Morgunblaðið - 27.01.2003, Page 36

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 27. JANÚAR 2003 VERÐ Í LAUSASÖLU 190 KR. MEÐ VSK.
Smáralind - Glæsibæ
YFIR 1.000 athugasemdir og leiðréttingar
hafa borist vegna ættfræðigrunns Íslenskr-
ar erfðagreiningar og Friðriks Skúlasonar
ehf. Gert er ráð fyrir að fjöldi athugasemda
verði í heildina yfir 10 þúsund.
Athugasemdirnar eru misumfangsmikl-
ar. „Þær eru allt frá því að fólk sé að leið-
rétta stafsetningu á nafni einhvers fjar-
skylds ættingja upp í það að biðja um að
vera tengd við börnin sín í skránni,“ segir
Friðrik Skúlason. Þá segir hann leiðrétt-
ingar á brúðkaupsdögum þó nokkrar og
beiðnir um að millinafn, sem ekki sé skráð í
þjóðskrá, sé sett inn í grunninn.
„Stór hluti barna sem fæddur er undan-
farin ár eru börn mæðra sem ekki eru
skráðar í sambúð eða giftar. Ef svo er eru
börnin eingöngu tengd móður sinni í þjóð-
skrá [grunnurinn byggist m.a. á uppl. úr
þjóðskrá]. Á þessu höfum við fengið margar
leiðréttingar, jafnt frá foreldrum sem öfum
og ömmum sem vilja vera tengd við barna-
börnin í grunninum. En svo eru líka dæmi
um að börn niður í 12 ára aldur séu sjálf að
senda inn athugasemdir og vilja láta tengja
sig við ætt pabba síns.“
Friðrik segir upplýsingar vegna ættleið-
inga erfiðastar viðureignar enda oft um
mjög viðkvæm mál að ræða. Ef upplýsingar
um blóðforeldra eru til eru börn tengd þeim
í grunninum og kjörforeldra getið í texta.
Hins vegar stendur til að bjóða upp á þann
möguleika að einstaklingar geti verið bæði
tengdir blóð- og kjörforeldrum sínum, óski
þeir þess.
„Ættleiðingar eru misopinberar,“ útskýr-
ir Friðrik. „Að hverri ættleiðingu koma
fimm einstaklingar, blóðforeldrar, kjörfor-
eldrar og barnið. Þessir einstaklingar eru
ekki alltaf allir sammála um hvort birting
upplýsinga sé viðunandi.“
Íslendingabók
Um 1.000 at-
hugasemdir
frá notendum
ÞAÐ FÓR vel á með stúlkunum sem sátu
þétt saman á meðan þær hlýddu á fjölbreytt
skemmtiatriði ungs fólks í Laugardalshöll-
inni á laugardaginn. Dísirnar voru mættar
ásamt þrjú þúsund öðrum gestum til að
fylgjast með 200 þátttakendum á aldrinum
13 til 16 ára hvaðanæva að af landinu flytja
tónlist á árlegri söngkeppni Samfés, Sam-
taka félagsmiðstöðva á Íslandi. Sigurveg-
ararnir í ár komu frá félagsmiðstöðinni
Hólmaseli. Í öðru sæti var Garðalundur og
félagsmiðstöðin Igló úr Kópavogi í því
þriðja.
Morgunblaðið/Jim Smart
Þétt setið á söngkeppni unga fólksins

Brjálað gaman/32
LANDSVIRKJUN stefnir að því
að bora a.m.k. eina djúpa rann-
sóknarholu á Hágöngusvæðinu á
Holtamannaafrétti í sumar, til að
kanna betur jarðhitann þar, að
sögn Árna Gunnarssonar verkefn-
isstjóra hjá Landsvirkjun. Yfir-
borðsmælingar á svæðinu gefa til
kynna að þarna sé mjög víðfeðmt
háhitasvæði sem væri hægt að
nýta til gufuaflsvirkjunar. Árni
segir að talið sé að svæðið gæti
staðið undir allt að 300–450 MW
gufuaflsvirkjun. „Ef það reynist
rétt er þetta með stærri háhita-
svæðum landsins,“ segir Árni. „En
það er engin leið að komast að því
hvað þetta svæði hefur upp á að
bjóða nema með borunum.“
Kanna jarðhita við Torfajökul
Skipulagsstofnun hefur gefið
Landsvirkjun leyfi til borunar á
svæðinu, án þess að sæta mati á
umhverfisáhrifum. Auk þess hafa
sveitarfélögin Ásahreppur og
Rangárþing ytra veitt leyfi fyrir
framkvæmdunum. Þá hefur sam-
vinnunefnd miðhálendisins sam-
þykkt að endurskoða svæðisskipu-
lag miðhálendisins, eins og fram
kom í Morgunblaðinu í gær, m.a.
vegna þessara áætlana Lands-
virkjunar. Landsvirkjun hefur
þegar lagt vegslóða inn á hraunið
þar sem fyrirhugað er að bora í
sumar.
Árni segir að Landsvirkjun hafi
einnig lýst yfir áhuga á að kanna
jarðhita á vestasta hluta Torfajök-
ulssvæðisins, þ.e. nánar tiltekið í
Reykjadölum. Eins og á Hágöngu-
svæðinu gefa yfirborðsrannsóknir
á Torfajökulssvæðinu til kynna að
þar sé mjög stórt háhitasvæði,
reyndar er talið að það sé stærsta
háhitasvæði Íslands. „Talið er að
það geti staðið undir allt að 2000
MW gufuaflsvirkjun,“ segir Árni,
en Landsvirkjun lítur til Torfajök-
ulssvæðisins vegna nálægðar við
starfsemi Landsvirkjunar á Þjórs-
ár- og Tungnaársvæðinu.
Torfajökulssvæðið tilheyrir hins
vegar friðlandi og því hefur Lands-
virkjun lagt fram áætlun sem mið-
ar að því að verja næstu tveimur til
þremur árum í gerð landnýtingar-
og verndaráætlunar í samráði við
Umhverfisstofnun Íslands og við-
komandi sveitarfélög. „Gert er ráð
fyrir því að hefja tilraunaboranir á
svæðinu í framhaldi af þeirri vinnu,
verði menn sáttir við það,“ segir
Árni og kveðst hafa trú á því að
sátt muni nást um það að byggja
þarna virkjanir samhliða ferða-
mennsku og útivist.
„Nægir í því sambandi að benda
á farsæla uppbyggingu þriggja
virkjana á háhitasvæðum landsins
samhliða stórkostlegri framþróun í
ferðamennsku og útivist,“ segir
Árni og vísar þar til Kröflu, Svarts-
engis og Nesjavalla.
Frekari uppbygging í Bjarn-
arflagi og á Kröflusvæðinu
Árni minnir á að Landsvirkjun
eigi skv. lögum að sjá til þess að
næg raforka sé ávallt til í landinu
til að anna eftirspurn hverju sinni.
Hann segir að rannsóknir á háhita-
svæðum taki mörg ár. Af þeim sök-
um sé horft til þessara tveggja um-
ræddu svæða sunnan heiða. Fyrir
norðan sé hins vegar gert ráð fyrir
frekari uppbyggingu í Bjarnarflagi
og á Kröflusvæðinu.
Landsvirkjun lítur til gufuaflsvirkjana á hálendinu
Boranir hefjast við
Hágöngur í sumar











  







 




 
 
 
 





 
  

 !
" 







VERKIÐ Anna og tilfinningasveifl-
urnar, eða Anna and the Moods,
smásaga eftir Sjón við tónlist Julian
Nott, verður hluti af
viðamikilli tónlist-
arsýningu sem
Brodsky-strengja-
kvartettinn setur upp í
sex borgum í Bretlandi
á næstunni. Sjón verð-
ur sögumaður verks
síns í sýningunni en
Anna og tilfinn-
ingasveiflurnar verður
hápunktur sýning-
arinnar.
Julian Nott er þekkt-
ur fyrir tónlist sína við
ýmsar hreyfimyndir,
t.d. samdi hann tónlist-
ina í óskarsverðlauna-
myndunum um leir-
hetjurnar Wallace og Gromit. Auk
Nott og Sjón eiga Björk Guðmunds-
dóttir, Sting, Elvis Costello, Paul
McCartney og breska djass-
tónskáldið Django Bates sönglög og
verk í tónlistarsýningunni.
Brodsky-kvartettinn er einn af
virtustu strengjakvartettum heims-
ins. „Brodsky-kvartettinn var beð-
inn um að setja saman tónlistar-
dagskrá fyrir unga áheyrendur,“
segir Sjón um aðdraganda sýning-
arinnar. „Þau pöntuðu verk víðs
vegar að og pöruðu mig og Julian
Nott saman og báðu okkur að búa
til nokkurs konar Pétur og úlfinn
fyrir 21. öldina, þ.e. búa
til verk fyrir sögumann
og strengjakvartett.“
Af þessu tilefni samdi
Sjón smásöguna um
Önnu „sem fjallar um
stúlku sem breytist á
einni nóttu úr hinu full-
komna barni í skelfileg-
an ungling og tilraunir
foreldra hennar til að
lækna hana af þessari
meinsemd.“
Sjón segir tónlist
Nott skemmtilega en
hún er lýsandi fyrir at-
burðarás sögunnar þar
sem t.d. Anna er táknuð
með ákveðnu stefi í
verkinu. Síðasta haust sömdu
krakkar í skólum í borgunum sex
sem sýningin verður sett upp í ljóð
og lög undir áhrifum frá sögunni
um Önnu og bjuggu til sviðsmyndir.
Sjón segir að tvö ár séu síðan tón-
listarfólkið í Brodsky-kvartettinum
hafði samband við hann. „Þetta er
mikill heiður fyrir mig og mjög
spennandi. Ég er mjög ánægður
með útkomuna. Sagan er frábær-
lega tónsett og verkið í heild bráð-
fyndið.“
21. aldar afbrigði
af Pétri og úlfinum
Smásaga eftir Sjón hápunktur tón-
listarsýningar Brodsky-kvartettsins
Skáldið Sjón.