Morgunblaðið - 16.05.2003, Page 18
ERLENT
18 FÖSTUDAGUR 16. MAÍ 2003 MORGUNBLAÐIÐ
FRÖNSK stjórnvöld hafa sakað
bandaríska embættismenn um
„skipulega blekkingarherferð“ gegn
Frakklandi með óhróðri og tilhæfu-
lausum ásökunum um að landið hafi
stutt stjórn Saddams Husseins.
Í bréfi frá sendiherra Frakklands
í Washington, Jean-David Levitte,
til embættismanna Bandaríkja-
stjórnar og þingmanna eru tíundað-
ar fréttir um Frakkland, sem birst
hafa í bandarískum fjölmiðlum og
hafðar eru eftir ónafngreindum emb-
ættismönnum í Washington. Stjórn-
völd í París hafa vísað öllum frétt-
unum á bug og franskur
embættismaður í Washington sagði
að þær væru liður í „óhróðursher-
ferð til að eyðileggja ímynd Frakk-
lands“.
Franskir stjórnarerindrekar
sögðu að enginn vafi léki á því að
embættismenn stjórnar George W.
Bush Bandaríkjaforseta kæmu
röngum upplýsingum um Frakkland
á framfæri við fréttamenn og töldu
líklegast að þeir væru í varnarmála-
ráðuneytinu. Engum embættis-
mannanna hefði verið refsað og
Bandaríkjastjórn virtist ekki hafa
reynt að komast að því hverjir þeir
væru.
Frönsku embættismennirnir
sögðu að Frakkar hefðu reynt að
bæta samskiptin við Bandaríkja-
menn eftir harkalegar deilur um
stríðið í Írak en stjórn Bush hefði
sýnt lítinn áhuga á sáttum.
Sagðir hafa hjálpað íröskum
leiðtogum að flýja
Bandarískir embættismenn segj-
ast enn vera reiðir Frökkum vegna
andstöðu þeirra við að öryggisráð
Sameinuðu þjóðanna styddi hernað-
inn í Írak og tilraunir Frakka til að
koma í veg fyrir aðstoð Atlantshafs-
bandalagsins við Tyrkland í
tengslum við stríðið.
Í bréfinu er meðal annars bent á
frétt í New York Times í september
þar sem því var haldið fram að
Frakkar og Þjóðverjar hefðu selt
Írökum hátæknirofa, sem notaðir
eru til að sprengja kjarnorku-
sprengjur, árið 1998. Frönsk stjórn-
völd sögðu að Írakar hefðu reyndar
pantað slíka rofa en þau hefðu bann-
að söluna og gert þýskum yfirvöld-
um viðvart um málið.
The Washington Post birti í nóv-
ember frétt um að Frakkar ættu
bönnuð afbrigði af bólusóttarveiru í
sýklavopn og vitnaði í „bandarískar
leyniþjónustuheimildir“. Frakkar
sögðu að enginn fótur væri fyrir
þessu.
Sama blað kvaðst í mars hafa
„leyniþjónustuheimildir“ fyrir því að
tvö frönsk fyrirtæki hefðu selt Írök-
um varahluti í flugvélar og þyrlur, en
fyrirtækin og franska stjórnin neit-
uðu því.
Svipaðar fréttir um meinta sölu
Frakka á búnaði í langdrægar eld-
flaugar, brynvögnum, ratsjárbúnaði
og varahlutum í orrustuþotur voru
birtar í apríl og þeim var öllum vísað
á bug.
Washington Times birti síðan
frétt 6. þessa mánaðar þar sem haft
var eftir ónafngreindum „heimildar-
manni í bandarísku leyniþjónust-
unni“ að Frakkar hefðu hjálpað
íröskum leiðtogum að komast undan
til Evrópu. Franskir stjórnarerind-
rekar í Sýrlandi hefðu séð Írökum,
sem Bandaríkjaher hefur leitað, fyr-
ir frönskum vegabréfum.
Í fréttinni sagði að embættismenn
í varnarmálaráðuneytinu, utanríkis-
ráðuneytinu og Hvíta húsinu í Wash-
ington væru ævareiðir út í Frakka
vegna þessa máls. Franski sendi-
herrann hafði strax samband við
embættismenn í Hvíta húsinu og
þeir fullvissuðu hann um að þetta
væri rangt. Seinna sagði franska
sendiráðið að ekkert væri hæft í
fréttinni.
Saka Bandaríkjamenn
um blekkingarherferð
Frakkar segja bandaríska embættis-
menn bera út óhróður um Frakkland
The Washington Post.
FJÓRIR Palestínumenn voru í gær
drepnir á Gaza-svæðinu þegar ís-
relski herinn réðist inn í bæinn Beit
Hanoun. Þetta var önnur innrás her-
aflans á tveimur dögum.
Á meðal þeirra sem féllu var 12 ára
gamall drengur. 16 voru sagðir hafa
særst. Talsmaður herstjórnar Ísr-
aela kvað tilgang aðgerðanna hafa
verið þann að hafa hendur í hári eft-
irlýstra palestínskra öfgamanna.
Sakaruppgjöf
í Tétsníu?
VLADÍMÍR Pútín Rússlandsforseti
lagði í gær frumvarp fyrir þing lands-
ins þar sem gert er ráð fyrir því að
þeir skæruliðar sem leggi niður vopn
í Tétsníu geti fengið uppgjöf saka.
Skæruliðum gefst tækifæri til að
leggja niður vopn fyrir 1. ágúst og af-
henda þau yfirvöldum. Hafi þeir
gerst sekir um morð, mannrán eða
aðra alvarlega glæpi mun sakarupp-
gjöfin ekki taka til þeirra.
Ákvörðun Pútíns kemur í kjölfar
tveggja sjálfsmorðsárása í vikunni
sem kostuðu alls um 80 manns lífið í
Tétsníu. Líklegt er talið að neðri
deild þingsins, Dúman, greiði at-
kvæði um frumvarp Pútíns í næstu
viku.
Fjórir
drepnir
á Gaza
ÍTALSKUR maður myrti tvo
lækna og framdi síðan sjálfs-
morð í gær í borginni Lud-
wigshafen í vesturhluta
Þýskalands.
Maðurinn var 69 ára. Ekki
er vitað hvernig hann tengd-
ist læknunum.
Að sögn lögreglu ruddist
maðurinn inn á stofur
læknanna snemma í gær. Á
annarri biðstofunni var fyrir
nokkur hópur fólks. Maður-
inn spurði um lækninn og
þegar hann birtist tók morð-
inginn fram byssu og skaut
lækninn til bana. Hann var 45
ára.
Um 20 mínútum síðar barst
tilkynning um að 37 ára
læknir hefði verið særður í
skotárás. Hann lést skömmu
síðar. Morðinginn var eltur er
hann reyndi að komast undan
í bifreið. Þá skaut hann sig í
hjartastað og lést skömmu
síðar.
Í íbúð mannsins fannst lát-
in eiginkona hans. Hún var 71
árs.
Læknar
myrtir í
Þýskalandi
Ludwigshafen. AFP.
SVISSLENDINGURINN Erich von
Däniken hefur selt tugmilljónir ein-
taka af bókum sínum þar sem hann
reynir að sannfæra fólk um að verur
utan úr geimnum hafi haft úr-
slitaáhrif á þróun mannlífs á jörð-
inni. Hann segir m.a. að hinir ýmsu
guðir hafi í reynd verið geimfarar
sem hafi útrýmt stórum hluta þess
mannkyns sem eitt sinn hafi lifað.
Von Däniken, sem nú er orðinn 68
ára gamall, er lítill og þybbinn og
áður en hann gerðist spámaður for-
tíðarinnar rak hann hótel. Nokkrum
sinnum sat hann inni fyrir svindl.
Hann gaf út bók sína „Voru guðirnir
geimfarar?“ árið 1968 og hún varð
þegar í stað metsölurit, einkum í
Þýskalandi og Bandaríkjunum. Bók-
in hefur verið þýdd á 32 tungumál.
Hann rekur fjölmörg dæmi um gát-
ur sem fræðimenn hafa ekki fundið
viðhlítandi skýringu á og ávallt er
niðurstaða hans sú að þar hafi geim-
fararnir dularfullu verið að verki.
„Stóri píramídinn í Giza var stærri
en dómkirkjurnar í Mílanó, Róm og
Flórens samanlagt,“ segir von Dän-
iken. „Hvers vegna og hvernig var
steinblokkunum miklu í píramíd-
anum, þær eru alls 2,5 milljónir,
hlaðið upp? Þær stærstu vega um
400 tonn. Hver lét byggja píramíd-
ana?“
Nú er verið að hleypa af stokk-
unum sjónvarpsþáttaröð í 22 þáttum
um kenningar hans sem von Dän-
iken segir að muni slá út allt sem áð-
ur hafi sést. Beitt verði fullkomnustu
tækni og áhorfendum veitt innsýn í
stórkostlega leyndardóma. Auk þess
verður á laugardag opnaður
skemmtigarður, Undragarðurinn, á
yfirgefnum herflugvelli í Sviss og
þar geta gestirnir kynnst hvers kyns
furðuverkum sem von Däniken segir
að sanni réttmæti kenninganna.
Vantrúaðir fræðimenn
Von Däniken er ekki háskóla-
menntaður og fornleifafræðingum,
stjörnufræðingum og öðrum vís-
indamönnum finnst lítið til kenning-
anna koma, að sögn AP-fréttastof-
unnar. „Þessi goðsagnaframleiðsla
er svo bjánaleg, það er svo auðvelt
að afsanna sögurnar og þetta er
heldur vandræðalegt,“ sagði David
Brin, stjörnufræðingur og höfundur
vísindaskáldsagna. Hann hefur
skrifað um líkurnar á lífi á öðrum
hnöttum. „Þetta fólk hatast við op-
inskáar, vísindalegar umræður sem
þróast hafa í takti við útbreiðslu
menntunar. Þau vilja leyndarmál,
forn og ný, sem aðeins þau þekkja.“
Von Däniken segir að þetta sé
ekkert nema öfund og minnir á að
hann hafi víða fengið nafnbótina
heiðursdoktor sem sýni að hann sé
tekinn alvarlega. Og margir aðdá-
endur hans eru yfir sig hrifnir.
Diana Al Hazard, sem býr í París,
sendi honum heillaóskir á 68 ára af-
mælinu. „Þú hefur svo sannarlega
náð takmarki þínu á þessari plán-
etu,“ sagði hún.
Annara lesandi bóka von Däni-
kens, Jack Greenfield, sem býr í
New York, sagðist hafa gaman af
þeim en væri svolítið tortrygginn á
kenningarnar. Von Däniken hafi
grætt vel á bókunum, þær séu
spennandi og veki fólk til umhugs-
unar. „Vandinn er að ég veit ekki til
þess að nokkuð af því sem hann seg-
ir sé í tengslum við sannleikann,“
segir Greenfield.
Undragarður nýrra goðsagna
Erich von Däniken fullyrðir að geim-
verur hafi ráðið örlögum manna
AP
Svisslendingurinn Erich von Däniken í nýjum skemmtigarði sínum í Int-
erlaken í Sviss. „Undragarðurinn“ verður opnaður á morgun, laugardag.
ÞRJÁTÍU og átta manns létu lífið
þegar eldur kviknaði í yfirfullri far-
þegalest í norðurhluta Indlands í
gær. Hér sjást lögreglumenn horfa
inn í einn vagninn. Margir farþeg-
anna voru sofandi þegar eldurinn
breiddist út. Yfirvöld segja orsök
brunans ókunna en útiloka að um
hermdarverk hafi verið að ræða.
Sjónarvottar segja að lestin, sem var
á leið frá Bombay til Amritsar, hafi
verið ofhlaðin og að farangri hafi
verið komið fyrir við útgönguleiðir.
Sumir reyndu að flýja eldinn með því
að loka sig inni á salerni en köfnuðu.
Borgarstjóri í Ludhiana, Anurag Ag-
arwal, sagði 10–12 börn vera meðal
hinna látnu. Hann sagði að nokkur
lítil lík og líkamshlutar væru svo
brunnin að þau væru óþekkjanleg.
Þess vegna væri einnig erfitt að
henda reiður á fjölda látinna.Reuters
Mannskætt
lestarslys í
Indlandi
Flugumferðarstjórn Bandaríkjanna
(FAA) ætlar að banna allt lágflug yf-
ir Manhattan eftir að lágflug þotu,
sem var að flytja bandaríska her-
menn heim frá Írak, vakti skelfingu
meðal íbúa borgarinnar í vikunni.
„FAA harmar þau neikvæðu áhrif
sem þetta flug hafði á suma af íbúum
New York-borgar. FAA hefur síðan
sett reglur um að slíkt verði ekki
heimilað í framtíðinni,“ segir í yfir-
lýsingu sem stofnunin sendi frá sér.
Þá segir að flugmenn þotunnar hafi
fengið sérstaka heimild til að fljúga
lágflug yfir borginni í tilefni af heim-
komu farþeganna.
Þotan sem um ræðir flaug lágflug
yfir borgina og fór m.a. nærri Frels-
isstyttunni og yfir rústasvæði World
Trade Center.
Skelfing á
Manhattan
♦ ♦ ♦
♦ ♦ ♦