Morgunblaðið - 16.05.2003, Síða 14
VIÐSKIPTI/ATHAFNALÍF
14 FÖSTUDAGUR 16. MAÍ 2003 MORGUNBLAÐIÐ
Kristín Jónsdóttir
Verið velkomin að skoða verkin í Gallerí Fold, Rauðarárstíg 14 - 16,
í dag kl. 10.00 - 18.00, á morgun kl. 10.00 - 17.00 og á sunnudag kl. 12.00 - 17.00.
Boðin verða upp um 100 verk, þar á meðal óvenjumörg verk gömlu meistaranna.
Hægt er að nálgast uppboðsskrána á netinu: www.myndlist.is
Rauðarárstíg 14-16
sími 551 0400
LISTMUNAUPPBOÐ
verður haldið á sunnudagskvöld kl. 20.00 á Hótel Sögu, Súlnasal.
REIKNAÐ er með að áætlanir de-
CODE genetics, móðurfélags Ís-
lenskrar erfðagreiningar, sem
greint var frá í byrjun aprílmán-
aðar síðastliðins, muni ganga eftir.
Samkvæmt áætlunum er gert ráð
fyrir að deCODE muni nota um 20
milljónir Bandaríkjadala af þeim 93
milljónum sem félagið átti í hand-
bæru fé um síðustu áramótum.
Þetta kom fram í svari Hannesar
Smárasonar, aðstoðarforstjóra ÍE,
við fyrirspurn sem honum barst á
símafundi félagsins á Netinu í gær.
Á símafundinum gerðu Hannes
og Kári Stefánsson, forstjóri ÍE,
grein fyrir afkomu félagsins á
fyrsta ársfjórðungi þessa árs.
Hannes var spurður hvort áætlanir
um að ekki myndi ganga meira á
eigið fé deCODE en 20 milljónir
dala á þessu ári myndu ganga eftir,
þar sem handbært fé félagsins
hefði minnkað um 14 milljónir dala
á fyrsta fjórðungi ársins, eða um
meirihlutann af því sem reiknað er
með fyrir allt árið. Þegar afkoma
deCODE fyrir árið 2002 var birt í
byrjun síðasta mánaðar kom fram í
máli þeirra Hannesar og Kára á
símafundi á Netinu að félagið áætl-
aði að nota um 20 milljónir dala á
þessu ári af handbæru fé félagsins
á síðustu áramótum. Hannes sagði
í gær að þessar áætlanir hefðu ekki
breyst.
Auknar tekjur og
lægri kostnaður
Handbært fé deCODE var um
79 milljónir dala í lok fyrsta árs-
fjórðungs þessa árs, þ.e. í lok
marsmánaðar síðastliðinn, eða um
5,8 milljarðar króna. Handbært fé
hafði þá minnkað um 14 milljónir
dala frá áramótum, um einn millj-
arð króna, er það var um 93 millj-
ónir dala, eða um 6,8 milljarðar ís-
lenskra króna.
Hannes sagði að auk þess sem
tekjur deCODE fari vaxandi þá
hafi einnig dregið úr kostnaði fé-
lagsins. Hinar auknu tekjur end-
urspegli vöxt fyrirtækisins eftir
kaupin á lyfjaþróunarfyrirtækinu
MediChem Life Science í Banda-
ríkjunum í mars á síðasta ári. Eftir
því sem líða muni á þetta ár muni
mismunurinn á tekjum og kostnaði
fara minnkandi.
Tekjur deCODE rúmlega tvö-
földuðust frá fyrsta ársfjórðungi
síðasta árs, voru 11,8 milljónir
Bandaríkjadala á tímabilinu janúar
til mars í ár, um 860 milljónir ís-
lenskra króna, en 5,3 milljónir dala
á sama tímabili í fyrra.
Tap af rekstri deCODE á fyrsta
fjórðungi þessa árs var um 2,9
milljónum Bandaríkjadala minna í
ár en í fyrra, sem svarar til liðlega
200 milljóna íslenskra króna. Tapið
var um 13 milljónir dala á fyrsta
ársfjórðungi þessa árs, eða um 950
milljónir íslenskra króna, en um
15,9 milljónir dala á sama tímabili í
fyrra, jafnvirði um 1.160 milljóna
króna.
Ánægja með þróunina
Kári Stefánsson sagði á síma-
fundinum að deCODE hefði náð
góðum árangri á ýmsum sviðum og
að hann væri mjög ánægður með
þróunina hjá félaginu. Áætlanir fé-
lagsins hafi gengið eftir, staða þess
sé sterk og félagið sé í þeirri
heppilegu stöðu að þurfa ekki að
leita eftir fjármagni á fjármála-
markaði til að geta haldið rann-
sóknum áfram.
Kári sagði að afkoma félagsins á
fyrsta fjórðungi þessa árs sé til
vitnis um þann árangur sem náðst
hafi í að rekstrinum. Hann sagði að
áfangar muni nást í núverandi
rannsóknum á grundvelli núver-
andi samstarfssamninga fyrirtæk-
isins, auk þess sem nýir samstarfs-
samningar muni koma til.
Afkoma deCODE rædd á símafundi
Reiknað með
að áætlanir árs-
ins gangi eftir
HAGNAÐUR Jarðborana nam 10,7
milljónum króna á fyrstu þremur
mánuðum ársins, en félagið var rekið
með 39 milljóna króna tapi á sama
tímabili árið 2002.
Samkvæmt upplýsingum frá Jarð-
borunum einkennir lítil velta jafnan
fyrsta fjórðung ársins í rekstri Jarð-
borana, enda hefjast framkvæmdir á
vegum fyrirtækisins yfirleitt ekki
fyrr en í febrúar eða mars.
Heildarvelta Jarðborana nam 159,3
milljónum króna á fyrsta ársfjórðungi
2003, en var 136,9 milljónir á sama
tíma í fyrra. Rekstrartap félagsins
fyrstu þrjá mánuði ársins 2003, fyrir
fjármagnsliði og skatta, nam 3,4 millj-
ónum króna, en tapið var 51,4 millj-
ónir á sama tímabili á síðasta ári.
Heildareignir félagsins voru bók-
færðar á liðlega 1,7 milljarða króna í
lok mars 2003. Þær skiptust þannig
að fastafjármunir námu 884 milljón-
um og veltufjármunir 883 milljónum.
Í lok mars 2003 nam eigið fé félags-
ins 967,9 milljónum króna. Eiginfjár-
hlutfall í lok mars 2003 var 54,8%.
Hlutafé Jarðborana er 259,4 milljónir
króna.
Erlend verkefni 32% af veltu
Á fyrstu þremur mánuðum ársins
2003 námu tekjur samstæðunnar af
framkvæmdum erlendis yfir 32% af
veltu. Helstu viðfangsefnin á þessum
tíma hafa verið verkefni á Azoreyjum
sem dótturfélag Jarðborana, Iceland
Drilling (UK) Ltd., fékk að undan-
genginni þátttöku í alþjóðlegum út-
boðum. Unnið er fyrir nokkur bæj-
arfélög á Azoreyjum við borun eftir
fersku vatni og rannsóknarboranir
fyrir orkufyrtækið GeoTerceira eru
að hefjast á eyjunni Terceira. Næst í
verkefnaröðinni eru umfangsmiklar
framkvæmdir fyrir Orkuveitu
Reykjavíkur á Hellisheiði, sem áætl-
að er að hefjist í maí. Þar verða bor-
aðar rannsóknarholur vegna fyrir-
hugaðrar jarðvarmavirkjunar.
Jarðboranir með hagnað
HAGNAÐUR Olíuverzlunar Íslands
hf., Olís og dótturfélaga, eftir skatta
fyrstu þrjá mánuði ársins 2003 varð
260 milljónir króna, en var á sama
tímabili í fyrra 340 milljónir króna. Er
það 23,5% samdráttur milli tímabila.
Hagnaður, fyrir afskriftir og fjár-
magnsliði, nam 219 milljónum króna,
samanborið við 257 milljónir á sama
tíma í fyrra, sem er 7,9% af rekstr-
artekjum, á móti 9,2% á sama tíma ár-
ið áður. Arðsemi eigin fjár var 22%
samanborið við 40,9% árið áður. Sam-
stæðuuppgjör félagsins tekur til dótt-
urfélagsins Nafta ehf., sem er að fullu
í eigu Olís, en enginn rekstur er í fé-
laginu og þar eingöngu haldið utan
um eignarhluti í sjávarútvegsfyrir-
tækjum.
Rekstrartekjur Olís-samstæðunn-
ar námu á árinu 2.789 milljónum
króna samanborið við 2.803 milljónir á
sama tíma á fyrra ári. Rekstrargjöld
voru 565 milljónir, samanborið við 535
milljónir á fyrra ári og hækka um
5,6%. Afskriftir eru 79 milljónir, en
voru 67 milljónir á fyrsta ársfjórðungi
fyrra árs.
Eiginfjárhlutfallið 43,8%
Heildareignir samstæðunnar 31.
mars námu 11.004 milljónum króna
og heildarskuldir voru 6.183 milljónir.
Skuldir að frádregnum veltufjármun-
um námu 2.267 milljónum. Eigið fé 31.
mars var 4.822 milljónir og hafði auk-
ist um 93 milljónir á ársfjórðungnum
eða 2,0%. Eiginfjárhlutfall var 43,8%.
Veltufé frá rekstri var 164 milljónir
króna, en á fyrra ári á sama tíma 225
milljónir. Veltufjárhlutfall var 1,9 og
handbært fé í lok tímabilsins 437
milljónir króna. Í tilkynningu til
Kauphallar Íslands kemur fram að
rekstur félagsins hafi að mestu geng-
ið samkvæmt áætlun á fyrsta árs-
fjórðungi 2003 en þó er framlegð
heldur undir áætlun vegna minni
loðnuveiða og minni sölu til erlendra
skipa. Búist er við að áætlun félagsins
fyrir árið gangi eftir í meginatriðum
en eins og á fyrra ári hefur áfram-
haldandi styrking á gengi íslensku
krónunnar þó sett verulega mark sitt
á afkomuna á fyrsta ársfjórðungi og
mun endanleg rekstrarniðurstaða
ársins ráðast mjög af þróun á gengi
krónunnar það sem eftir er árs.
Stærstu hluthafarnir í Olís eru
Hydro Texaco með 35,46% og Ker
með 35,46%. Landsbankinn fjárfest-
ing er þriðji stærsti hluthafinn með
9,71%.
Hagnaður Olís dregst
saman um tæplega fjórðung
FULLTRÚAR Íslands og Noregs
ræddu deilu þjóðanna um veiðar á
norsk-íslenzku síldinni óformlega í
tengslum við fund hjá NEAFC í
London í gær og fyrradag. Þær um-
ræður báru engan árangur og ljóst að
mikið ber á milli. Formlegur samn-
ingafundur hefur ekki verið boðaður.
Fundur NEAFC, fiskveiðinefndar
Norðaustur-Atlantshafsins, fjallaði
að þessu sinni um djúpsjávartegund-
ir. Gunnar Pálsson, sendiherra, sagði
í samtali við Morgunblaðið að loknum
fundinum í gær, að það gengi mjög
hægt að vinna í því máli. Verið væri
að reyna að afla gagna um umfang
veiða á djúpsjávarfiski og útbreiðslu
þessara fiska, þau væru af skornum
skammti og í mörgum tilfellum
hreinlega ekki til. Þá væri það mis-
munandi hvernig aðildarþjóðirnar
skilgreindu djúpsjávarveiðar og við
hvaða svæði ætti að miða. Því yrði
langt í það að einhver niðurstaða
fengist um stjórnun á veiðum þess-
ara fiskitegunda.
Gunnar sagði að óformlega hefði
verið rætt við Norðmenn um síldina,
en árangur hefði verið afar lítill. Að-
ilar hefðu borið saman bækur sínar
og ljóst að mikið bæri á milli og ekk-
ert hefði gengið að brúa bilið. Hins
vegar væru veiðarnar byrjaðar og
gengju vel. Að auki þyrfti nú að ná
nýjum samningi um loðnuveiðarnar
og því mætti segja að staðan væri
verri en hún hefði verið fyrir mánuði.
Enginn formlegur fundur hefði verið
boðaður, en ekki væri þó öll nótt úti
enn. Síðar í þessum mánuði yrði
fundur um loðnuna og þá yrði síldin
sjálfsagt rædd líka. Þá skipti það
einnig máli að ekki væri búið að
mynda nýja ríkisstjórn og því hefðu
samningamenn aðeins umboð til
samninga frá fráfarandi stjórn, enn
sem komið væri.
Aðspurður sagði Gunnar að ekkert
hefði verið rætt um kolmunna á þess-
um fundi, en ekki er samkomulag um
veiðar á honum frekar en síldinni.
Íslendingar og Norðmenn deila um norsk-íslenzku síldina
Viðræður án árangurs
KAUPÁS hefur gert samning við Bodumfyrirtækið
danska um rekstur verslunar í Húsgagnahöllinnni
með Bodumvörur. Hönnun Bodum er vel þekkt og
verslanirnar eru yfir 50 talsins um allan heim.
Vörur frá Bodum hafa verið seldar hér á landi um
skeið en ekki hefur verið hér sérstök Bodumverslun.
Að sögn Friðberts Friðbertssonar, framkvæmda-
stjóra sérvörusviðs Kaupáss, standa nú yfir fram-
kvæmdir í Húsgagnahöllinni. „Það er verið að gera
meiriháttar endurbætur á húsnæðinu og við ætlum að
fagna nýju og betra húsnæði þann 24. maí næstkom-
andi. Þann dag stendur til að opna Bodumverslunina.“
Friðbert segir verslunina fylgja stöðlum Bodumfyr-
irtæksins í hvívetna, enda hafi danskir hönnuðir fyr-
irtækisins séð um að hanna útlitið og allar innrétt-
ingar séu í takt við það sem gerist í öðrum
Bodumverslunum. Hann segist bjartsýnn á að versl-
uninni verði vel tekið. „Fólk er þegar byrjað að
hringja upp í Húsgagnahöll og spyrja hvenær Bod-
umbúðin opni,“ segir Friðbert.
Efnt verður til opnunarhátíðar þann 24. maí nk. en
þá verður, auk Bodumverslunarinnar, opnað kaffihús
Bakarameistarans í Húsgagnahöllinni. Í húsnæðinu
eru fyrir verslanirnar Intersport og Nevada Bob.
Bodum-
verslun á
Íslandi
Rikke Rasmussen, framkvæmdastjóri Bodum-fyrir-
tækisins, og Ingimar Jónsson, forstjóri Kaupáss, inn-
sigla samninginn umkringd Bodum-kaffikönnum.
BODUM var stofnað árið 1944 af Peter Bodum og
var upphaflega innflutningsfyrirtæki. Árið 1958
var svo fyrsta sérhannaða varan undir merkjum
Bodum sett á markað. Sú vara var SANTOS kaffi-
kannan, ein af mörgum sem Bodum hefur fram-
leitt. Sú kanna er enn í framleiðslu, 45 árum eftir
að hún kom fyrst á markað.
Aðalsmerki Bodum fyrirtækisins hefur í gegn-
um árin verið hin klassíska hönnun. Hugmynda-
fræði Bodum snýst um að almenningur eigi kost á
afburðahönnun á viðráðanlegu verði,“ eins og það
er orðað í tilkynningu frá Kaupási.
Klassísk hönnun