Morgunblaðið - 22.02.2003, Qupperneq 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 22. FEBRÚAR 2003 VERÐ Í LAUSASÖLU 190 KR. MEÐ VSK.
– leiðandi í lausnum
Skeifunni 17AcoTæknival Sími 550 4000 Fax 550 4001
Konudagar...
... alla helgina
Konur eru sérstaklega
boðnar velkomnar
á konudaga Kringlunnar.
• Tilboð á Píkusögur
• SaumaklúbbaleikurÍSLE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
KR
I
20
26
2
02
/2
00
3

PENINGAMÁLASTEFNA Seðla-
bankans er ávísun á átök um
grundvallarhagsmuni, að sögn
Gylfa Arnbjörnssonar, fram-
kvæmdastjóra ASÍ. „Menn geta
ekki ætlast til þess að launafólk
verði bara eins og Svarti Pétur og
verði ýmist atvinnulaust eða á lág-
um tekjum til að mæta þessum
sveiflum í nafngengi krónunnar,
sem byggjast á væntingum um það
sem verður eftir tvö eða þrjú ár,“
sagði hann á opnum fundi Samtaka
atvinnulífsins í gær, en yfirskrift
fundarins var Áhrif hágengis á
þjóðarhag.
Gylfi fagnaði inngripi ríkis-
stjórnarinnar og sveitarfélaga í því
að flýta framkvæmdum, þó að
hann hafi haft athugasemdir við
þær. Það væri jákvætt innlegg í
hagstjórnina að stjórnvöld skuli
flýta framkvæmdum.
Hann vísaði til þess í erindi sínu
á fundinum að stöðugt gengi væri
ekki markmið peningamálastefnu
Seðlabankans. Bankanum hefði
verið sett eitt meginmarkmið, þ.e.
að stuðla að stöðugleika verðlags
en hann hefði ekkert sérstakt
markmið að því er varðaði gengi
krónunnar.
Full atvinna líka grundvöllur
stöðugleika í efnahagslífinu
Gylfi sagðist telja að mjög
hættulegt væri, við þær aðstæður
sem nú væru, að horfa aðeins til
stöðugleika í verðlagsmálum. „Það
er að mínu mati það hættulegasta
sem við getum gert í stöðunni því
viðfangsefni hagstjórnar á að vera
að tryggja stöðugleika í efnahags-
lífinu. Vissulega grundvallast sá
stöðugleiki á stöðugu verðlagi, en
líka á því að fólk sé með fulla at-
vinnu, að samkeppnisstaða útflutn-
ingsfyrirtækja sé traust og að jafn-
vægi sé á viðskiptum við útlönd.“
Hann sagði að gengi íslensku
krónunnar væri allt of stór stærð í
öllum þessum þáttum til þess að
vera afskiptalaust.
Fram kom í máli Gylfa að nauð-
synlegt væri að efna til formlegs
samstarfs stjórnvalda, Seðlabanka
og aðila vinnumarkaðarins, til að
samræma viðbrögð hagstjórnar
næstu misseri. Ársfundur ASÍ
hefði kallað eftir að Íslendingar
settu sér ný markmið í efnahags-,
atvinnu- og félagsmálum sem
tryggðu að íslenskt atvinnulíf yrði
framsækið og samkeppnishæft,
tryggði sjálfbæran hagvöxt, fulla
atvinnu, góð störf og félagslegan
jöfnuð.
Kostnaður vegna
óstöðugs gengis
Að aðalfundi Össurar hf. í gær
gerði Pétur Guðmundarson,
stjórnarformaður félagsins, að um-
talsefni gengissveiflur sem urðu á
síðasta ári og hefðu haft neikvæð
áhrif á afkomu félagsins upp á 1,5
milljónir Bandaríkjadala. Hann
sagði að félagið hefði fært 20–30
störf hingað til lands í fyrra vegna
bætts skattaumhverfis fyrirtækja.
„Þrátt fyrir að yfirvöld hafi bætt
skattaumhverfi fyrirtækja hér á
landi, fylgir sá böggull skammrifi
fyrir fyrirtæki, sem hefur nánast
allar sínar tekjur í erlendum gjald-
miðli en framleiðslukostnað í ís-
lenskum krónum, hversu óstöðugt
gengi íslensku krónunnar hefur
verið,“ sagði Pétur.
Gylfi Arnbjörnsson, framkvæmdastjóri ASÍ, á fundi hjá SA
Peningamálastefn-
an er ávísun á átök

Tekist á/16
HÓPURINN Eldmóður sigraði annað árið í röð
í Íslandsmeistara- og Reykjavíkurkeppni
Tónabæjar í Freestyle sem haldin var í Fram-
heimilinu í gærkvöldi. Eldmóður kemur frá
Reykjavík en stúlkan sem sigraði í einstak-
lingskeppninni heitir Inga Birna Friðjónsdóttir
frá Sauðárkróki. Framheimilið var fullt út úr
dyrum, um 400 unglingar mættu og studdu við
bakið á keppendum en 19 hópar og 25 ein-
staklingar tóku þátt í keppninni. Kisulórurnar
í danshópnum Pussycats frá Reykjavík voru að
dansa þegar ljósmyndari Morgunblaðsins leit
inn í gærkvöldi. Eins og venja er lagði hóp-
urinn mikið í búninga og förðun og fyrir atriði
sitt hlaut hann að launum mikið lófaklapp.
Morgunblaðið/Sverrir
Eldmóður í ungum dönsurum
ÞEIR sem kaupa pítsur í matinn annað
veifið hafa væntanlega tileinkað sér orðfær-
ið sem tilheyrir þeim viðskiptum í æ ríkara
mæli. Dæmi eru „megavika“ og „dúndur-
dagar“ en þegar þeir standa yfir kosta stór-
ar pítsur af matseðli 1.000 og 1.100 krónur.
Eitt fyrirtæki auglýsir 50% afslátt af
pítsum til 1. apríl, en tilboðin sem hér er
fjallað um eiga það
sammerkt að eiga við
pítsur sem neytendur
sækja sjálfir.
Morgunblaðið
ræddi við fram-
kvæmdastjóra fimm
pítsustaða, tveir þeirra eru taldir þeir
stærstu á markaðinum, hinir þrír koma í
kjölfarið. Einn viðmælenda vildi ekki koma
fram undir nafni.
Framkvæmdastjórarnir eru sammála
um að samkeppni hafi harðnað mikið milli
pítsustaða að undanförnu. Ein ástæðan er
sögð hækkandi heimsendingarkostnaður.
„Það er ekkert vit í að senda heim pítsu sem
kostar 1.500 krónur ef 600–900 krónur fara
í kostnað,“ segir framkvæmdastjóri Pizza
Hut. Framkvæmdastjóri Dominos fagnar
því að loksins sé orðið „fjörugt“ á pítsu-
markaði eftir ládeyðu undanfarinna ára.
Framkvæmdastjóri Pizzahallarinnar segir
hörku í samkeppni hafa bitnað mest á minni
pítsustöðum og framkvæmdastjóri Hróa
Hattar segir hægt að lækka verð tímabund-
ið með því að semja sérstaklega við birgja.
Pítsur víða
á þúsund kr.

Fleiri gylliboð/27
TOLLGÆSLAN á Keflavíkur-
flugvelli fann 1,2 kíló af hassi sem
falin voru inni í 54 dagatölum sem
komu með hraðsendingu frá Suð-
austur-Asíu á miðvikudag. Tveir
menn voru handteknir í kjölfarið
og heldur rannsókn lögreglunnar
í Reykjavík á málinu áfram.
Að sögn Kára Gunnlaugssonar,
aðaldeildarstjóra tollgæslunnar,
vakti sendingin grunsemdir toll-
varðar sem tók hana til skoðunar.
Í sendingunni voru 54 dagatöl og
við fyrstu sýn virtust þau í engu
frábrugðin venjulegum dagatöl-
um. Nánari athugun leiddi hins
vegar í ljós að þunnar hassplötur
voru faldar inni í dagatölunum,
undir þunnum trélista. Þetta kom
þó ekki í ljós fyrr en tollverðir
höfðu skorið með hnífi í eitt daga-
talið. Fannst þá þunn hassplata
og fundust sams konar plötur í
öllum dagatölunum, 17–25 g að
þyngd hver. Heildarmagn efn-
anna var 1,2 kíló. Ljóst má vera
að dagatölin voru búin til utan um
hassið.
Á þessu ári hefur tollgæslan á
Keflavíkurflugvelli lagt hald á
hátt í fimm kíló af hassi. Fíkni-
efnadeild lögreglunnar í Reykja-
vík tók við rannsókn málsins og í
kjölfarið voru tveir menn hand-
teknir. Rannsókn málsins heldur
áfram.
Þegar tollvörður skar í eitt dagatalið kom í ljós þunn hassplata inni í
dagatalinu og undir þunnum trélista og þannig voru þau öll 54.
Fundu hass í
54 dagatölum
Hassdagatölin 54 komu með hrað-
sendingu frá Suðaustur-Asíu.