Morgunblaðið - 22.02.2003, Síða 22

HÖFUÐBORGARSVÆÐIÐ
22 LAUGARDAGUR 22. FEBRÚAR 2003 MORGUNBLAÐIÐ
bílar
ALLTAF Á MIÐVIKUDÖGUM
SMÁAUGLÝSING
AÐEINS 995 KR.*
Áskrifendum Morgunblaðsins
býðst smáauglýsing fyrir aðeins 995 kr.*
Pantanafrestur er til kl. 12 á þriðjudögum.
* 4 línur og mynd.
HAFÐU SAMBAND!
Auglýsingadeild Morgunblaðsins sími 569 1111 eða augl@mbl.is
KRAKKARNIR í Lindaskóla í
Kópavogi eru ekki bangnir við að
láta heiminn vita hver afstaða
þeirra til neyslu tóbaks og vímu-
efna er. Á dögunum skráði 100. fé-
laginn sig inn í klúbbinn þeirra,
Flott án fíknar, sem eins og nafnið
bendir til er félagsskapur þeirra
unglinga sem hyggjast láta þessi
fíkniefni vera.
„Þetta gengur út á að krakkarnir
gera skriflegan samning þar sem
þeir lofa að fikta ekki við tóbak,
áfengi eða önnur vímuefni á meðan
þeir eru í grunnskóla,“ segir Guð-
rún Snorradóttir, náms- og starfs-
ráðgjafi, en hún vinnur einnig að
forvarnamálum í skólanum og held-
ur utan um starfsemi klúbbsins.
Undir samninginn skrifa svo ung-
lingurinn, foreldrar hans og Guð-
rún, sem hefur skjalið í vörslu sinni.
„Í staðinn fá þau ýmis tilboð,“
heldur hún áfram, en meðal annars
hefur krökkunum verið boðið í Laz-
er Tag, keilu, á bíósýningu og í dag
verður farið í skemmtiferð í Blá-
fjöll. Þetta virðist bera tilætlaðan
árangur því félagatalan tvöfald-
aðist nánast á einum degi í
tengslum við heimsóknina í Lazer
Tag. Sem fyrr segir eru félagarnir
nú orðnir 100 talsins og einum bet-
ur, en alls eru um 140 krakkar í
unglingadeild skólans.
Fylgjast með hvert öðru
Spurð um eftirlit með því að
samningurinn sé haldinn segir Guð-
rún að krakkarnir fylgist hvert
með öðru enda setji hún reglulega
upp nafnalista yfir þá sem eru með í
klúbbnum. „Ég trúi því að þeir sem
eru í klúbbnum séu ekki að brjóta
samninginn enda finnst mér ein-
staklega góður andi hér í unglinga-
hópnum og það viðhorf ríkjandi hjá
þeim að stunda heilbrigt líferni.“
Erla Brynjarsdóttir, nemandi í
10. bekk skólans og hundraðasti fé-
lagi klúbbsins, bætir því hér við að
foreldrarnir séu líka duglegir að
fylgjast með og undir það taka
Baldur Viðar Baldursson, nemandi
í 8. bekk og Birgir Örn Strange,
sem er í 9. bekk skólans.
En af hverju ákváðu þau að vera
með í klúbbnum?
„Þetta er bara skemmtilegt,“
segir Erla. „Og góð afþreying og
svolítil skemmtun fyrir samræmdu
prófin,“ bætir hún við.
Birgir er sama sinnis. „Auk þess
vildi ég einfaldlega standa við
þennan samning um að reykja ekki
og drekka ekki á unglingastiginu
og helst bara áfram í menntaskóla,“
segir hann.
Gott haldreipi
Krakkarnir eru sammála um að
gott sé að hafa samninginn sem
ákveðið haldreipi. „Ef einhver ætl-
ar að reyna að plata mann í eitt-
hvað þá segir maður bara nei því
annars missir maður út öll tilboðin
sem eru í klúbbnum,“ segir Birgir.
Baldur segist halda að líklega
séu fáir jafnaldar hans að fikta við
vímuefni og þeir hafi líklega lítinn
áhuga á þeim. Eldri krakkarnir eru
ekki eins sannfærðir. „Auðvitað
spáir maður í þetta,“ segir Erla og
Birgir tekur undir. „Maður vissi af
þessu strax í 7. bekk því þá voru
einhverjir krakkar að fikta við að
reykja.“
Guðrún bendir á að klúbburinn
sé hluti af forvarnaáætlun skólans
en fyrir utan klúbbinn sé fleira
gert. „Við leggjum t.d. mikla
áherslu á útivist og bjóðum upp á
valgrein fyrir 9. og 10. bekk sem
kallast útivist og fjallamennska.
Þar eru 36 nemendur með. Þar fyr-
ir utan er þessi almenna fræðsla
sem er í öllum skólum á borð við
kennsluefni Krabbameinsfélagsins,
fyrirlestra og annað.“
Hún bætir því við að 11. mars
næstkomandi muni skólinn kynna
forvarnaáætlun sína á opnum
fræðslufundi hjá starfshópnum
Náum áttum sem vinnur að því að
vekja grunnskóla til umhugsunar
um þessi mál. „Fyrst þetta hefur
virkað svona vel hér viljum við
gjarnan segja frá þessu ef ein-
hverjir aðrir skólar vilja taka þetta
upp,“ segir hún að lokum.
„Þá segir mað-
ur bara nei…“
Unglingaklúbburinn Flott
án fíknar gefur góða raun
Morgunblaðið/RAX
Guðrún, Erla, Birgir og Baldur segja klúbbinn þeirra, Flott án fíknar, vera
góðan stuðning við unglinga sem ætla ekki að neyta fíkniefna á meðan þeir
eru í grunnskóla auk þess sem tilboð klúbbsins freisti talsvert.
Kópavogur BORGARRÁÐ hefur hafnað beiðni
eiganda veitingastaðarins L.A.
Café um viðræður um kaup borg-
arinnar á rekstri og húsnæði stað-
arins. Borgarlögmaður segir borg-
ina ekki bótaskylda vegna
skipulagsaðgerða, sem leiddu til
skertrar samkeppnisstöðu L.A.
Café að mati eiganda þess.
Eins og Morgunblaðið greindi
frá telur eigandi staðarins að með
því að heimila rýmri veitingatíma
áfengis um helgar í hluta miðborg-
arinnar hafi borgaryfirvöld skert
samkeppnisstöðu þeirra veitinga-
staða sem eru utan við það svæði
sem heimildin nær til, þar á meðal
L.A. Café. Umsókn staðarins um
rýmri veitingatíma hafi verið hafn-
að og óskaði eigandinn því eftir
viðræðum um kaup borgarinnar á
staðnum og húsnæðinu sem hann
er rekinn í.
Í umsögn borgarlögmanns um
málið er vísað til dóms Hæsta-
réttar frá nóvember 2000 vegna
málefna veitingastaðarins. Er það
mat borgarinnar að Hæstiréttur
hafi fallist á að fyrrnefndar að-
gerðir borgarinnar byggist á mál-
efnalegum sjónarmiðum og séu
lögmætar.
Borgin sé ekki bótaskyld vegna
aðgerðanna og er ósk um viðræður
um kaup á staðnum því hafnað.
Hafna ósk
L.A. Café
um við-
ræður
Miðborg
SÍTT hár, ennisbönd og blóma-
mynstur réðu ríkjum í íþróttahús-
inu í Víðistaðaskóla á fimmtudags-
kvöld þegar um 600 ungmenni úr
Hafnarfirði komu þar saman til
dansleiks. Þema kvöldsins var
hippatíminn og létu krakkarnir
ekki sitt eftir liggja við að skapa
rétta andrúmsloftið á ballinu með
þeirri undantekningu þó að vímu-
efni voru látin lönd og leið enda
meðferð þeirra óheimil á dans-
leiknum.
Það vantaði þó ekki fjörið því
hljómsveitirnar Írafár og Sign léku
fyrir dansi, sigurvegarar úr ka-
raókíkeppni og hæfileikakeppni
Hafnarfjarðar komu fram og hver
skóli var með heimatilbúin
skemmtiatriði.
Ballið var liður í grunnskólahá-
tíðinni í Hafnarfirði en hún var
haldin fyrir nemendur á unglinga-
stigi grunnskólanna þennan dag.
Morgunblaðið/Árni Sæberg
Blómabörn og brjálað stuð
Hafnarfjörður
REIKNA má með að undirbún-
ingur og umhverfismat vegna
mislægra gatnamóta Miklubraut-
ar og Kringlumýrarbrautar taki
um eitt ár áður en útboð gætu
farið fram. Þetta er mat for-
stöðumanns verkfræðistofu um-
hverfis-og tæknisviðs borgarinn-
ar. Forsvarsmenn Kringlunnar
óska eftir að vera hafðir með í
ráðum um framkvæmdina og ótt-
ast að mislæg gatnamót með
slaufum geti haft slæm áhrif á
aðkomur og fráleiðir að versl-
unarmiðstöðinni.
Svar hans við fyrirspurn
Reykjavíkurlistans um fram-
kvæmdina var lagt fram á fundi
skipulags- og bygginganefndar
síðastliðinn miðvikudag. Í fyrir-
spurninni var innt eftir því hvað
liði skipulagsvinnu vegna fram-
kvæmdanna og hvort unnt væri
að flýta þeirri vinnu.
Í svarinu kemur fram að um
skeið hafi legið fyrir skipulagstil-
laga þar sem gert er ráð fyrir að
Kringlumýrarbrautin liggi í fríu
flæði undir Miklubrautinni en
Vegagerðin hafi óskað eftir að
þeim möguleika yrði haldið opn-
um að Miklabraut gæti verið nið-
urgrafin. Umhverfis- og tækni-
svið borgarinnar hafi ekki sett
sig á móti þeim möguleika.
Kringlan á móti mislægum
gatnamótum með slaufum
Þá séu margir hagsmunaaðilar
sem komi að málinu og t.a.m.
hafi Kringlan sett sig upp á móti
framkvæmdinni auk þess sem
hugmyndir hafi komið fram um
að staðsetja skiptistöð Strætó við
gatnamótin sem hafi tafið skipu-
lagsferlið.
Er gert ráð fyrir að á næst-
unni muni liggja fyrir tillaga um
útfærslu gatnamótanna og eftir
það muni undirbúningur, hönnun
og umhverfismat taka rúmlega
eitt ár áður en hægt verði að
bjóða út verkið. Þá sé verkfræði-
stofa umhverfis- og tæknisviðs
reiðubúin til að vinna málinu
brautargengi og gefa því sér-
stakan forgang.
Að sögn Arnar Kjartanssonar,
framkvæmdastjóra Kringlunnar,
eru rekstraraðilar hennar ekki á
móti breytingum sem stuðla að
öryggi á umræddum gatnamót-
um. „Við höfum þvert á móti
bent á leiðir sem kosta mun
minna en þær tillögur sem lagð-
ar hafa verið fram og auka ör-
yggið til muna án þess að koma
niður á flutningsgetunni.“
Hann segir um að ræða aðrar
lausnir en mislæg gatnamót,
meðal annars svokölluð fjögurra
fasa umferðarljós. „Við höfum
sagt að við séum á móti mis-
lægum gatnamótum ef þau eru
með slaufum af því að við teljum
það tímaskekkju að setja þau svo
nálægt þessum nýja miðbæ sem
þetta svæði er og miðbæ borg-
arinnar.“
En óttast hann að aðkomur að
verslunarmiðstöðinni versni með
slíkum gatnamótum? „Við teljum
að þetta geti haft slæm áhrif á
aðkomu og fráleiðir ef ekki er
rétt að farið. Reykjavík hlýtur að
þurfa að hafa í huga að það at-
hafnasvæði, sem Kringlusvæðið
er, haldi sinni stöðu.“
Hann bætir því við að fyrst og
fremst óski Kringlan eftir því að
vera höfð með í samráði um
breytingar á gatnamótunum
vegna nálægðarinnar við svæðið
og forsvarsmenn hennar hafi því
óskað eftir fundi með borgar-
stjóra um málið.
Mislæg gatnamót Kringlumýrar-
brautar og Miklubrautar
Undirbúningur
tæki um eitt ár
Kringla