Morgunblaðið - 16.05.2003, Blaðsíða 22

SUÐURNES
22 FÖSTUDAGUR 16. MAÍ 2003 MORGUNBLAÐIÐ
NÝTT skipulag miðbæjar Sand-
gerðis, svokallaðs Miðnestorgs, er
til umfjöllunar í fagnefndum
Sandgerðisbæjar. Hugmyndir eru
uppi um að Búmenn byggi þar
hús fyrir íbúðir, bæjarskrifstofur
og ýmsa þjónustu.
Húsnæðissamvinnufélagið Bú-
menn og Sandgerðisbær gerðu í
byrjun ársins rammasamning þar
sem Búmenn taka að sér að und-
irbúa uppbyggingu miðbæjarins
með það fyrir augum að félagið
byggi og reki meginbyggingar á
svæðinu. Teiknistofa Guðrúnar
Jónsdóttur hefur nú skilað hug-
myndum að breyttu deiliskipulagi
miðbæjarins og stærsta húsinu
sem þar á að rísa. Tillögunum var
vel tekið í bæjarráði Sandgerð-
isbæjar í vikunni og hafa verið
sendar til viðkomandi fagnefnda
til umfjöllunar.
Sigurður Valur Ásbjarnarson
bæjarstjóri segir að áhugi sé á að
flýta umfjöllun sem mest svo unnt
verði að hefjast handa við fram-
kvæmdir við fyrsta áfanga í haust
og gera húsið tilbúið undir tré-
verk 3. desember á næsta ári.
Býst hann við að ákvarðanir verði
teknar fljótlega eftir að Búmenn
hafa gert áætlun um kostnað við
byggingu hússins. Á næstunni
verður einnig gengið til samninga
við landeigendur um nýtingu
svæðisins.
Samkvæmt hugmyndum Teikni-
stofunnar að nýju deiliskipulagi
er gert ráð fyrir að byggð verði
þrjú hús í miðbænum, til viðbótar
húsi Sparkaupa sem þegar er ris-
ið og komið í notkun. Fyrsti
áfangi felst í því að byggja 2.570
fermetra hús, nokkurs konar ráð-
hús, þótt í húsinu verði, auk bæj-
arskrifstofa og bókasafns, íbúðir
Búmanna og önnur þjónustu-
starfsemi.
Húsið verður upp á þrjár hæðir
en stiga- og lyftuturn þess gengur
áfram upp og endar í útsýnispalli
þar sem sjá má yfir allan bæinn
og til hafs. Þetta verður nokkurs
konar ráðhústurn með klukku og
tilheyrandi. Húsið er annars tvær
álmur sem mynda 55 gráðu horn
og tengjast saman með gler-
inngangi.
Á þriðju hæð hússins verða tíu
íbúðir Búmanna sem ætlaðar eru
fólki sem orðið er fimmtugt. Bæj-
arskrifstofurnar verða á annarri
hæðinni auk fjögurra þjón-
ustuíbúða á vegum bæjarfélags-
ins.
Á jarðhæðinni er gert ráð fyrir
aðstöðu fyrir bókasafn Sand-
gerðis og fjölnota sal með tilheyr-
andi eldhúsi. Salurinn er ætlaður
til ýmiss konar menningar-
starfsemi, leiksýninga, hljómlist-
arflutnings, funda og annarrar fé-
lagsstarfsemi á vegum
sveitarfélagsins eða frjálsra fé-
lagasamtaka. Hugmyndin er að
eldhúsið verði notað vegna
heimaþjónustu við eldri borgara
og til að elda mat fyrir leikskól-
ann og jafnvel grunnskólann. Á
neðstu hæðinni er einnig gert ráð
fyrir aðstöðu fyrir þjónustufyr-
irtæki, svo sem banka, endurskoð-
unarskrifstofu og ef til vill aðra
aðila. Framan við húsið, á milli
tveggja álma þess og tjarnar sem
útbúin verður, myndast torg, svo-
kallað Miðnestorg. Unnt á að vera
að tengja það beint við fjölnota
salinn þannig að torgið verði yf-
irbyggt að hluta.
Tvö hús til viðbótar
Á bak við meginbygginguna,
við horn Austurgötu og Vík-
urbrautar, er gert ráð fyrir að
byggt verði hús með fjórum
litlum íbúðum, 70–90 fermetrar
hver íbúð. Sigurður Valur segir
að tilfinnanlega vanti litlar íbúðir
á markaðinn í Sandgerði, ekki
síst svo unga fólkið getið hafið
búskap í sinni heimabyggð. Hug-
myndin er að úthluta lóðinni til
verktaka og að húsið verði byggt
á sama tíma og meginbygging
miðbæjarins.
Loks er gert ráð fyrir að í
framtíðinni geti risið þarna eitt
hús til viðbótar, fyrir heilsugæslu,
sérþjónustu og heimilisvernd á
vegum Sandgerðisbæjar.
Tillögur að nýju skipulagi miðbæjar og byggingum til umfjöllunar í bæjarstjórn og fagnefndum
Tjörn og ráðhús
við Miðnestorg
Við tjörnina fyrir miðri mynd er áformað að byggja tveggja álmu hús fyrir bæjarskrifstofur, íbúðir Búmanna,
þjónustuíbúðir og ýmsa þjónustu. Á turni þess verður útsýnispallur. Verslunarhús Sparkaupa er til vinstri og er
þegar risið og komið í notkun. Til hægri á líkaninu sést áformað hús fyrir heilsugæslu og heimilisvernd.
Sandgerði
LOGI Gunnarsson körfuknattleiks-
maður var útnefndur íþróttamaður
UMFN fyrir árið 2002. Hann tók við
viðurkenningu sinni á aðalfundi
UMFN sem haldinn var fyrir
skömmu.
Fleiri viðurkenningar voru veittar
fyrir vel unnin störf og góða frammi-
stöðu í keppni. Þannig hlaut Hall-
dóra Húnbogadóttir Ólafsbikarinn
sem veittur er fyrir vel unnin störf í
þágu félagsins. Bikarinn var gefinn
til minningar um Ólaf Thordersen
sem lengi var í forystu félagsins.
Stjórn UMFN gaf kost á sér til
áframhaldandi setu og var hún ein-
róma kjörin. Kristbjörn Albertsson
er formaður, Guðmundur Sigurðs-
son ritari og Þórunn Friðriksdóttir
gjaldkeri.
Logi Gunn-
arsson
íþróttamað-
ur UMFN
Njarðvík
Ljósmynd/Guðmundur Sigurðsson
Kristbjörn Albertsson afhenti Hall-
dóru Húnbogadóttur Ólafsbikarinn.