Morgunblaðið - 16.05.2003, Síða 20
HÖFUÐBORGARSVÆÐIÐ
20 FÖSTUDAGUR 16. MAÍ 2003 MORGUNBLAÐIÐ
KAUPENDUR Blöndalshúss við
Suðurgötu í Hafnarfirði hafa farið
fram á að bæjaryfirvöld lækki kaup-
verð þess um tæpa milljón króna.
Ástæður eru m.a. að flatarmál húss-
ins hafi verið ofmetið um rúma 118
fermetra auk þess sem kröfur bygg-
inganefndar Hafnarfjarðar hafi gert
endurbyggingu þess mjög erfiða og
kostnaðarsama.
Í bréfi kaupendanna er það rakið
að þeir hafi keypt húsið af Hafnar-
fjarðarbæ í júní árið 2001 en um er að
ræða eitt af elstu húsum Hafnar-
fjarðar sem byggt var upp úr 1880.
Kaupverðið hafi verið 5,5 milljónir
króna samkvæmt mati frá fasteigna-
sala. Hann hafi haft skráningu hjá
Fasteignamati ríkisins til grundvall-
ar stærðarmati á húsinu sem var talið
vera 319,3 fermetrar en síðar hafi
komið í ljós að skráning Fasteigna-
matsins var röng og húsið í raun að-
eins 200,9 fermetrar að stærð. Til við-
bótar hafi deiliskipulag bæjarins gert
ráð fyrir að húsið yrði minnkað um 70
fermetra auk þess sem annar bíl-
skúrinn, sem því tilheyrði skyldi fjar-
lægður. Þá hafi fasteignasalinn ekki
komist inn í húsið og því metið það að
hluta til í blindni.
Bílskúr skyldi rifinn á
kostnað kaupenda
Segir að húsið hafi verið í mikilli
niðurníðslu og erfitt hafi verið að
gera það upp, ekki síst vegna skilyrða
frá Bygginganefnd Hafnarfjarðar
um að húsið yrði endurbyggt eins og
um nýbyggingu væri að ræða. Það
hafi reynst bæði erfitt og kostnaðar-
samt að samræma kröfurnar 120 ára
gömlu húsi og jafnframt halda útliti
þess í sem upprunalegastri mynd.
Þó að kaupendurnir segist hafa vit-
að að deiliskipulag gerði ráð fyrir að
fjarlægja skyldi annan bílskúrinn
segja þeir það hafa komið sér í opna
skjöldu þegar bærinn fór fram á að
það yrði gert á þeirra kostnað. Það
komi ekki til greina að þeirra mati.
Segir að framkoma bæjaryfirvalda
í málinu hafi valdið þeim miklum
kostnaðarauka og töfum við endur-
nýjun hússins. Er því farið fram á að
kaupverð hússins verði lækkað á
þann hátt að skuld kaupendanna við
bæinn, 995.000 krónur, verði látin
falla niður auk þess sem bærinn sjái
um að rífa bílskúrinn á sinn kostnað.
Bréf kaupendanna var tekið fyrir á
fundi bæjarráðs í síðustu viku og ósk-
að eftir umsögn bæjarlögmanns um
málið.
Kaupendur Blöndalshúss vilja lækkun kaupverðs
Stærð hússins ofmetin
um 118 fermetra
Hafnarfjörður
ÞÆR virtust hafa nóg að spjalla
um, þessar stúlkur, þar sem þær
sátu og biðu eftir strætó við Hverfisgötuna, rétt við
Stjórnarráðið. Vorið er enda góður tími til skrafs og
ráðagerða þar sem þá sér fyrir endann á prófum og
hægt að fara að gleðjast yfir fríinu
framundan.
Hvort það voru próflok, væntanlegt sumarfrí eða
jafnvel úrslit kosninganna sem var umræðuefni
þeirra stallna skal hins vegar ósagt látið.
Rætt um þjóðmálin?
Miðborg
Morgunblaðið/Kristinn
FULLTRÚAR Kópavogsbæjar og
skólastjórnendur grunnskólanna í
Kópavogi undirrituðu í gær samn-
ing um fjárveitingar til skólanna
þar sem kveðið er á um hvernig
fjármagni til kennslu og annarra
starfa við skólann skuli úthlutað og
með hvaða hætti fjármagn til vöru-
kaupa og þjónustukaupa er reiknað.
Þá er í samningnum mælt fyrir um
hvernig skólastjórum er frjálst að
ráðstafa fjármunum í þágu skólans
sem verða til vegna innri hagræð-
ingar.
Með samningnum, sem undirrit-
aður er í framhaldi af samningum
frá árinu 2000, er úthlutun fjár-
magns til skólanna enn frekar
bundið nemendafjölda en áður og
flyst með nemandanum skipti hann
um skóla.
Í tilkynningu frá Skólaskrifsofu
Kópavogs segir að markmiðið með
samningnum sé að stuðla að auk-
inni fjárhagslegri ábyrgð og hag-
ræðingu til hagsbóta fyrir skólana
og sveitarfélagið. Markmiðið sé
einnig að auka jafnræði í fjárveit-
ingum og hvetja til faglegrar ný-
breytni.
Afgangur færist milli ára
Helgi Halldórsson, skólastjóri
Digranesskóla, segir almennrar
ánægju gæta meðal skólastjórn-
enda með nýja samninginn. Með
honum eykst svigrúm skólastjóra til
þess að nýta afgang af fjármunum
frá árinu áður í þætti sem þeir vilja
efla innan skólans.
„Þetta hefur verið í samningnum
áður en nú er kveðið sterkara að
orði,“ segir Helgi.
Samningur um fjárveitingar til grunnskóla Kópavogs
Svigrúm skólastjóra aukið
Kópavogur
Morgunblaðið/Jim Smart
Helgi Halldórsson, skólastjóri Digranesskóla, Sigurður Geirdal bæjar-
stjóri, Ármann Kr. Ólafsson, formaður skólanefndar, og Árni Þór Hilmars-
son, framkvæmdastjóri fræðslusviðs, við undirritun samninganna í gær.
ERLENT
PAUL Bremer, hinn nýi yfirmaður
hernámsliðs Bandaríkjamanna í Írak,
sagði á fundi með fréttamönnum í
gær að Baath-flokkurinn, helsta
valdatæki Saddams Husseins, fyrrum
forseta, yrði upprættur með öllu í
landinu.
Þetta var fyrsti fundur Bremers
með fréttamönnum frá því hann tók
til starfa í Írak fyrr í vikunni.
„Við höfum ákveðið að baathismi
og saddamismi muni aldrei aftur fá
þrifist í Írak,“ sagði Bremer. Kom
fram í máli hans að aðgerðir í þessu
skyni yrðu kynntar á næstu dögum.
Bandaríkjamenn hafa á hinn bóg-
inn átt nokkurt samstarf við fyrrum
félaga í Baath-flokknum eftir að
Saddam var steypt af stóli 9. fyrra
mánaðar. Hefur þetta ráðslag víða
fallið í grýttan svörð enda margir
Írakar þeirrar hyggju að slíkt sam-
starf sé með öllu ólíðandi í ljósi þeirr-
ar kúgunar sem fylgdi stjórn Baath-
flokksins í 35 ár. Bandaríkjamenn
hafa hins vegar talið nauðsynlegt að
leita til fyrrum Baath-félaga í því
skyni að koma á lögum og reglu og
endurreisa innviði samfélagsins.
„Þeir Baath-félagar sem misnot-
uðu völd sín til að kúga þjóðina verða
sviptir embættum sínum,“ sagði
Bremer. „Við eigum við erfiðan vanda
að glíma. Við reynum eftir megni að
vinna með Írökum að því að koma á
fót grundvallarþjónustu í landinu. Við
reynum að vinna með því fólki í ráðu-
neytum Íraks sem er hæft til að sinna
þeim störfum,“ bætti hann við.
Bandarískar hersveitir hafa hand-
tekið Abdel Baqi al-Karim Abdullah,
sem er á lista Bandaríkjamanna yfir
55 fyrrum íraska embættismenn sem
þeir vilja handtaka og yfirheyra. Abd-
ullah var handtekinn þegar banda-
rískar hersveitir gerðu húsleit í ná-
grenni borgarinnar Tikrit í Írak í
fyrrinótt og handtóku yfir 200 manns
en slepptu flestum aftur. Abdullah
mun hafa verið leiðtogi
Baath-flokksins í Diyala-héraði.
Tikrit er heimabær Saddams
Husseins og helsta vígi hans og
Baath-flokksins.
Baath verður
upprættur
Bagdad. AFP.
Reuters
Sjálfboðaliði í Bagdad sópar götur undir eftirliti bandarískra hermanna.
DANIR og Grænlendingar hafa náð
samkomulagi um að fulltrúar hinna
síðarnefndu fái að taka þátt í að móta
stefnuna í samningaviðræðum við
Bandaríkjamenn um endurskoðun
varnarsamningsins frá 1951. Að sögn
danska blaðsins Berlingske Tidende
fannst málamiðlun á fundi sem Per
Stig Møller, utanríkisráðherra Dan-
merkur, átti með Hans Enoksen, for-
manni landstjórnar Grænlands, í vik-
unni í smáþorpinu Itilleq sem er rétt
sunnan við heimskautsbaug.
Bandaríkjamenn sömdu árið 1951
við Dani um að fá að leggja herflug-
völl í Thule sem er norðarlega á vest-
urströnd Grænlands. Stjórnvöld í
Washington vilja fá að nota stöðina í
umdeildri áætlun sinni um gagn-
flaugavarnir. Verður þar reist rat-
sjárstöð sem mun gegna mikilvægu
hlutverki í áætluninni.
Ákvæði er í nýjum samningi Dana
og Grænlendinga um að danska
stjórnin geti nú þegar veitt Banda-
ríkjamönnum jákvætt svar til bráða-
birgða. Náist endanlegur samningur
um málið mun grænlenskur fulltrúi
undirrita hann ásamt fulltrúa Dana.
Møller sagði eðlilegt að Grænlend-
ingar fengju aukin áhrif á þá þætti ut-
anríkismála sem snertu þá sérstak-
lega. Einnig þyrfti að létta af þjóðinni
sársaukanum sem bygging herstöðv-
arinnar hefði valdið. Deilur hafa stað-
ið árum saman um mengun í
tengslum við Thule-stöðina, einnig að
þar hafi verið geymd kjarnorkuvopn.
Danski ráðherrann sagði að nýi
samningurinn gæti orðið fyrirmynd
annarra ríkja um tillit sem taka bæri
til hagsmuna smáþjóða í ríkjasam-
bandi við stærri þjóðir. Gagnkvæm
virðing væri mikilvægust. Møller
lagði þó áherslu á að ekki væri hægt
að semja um að þjóðirnar tvær væru
alltaf fullkomlega sammála um stefn-
una í utanríkismálum.
„Slíkt jafnrétti væri andstætt
stjórnarskránni þar sem það er
danska stjórnin sem annast utanríkis-
málin,“ sagði hann.
Fá aukin áhrif á
eigin utanríkismál
Fulltrúi Grænlendinga mun ásamt Dönum
undirrita varnarsamning við Bandaríkin