Morgunblaðið - 15.01.2003, Síða 20

LANDIÐ
20 MIÐVIKUDAGUR 15. JANÚAR 2003 MORGUNBLAÐIÐ
Laugardagur 25. janúar
Auglýsendur!
Laugardaginn 25. janúar fylgir Morgun-
blaðinu tímarit um heilbrigði og lífsstíl
í 55.000 eintökum. Í tímaritinu verður
fjallað um það sem viðkemur heil-
brigðu líferni og hraustum líkama.
Tímaritið er prentað á 60 g pappír og
skorið í stærðinni 26,5 x 39,8 sm.
Skilatími
Fullunnar auglýsingar
kl. 16.00 þriðjudaginn 21. janúar
Auglýsingar í vinnslu
kl. 16.00 mánudaginn 20. janúar
Hafðu samband við auglýsingadeild
Morgunblaðsins í síma 569 1111 eða í
gegnum netfangið augl@mbl.is
VERKTAKAFYRIRTÆKIÐ
Arnarfell er að ljúka við gerð
gangamunna við aðkomugöng
eitt og tvö við aðrennslisgöng
Kárahnjúkavirkjunar.
Aðkomugöng eitt verða ofantil
í Teigsbjargi. Arnarfell lauk
vinnu við gangamunnann þar á
síðasta ári en er nú að ljúka við
munnann á aðkomugöngum tvö
við Axará.
Að sögn Sigurbergs Konráðs-
sonar, eins eigenda Arnarfells,
hefur verkið gengið vel, þó töfðu
miklar rigningar í haust nokkuð
fyrir framkvæmdum.
Gangamunnarnir eru rásir
sem gerðar eru gegnum lausan
jarðveg og mynda nokkurs konar
skeifu inn í bergið með sléttum
fleti í endann þar sem ganga-
munninn kemur seinna.
Beðið eftir ákvörðun
Að sögn Sigurbergs bíða þeir
Arnarfellsmenn eftir ákvörðun
Landsvirkjunar með framhald
Kárahnjúkavirkjunar en Lands-
virkjun hefur samið við þá um
gerð vegar ofan í gilið við stífl-
una við Kárahnjúka. Sigurbergur
segir að þeir flytji vinnubúðir
sínar vestur fyrir Jökulsá á Dal
við Kárahnjúka um leið og
Landsvirkjun ákveður framhald
framkvæmda.
Arnarfell að ljúka
framkvæmdum
við gangamunna
Norður-Hérað
Á AÐVENTUKVÖLDI Reykholts-
kirkju nýlega færði Magnús Sig-
urðsson bóndi á Gilsbakka og for-
maður stjórnar menningarsjóðs
Sparisjóðs Mýrasýslu, fyrir hönd
Sparisjóðsins, 3 milljónir króna að
gjöf til byggingar Reykholts-
kirkju.
Guðlaugur Óskarsson, formaður
sóknarnefndar, sagði m.a. við
þetta tækifæri: ,,Allar götur frá
upphafi byggingar í Reykholti hef-
ur Sparisjóðurinn verið þátttak-
andi á sinn hátt í verkinu, með því
að veita lán þannig að unnt væri
að halda áfram þó svo að fyrirheit
gjafa og styrkja sköruðust og ár-
stíð til athafna. Einnig með því að
sýna jafnan lipurð og sanngirni
varðandi vexti og gjalddaga. En
þó ekki síst með því að treysta
okkur. Við bæði flygilkaup og
uppsetningu orgels hefur spari-
sjóðurinn einnig sýnt velvilja og
hjálpsemi.“
Sérstakir gestir á aðventukvöld-
inu, sem sóknarnefnd kirkjunnar
stóð fyrir, voru Karlakór Kjalnes-
inga sem söng og einnig sýndu
börn úr Kleppjárnsreykjaskóla
helgileik.
Morgunblaðið/Sigríður KristinsdóttirHelgileikur nemenda úr Kleppjárnsreykjaskóla.
Reyk-
holts-
kirkja
fær styrk
Reykholt
Morgunblaðið/Sigríður Kristinsdó
Guðlaugur Óskarsson, formaður
sóknarnefndar, tekur við gjöfinni
úr hendi Magnúsar Sigurðssonar.
BLAKÍÞRÓTTIN hefur átt góðu
gengi að fagna í gegnum tíðina í
Þingeyjarsýslum. Þar fara
fremstir í flokki í dag blaköld-
ungar, þ.e.a.s. þeir sem stunda
öldungablak, en til að öðlast rétt
til að æfa og keppa í því þarf við-
komandi að hafa náð 30 ára aldri.
Yfir vetrartímann fara fram
hraðmót hinna ýmsu félaga víðs-
vegar um landið, á vorin lýkur
keppnistímabilinu síðan með hinu
landsfræga Íslandsmóti öldunga
sem að þessu sinni fer fram í
Neskaupstað.
Á dögunum fór eitt þessara
hraðmóta, Nýársmót Völsungs,
fram í Íþróttahöllinni á Húsavík.
Þar mættu til leiks 17 lið frá 8 fé-
lögum og var leikið í 1. deild
kvenna og karla og 2. deild
kvenna. Keppt var á þrem völlum
samtímis og hófst mótið snemma
morguns og lauk síðdegis. Í 1.
deild karla sigraði lið KA, í öðru
sæti urðu karlarnir í UNÞ og
Völsungar náðu þriðja sætinu. Í
fjórða og fimmta sæti höfnuðu
síðan Rimar A og Óðinn.
Í 1. deild kvenna sigraði lið
Völsungs A, í öðru sæti voru Eik-
arkonur, í því þriðja Skautar A
og svo komu koll af kolli Völs-
ungur B, Krækjur A, Freyjur A
og Rimar A. Í 2. deild kvenna
sigruðu Freyjur B, í öðru sæti
var Austri, í því þriðja Völsungur
C og í fjórða, fimmta og sjötta
sæti voru lið Skauta B, Rima B
og UNÞ.
Eins og sjá má á upptalningu
þessara liða komu keppendur
víða að m.a frá Öxarfirði, Eski-
firði, Akureyri, Dalvík, Sauð-
árkróki og Húsavík.
Völsungar breyttu aðeins til í
sambandi við verðlaun á þessu
móti því borið hafði á því und-
anfarin ár að keppendur héldu
heim á leið þegar þeirra lið voru
búin að keppa og enginn væri
eftir til að taka við verðlaunum
fyrir þeirra hönd. Völsungar
ákváðu því að sleppa þeim að
þessu sinni en buðu í staðinn upp
á risastóra tertu frá Heimabak-
aríi sem vakti mikla lukku hjá
keppendum.
Blaköld-
ungar öttu
kappi á
Nýársmóti
Völsungs
Húsavík
Morgunblaðið/Hafþór Hreiðarsson
Það var hart barist á blakmótinu á Húsavík, hér sjást Völsungur B og Eikin
berjast í úrslitahrinu þar sem Eikin hafði sigur, 11-10.
ENGIN matvöru- né olíuverslun hef-
ur verið starfrækt í Bakkafirði frá því
verslunin Sjafnarkjör hætti rekstri 1.
desember sl. Rúmir 30 kílómetrar
eru í næstu verslun til Vopnafjarðar
og 45 kílómetrar til Þórshafnar.
Sjafnarkjör var jafnframt söluaðlili
fyrir ESSO.
Húsnæðisskortur er í Bakkafirði
en í athugun er hvort unnt sé að setja
upp hraðbúð þar sem seldar verða
helstu lífsnauðsynjar, s.s. mjólk og
brauð. Hafa sveitastjórnarmenn í
Skeggjastaðahreppi reynt að hafa
milligöngu um lausn málsins. Fulltrú-
ar Esso settu sig í samband við þá eft-
ir að Sjafnarkjör hætti rekstri og
lýstu yfir áhuga á að starfrækja olíu-
verslun áfram í Bakkafirði. Þær upp-
lýsingar fengust hjá Skeggjastaða-
hreppi að stefnt væri að því að opna
fyrir olíusölu á næstu dögum.
Sjöfn Aðalsteinsdóttir, sem rak
Sjafnarkjör í tæp tvö ár, segist hafa
ákveðið að loka versluninni sökum
rekstrarerfiðleika. Fólksfækkun hafi
orðið í hreppnum og samgöngur
greiðari og fólk sæki í stærri versl-
anir. Hún segir einn aðila í Vopnafirði
hafa lýst yfir áhuga á að leigja hús-
næði Sjafnarkjörs og reka þar áfram
verslun en hún vilji selja húsnæðið.
Engir fleiri aðilar hafi lýst yfir áhuga
á að reka þar verslun.
Árni Róbertsson, kaupmaður í
Vopnafirði, segir að leitað hafi verið
til sín í lok nóvember um að hann
ræki verslun í Bakkafirði en að hann
hefði sagt að hann myndi aldrei íhuga
það fyrr en á nýju ári. Upphaflega
hafi hann sóst eftir að leigja húsnæðið
þar sem Sjafnarkjör var til húsa en
viðræður við eiganda hafi strandað á
leiguverði. Hann er þó bjartsýnn á að
málið kunni að skýrast á næstu dög-
um og vikum og á jafnvel von á að
hann geti fljótlega opnað verslun í
Bakkafirði.
Olíu- og matvöruverslun
ekki starfrækt í Bakkafirði
Stefnt að því
að opna olíusölu
á næstunni
Bakkafjörður