Morgunblaðið - 27.02.2003, Blaðsíða 45
MINNINGAR
MORGUNBLAÐIÐ FIMMTUDAGUR 27. FEBRÚAR 2003 45
Útför eiginmanns míns, föður okkar, tengda-
föður, afa og langafa,
SIGURÐAR HAFSTAÐ,
verður gerð frá Neskirkju föstudaginn 28. febrúar
kl. 15.00.
Blóm og kransar vinsamlegast afþakkaðir.
Þeir, sem vildu minnast hins látna, eru beðnir
að láta líknarstofnanir njóta þess.
Ragnheiður Ragnarsdóttir Hafstað,
Þórunn Kielland, Jakob Kielland,
Ingibjörg Hafstað,
Hildur Hafstað,
Ragnar Hafstað, Þórdís Úlfarsdóttir,
Sigríður Hafstað,
Árni Hafstað, Uloma Hafstað,
barnabörn og barnabarnabörn.
Útför frænka minnar,
ÓLAFÍU PÉTURSDÓTTUR,
Nönnugötu 7,
Reykjavík,
sem lést fimmtudaginn 20. febrúar, fer fram frá
Fossvogskirkju föstudaginn 28. febrúar
kl. 15.00.
Fyrir hönd aðstandenda,
Anna Andrésdóttir.
Ástkær sambýlismaður minn, faðir okkar,
tengdafaðir, afi og langafi,
HÖRÐUR SIGURJÓNSSON
fyrrv. flugstjóri,
Háaleitisbraut 81,
Reykjavík,
sem lést á öldrunardeild Landakotsspítala
fimmtudaginn 20. febrúar sl., verður jarðsung-
inn frá Háteigskirkju föstudaginn 28. febrúar kl. 13.30.
Blóm og kransar eru vinsamlegast afbeðnir, en þeim, sem vilja minnast
hans, er bent á Krabbameinsfélag Íslands.
Bertha I. Johansen,
Magnús Már Harðarson, Sigurdís Haraldsdóttir,
Kristján Harðarson, Helga R. Jóhannesdóttir,
Sigríður Harðardóttir, Magnús Magnússon,
Elísabet Þórdís Harðardóttir, Einar Tómasson,
Hörður Harðarson, María Davíðsdóttir,
barnabörn og barnabarnabörn.
Ástkær eiginkona mín, móðir okkar, tengda-
móðir, amma og langamma,
SIGURLAUG ANNA HALLMANNSDÓTTIR,
Suðurgötu 15-17,
Keflavík,
sem lést á Heilbrigðisstofnun Suðurnesja
fimmtudaginn 20. febrúar, verður jarðsungin
frá Keflavíkurkirkju í dag, fimmtudaginn
27. febrúar, kl. 14.00.
Blóm og kransar vinsamlegast afþakkaðir, en þeir, sem vilja minnast
hinnar látnu, láti líknarfélög njóta þess.
Sigurður Gíslason,
Hallmann Sigurður Sigurðarson, Aðalheiður Helga Júlíusdóttir,
Margrét Ragnheiður Sigurðardóttir, Þorsteinn Valgeir Konráðsson,
Ráðhildur Ágústa Sigurðardóttir, Einar Magnús Sigurbjörnsson,
Gísli Sigurðsson, Árný Dalrós Njálsdóttir,
Sigurlaug Sigurðardóttir, Snæbjörn Kristjánsson,
Sigurður Sigurðarson, Halldóra Kristín Guðjónsdóttir,
barnabörn og barnabarnabörn.
Jarðarför
BENEDIKTS VALDEMARSSONAR,
dvalarheimilinu Hlíð,
Akureyri,
verður gerð frá Höfðakapellu föstudaginn
28. febrúar klukkan 13.30.
Fyrir hönd aðstandenda,
Karl Óskar Tómasson,
Valdemar Gunnarsson.
Móðir okkar, tengdamóðir og amma,
ANNA S. BJARNADÓTTIR,
Hlíf 1,
Ísafirði,
verður jarðsungin frá Ísafjarðarkirkju laugar-
daginn 1. mars kl. 13.30.
Óskar Kárason, Ásdís M. Hansdóttir,
Erla Þorbjörnsdóttir,
Sævar Gestsson, Ragna Arnaldsdóttir
og barnabörn.
Hin langa þraut er liðin,
nú loksins hlauztu
friðinn,
og allt er orðið rótt,
nú sæll er sigur unninn,
og sólin björt upp runnin
á bak við dimma dauðans nótt.
Fyrst sigur sá er fenginn,
fyrst sorgar þraut er gengin,
hvað getur grætt oss þá?
Oss þykir þungt að skilja,
en það er Guðs að vilja,
og gott er allt, sem Guði’ er frá.
Nú héðan lík skal hefja,
ei hér má lengur tefja
í dauðans dimmum val.
Úr inni harms og hryggða
til helgra ljóssins byggða
far vel í Guðs þíns gleðisal.
(Valdimar Briem.)
Elsku Jörri, takk fyrir ánægju-
lega tuttugu ára samfylgd.
Heiða Helena.
Elsku afi minn, nú ert þú farinn
upp til Guðs. Ég vona að þú hittir
ömmu og að þið hvílið saman hlið
við hlið. Þú verður alltaf í mínum
bænum af því við áttum margar
góðar stundir saman.
Þín
Birna Rún.
Skrifað stendur í Biblíunni orð
Salomons konungs: „Öllu er af-
mörkuð stund, og sérhver hlutur
undir himninum hefir sinn tíma.
Að fæðast hefir sinn tíma og að
deyja hefir sinn tíma …að gráta
hefir sinn tíma og að hlæja hefir
sinn tíma.“ Þvílík sannleiks orð í
þessum fallna heimi og segir í raun
allt, sem segja þarf, um þetta líf.
Þessi orð komu mér í huga eins
og stef um tilvistina, þegar mér
barst til eyrna andlátsfregn Jörra
bróður, er þurfti síðustu ár ævi
sinnar að berjast við veikindi sín.
Parkinsonveikina og krabbamein,
er drógu að lokum úr honum lífs-
andann. Ég vil minnast hans nú og
þakka Guði fyrir hann, þennan
góða bróður sem hann og var.
Ég á margar góðar minningar
um Jörra og upp í hugann koma
fyrst minningar frá Súðavík, þegar
ég var lítill strákur, en á okkur var
fimmtán ára aldursmunur og þá
eins og alltaf, leit ég upp til stóra
bróður.
Mér er minnisstætt þegar Jörri
og Bubba kona hans fluttu út á
nes, eins og það var kallað. Þá
þótti mér gaman að fara í heim-
sókn til þeirra og hlusta á Jörra
grínast og segja sögur og hlusta
um leið á kitlandi hlátur Bubbu við
sprelli Jörra. Allavega alveg þang-
að til að Jörri stóð okkur strákana
að því einn daginn að reykja undir
segli á trillu sem stóð uppá kambi
rétt heima hjá honum. En þá
fækkaði nú ferðunum í skömminni
allavega í bili.
Sérstaklega er mér í minni nú,
þegar ég fékk að fara með Jörra
og Igga Guðmunds á trillunni inn í
Djúp. Þá voru þeir á línuveiðum og
háfuðu síldina upp úr torfunum
inni í Djúpi, skáru hana niður og
beittu á krókana. Síðan lagt og
legið yfir og að lokum línan dregin.
Og oft bar vel í veiði, fiskur á
hverjum krók. Þetta þótti mér
stráknum stórkostlegt að upplifa.
Að ógleymdu að upplifa fegurð
Ísafjarðardjúpsins, fjarðanna,
JÖRUNDUR
FINNBOGI
ENGILBERTSSON
✝ Jörundur Finn-bogi Engilberts-
son fæddist í Súðavík
1. júlí 1927. Hann
lést á Hrafnistu í
Hafnarfirði 28. jan-
úar síðastliðinn og
var útför hans gerð
frá Hafnarfjarðar-
kirkju 3. febrúar.
eyjanna og fjalla-
hringsins. Finna ilm-
inn af slorinu og lifr-
inni sem múkkarnir
rifust um, í bland við
glens og gaman þeirra
Jörra og Igga í kvöld-
kyrrð sumarsins. Og
loks að sofna þreyttur
á bekknum í lúkarn-
um með bátalyktina
góðu í nösunum. Þetta
líður mér aldrei úr
minni og varð til þess
að ég ákvað að verða
sjómaður. Gaman var
að eiga við Jörra
tveggja manna tal, því hann naut
þess að tala um lífið og tilveruna,
enda var hann bráðgáfaður og vel
lesinn og vel minnugur á það sem
hann hafði lesið, var þá tíminn oft
fljótur að líða. Hann hafði þann
einstaka hæfileika, að skilja leynd-
ardóminn um litróf lífsins.
Jörri var líka mikill sögumaður,
svo mikill að hann gat gert allt
sem hann sagði að góðri sögu, með
því persónu kryddi sem hann hafði
í fórum sínum, svo sem raddblæ,
geislandi augum, látbragði í bland
við kímni og hlátur sem honum var
einum lagið. Hann var líka söng-
elskur, lag- og textavís, enda naut
hann þess að syngja, þó sérstak-
lega og eftirminnilega þegar hann
hafði fengið sér svolítið neðan í
því. Gaman var líka og sérstakt að
heyra hann og Lalla bróður taka
saman lagið í góðra vina hópi.
Enda samspyrtir þegar kom að
gríni og söng.
Það var líka gott að tala við
Jörra um trúmál, enda gerði hann
sér að fullu grein fyrir því, hver
væri tilgangur þessa lífs. Ég minn-
ist þar kvölds er við áttum saman
heima hjá honum og ræddum þetta
fram og til baka. Þá varð nið-
urstaðan sú að Jesús Kristur væri
frelsari þessa heims og að sá ætti
eilíft líf sem tryði á hann.
Jörri hafði sérstakan áhuga á
fótbolta og var mikill Skagamaður
þar. Gaman var að vera með hon-
um á vellinum. Hlusta á athuga-
semdir hans um leikinn og fylgjast
með svipbreytingum hans og inn-
lifun í takt við gang leiksins, að ég
tali nú ekki um þegar Lalli bróðir
okkar var með. Þetta var topp
skemmtun, jafnvel þótt leikurinn
tapaðist. Enda var gaman að lifa
og ógleymanlegt þegar við bræð-
urnir fímm bjuggum allir á Skag-
anum.
Mér er því ljúft að minnast
bróður míns, en sárt að missa
hann og verst að eiga hann ekki
lengur hér á storð. En svona er nú
lífið, sem ekki leyfir okkur að
ganga að neinu vísu, meðan við
drögum andann.
Ég gæti sagt svo margt en læt
hér staðar numið í virðingu og
þökk.
Elsku Brynja, Gummi, Atli og
Iggi Palli, makar börn og barna-
börn. Ég votta ykkur samúð mína
og bið Guð að hugga ykkur og
blessa í sorginni, því ég veit að
ykkur er mikil eftirsjá að föður
ykkar og afa.
Hafsteinn Engilbertsson.
Elsku afi minn, mig
langar að þakka þér
fyrir alla hjálpina og
stuðninginn. Þú varst
alltaf svo hjálpsamur
og fjörugur. Þú varst
yndislegur afi. Alltaf
þegar ég kom í heimsókn þá leið
mér svo vel. Ég var örugg og mér
fannst það alltaf fjör að kíkja í
heimsókn til þín og ömmu Núru. Í
hvert skipti sem ég kom var alltaf
eitthvert gotterí á borðinu inni í
stofu. Mér þótti t.d. skonsurnar
sem þú bakaðir mjög góðar og allt
annað sem þú bakaðir með henni
ömmu sem er líka rosalega dugleg.
Síðasta ár var búið að vera erfitt
fyrir þig því þú varst svo veikur.
En þú varst heppinn að hafa hana
ömmu Núru til staðar.
Elsku afi minn, ég gleymi aldrei
þeim frábæru stundum sem við
áttum saman og ég geymi þær að
eilífu í hjarta mínu. Megi góður
guð vaka yfir þér, afi minn.
Þín
Ruth Ingólfsdóttir.
HARRY
STEINSSON
✝ Harry Steinssonskipstjóri fædd-
ist í Reykjavík 27.
september 1933.
Hann lést á líknar-
deild LHS í Kópa-
vogi 17. janúar síð-
astliðinn og var útför
hans gerð í kyrrþey.
Elsku besti afi og
langafi.
Á sorgarstundu er
fátt um orð, en það
sem okkur er efst í
huga í dag er þakk-
læti fyrir að hafa hitt
þig, elsku afi, fyrir
stuttu síðan og fengið
að faðma þig og
kyssa.
Elsku amma, í dag
sem og alla aðra daga
er hugur okkar hjá
þér.
Sendum okkar inni-
legustu kveðjur frá
Kolding,
Tinna Ýrr, Ísak, Gabríel
Rökkvi og Mirra Rán.
Ég ætlaði að skrifa þetta á kín-
versku en hana skiljum bara þú og
ég.
Elsku afi minn, þú hefur ávallt
átt sérstakan stað í hjarta mínu.
Þar sáðir þú mörgum góðum fræj-
um, eins og ástar, umhyggju, hlýju
og hlátursfræjum. Þessi fræ eru
einstök fyrir mér og ég mun vökva
þau og vaka yfir þeim um ókomna
tíð, svo þau megi vaxa og dafna,
svo ég geti deilt þeim með ömmu
Núru. Og ég geti hreykin boðið
þér af þeim er við hittumst aftur.
Guðrún Margrét.