Morgunblaðið - 22.04.2003, Blaðsíða 26

MINNINGAR
26 ÞRIÐJUDAGUR 22. APRÍL 2003 MORGUNBLAÐIÐ
EFTIR harða og spennandi
keppni varð sveit Íslenskra aðal-
verktaka hlutskörpust í Íslands-
mótinu í brids. Undir lok mótsins
börðust þrjár sveitir um sigurinn og
skildu aðeins 3,5 stig sveitirnar að í
lokin.
Sveitir ÍAV, Guðmundar Sv. Her-
mannssonar og Subaru-sveitin voru í
efstu sætunum mestallt mótið en það
má segja að þáttaskil hafi orðið í 7.
umferð þegar ÍAV vann Subaru-
sveitina, 24-6 og sveit Guðmundar
vann sveit Skeljungs, 25-5. Eftir þá
umferð var ÍAV með 137,5 stig, Guð-
mundur með 130 stig og Subaru-
sveitin með 123 stig.
Í næst síðustu umferð söxuðu
bæði Guðmundur og Subaru á for-
skot ÍAV. Í síðustu umferðinni
spiluðu sveitirnar þrjár allar við
sveitir sem voru neðarlega í mótinu
og í hálfleik var staðan nokkuð jöfn í
leikjunum.
Hægt var að fylgjast með stöðunni
í leikjunum öllum jafnóðum í sýning-
arsalnum og á Netinu. Í síðasta hálf-
leiknum sigu Guðmundur og hans
menn hægt og rólega fram úr sveit
Skagans en lítið gerðist í leik ÍAV og
Félagsþjónustunnar þar til kom að
spili 20.
Vestur gefur, allir á hættu.
Norður
♠ ÁG9
♥ Á432
♦ D1072
♣K3
Vestur Austur
♠ K108642 ♠ 753
♥ 108 ♥ D765
♦ 854 ♦ ÁG963
♣G6 ♣8
Suður
♠ D
♥ KG9
♦ K
♣ÁD1098542
Eins og sést eru 6 lauf auðunninn
samningur en hann var aðeins spil-
aður á 5 borðum af 10. Við eitt borð
enduðu sagnir í 4 laufum fyrir mis-
skilning og við þrjú borð í 5 laufum,
þar af við bæði borð í leik Guðmund-
ar og Skagans. Liðsmenn ÍAV end-
uðu einnig í 5 laufum en við hitt borð-
ið í leiknum lentu Félagsþjónustu-
menn í sagnmisskilningi og náðu
ekki að stöðva fyrr en í 7 laufum.
Sagnir höfðu ekki gefið annað til
kynna en allir ásar væru til staðar og
eftir nokkrar vangaveltur spilaði
vestur út trompi. Þá gat sagnhafi
svínað spaða og hent niður tígulkóng
og síðan svínað fyrir hjartadrottn-
ingu. Fyrir þetta fékk Félagsþjón-
ustan 17 imp-stig og leikurinn var
orðinn jafn.
Félagsþjónustan græddi 7 stig til
viðbótar í spili 21 og Guðmundur
bætti einnig við stigainneign sína í
því spili og spili 22. Þegar tveimur
spilum var ólokið virtist því sem
sveit Guðmundar væri tryggja sér
titilinn. En í næstsíðasta spili lentu
Félagsþjónustumenn aftur í sagn-
slysi og fóru í slemmu þar sem vant-
aði tvo ása. Sú slemma vannst ekki
og sveit ÍAV fékk óvænt 13 stig. Í
síðasta spilinu fékk sveit ÍAV síðan 6
stig til viðbótar og vann leikinn 18-12
á endanum og það dugði þegar sveit
Guðmundar vann sinn leik 21-9. Sub-
aru-sveitin vann á sama tíma sinn
leik 23-7 og lokastaðan var þessi:
1. Íslenskir aðalverktakar 171,5 stig
2. Guðmundur Sv. Hermannsson 170
3. Subaru-sveitin 168
4. Skeljungur 144
5. Grant Thornton 141
6. Sparisj. Siglufjarðar og Mýra-
sýslu 135,5
7. Tryggingamiðstöðin 128,5
8. Skaginn hf. 111,5
9. Félagsþjónustan 85
10. Landsbankinn 76.
Sveit ÍAV skipuðu Sævar Þor-
björnsson, Matthías Þorvaldsson,
Bjarni Einarsson, Þröstur Ingimars-
son, Anton Haraldsson og Sigur-
björn Haraldsson. Í sveit Guðmund-
ar spiluðu ásamt honum Ásmundur
Pálsson, Björn Eysteinsson, Guð-
mundur Páll Arnarson og Helgi Jó-
hannsson. Í Subaru-sveitinni spiluðu
Jón Baldursson, Magnús Magnús-
son, Sverrir Ármannsson, Ragnar
Hermannsson og Þorlákur Jónsson.
Mótið fór fram við bestu aðstæður
á Hótel Loftleiðum. Sveinn R. Ei-
ríksson var keppnisstjóri, Stefanía
Skarphéðinsdóttir var mótsstjóri og
Daníel Már Sigurðsson hafði umsjón
með sýningartöflunni.
BRIDS
Hótel Loftleiðir
Úrslit Íslandsmótsins í sveitakeppni fóru
fram um bænadagana 16.–19. apríl. 10
sveitir tóku þátt í mótinu.
Guðm. Sv. Hermannsson
Sveit ÍAV hlutskörpust
á Íslandsmótinu í brids
FRÉTTIR
✝ Guðráður Davíðs-son, bóndi í Nesi í
Reykholtsdal, fæddist
á Hraunhálsi í Helga-
fellssveit 6. nóvember
1904. Hann lést á
Sjúkrahúsi Akraness
sunnudaginn 13. apríl
síðastliðinn. Foreldr-
ar hans voru Davíð
Guðmundur Davíðs-
son, þá vinnumaður á
Hraunhálsi, f. í Hellu-
dal 25. sept. 1879, d.
14. des. 1935, og Sig-
ríður Jósafatsdóttir
húskona (fósturdótt-
ir) á Hraunhálsi, f. 30. apríl 1872 á
Kirkjufelli í Eyrarsveit, d. 18. des.
1955 í Stykkishólmi. Börn þeirra
auk Guðráðs voru Eggert Svein-
björn, f. 8. apríl 1901, d. 4. sept
1952, bjó í Reykjavík, og Kristín
Brynhildur, f. 14. júní 1908, búsett
í Stykkishólmi. Davíð og Sigríður
slitu samvistum. Hann kvæntist
síðar Katrínu Júlíönu Albertsdótt-
ur, f. 6. júlí 1883, d. 25. maí 1968.
Áttu þau tvær dætur: Dagbjörtu f.
21. okt. 1922 í Hrappsey, og Hall-
dóru Guðmundu, f. 19. okt. 1926 á
Borgarlandi í Helgafellssveit, nú
báðar búsettar í Reykjavík. Davíð
fórst í sjóslysi á Breiðafirði.
Guðráður ólst upp á Hraunhálsi
fram yfir fermingu og gerðist þá
vinnumaður á Helgafelli um sjö
ára skeið. Vann eitt misseri í
Reykjavík og gekk því næst í Hvít-
árbakkaskóla. Réðst þaðan vinnu-
maður að Skáney í Reykholtsdal til
Bjarna Bjarnasonar og Helgu
Hannesdóttur og átti þar heima
um tíu ára skeið. Hann kvæntist
Vigdísi dóttur þeirra árið 1930.
Þau reistu nýbýlið Nes í landi
Skáneyjar árið 1937 og stunduðu
búskap fram yfir1980 en héldu
heimili til þessa dags. Þau eignuð-
ust þrjú börn sem öll fæddust á
Skáney: 1) Bragi, f. 29. mars 1932,
sjómaður, nú búsettur í Hafnar-
firði. Kona hans var Magnúsína
Erna Þorleifsdóttir, f. 19. febr.
1934, d. 8. sept 1998.
Börn þeirra eru: Vig-
dís, f. 28. maí 1952,
Stefanía, f. 17. mars
1955, Sigríður, f. 16.
nóv. 1956, Helga, f.
10. feb. 1961, Erla, f.
11. mars 1962, og
Guðráður Davíð, f. 9.
nóv. 1966, d. 16. maí
1981. Barnabörn
Braga og Ernu eru
19 og barnabarna-
börn 24. 2) Bjarni, f.
13. janúar 1935,
bóndi í Nesi. Kona
hans er Sigrún Ein-
arsdóttir, f. 8. apríl 1935. Börn
þeirra eru: Sigurður, f. 4. júní
1955, Einar, f. 4. des. 1958, Sigrún
(ættleidd), f. 25. janúar 1959, Sig-
ríður, f. 31. ágúst 1960, og Helga
Björk, f. 4. okt. 1969. Barnabörn
Bjarna og Sigrúnar eru 15 og eitt
barnabarnabarn. 3) Helga, f. 1.
ágúst 1936, húsfreyja á Kópa-
reykjum, gift Eyjólfi Sigurjóns-
syni, f. 14. maí 1932. Börn þeirra
eru: Vigdís Helga, f. 27. okt. 1956,
Sigríður Erla, f. 15. maí 1958, Sig-
urjón, f. 30. des.1959, d. 3. nóv.
1961, Kristín, f. 8. maí 1961, Jón, f.
8. jan. 1963, og Lára, f. 18. sept.
1964. Barnabörn Helgu og Eyjólfs
eru 15 og eitt barnabarnabarn.
Guðráður var glöggur á fólk og
fé. Sauðfjárbúskapur var hans líf
og yndi og hann átti jafnan arð-
samt fé. Hann sinnti félagsmálum í
sveit og héraði á vettvangi ung-
menna- og búnaðarfélags. Hann
var um árabil í hreppsnefnd Reyk-
holtsdalshrepps, deildarstjóri
kaupfélagsdeildar Reykholtsdals-
hrepps, forðagæslumaður, um-
boðsmaður skattstjóra og veitti
sveitungum oft aðstoð við burðar-
hjálp hjá kúm og kindum og skatt-
framtal og vann ýmis fleiri trún-
aðarstörf í þágu samfélagsins, sem
honum voru falin.
Guðráður var jarðsunginn frá
Reykholtskirkju laugardaginn 19.
apríl.
Ég veit að þú varst orðinn gam-
all og lúinn en ég vildi samt hafa
þig lengur hjá mér. Ég man hvað
það var gaman þegar þú varst hjá
okkur í heimsókn. Síðast þegar þú
komst þá varst þú orðinn hérumbil
blindur en þú sagðir það ekkert
mál að rata um húsið því ég væri
augun þín. Það var svo erfitt að
heimsækja þig á sjúkrahúsið og sjá
hvað þú varst veikur. Ég er glöð að
hafa spilað fyrir þig uppáhaldslagið
þitt, Réttarvatn, og þá var eins og
þú lifnaðir allur við. Ég passa vel
klútana þína, afi minn.
Ég sakna þín.
Þín
Sigrún Eir.
Við þökkum samfylgd þína
í þessi fjölmörgu ár.
Blessi þig allir englar
og alfaðir tignarhár.
Í frelsarans náðar faðmi
þú fagnar á himins grund.
Yfir þér englar hans vaka
hverja einustu lífsins stund.
Ég geymi í minningunni öll
hressilegu símtölin sem við áttum í
gegn um árin.
Ég geymi í minningunni stund-
irnar sem þú áttir hjá okkur hér í
Grindavík þegar „strákurinn“ átti
afmæli.
Ég geymi í minningunni spjallið
heima hjá ykkur Dísu þinni.
Ég geymi þig í minningunni.
Kveðja.
Guðfinna (Gugga).
Í miðjum Reykholtsdalnum á
norðurbakka Reykjadalsár stendur
bærinn Nes. Sunnan árinnar er
landnámsbærinn Kjalvararstaðir.
Þar slitum við systkinin barnsskón-
um. Nes er nýbýli úr landi Skán-
eyjar byggt af Guðráði og konu
hans Vigdísi Bjarnadóttur frá
Skáney. Þegar við vorum að vaxa
úr grasi lá vegurinn frá Kjalvar-
arstöðum og Kópareykjum yfir
óbrúaða ána og um hlað í Nesi og
áfram að þjóðvegi sem liggur um
norðanverðan dalinn. Þannig var
þetta fram yfir nítjánhundruð og
fimmtíu. Samskiptin milli þessara
tveggja bæja voru því talsvert mik-
il. Mjólkurflutningar á hestakerr-
um, sameiginlegur kartöflugarður
á eyrinni sunnan árinnar og fleira
mætti nefna. Guðráður var vel
gerður og heilsteyptur maður.
Hann var hreinskiptinn og traustur
og því oft fenginn til að vera í for-
svari í ýmsum ráðum og nefndum.
En það sem okkur er efst í huga
nú að honum gengnum er vinátta
hans og hjálpsemi hans og þeirra
hjóna beggja við foreldra okkar á
meðan þeirra naut við. Fyrir þetta
viljum við þakka nú að leiðarlokum
hans. Vigdísi og afkomendum
þeirra hjóna sendum við samúðar-
kveðjur.
Systkinin
Bjarnabörn frá
Kjalvararstöðum.
GUÐRÁÐUR
DAVÍÐSSON
FORSETI Íslands, Ólafur
Ragnar Grímsson, tekur
hér við eintaki af bókinni
Fátækt á Íslandi við upp-
haf nýrrar aldar, úr
höndum höfundarins,
Hörpu Njáls, á Bessastöð-
um. Bókin sem ber und-
irtitilinn: Hin dulda fé-
lagsgerð borgar-
samfélagsins, hefur að
geyma niðurstöður rann-
sókna Hörpu en hún er
félagsfræðingur að
mennt.
Útgefendur eru Borg-
arfræðasetur og Háskóla-
útgáfan en í frétta-
tilkynningu frá þeim segir að
niðurstöður rannsóknanna sýni að
íslensk velferðarstefna hafi ein-
kennst af hugmyndafræði sem sé í
samræmi við kenningar frjáls-
hyggjunnar um mótun velferð-
arríkja. Þar sé markmiðið að halda
útgjöldum hins opinbera í lágmarki
og fyrir vikið séu lágar bætur, lág
skerðingarmörk og harðar skerð-
ingar á meðal einkenna íslenskrar
velferðarþjónustu.
Færði forseta Íslands
bók um fátækt
Norrænar minjar í Kanada. Á veg-
um Vináttufélags Íslands og Kanada
verður opinn fundur á miðvikudag kl.
20 í Lögbergi, Háskóla Íslands, stofu
204. Guðmundur Ólafsson, deild-
arstjóri fornleifadeildar Þjóðminja-
safns Íslands, fjallar um uppgrefti
sína á leifum norrænna manna frá
miðöldum, á Baffineseyju (Hellu-
landi), í máli og myndum.
Fiskveiðireglur Evrópubandalags-
ins og Íslands. Málstofa verður
haldin á vegum Lagastofnunar Há-
skóla Íslands miðvikudaginn 23. apríl
kl. 12.15–13.15, í stofu 101 í Lög-
bergi, húsi lagadeildar. Stefán Már
Stefánsson prófessor og Óttar Páls-
son lögmaður kynna niðurstöður
rannsókna sinna á fiskveiðireglum
Evrópubandalagsins og Íslands og
hver yrði líkleg samningsstaða ef
kæmi til aðildarviðræðna Íslands og
Evrópusambandsins. Allir velkomn-
ir.
Emblur í Stykkishólmi halda vor-
vöku í Stykkishólmi, á morgun, mið-
vikudaginn 23. og fimmtudaginn 24.
apríl. Dagskráin hefst í Stykk-
ishólmskirkju síðasta vetrardag kl
20. Anna Sigríður Ólafsdóttir mat-
væla- og næringarfræðingur hjá
manneldisráði flytja erindi. Þá koma
Rímur og Rapp fram. Að dagskrár-
atriðum loknum verður boðið upp á
léttar heilsusamlegar veitingar. Að-
gangseyrir er 750 kr.
Á sumardaginn fyrsta sýnir listakon-
an Rannveig Tryggvadóttir ker-
amikverk sín, í tónlistarskólanum kl.
13–20. Þá verður í tónlistarskólanum
sett upp sýning í tengslum við mat-
arvenjur Íslendinga fyrr og nú, í
samvinnu við Norska húsið. Veit-
ingahúsin Fimm fiskar, Narfeyr-
arstofa og Hótel Stykkishólmur sýna
bæjarbúum og gefa hugmyndir að
hollum og góðum mat. Í tónlistar-
skólanum verður Brauðgerðarhús
Stykkishólms með kynningu og
fræðsluefni um spelt, súrdeigsbrauð,
normalbrauð og hollustu brauðmetis.
Á MORGUN
Málflutningur á ensku. Endur-
menntun HÍ býður upp á hagnýtt
talmálsnámskeið ætlað lögfræð-
ingum sem vinna að dómsmálum á
alþjóðlegum vettvangi eða starfa við
alþjóðleg samskipti, s.s. á sviði við-
skipta. Á námskeiðinu er lögð
áhersla á aukinn faglegan orðaforða
og að þátttakendur öðlist öryggi og
sjálfstraust í að nota ensku á form-
legan hátt og beita sérhæfðum hug-
tökum í réttu samhengi og við krefj-
andi aðstæður. Meðal þess sem tekið
er fyrir eru viðtöl við skjólstæðinga,
fundarhöld, samningaviðræður, eðli
málflutnings á ensku við erlenda
dómstóla o.fl. Námskeiðið hefst
mánudaginn 28. apríl nk. og kennari
er Erlendína Kristjánsson, lögfræð-
ingur og kennari í viðskipta- og laga-
ensku við HÍ. Frekari upplýsingar
og skráning á námskeiðið er á vef
Endurmenntunar www.endur-
menntun.is.
Á NÆSTUNNI
ÞÝÐINGARMIÐSTÖÐ utanríkis-
ráðuneytisins hefur opnað hugtaka-
safn á vefslóðinni www.hugtaka-
safn.utn.stjr.is.
Unnið hefur verið að söfnun hug-
taka og orðasambanda í safnið allt frá
stofnun miðstöðvarinnar árið 1990.
Undanfarin tvö ár hefur verið unnið
að endurskoðun og aðlögun safnsins
með vefsetningu þess í huga enda er
vefsetning íslenskra hugtakasafna
liður í tungutækniverkefni ríkis-
stjórnarinnar.
Í frétt frá utanríkisráðuneytinu
segir að hugtökin og orðasamböndin
séu að stórum hluta úr tilskipunum og
reglugerðum sem falla undir EES-
samninginn en þýðing þeirra yfir á ís-
lensku er einmitt helsta verkefni Þýð-
ingarmiðstöðvarinnar. Einnig eru í
safninu hugtök sem tengjast öðrum
milliríkjasamningum og Evrópusam-
bandinu og stofnunum þess.
Nú eru í safninu um 34.000 grunn-
færslur.
Hugtakasafn
á Netinu