreiða trygg-
inguna frá bankanum. Viðbótar-
tryggingin sé upp á 50 milljónir ís-
lenskra króna, en Íshúsið hafi
aðgang að töluvert meira fé en það.
Sjö Íslendingar eru nú í Noregi á
vegum Íshússins, en þeir voru fjór-
tán fyrir jól. Talsmaðurinn segir að
menn muni fljúga til Noregs í dag og
næstu daga, nú þegar ekkert sé til
fyrirstöðu að halda áfram. Kafararn-
ir fái 2–3 sólarhringa til að koma sér
til Lófóten og undirbúa sig, þannig
að allt ætti að vera klárt í lok vik-
unnar til að halda áfram.
Ásgeir Logi Ásgeirsson, sem er í
forsvari fyrir björgunaraðgerðirnar
í Noregi, segir menn fegna að þessi
niðurstaða sé í höfn. Starfsmenn Ís-
hússins hafi síðustu daga verið að
undirbúa björgunaraðgerðirnar svo
hægt verði að hefjast handa um leið
og allt er tilbúið. Aðalvinnan sem nú
sé eftir fari fram neðansjávar.
Björgunaraðgerðum
verður haldið áfram
LAUSNARBEIÐNI Ingibjargar
Sólrúnar Gísladóttur úr embætti
borgarstjóra var lögð fram á fundi
borgarráðs í gær. Ingibjörg segir af
sér sem borgarstjóri og sem aðal-
maður í borgarráði frá og með 1.
febrúar nk. Í stað hennar leggja
fulltrúar Reykjavíkurlistans til að
Steinunn Valdís Óskarsdóttir verði
aðalmaður í borgarráði og að Ingi-
björg verði varamaður. Alfreð Þor-
steinsson tekur við af borgarstjóra
sem formaður borgarráðs.
Lögð var fram tillaga um ráðningu
Þórólfs Árnasonar í embætti borg-
arstjóra til loka kjörtímabilsins.
Engar frekari breytingar verða á
borgarstjórn. Tillögunum var vísað
til borgarstjórnar sem mun fjalla um
þær á fundi sínum á morgun.
Kjör borgarráðsfulltrúa er til eins
árs í senn og hefst nýtt kjörtímabil í
borgarráði í byrjun júní.
Að sögn Önnu Kristínar Ólafsdótt-
ur aðstoðarkonu borgarstjóra er
ekki útilokað að þá verði aftur gerð-
ar breytingar á samsetningu borg-
arráðs þegar flokkarnir ganga frá
samstarfssamningi um skiptingu
embætta.
Breytingarnar gilda því til loka
kjörtímabils borgarráðs.
Lausnarbeiðni borgarstjóra
lögð fram á fundi borgarráðs
Steinunn Valdís
verði aðalmaður
í borgarráði
Morgunblaðið/Golli
Frá fundi borgarráðs í gær. Frá hægri: Ingibjörg Sólrún Gísladóttir borg-
arstjóri, Gunnar Eydal, skrifstofustjóri borgarstjórnar, Björn Bjarnason
og Vilhjálmur Þ. Vilhjálmsson borgarráðsfulltrúar.
GERT er ráð fyrir að Hrafnista taki
að sér rekstur á um 50 rúma hjúkr-
unardeild á Vífilsstöðum, sem stend-
ur til að opna eftir að nauðsynlegum
framkvæmdum lýkur.
Davíð Á. Gunnarsson, ráðuneytis-
stjóri í heilbrigðis- og trygginga-
málaráðuneytinu, segir að leitað hafi
verið til Hrafnistu um rekstur á
hjúkrunardeild á Vífilsstöðum og
verið sé að ganga frá samningi þess
efni milli Hrafnistu og ráðuneytisins.
Verið sé að lagfæra húsnæðið þannig
að það henti betur fyrir öldrunar-
sjúklinga.
Landspítalinn á húsið og er unnið
að framkvæmdum í samstarfi við
ráðuneytið og Hrafnistu.
Viðræður við Hrafn-
istu um reksturinn
Ný hjúkrunardeild á Vífilsstöðum
UM 160 manns, starfsfólk grunn- og
framhaldsskóla á Íslandi sótti í síð-
ustu viku ráðstefnu í London í Eng-
landi. Lilja Jóhannsdóttir, deilda-
stjóri í Grandaskóla, segir að á
sýningunni hafi verið sýnt allt það
nýjasta í tölvuhugbúnaði sem notað-
ur er við kennslu í dag. Sýningin hafi
verið mjög yfirgripsmikil og boðið
var upp á fyrirlestra og sýnikennslu
samhliða. Hún segir að skólafólk
kaupi við þetta tækifæri hugbúnað
sem notaður sé í skólunum og einnig
vakni nýjar hugmyndir um hvernig
nýta megi tækni, sem þegar er til
staðar, á annan og fjölbreyttari hátt.
Tölvutæknin sé góð viðbót við aðrar
kennsluaðferðir.
Stærsta sýningin í Bretlandi
„Þetta er einhver stærsta sýning á
hug- og vélbúnaði fyrir kennslu sem
haldin er í Bretlandi,“ segir Jón Karl
Einarsson, sem var fararstjóri hóps
á vegum Úrvals-Útsýnar.
Þetta sé í fimmta skipti sem skipu-
lagðar ferðir séu á sýninguna. Í
fyrstu hafi einungis nokkrir farið en
fjöldinn hafi vaxið í takti við aukinn
áhuga kennara á upplýsingatækni.
160 kenn-
arar sóttu
sýningu
í London