Morgunblaðið - 25.01.2003, Blaðsíða 19
AKUREYRI
MORGUNBLAÐIÐ LAUGARDAGUR 25. JANÚAR 2003 19
ÖLL tiltæk tæki til snjómoksturs
hafa verið á ferðinni um snjóþungar
götur Akureyrarbæjar síðustu daga
eftir að loks fór að snjóa norðan
heiða eftir einmuna veðurblíðu frá í
haust. Hann Hafsteinn Davíðsson,
sem er eins árs, var úti með mömmu
sinni í Goðabyggðinni og lét sitt
ekki eftir liggja við snjómoksturinn;
fyllti hverja fötuna á fætur annarri.
Morgunblaðið/Kristján
Snjómokstur
um allan bæ
FÖRÐUNARSKÓLI NO NAME
tók til starfa á Akureyri í byrjun vik-
unnar. Skólinn, sem nýlega flutti
starfsemi sína frá Reykjavík til Kópa-
vogs, hefur verið starfræktur frá
árinu 1997, þar sem árlega hafa verið
útskrifaðir yfir 100 förðunarmeistar-
ar. Kristín Stefánsdóttir snyrti- og
förðunarmeistari, stofnandi og eig-
andi skólans sagði að lengi hefði stað-
ið til að bjóða einnig upp á förðunar-
nám á landsbyggðinni, ekki síst
vegna mikils þrýstings og að það
skref hefði nú verið stigið með opnun
skólans á Akureyri.
Kristín sagði að þetta væri jafn-
framt fyrsta útibú skólans og hefur
Kristín Hlín Pétursdóttir förðunar-
fræðingur verið ráðinn skólastjóri en
hún útskrifaðst frá skóla nöfnu sinnar
fyrir sunnan. Við skólann á Akureyri
er boðið upp á þriggja mánaða nám-
skeið, þar sem kennt er fjögur kvöld í
viku. Mikill áhugi er fyrir námi við
skólann og er uppselt á fyrsta nám-
skeiðið. „Förðunarfræði er stutt og
þægilegt nám í kvöldskóla, sem hægt
að stunda samfara annarri vinnu. Við
kennum bæði tísku- og ljósmynda-
förðun sem og alla almenna förðun,
sem gerir þessum stúlkum m.a. kleift
að stofna sitt eigið fyrirtæki í kjölfar-
ið. Námið býður jafnframt upp á fjöl-
breytta atvinnumöguleika,“ sagði
Kristín. Þótt konur á öllum aldri séu í
miklum meirihluta nemenda hafa þó
þrír karlmenn verið útskrifaðir frá
skólanum.
Skólinn á Akureyri er til húsa að
Strandgötu 25 og þar er jafnframt
rekin verslun, sem að sögn Kristínar
er aðallega fyrir nemendur. Þó verð-
ur verslunin opin einu sinni í viku fyr-
ir almenning, á þriðjudögum frá kl.
12-17, þar sem boðið verður m.a. upp
á ráðgjöf.
Starfsemi NO NAME var nýlega
flutt í nýtt 800 fermetra húsnæði í
Kópavogi og þar er nú boðið upp á 12
mánaða nám í nýjum snyrtiskóla,
sem rekinn er á framhaldsskólastigi.
Kristín sagði að námið í snyrtiskól-
anum væri skemmtilegt framhald
fyrir þær stúlkur sem lokið hefðu
námskeiði í Förðunarskólanum.
NO NAME vörumerkið er íslenskt
og vel þekkt en fæst aðeins hér á
landi. „Ég sérhannaði vörulínu fyrir
íslenskan markað og þennan ljósa
húðlit. Þessum snyrtivörum hefur
verið mjög vel tekið og NO NAME er
eitt af söluhæstu vörumerkjum
landsins.“
Námið býður upp á fjöl-
marga atvinnumöguleika
Morgunblaðið/Kristján
Fyrstu nemendur Förðunarskóla NO NAME á Akureyri ásamt skólastjór-
anum, f.v. Harpa Haraldsdóttir, Elín Sigríður Rafnsdóttir, Esther Helena
Hauksdóttir, Eva Hrönn Pálmadóttir, Gréta Huld Mellado, Freyja Hólm
Ármannsdóttir, Heiðrún Sigurðardóttir, Ása Katrín Gunnlaugsdóttir og
Kristín Hlín Pétursdóttir skólastjóri.
Förðunarskóli NO NAME tekur til starfa á Akureyri
Reykjavík • Akureyri
Selfoss • Reykjanesbær
www.blomaval.is
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
B
LO
2
00
37
02
/2
00
3
pottaplöntuútsala
Útsölumarkaður
í Garðskálanum, Sigtúni.
Blómavörur á tombóluverði.
Grænar plöntur Blómstrandi plöntur Silkiblóm
50%
afsláttur
30%
afsláttur
20%
afsláttur
• Stjórnar „fyrrverandi“ heimilislífinu okkar?
• Má ég elska börnin mín heitar en börnin hans/hennar?
• Eru stjúpforeldrar félagar, vinir eða uppalendur?
• Eru stjúpforeldrar alvöru foreldrar?
• Er hægt að búa til eina fjölskyldu úr tveimur fjölskyldum?
Á námskeiðinu verður fjallað um tengsl í stjúpfjölskyldu, hlutverk
stjúpforeldra, samskiptin við „hina foreldrana“ og leitað vænlegra
leiða til að byggja upp samsetta fjölskyldu.
Hámarksfjöldi þátttakenda er 16. Þannig er leitast við að skapa
andrúmsloft trúnaðar og stuðla að opinni umræðu um viðkvæm
mál sem hvíla á þátttakendum.
Námskeiðið er haldið á Hverfisgötu 105, 4. hæð -
laugardaginn 1. febrúar kl. 10-16.
Þátttökugjald er 11.000 kr (námskeiðsgögn og kaffi innifalið).
Stjúpfjölskyldur
„Börnin þín, börnin mín, börnin okkar“
Námskeið Þels - sálfræðiþjónustu fyrir foreldra
og stjúpforeldra í samsettum fjölskyldum
Sálfræðingarnir Einar Gylfi Jónsson og
Þórkatla Aðalsteinsdóttir hjá Þeli -
sálfræðiþjónustu halda eins dags
námskeið fyrir foreldra og stjúpforeldra
í samsettum fjölskyldum.
Nánari upplýsingar og skráning í símum
551 0260 og 562 8737, í netföngum egj@centrum.is og
torkatla@centrum.is og á heimasíðu okkar www.thel.is
3ja og 4ra herb. íbúðir
við Hamravík til sölu
Vel skipulagðar íbúðir, fallegt útsýni.
100-130 fm stærð.
Byggingaraðili Örn Isebarn
Upplýsingar í símum 896 1606 og 557 7060.