Morgunblaðið - 04.05.2003, Blaðsíða 8

FRÉTTIR
8 SUNNUDAGUR 4. MAÍ 2003 MORGUNBLAÐIÐ
Sigla nú himins fley.
Menningardagar í Kópavogi
Að kynnast
bænum sínum
NÚ STANDA yfirmenningardagar,svokallaðir Kópa-
vogsdagar, í Kópavogi og
er boðið upp á margs kon-
ar uppákomur. Þetta er í
fyrsta skipti sem slíkir
dagar eru haldnir í bæn-
um og er ráðgert að um
árlegan viðburð verði að
ræða hér eftir. Sigurrós
Þorgrímsdóttir er formað-
ur Lista- og menningar-
ráðs Kópavogs og þar með
í forsvari fyrir bæjarfélag-
ið. Hún svaraði nokkrum
spurningum Morgun-
blaðsins á dögunum.
– Kópavogsdagar, hve-
nær byrjuðu þeir, hvenær
lýkur þeim og hver er til-
urð þeirra?
„Kópavogsdagar voru
settir formlega við hátíðlega at-
höfn föstudaginn 2. maí. Dag-
skráin byrjaði síðan með íþrótta-
degi fjölskyldunnar á laugar-
dagsmorgun og lýkur á afmæli
bæjarins 11. maí. Eftir síðustu
kosningar, þegar ný stjórn tók við
Lista- og menningarráði, var
ákveðið að halda árlega menning-
ardaga eða Kópavogsdaga í
kringum afmæli bæjarins sem er
11. maí. Meginmarkmið Kópa-
vogsdaga er að bjóða íbúum bæj-
arins upp á fjölbreytta dagskrá
þar sem bæði er boðið upp á
skemmtun og fræðslu, þar sem
ungir sem aldnir ættu að geta
fundið eitthvað við sitt hæfi.“
– Geturðu sagt okkur undan og
ofan af því sem boðið er upp á?
„Dagskrá Kópavogsdaga er
mjög fjölbreytt þar sem boðið er
upp á fjölmarga lista- og menn-
ingarviðburði s.s. listsýningar,
fjölmarga tónleika, hagyrðinga-
kvöld og boðið er til menningar-
göngu um menningarstofnanir
bæjarins undir leiðsögn forstöðu-
manna þeirra. Fjölmargir lista-
menn starfa í bænum og nokkrir
þeirra ætla að vera með opið hús
og bjóða fólki að koma í heimsókn
á vinnustofur sínar. Allir aldurs-
hópar taka þátt í Kópavogsdög-
um þar sem jafnt ungir sem aldn-
ir sýna verk sem þeir hafa verið
að vinna að síðastliðinn vetur.
Nemendur í Tónlistarskóla Kópa-
vogs munu halda nokkra tónleika
í Salnum. Á Kópavogsdögum
verður líka opið hús í leikskólum,
hjá eldri borgurum í Gullsmára
og Gjábakka og einnig verða ýms-
ar uppákomur í Félagsmiðstöðv-
um ÍTK. Laugardaginn 10. maí
verður síðan efnt til fjölskyldu-
skemmtunar í Smáralind þar sem
fjölmargir ungir listamenn úr
Kópavogi koma fram. Hátíðinni
lýkur síðan á afmælisdegi bæjar-
ins, sunnudaginn 11. maí. Loka-
dagurinn hefst með sameiginlegri
hátíðarmessu sem haldin verður í
Smáralind en prestar úr öllum
söfnuðum þjóðkirkjunnar munu
taka þátt í henni. Lista- og menn-
ingarráð mun veita
listamannastyrki í
Salnum, Martin
Hunger Friðriksson
heldur hátíðartónleika
í Kópavogskirkju og
um kvöldið verða tón-
leikar í Salnum, þar
sem Snorri Wium,
Ólafur Kjartan Sig-
urðsson og Jónas Ingimundarson
flytja verk eftir íslensk tónskáld.“
– Hvernig líkar Kópavogsbú-
um við svona uppákomur?
„Þetta er í fyrsta sinn sem slík-
ir Kópavogsdagar eru haldnir.
Það er von okkar að þeir veiti íbú-
um bæjarins tækifæri til að kynn-
ast bænum sínum og þeirri fjöl-
breyttu starfsemi sem fram fer í
stofnunum bæjarins betur.“
– Nú eru óvenjumörg þjóðar-
brot í Kópavogi, ber dagskráin
einhvern keim af því?
Kópavogsbær hélt alþjóðaviku
á síðasta ári sem tókst mjög vel.
Dagskrá Kópavogsdaga höfðar
vonandi til allra íbúa bæjarins
hvaðan sem þeir eru ættaðir.“
– Hvað eru svona menningar-
dagar lengi að fæðast, þ.e.a.s.
hvað er langt síðan skipulagning
þeirra hófst og hvað hafa margir
komið að þeirri vinnu?
„Eins og ég gat um, þá er þetta
í fyrsta sinn sem slíkir dagar eru
haldnir svo þetta er frumraun.
Hugmynd um einhvers konar
menningardaga hefur verið til
umræðu í nokkra mánuði þar sem
ýmsar hugmyndir um uppákomur
hafa verið ræddar. Lista- og
menningarráð réð síðan verk-
efnastjóra, Áslaugu Pálsdóttur,
til að halda utanum verkefnið fyr-
ir um tveimur mánuðum. Hún
hefur síðan unnið þetta í náinni
samvinnu við Menningar- og
markaðsskrifstofu bæjarins. En
það er alveg ljóst að það hefði
aldrei tekist að setja upp svona
metnaðarfulla dagskrá nema með
mjög víðtækri samvinnu, en segja
má að flestar ef ekki allar stofn-
anir bæjarins komi að þessu, eins
og t.d. forstöðumenn allra menn-
ingarstofnana í bænum, tónlistar-
skólinn, leikskólarnir,
grunnskólarnir,
íþróttafulltrúi, íþrótta-
félögin og eldri borgar-
ar. Auk fjölmargra
annarra sem lagt hafa
sitt af mörkum til að
gera dagskrána sem
áhugaverðasta.“
– Hvað finnst þér
sjálfri skemmtilegast við menn-
ingardagana?
„Við undirbúning og skipulagn-
ingu Kópavogsdaganna var haft
að leiðarljósi að dagskráin höfð-
aði til sem flestra. Því finnst mér
hvað ánægjulegast við dagskrána
hve fjölbreytt hún er og hvað það
eru margir sem koma að henni.“
Sigurrós Þorgrímsdóttir
 Sigurrós Þorgrímsdóttir er
fædd í Reykjavík 1947 en hefur
búið í Kópavogi frá 1978. Stúd-
ent frá Menntaskólanum við
Hamrahlíð 1986 og lauk BA-
prófi í stjórnmálafræði og hag-
fræði frá Háskóla Íslands 1990.
Lauk prófi í hagnýtri fjölmiðlun
haustið 1991 og MA-námi í
stjórnsýslufræðum 2002. Sig-
urrós er bæjarfulltrúi í Kópavogi
og forseti bæjarstjórnar. For-
maður Lista- og menningarráðs
bæjarins. Sigurrós er gift Guð-
mundi Ólafssyni verkfræðingi og
eiga þau fjögur börn.
…en segja má
að flestar ef
ekki allar
stofnanir bæj-
arins komi
að þessu
KNATTSPYRNUFÉLAGIÐ Fram
hélt upp á 95 ára afmæli sitt með
opnu húsi og kaffiveitingum í Safa-
mýrinni á fimmtudag. Birgir Lúð-
víksson, Anný Ástráðsdóttir og
bræðurnir Steinn og Karl Guð-
mundssynir voru gerð að heiðurs-
félögum fyrir störf fyrir félagið.
Fjölbreytt dagskrá var í Safamýr-
inni fyrir börnin og kom lögreglan
við og skoðaði hjól barnanna. Börnin
fengu síðan að sjá hvað gerist þegar
hjólreiðahjálmur er látinn detta nið-
ur úr 6 metra hæð, sem er svipaður
hraði og börnin ná þegar þau hjóla
hratt niður brekkur. Börnin fengu
að skoða hjálminn eftir fallið og sjá
hvaða áhrif slíkt fall getur haft.
Dofri Hermannsson leikari hefur
unnið að því í samvinnu við Umferð-
arráð og íþróttafélögin að kynna
hjálma með myndum og nafni
íþróttafélaganna.
Dofri á dóttur sem var í Fram og
kynntist því í gegnum hana að á
ákveðnum aldri verða börn feimin
við að nota hjálmana.
„Við bjuggum til mynd fyrir hvert
félag til að setja á hjálminn ásamt
merki þess, mynd sem börnin gætu
verið stolt og ánægð með,“ sagði
Dofri. Á hjálmi Fram er til dæmis
mynd af ref, KR-hjálmarnir bera
mynd af ljónsgini, Þróttara-
hjálmarnir mynd af ketti o.s.frv.
„Það liggur svolítið djúp pæling
að baki þessu. Íþróttakrakkar eru
oft foringjar í skólum sínum. Við
reiknuðum það út að ef við fengjum
þau til að vera með hjálm sem þau
væru stolt af, eins og með mynd af
félaginu sínu, þá fengjum við hina
krakkana til að gera eins. Við not-
uðum þessa krakka því svolítið til að
ryðja brautina fyrir hina sem var
farið að finnast asnalegt að vera
með hjálma. Ég held að þetta hafi
tekist mjög vel,“ sagði Dofri.
Hjólreiða-
hjálmar
prófaðir á
afmæli Fram
Morgunblaðið/Halldór Kolbeins
Börnin skoða brot úr hjálminum eftir að hann var látinn falla úr 6 m hæð.
HÉRAÐSDÓMUR Vestfjarða hefur
dæmt karlmann um þrítugt í tólf
mánaða fangelsi, þar af níu mánuði
skilorðsbundna, fyrir kynferðisbrot
gegn eiginkonu uppeldisbróður síns
en hún gat ekki spornað við brotinu
sökum svefndrunga.
Atvikið átti sér stað í september
2001. Konan og eiginmaður hennar
fóru á dansleik og eftir að honum lauk
fengu þau sér snarl á heimili sínu og
fóru að sofa, líklega um klukkan fimm
um morguninn. Kvaðst konan hafa
drukkið áfengi en aldrei verið mjög
ölvuð. Hún sagðist hafa vaknað við að
ákærði stóð yfir henni, búið var að
færa náttbuxur hennar niður og
hneppa náttskyrtu frá og hafði hann
sett fingur inn í fæðingarveg hennar.
Hún kvaðst hafa kippt hendi hans
burtu, tekið sængina og snúið sér
undan. Engin orð hefðu fallið en kon-
an lýsti því að hún hefði verið algjör-
lega frosin. Þegar maður hennar
vaknaði sagði hún honum frá því sem
gerst hafði og um kvöldið sagði hún
systur sinni og mági frá atvikum.
Sex mánuðir liðu þar til konan
kærði manninn en hún sagðist í upp-
hafi ekki geta hugsað sér að kæra
hann enda fjölskyldutengsl sterk.
Síðan hefði henni liðið sífellt verr og
viljað losna við vanlíðan með því að
kæra. Enn liði henni illa. Fyrir dómi
sagði ákærði að hann hefði verið
mjög ölvaður seinni hluta nætur og
bar við minnisleysi.
Fjölskipaður dómur taldi að þótt
konan væri ein til frásagnar þætti
ekki varhugavert, þegar málsatvik
væru virt í heild, að leggja framburð
hennar til grundvallar dómi.
Var maðurinn sakfelldur fyrir að
hafa brotið alvarlega gegn persónu-
legri friðhelgi, heimilishelgi og kyn-
frelsi þolanda brotsins. Auk þess rof-
ið trúnað sem ættmenni og fjöl-
skylduvinur. Honum til málsbóta var
m.a. talið að hafa beðist afsökunar á
brotinu, dráttur á kæru hefði verið
þungbær auk þess sem fjölskyldu-
tengsl rofnuðu. Hann var auk fang-
elsisrefsingar dæmdur til að greiða
konunni 400.000 krónur í skaðabæt-
ur.
Erlingur Sigtryggsson, Finnur
Torfi Hjörleifsson og Hjördís Há-
konardóttir kváðu upp dóminn. Sig-
ríður J. Friðjónsdóttir var saksókn-
ari ríkissaksóknara, Örn Clausen hrl.
var skipaður verjandi og Sif Konráðs-
dóttir hrl. réttargæslumaður brota-
þola.
Gat ekki spornað við
sökum svefndrunga