Morgunblaðið - 15.01.2003, Qupperneq 40

40 MIÐVIKUDAGUR 15. JANÚAR 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
HÆSTVIRTI dómsmálaráðherra.
Um leið og ég óska yður og fjölskyldu
yðar gleðilegs árs vil ég ræða við yð-
ur mál valdið hefur mér áhyggjum að
undanförnu.
Eins og yður mun kunnugt um hef-
ur undanfarið verið fjallað nokkuð
um framkvæmd prófkjörs flokks-
manna í flokki yðar, Sjálfstæðis-
flokknum, í Norðvesturkjördæmi.
Frá upphafi hefur flestum lands-
mönnum verið það ljóst að við fram-
kvæmd prófkjörsins voru brotnar
ýmsar grundvallarreglur, bæði
skráðar og óskráðar, sem í gildi eru
um framkvæmd kosningar sem þess-
arar. Hvorki fyrr né síðar hefur
heyrst af mönnum á ferðalagi milli
fyrirtækja með atkvæðakassa eins
og gert var á Akranesi og enginn hef-
ur haft hugmyndaflug til að ímynda
sér að menn kæmust upp með að fara
um Ólafsvík með vasana fulla af at-
kvæðaseðlum.
Í mínum huga hefur íslenskt þjóð-
félag, og þá sérstaklega Sjálfstæðis-
flokkurinn, verið til fyrirmyndar í
umgengni við kosningar. Svo mjög að
fulltrúar okkar hafa valist til eftirlits-
starfa í öðrum löndum með fram-
kvæmd kosninga. Í ljósi þessa hef ég
talið mjög mikilvægt að við höldum
lög og reglur heima hjá okkur.
Því hefur nokkuð verið horft til
stofnana Sjálfstæðisflokksins. Til
þess hvernig þær tækju á þessu máli
sem flestir eru sammála um að sé
hrein og klár lögleysa svo ekki sé
sterkar að orði kveðið.
Ekki verður sagt að maður fyllist
aðdáun yfir því hvernig þær stofn-
anir hafa tekið á málum. Málinu hef-
ur verið vísað fram og til baka eins og
í þeirri von að það leysist af sjálfu
sér. Eins og lögbrot gufi upp. Ein er
sú stofnun sem gengið hefur mjög
hart fram í þessu máli en það er
stjórn kjördæmisráðsins í Norðvest-
urkjördæmi. Hefur formaður
nefndrar stjórnar ítrekað komið
fram í fjölmiðlum reynt að gera lítið
úr málinu. Hefur á máli hans mátt
skilja að ekki hefði verið svo svaka-
lega mikið brotið af reglum. Um lög-
brotin hafi skapast sátt. Nánast eins
og hægt væri að gefa afslátt af
reglum og lögum eða semja sig frá
þeim. Er þetta hægt, Matthías? var
sagt af öðru tilefni.
Því er þetta nefnt við yður, hæst-
virti dómsmálaráðherra, að umrædd-
ur formaður stjórnar kjördæmiðráðs
er undirmaður yðar að aðalstarfi eins
og yður mun vera kunnugt um.
Nefnilega sýslumaður Barða-
strandasýslu. Sýslumenn eru m.a. yf-
irmenn lögreglu og hafa því þann
starfa að halda uppi lögum og reglu í
landinu. Væntanlega líka í Barða-
strandasýslu.
Því hafa vaknað með mér nokkrar
spurningar sem ég vil biðja yður að
svara:
1. Finnst yður við hæfi að sýslu-
menn almennt hafi forgöngu um að
lög og reglur séu ekki virtar í hinum
ýmsu félögum?
2. Hafið þér kynnt yður fram-
göngu sýslumanns Barðstrendinga í
stjórn kjördæmisráðs sjálfstæðis-
manna í Norðvesturkjördæmi?
3. Með hvaða hætti getið þér full-
vissað alþjóð að hann umgangist lög
og reglur með meiri virðingu í sínu
aðalstarfi en hann virðist gera í trún-
aðarstörfum í flokki yðar?
4. Finnst yður líklegt að umrædd-
ur sýslumaður hafi með framgöngu
sinni aukið hróður og traust á emb-
ætti sínu með framgöngu sinni í
stjórn kjördæmisráðsins?
Það er von mín að þér sjáið yður
fært að svara þessum spurningum
mínum hið fyrsta á þessum sama
vettvangi.
PÁLMI STEFÁNSSON,
Ísafirði.
Opið bréf til
dómsmálaráðherra
Frá Páma Stefánssyni:
HUGVEKJA dagsins (12. jan. 2002)
í Morgunblaðinu fjallar um heiðna
veðurguði og er stórundarleg. Eins
og þið vitið ráða veðurguðirnir fyrir
veðri og vindum en þeir eru helstir;
Njörður, Þór, Rán og Freyr. Þá má
ekki gleyma jötnunum, sem helst
láta á sér kræla um vetrartímann en
síðastnefndur Ás hefur vegna fjöl-
skyldutengsla góð ítök á þeim slóð-
um, góðu heilli. Síðast en ekki síst
nefni ég hinn almáttuga Ás, sem ég
er ekki í minnsta vafa um að er sjálf-
ur Jólnir. Þessi öfluga sveit hefur frá
ómuna tíð haft áhrif á gang himin-
tungla, árstíðir, veður og vinda og
svo verður lengi enn.
Í hugvekjunni er það gagnrýnt
harðlega að í fréttabréfi Rangár-
vallahrepps árið 2000 hafi komið fyr-
ir þessi setning: „Þess er óskað að
jólahátíð líði í friði og rósemi og veð-
urguðirnir verði okkur hliðhollir“. í
síðari hluta greinarinnar verður ljóst
að hin harða andstaða við veðurguð-
ina, eða tilhneiging til að gera lítið úr
þeim, er runnin undan rifjum guð-
fræðideildar Háskóla Íslands. Vitn-
að er í Einar Sigurbjörnsson, pró-
fessor við guðfræðideildina, sem
segir að: „ Orðið veðurguðir ætti að
vera bannorð í kristnum munni.“
Verðandi guðfræðingum og tilvon-
andi prestum þjóðkirkjunnar er
kennt að nota orðið veðurenglar í
staðinn. Svo vitnað sé orðrétt í pró-
fessorinn: „Veðurenglar er vissulega
betra orð, enda í samræmi við biblíu-
legan hugsunarhátt.“
Þetta er misskilningur hjá guð-
fræðideild Háskóla Íslands því þótt
veðurenglar séu veðurguðunum til
aðstoðar og alls góðs maklegir, þá
geta þeir ekki komið í staðinn fyrir
veðurguði. Þennan misskilning inn-
an guðfræðideildar Háskóla Íslands
er brýnt að leiðrétta.
SIGURÐUR ÞÓRÐARSON,
Glaðheimum 18.
Til varnar
veðurguðum
Frá Sigurði Þórðarsyni: