Morgunblaðið - 17.01.2003, Síða 11

FRÉTTIR
MORGUNBLAÐIÐ FÖSTUDAGUR 17. JANÚAR 2003 11
HÆSTIRÉTTUR sýknaði í gær
Bláa lónið hf. af tæplega 5 milljóna
kr. skaðabótakröfu manns frá Taív-
an vegna missis framfæranda en
eiginkona hans drukknaði í Bláa
lóninu árið 1999.
Hélt maðurinn því fram að slysið
hefði verið rakið til hættueiginleika
baðstaðarins og fyrirsvarsmenn
Bláa lónsins hefðu ekki farið að
fyrirmælum Heilbrigðiseftirlits
Suðurnesja um að grynnka lónið.
Jafnframt hefðu viðvörunarmerki
verið ófullkomin jafnframt sem
leitin að konunni hefði verið
ómarkviss.
Konan var í hópi ferðamanna frá
Taívan, sem fór í Bláa lónið beint
af Keflavíkurflugvelli. Með í för
voru íslenskur og erlendur farar-
stjóri. Slysið varð þegar konan óð í
lóninu ásamt vinkonu sinni, en báð-
ar voru ósyndar. Höfðu þær farið
út fyrir öryggislínu sem afmarkaði
þann hluta lónsins sem ætlaður var
ósyndum.
Misstu fótanna
og fóru á kaf
Botn lónsins var á þessum tíma
ósléttur og dýpkaði vatnið skyndi-
lega þar sem þær voru staddar.
Misstu þær fótanna og fóru á kaf.
Þegar vinkona hinnar látnu kom
úr kafi sá hún hana hvergi og kall-
aði á hjálp. Starfsmaður Bláa lóns-
ins tók strax eftir því að eitthvað
var að og kallaði á aðra starfsmenn
með því að þrýsta á neyðarhnapp.
Aðrir starfsmenn þustu því á vett-
vang en samkvæmt framburði
þeirra gekk í fyrstu illa að fá
greinilegar upplýsingar frá hópn-
um um hvað gerst hafði. Mun það
hafa stafað af tungumálaerfiðleik-
um og því að félagar í hópnum virt-
ust ekki hafa greinargóðar upplýs-
ingar um atvikið. Fyrstu björg-
unaraðgerðir urðu af þessum
sökum ekki markvissar en fljótlega
eftir að ljóst var hvað gerst hafði
hófu starfsmenn og sundgestir
skipulega leit í lóninu en vatnið er
ógegnsætt. Lögregla og hjálpar-
sveitir voru síðan kallaðar á vett-
vang. Fannst hin látna loks í lóninu
þegar sundgestur rak fótinn í hana.
Hæstiréttur taldi ósannað að
Bláa lónið hf. hefði ekki farið eftir
öllum kröfum þess opinbera aðila
sem fór með eftirlit með starfsemi
félagsins. Þá hefði baðstaðurinn
verið merktur um hættuleg svæði í
afgreiðslu og búningsklefa en sér-
stök öryggislína aðgreindi grynnri
hluta lónsins frá þeim dýpri. Jafn-
framt hefði starfsfólkið verið þjálf-
að til að bregðast við hættuástandi
en sérstaklega hefði verið óskað
eftir því við fararstjóra og leið-
sögumenn að varað yrði við hætt-
um lónsins.
Með framangreint í huga og þær
aðstæður sem sköpuðust við upp-
haf leitar að konunni þótti Hæsta-
rétti ósannað að Bláa lónið og
starfsmenn þess hefðu ekki gert
allt sem í þeirra valdi stóð til að
koma í veg fyrir að slys sem þetta
gerðist og reynt að afstýra því að
svo færi sem fór.
Með dóminum var dómur Hér-
aðsdóms Reykjavíkur frá 18. mars.
sl. staðfestur.
Málið dæmdu hæstaréttardómar-
arnir Guðrún Erlendsdóttir, Árni
Kolbeinsson, Haraldur Henrysson,
Hrafn Bragason og Pétur Kr. Haf-
stein. Lögmaður Bláa lónsins var
Jakob R. Möller hrl. Magnús Thor-
oddsen hrl. var lögmaður áfrýj-
anda.
Bláa lónið sýknað
af bótakröfu
vegna dauðaslyss
Ósannað að ekki hafi verið farið
eftir kröfum opinberra aðila
SEX manns sækja um embætti vega-
málastjóra. Embættið var auglýst
laust til umsóknar í Morgunblaðinu
22. desember sl. og á starfatorgi.is.
Umsóknarfrestur rann til 14. þ.m.
Eftirtaldir sóttu um stöðuna: Birg-
ir Guðmundsson, verkfræðingur, um-
dæmisstjóri Vegagerðarinnar, Akur-
eyri, Gunnar Gunnarsson, hæsta-
réttarlögmaður, framkvæmdastjóri
stjórnsýslusviðs Vegagerðarinnar,
Reykjavík, Hreinn Haraldsson, jarð-
fræðingur, framkvæmdastjóri þróun-
arsviðs Vegagerðarinnar, Reykjavík,
Jón Rögnvaldsson, bygginga-
verkfræðingur, aðstoðarvegamála-
stjóri, Garðabæ, Sigurbergur Björns-
son, rekstrarhagfræðingur, verkefn-
isstjóri, samgönguráðuneytinu,
Reykjavík og Þórhallur Ólafsson,
tæknifræðingur, framkvæmdastjóri
Neyðarlínunnar, Garðabæ.
Sex sækja um
embætti vega-
málastjóra
EINAR Gústavsson, fram-
kvæmdastjóri Ferðamála-
ráðs Íslands í Bandaríkjun-
um, var á dögunum valinn
maður ársins í flokki Evr-
ópuferðamála í tímaritinu
Travel Agent Magazine.
Tímaritið er, að sögn Einars,
eitt það stærsta og virtasta í
ferðamálaiðnaðinum vestan-
hafs og kemur út vikulega.
„Þetta er töluverður heiður
fyrir mig. Í ferðamálaheim-
inum hér þykir þetta hið
besta mál og hef ég fengið
mikil viðbrögð við þessu,“
sagði Einar. Verðlaun eru
veitt fyrir ýmsa flokka og til
dæmis fékk Richard Bran-
son, forstjóri Virgin Atlantic,
verðlaun í sínum flokki.
Auk þess að vera fram-
kvæmdastjóri Ferðamála-
ráðs Íslands er Einar stjórn-
arformaður Bandaríkjadeild-
ar Ferðamálaráðs Evrópu
sem er í New York-borg ásamt því
að vera forseti fyrir Ferðamálaráð
Norðurlandanna í Bandaríkjunum.
„Þetta er búið að vera nokkuð erf-
itt ár fyrir þá sem stunda Evr-
ópumarkaðinn hér en þrátt fyrir það
hefur gengið ágætlega hjá mér.
Vinnan mín fyrir Ferðamálaráð
Evrópu hefur skilað miklu og starf
mitt sem framvæmdastjóri Ferða-
málaráðs Íslands hefur gengið giftu-
samlega og fyrir það hrósa þeir
mér.“ Einar hefur unnið að Íslands-
kynningum í Bandaríkjunum frá
árinu 1990 en um 10 milljónir manna
vinna við ferðamálaiðnaðinn í
Bandaríkjunum.
„Það varð 25% minnkun á ferðum
Bandaríkjamanna til Evrópu á síð-
astliðnu ári en til Íslands var aðeins
5% minnkun þrátt fyrir að dregið
hafi úr flugi Flugleiða til Bandaríkj-
anna um 20%.“ Á nýliðnu ári, og fyr-
ir tveimur árum, voru sýndir tveir
vinsælir þættir um Ísland í banda-
ríska sjónvarpinu, Good Morning
America og The Today Show. „Það
voru engar tilviljanir að þáttagerða-
menn þessara þátta komu til Íslands.
Ég lagði grunninn að því á töluvert
löngum tíma. Þættirnir ollu straum-
hvörfum fyrir Ísland í landkynningu
vestra og urðu til þess að aðrir fjöl-
miðlar tóku upp þráðinn og fóru að
fjalla um landið í ríkum mæli. Þessir
þættir og umfjöllunin í kjölfarið hafa
breytt ímynd almennings á Íslandi í
Bandaríkjunum,“ bætti Einar við.
Fékk viðurkenningu
í Bandaríkjunum
fyrir ferðamál
Einar Gústavsson var nýlega valinn maður
ársins í flokki Evrópuferðamála í tímaritinu
Travel Agent Magazine í Bandaríkjunum.
Á árunum 1997 til 2001 voru nem-
endur á framhaldsskólastigi í kring-
um 20 þúsund. Fjölgunin síðastliðið
haust er því veruleg breyting frá fyrri
árum. Mest fjölgar nemendum í Fjöl-
brautaskólanum við Ármúla, um rúm-
lega þúsund.
10% nemenda í fjarnámi
Í fyrrahaust voru um 3.500 nem-
endur skráðir í fjarnám, eða 9,8%
nemenda. Það er tæp 65% fjölgun frá
haustinu 2001. Aðallega er fjarnám í
fjórum skólum; Kennaraháskóla Ís-
lands, Fjölbrautaskólanum við Ár-
múla, Verkmenntaskólanum og Há-
skólanum á Akureyri.
Fjöldi nemenda í fjarnámi hefur
nærri sexfaldast frá haustinu 1997
þegar 610 nemendur voru í fjarnámi.
NEMENDUM í háskólum á Íslandi
fjölgar mest á milli ára samkvæmt
tölum Hagstofu Íslands. Rúmlega 14
þúsund nemendur stunduðu nám á
háskólastigi síðastliðið haust, sem er
13,5% aukning frá fyrra ári. Nemend-
ur í framhaldsskólum voru rúmlega
21.500 síðasta haust og hafði þeim
fjölgað um 6,5% frá árinu áður.
Haustið 2002 voru alls 35.746 nem-
endur við nám í framhaldsskólum og
háskólum hér á landi. Fjölgaði þeim
um þrjú þúsund frá árinu áður eða um
9,2%
Fleiri konur í háskólum
Konur eru rúm 57% nemenda í
efstu skólastigum eða rúm 20 þúsund.
Hins vegar stunda um 15 þúsund
karlar nám eða 43% allra nemenda.
Meiri munur er á hlutfalli kynjanna
í háskólum en framhaldsskólum. Í há-
skólum eru konur 63,5% nemenda en
í framhaldsskólum rúm 53%.
Þegar einstakir skólar eru skoðaðir
nánar má sjá að konur eru 83,5%
nemenda Kennaraháskóla Íslands en
37,3% Tækniháskólans. Karlar eru
einungis fjölmennari en konur í
Tækniháskólanum og Háskólanum í
Reykjavík. Munurinn í HR er 8%.
Fjölgun nemenda í framhaldsskól-
um og háskólum milli ára nú er meiri
en hefur verið frá árinu 1997. Fjölgaði
í öllum háskólum landsins frá árinu
2001 nema í Tækniháskólanum. Frá
haustinu 1997 hefur nemendum á há-
skólastigi fjölgað um 66%.








  





 

 




 

 


 
  





!


"





#
$

%



Nemendum í fram-
haldsskólum og há-
skólum fjölgar mikið
Tæp 65% fleiri nem-
endur í fjarnámi en
haustið 2001
JÓN BIRGIR Jónsson, sem til
skamms tíma var ráðuneytisstjóri í
samgönguráðuneytinu, er í fullu
starfi sem starfandi stjórnarformaður
hjá Farice hf. vegna lagningar sæ-
símastrengs milli Íslands og Skot-
lands um Færeyjar. Ekki er víst að
hann hverfi aftur til starfa hjá sam-
gönguráðuneytinu en hann er í sex
mánaða leyfi sem ráðuneytisstjóri.
Í lok nóvember var skrifað undir
samning um lagningu sæsímastrengs-
ins og er framleiðslan þegar komin af
stað hjá ítalska fyrirtækinu Pirelli, en
Jón Birgir segir að verið sé að vinna
að nokkrum minni samningum.
Jón Birgir segir að ekki liggi fyrir
hvað taki við hjá sér að loknum fyrstu
sex mánuðum ársins. „Annaðhvort
held ég áfram eða fer til baka,“ segir
hann en hann hefur verið ráðuneyt-
isstjóri í rúm níu ár.
Starfandi
stjórnar-
formaður
Farice
♦ ♦ ♦