Morgunblaðið - 04.06.2003, Síða 17

HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 4. JÚNÍ 2003 17
Fyrirlestraröð Kvennahlaups ÍSÍ og
samstarfsaðila Ísland á iði
Undirstöðuatriði þjálfunar
Miðvikudagurinn 4. júní, kl. 20-21.30.
Fundarsalur Íþrótta- og Ólympíusambands
Íslands, Íþróttamiðstöðinni í Laugardal (3. hæð).
• Hvernig er skynsamlegast að undirbúa sig
fyrir þjálfun ef maður hefur ekki hreyft sig í
langan tíma?
• Hvað felst í orðinu undirstöðuatriði?
• Hvernig markmið er gott að setja sér til að
breyta um lífsstíl?
• Er hægt að stytta sér leið, virka
skyndilausnir?
Þessum spurningum verður svarað í kvöld.
Fyrirlesari: Ásgerður Guðmundsdóttir,
íþróttakennari og sjúkraþjálfari.
Umsjón: Anna R. Möller, formaður
undirbúningsnefndar Kvennahlaups ÍSÍ í Garðabæ.
Kvennahlaup ÍSÍ fer fram laugardaginn 21. júní á yfir 100
stöðum hérlendis og erlendis. Nánari upplýsingar um
gönguhópa, fræðslufyrirlestra, myndir o.fl. á www.sjova.is.
Félag íslenskra sjúkraþjálfara
EF börnin í 4. bekk SK í Flataskóla í
Garðabæ fengju að ráða yrði skóla-
lóðin við fyrirhugaðan skóla á Sjá-
landi útbúin tívolíi, sundlaug með
stórum rennibrautum, hjóla-
brettapalli og go-kart bílabraut.
Krakkarnir í 7. BS í Garðaskóla ósk-
uðu frekar eftir því að allir nem-
endur fengju fartölvur og lazy-boy
stóla til að sitja í. Fullorðna fólkið
vill hins vegar samstarf við fyrirtæki
og atvinnulíf og að skólabyggingin
verði sveigjanleg.
Ofangreint er meðal niðurstaðna
mismunandi ráðgjafahópa sem
fengnir voru til að koma fram með
hugmyndir um hvernig nýr skóli,
sem reisa á í bryggjuhverfinu á Sjá-
landi í Arnarnesvogi, eigi að vera en
stefnt er að því að fyrsti hluti hans
verði tilbúinn haustið 2005. Í und-
irbúningi að hönnun skólans var
stuðst við svokallaða Design Down
Process-aðferð sem felur í sér að
kallaðir eru til einstaklingar úr ýms-
um áttum samfélagsins til að ræða
væntanlega stafsemi skólans og
hvernig skólabyggingin ætti að vera.
Fyrir utan fagaðila á sviði skóla-
mála og áhugasama borgara voru
ráðgjafahópar níu ára nemenda í
Flataskóla og tólf ára nemenda í
Garðaskóla fengnir til að segja sitt
álit á því hvernig draumaskólinn
þeirra væri og hvað væri gott og
hvað mætti lagfæra í þeirra eigin
skóla. Það var ráðgjafafyrirtækið
Alta, sem hefur m.a. staðið fyrir
íbúaþingum í Garðabæ og víðar, sem
fundaði með börnunum og liggja nið-
urstöður þeirrar vinnu nú fyrir.
Bíósalur og gæludýr
til heimaláns
Meðal þeirra atriða sem voru of-
arlega í huga níu ára barnanna í 4.
SK í Flataskóla voru skólalóðin,
maturinn, gæludýr, frímínútur og
námsefnið. Þannig vildu níu ára
börnin bæta um betur við hefð-
bundna aðstöðu á skólalóð þannig að
á draumalóðinni yrði heilt ævintýra-
land þar sem meðal annars mætti
finna tívolí, gervigrasvöll og sérstakt
svæði fyrir snjókast á veturna. Eng-
ar athugasemdir voru gerðar um
skipulag Flataskóla en fengju þau að
ráða yrði bæði stór salur og bíósalur
í draumaskólanum.
Almennt voru börnin ánægð með
bekkjarstofurnar sínar en vildu
gjarnan fá meira pláss fyrir hvern
og einn og góðar tölvur handa öllum
sem væru útbúnar ADSL tengingu
og MSN skilaboðakerfi. Þá fannst
þeim sjónvarp eiga heima í skóla-
stofunni.
Matur fékk talsverða athygli hjá
börnunum sem vildu sjá ísskáp, ör-
bylgjuofn og brauðrist í hverri
skólastofu. Þá vildu þau mötuneyti
með kokki sem útbyggi heitar mál-
tíðir á staðnum og var stungið upp á
hamborgara, pizzum og nammi á
matseðilinn þótt vissulega við-
urkenndu flestir að slíkt mataræði
ætti ekki við alla daga.
Þá söknuðu mörg barnanna að
ekki væru dýr í skólanum, bæði
gæludýr sem jafnvel mætti fá lánuð
heim og hestar þannig að bjóða
mætti upp á reiðkennslu í skólanum.
Hvað varðar skólastarfið þá vildu
börnin sjá styttri skóla, lengra sum-
arfrí, langar frímínútur og marga
útitíma. Í draumaskólanum gætu
börnin ráðið hvaða fög þau stunduðu
og þar voru tölvutímar og heim-
ilisfræði ofarlega á vinsældalist-
anum. Einhverjir lögðu til að hafa
aðskilda stelpubekki og strákabekki
en sú tillaga hlaut þó misjafnar und-
irtektir.
Vilja fá að
sleppa við erfið fög
Tólf ára börnin í 7. BS í Garða-
skóla höfðu öllu meiri skoðanir á
skólabyggingunni sinni og gagn-
rýndu að merkingar á skólastofum
væru órökréttar, of fá klósett væru í
skólanum og hann væri almennt
ekki nægilega hreinn og vistlegur.
Þau vildu að draumaskólinn yrði
bjartur og einhverjir lögðu til að í
honum væri glertengibygging og
sundlaug og heitir pottar í sól-
stofum.
Krakkarnir sögðust ekki fara mik-
ið út í frímínútur en vildu þó gjarnan
sjá hjólabrettagarð á skólalóðinni.
Þá vildu þau að hver bekkur hefði
sína föstu skólastofu sem væri útbú-
in hægindastólum, góðum tölvum,
sessum og sjónvarpi og var meinilla
við að þurfa að skipta um stofur fyrir
mismunandi fög. Þau vildu stærra
og vistlegra mötuneyti og lögðu
áherslu á ódýran og hollan mat, þótt
gera mætti undantekningu á því síð-
arnefnda á föstudögum að þeirra
mati.
Þegar spurt var um skólastarfið
óskuðu börnin eindregið eftir því að
fá skólabíl sem sæi um að keyra þau
til og frá skóla, enda mætti með því
koma í veg fyrir að nokkur kæmi of
seint í skólann. Líkt og fjórðubekk-
ingarnir vildu börnin gjarnan styttri
skóladag og lengra sumarfrí. Skipt-
ar skoðanir voru á námsefninu en
krakkarnir voru sammála um að það
væru of mörg próf og of seint á önn-
inni og vildu gjarnan fá möguleika á
því að sleppa erfiðum fögum í sam-
vinnu við kennara.
Traustir skápar voru líka ofarlega
á óskalista þannig að geyma mætti
þungar bækur í skólanum auk þess
sem þau vildu fá möguleika á því að
sinna heimalærdómi í skólanum
þannig að hægt væri að leita til
kennara þegar þörf væri á aðstoð.
Nokkrum strákanna fannst þó ekk-
ert síðri tilhugsun að vera heima í
fjarnámi á eigin tölvu.
Þá var rætt um góða tóm-
stundaaðstöðu eftir skólatíma og
einhver lagði til að „banna hrekkju-
svín.“ Loks vildu stelpurnar frekar
skólabúninga en strákarnir og sáu
kost við það að þurfa ekki að velta
því fyrir sér í hverju þær ættu að
fara í skólann.
Tómstundum sinnt innan
vébanda skólans
Í samráðshópi fullorðinna sátu
m.a nokkrir bæjarfulltrúar, fagfólk
og arkitektar skólans og leitaði hann
álits ýmissa aðila þar fyrir utan. Eitt
helsta áhersluatriði hópsins var fjöl-
breytni í kennsluháttum þannig að
nemendur fengju tækifæri til að
nýta styrkleika sína og hæfileika. Þá
var lögð áhersla á samstarf foreldra,
kennara og nemenda við stefnu-
mörkun skólans.
Mikilvægt þótti að tryggja góða
aðkomu að skólanum, ekki síst með
tilliti til gönguleiða barna að honum.
Hópurinn vildi einnig leita leiða til
að efla samstarf skólans við fyr-
irtæki og atvinnulíf bæjarins og
tryggja að nemendur gætu sinnt
tónlistarnámi, íþróttum og öðrum
tómstundum innan vébanda skólans.
Hópurinn taldi staðsetningu skól-
ans við Arnarnesvog bjóða upp á
fjölmörg tækifæri til að nýta náttúr-
una og komu fram með hugmyndir
um tengsl skólans við fjöruna, læk-
inn og hraunið.
Þá var lögð áhersla á að skóla-
byggingin væri hönnuð þannig að
aðstaða á borð við íþróttasvæði,
skólasafn, sal og sérgreinastofur
nýttist almenningi utan hefðbundins
skólatíma. Sömuleiðis þótti það lyk-
ilatriði í hönnun byggingarinnar að
hún væri sveigjanleg svo að ódýrt
væri að breyta skipulagi hennar, t.d.
svo að hún gæti rúmað fleiri nem-
endur og eldri ef upphaflegar grunn-
forsendur breyttust.
Sérstakir ráðgjafahópar koma með tillögur að fyrirkomulagi nýs skóla á Sjálandi
Stelpurnar í 7. BS í Garðaskóla gátu alveg hugsað sér skólabúninga því þá
væri minna mál að ákveða á morgnana í hverju þær ættu að fara í skólann.
Skólalóð krakkanna í 4. SK er ævintýri líkust þar sem finna má sundlaug
með rennibraut, tívolítæki og trampólín svo eitthvað sé nefnt.
Tívolí á skólalóðinni
og fartölvur fyrir alla
Garðabær
ÞESSA dagana eru lífsglaðir grunnskólakrakkar að
halda á vit sumarævintýra að lokinni prófatörn. Það er
því mikið um alls kyns hátíðarhöld og lokahóf í skól-
unum um þessar mundir. Krakkarnir í 7. bekk B í
Rimaskóla gerðu sér glaðan dag á mánudag eftir að
síðasta prófinu, dönskunni, var aflokið. Af því tilefni
fóru þeir í ratleik á skólalóðinni, skreyttu tertu og
skemmtu sér ásamt kennara, foreldrum og systkinum.
Morgunblaðið/Kristinn
Ratleikur
og terta í
skólalok
Grafarvogur