Morgunblaðið - 25.01.2003, Blaðsíða 6

FRÉTTIR
6 LAUGARDAGUR 25. JANÚAR 2003 MORGUNBLAÐIÐ
„ÉG gekk með þessa hugmynd í
kollinum eftir að hafa búið hér í
Portúgal á árunum 1989–1991 og
langaði til þess að gera meira, enda
eru möguleikarnir miklir hér í
landi,“ sagði Gestur R. Bárðarson
forstjóri límtrésverksmiðjunnar
Flexilam sem var formlega opnuð í
gær í bænum Mortagua í Portúgal.
Valgerður Sverrisdóttir iðnaðar- og
viðskiptaráðherra opnaði verk-
smiðjuna með formlegum hætti en
Jose Luis Aroroux aðstoðarforsæt-
is- og íþróttaráðherra Portúgals
var einnig viðstaddur opnunina.
Límtré hf. er stærsti hluthafinn í
Flexilam með 47,6% eignarhlut, ný-
sköpunarsjóður atvinnulífsins á
44,4% hlut og Lusitiana Ventures
ehf. á 8% hlut. Gestur er stærsti
hluthafinn í Lusitiana Ventures
ehf.
Verksmiðjan er sú eina af sinni
tegund í landinu og er tækjabún-
aður hennar að mestu íslenskt hug-
vit og smíðaður af vélsmiðju
Bjarna Harðarsonar á Flúðum.
Heildarkostnaður við undirbúning
og byggingu verksmiðjunnar er um
340 millj. ísl. kr. en ársvelta Flex-
ilam á sl. ári var 230 millj. ísl. kr.
og hafði þá aukist um 35% frá því
árinu áður.
Gestur sagði að árið 1996 hefði
límtré verið flutt út í litlum mæli
frá Íslandi til Portúgals en ár frá
ári hefði útlflutningur aukist. „Það
var komið að þeim tímapunkti að
reisa verksmiðju og möguleikarnir
eru miklir. Límtré er ekki mikið
notað í byggingariðnaði hér í
Portúgal en sá iðnaður er gríð-
arlega stór hluti af þjóðarfram-
leiðslu landsins. Margar byggingar
í Portúgal verða endurbyggðar á
næstu árum og fagmenn á öllum
sviðum þekkja möguleikana sem
límtré býður uppá mun betur í dag
en þeir gerðu fyrir nokkrum miss-
erum. Markaðssetning okkar hefur
skilað árangri og við erum mjög
bjartsýnir en ætlum ekki að fara að
hlaupa fyrr en við erum farnir að
geta gengið óstuddir,“ sagði Gestur
þegar hann var inntur eftir fram-
tíðaráformum Flexilam.
Alls eru 27 starfsmenn hjá Flexi-
lam, þar af 13 sem starfa við fram-
leiðslu vörunnar. Gestur sagði að
aðbúnaður starfsfólksins væri með
því besta sem þekktist í Portúgal
og verksmiðjan ynni eftir ströngum
gæðastöðlum. Hráefnið kemur með
flutningabílum frá Noregi, en í
framtíðinni er stefnt að því að nýta
við frá Portúgal.
Íslensk framleiðsla og hugvit
Valgerður Sverrisdóttir sagði í
ræðu sinni að viðskiptaleg sam-
vinna Portúgals og Íslands væri
fjölbreytt og ætti sér langa sögu.
Íslenskir ferðamenn og saltfiskur
væru þekktar stærðir í Portúgal en
nú væri komið að nýjum kafla með
opnun Flexilam.
„Það er ánægjulegt að verða
vitni að því þegar íslensk fram-
leiðsluvara og hugvit er notað til
þess að framleiða vöru á erlendri
grund. Ég hef fylgst með þróun
mála í verksmiðjunni á Flúðum og
það var augljóst að sú verksmiðja
getur ekki stækkað eða framleitt
meira fyrir innanlandsmarkað.
Þessi verksmiðja er ánægjuleg þró-
un sem býr yfir miklum mögu-
leikum, og það er ekki annað að
heyra hjá forsvarsmönnum Flex-
ilam en að þeir hafi hug á því að
stækka markaðssvæði sitt á næstu
árum og nema fleiri lönd,“ sagði
Valgerður.
Telja mikla mögu-
leika í Portúgal
Valgerður Sverrisdóttir, iðnaðar- og viðskiptaráðherra, flutti erindi og opnaði verksmiðjuna formlega.
Íslenskættuð límtrésverksmiðja opnuð í Mortagua
Mortagua. Morgunblaðið.
LÝSTAR kröfur í þrotabú
fréttavefjarins Vísis.is nema sam-
tals um 220 milljónum króna. Þar
af eru almennar kröfur 190 millj-
ónir en forgangskröfur nema 30
milljónum króna. Bjarni S. Ágeirs-
son hrl., skiptastjóri þrotabúsins
segist enn ekki hafa fundið eignir í
búinu. Hugsanlega sé hægt að
tryggja því fé með riftanlegum að-
gerðum en of snemmt sé að segja
til um það.
Fréttavefurinn Vísir.is var seld-
ur skömmu fyrir gjaldþrotið og
hefur lögreglu verið falið að rann-
saka hvert söluandvirðið rann.
Fyrsti skiptafundur verður hald-
inn í 1. viku febrúar.
Kröfur í
þrotabú
Vísis.is um
220 milljónir
ÁRNI M. Mathiesen sjávarútvegs-
ráðherra áfrýjaði í gær dómi Hér-
aðsdóms Reykjaness í máli sem
Magnús Þór Hafsteinsson frétta-
maður höfðaði gegn honum fyrir
meiðyrði og vann sigur í. Í yfirlýs-
ingu frá sjávarútvegsráðherra seg-
ir:
„Ég tel að dómur þessi sé í and-
stöðu við dóma Hæstaréttar Ís-
lands í málum sem varða tjáning-
arfrelsi. Þar sem málið varðar svo
mikilvægt svið sem tjáningarfrelsið
er í nútíma þjóðfélagi tel ég óhjá-
kvæmilegt annað en að áfrýja fram-
angreindum dómi, enda tel ég að
niðurstaða Hæstaréttar í máli
þessu muni hafa almennt gildi.“
Sjávarútvegs-
ráðherra
áfrýjar
OLÍS blandaði sér í bensínverðstríð
Skeljungs og Esso í gær með því að
auka afslátt á 95 oktana bensíni í
sjálfsafgreiðslu á höfuðborgarsvæð-
inu. Bensínlítrinn í sjálfsafgreiðslu
kostar því 93,20 kr. sem er 5 kr.
lægra en verð miðað við fulla þjón-
ustu. Að auki fá handhafar vildar-
korts Visa og Flugleiða afslátt sem
nemur u.þ.b. 1,50 kr. á lítrann í formi
vildarpunkta.
Verðstríðið hófst á miðvikudag
þegar Esso kynnti nýja þjónustu í
sjálfsafgreiðsluviðskiptum og bauð 4
kr. afslátt auk 1 kr. til safnkortshafa.
Skeljungur bauð daginn eftir 5 kr.
afslátt á hvern lítra í sjálfsafgreiðslu
í tilefni 75 ára afmælis Shell á Íslandi
og jók þá Esso sinn afslátt í 5 kr.
Olís býður
einnig afslátt
á bensíni
EKKERT hefur frést af ferð-
um Guðrúnar Bjargar Svan-
björnsdóttur frá 16. janúar sl.
þegar peningar voru teknir út
af bankareikningi hennar í
hraðbanka í miðborg Kaup-
mannahafnar. Seinna sama dag
sagðist vitni hafa séð til Guð-
rúnar á járnbrautarstöð í
Malmö í Svíþjóð.
Lýst hefur verið eftir henni
frá 29. desember sl. en þann
dag fór hún með áætlunarflugi
til Kaupmannahafnar. Guðrún
er 31 árs gömul, um 172 senti-
metrar á hæð, mjög grannvax-
in, stuttklippt með dökkbrúnt
hár.
Að sögn Jónasar Hallssonar,
aðstoðaryfirlögregluþjóns í
Reykjavík hefur verið lýst eftir
Guðrúnu á öllum lögreglu-
stöðvum í Svíþjóð og ráðstaf-
anir gerðar til að auglýsa eftir
henni í fjölmiðlum.
Lýst eftir
Guðrúnu Björgu
Svanbjörnsdóttur
Engar
nýjar vís-
bendingar
EFTA-dómstóllinn hefur komist að
þeirri niðurstöðu að norsk löggjöf,
sem mælir fyrir um að tiltekinn fjöldi
stöðugilda við háskólann í Ósló skuli
eingöngu vera fyrir konur, brjóti
gegn tilskipun Evrópubandalagsins
um jafnrétti karla og kvenna að
störfum, starfsþjálfun, stöðuhækk-
unum og starfskjörum. EFTA-dóm-
stóllinn telur að reglur og lagafram-
kvæmd verði að vera með þeim hætti
að sá sem hæfastur er til að gegna
stöðu eigi möguleika á að hljóta hana.
Valgerður H. Bjarnadóttir, fram-
kvæmdastýra Jafnréttisstofu, segir
að í rauninni hafi þessi niðurstaða
engin áhrif hér nema menn vildu fara
að ganga lengra en gert hefur verið.
„Miðað við þær reglur sem við höfum
fylgt hingað til skerðir þessi niður-
staða þær ekki að nokkru leyti. Það
hefur ekki verið vilji til þess að ganga
jafnlangt eins og t.d. var gert í há-
skólanum í Ósló. Í því tilviki gafst
bara öðru kyninu tækifæri til þess að
sækja um og fá hæfni sína metna. Við
höfum notað sem þumulfingurreglu
að séu kona og karl, sem sækja um
sömu stöðu, jafnhæf skuli ráða til
starfans það kynið sem er í minni-
hluta. En þá hafa bæði kynin fengið
tækifæri til þess að fá hæfni sína
metna,“ segir Valgerður.
Í tilkynningu EFTA-dómstólsins
kemur fram að hann telji að réttur-
inn til jafnréttis sé meðal grundvall-
arréttinda einstaklinga. Lögmælt
frávik frá þessari grundvallarreglu
séu því aðeins heimil þegar lög eða
lagaframkvæmd séu nægilega
sveigjanleg og feli í sér jafnvægi milli
þess markmiðs að bæta stöðu þess
kyns, sem höllum fæti stendur í til-
tekinni starfsgrein, og möguleika
umsækjanda af öðru kyni til að fá
hæfni sína metna á hlutlægan hátt.
Dómstóllinn benti aftur á móti á
mikilvægi þeirra viðmiðana sem not-
aðar eru við mat á hæfni einstak-
linga; reynslan sýni að við mat á
hæfni séu ákveðin atriði eða þættir
sem séu til þess fallnir að gera hlut
kvenna lakari en karla. Því eigi að
vera unnt að bæta stöðu kvenna með
því að hafa þessa þætti í huga og með
því að leggja áherslu á að sérstök
reynsla kvenna geti verið mikilvæg
við mat á hæfni til að gegna akadem-
ískum störfum á hinum ýmsu svið-
um.
Kynjakvóti brýtur gegn
EES-samningnum
MENN og dýr áttu í töluverðum
vandræðum með að komast ferða
sinna í Vík í Mýrdal eftir mikla
snjókomu á miðviku- og fimmtu-
dag.
Þegar fréttaritari Morgunblaðs-
ins var á ferð í Vík voru menn að
moka gangstéttar og einnig að
moka upp bíla sína sem víða sátu
fastir í innkeyrslum.
Hundurinn Depill sem er í eigu
Högna Klemenssonar átti í miklum
erfiðleikum að komast upp á skafl-
inn fyrir framan heimili sítt og
gerði hann margar tilraunir til að
krafla sig upp á skaflinn meðan eig-
andi hans reyndi að moka þeim leið
út úr snjónum.
Depill í
vandræðum
Fagradal. Morgunblaðið.
Morgunblaðið/Jónas Erlendsson
♦ ♦ ♦
♦ ♦ ♦