Morgunblaðið - 04.06.2003, Page 24

24 MIÐVIKUDAGUR 4. JÚNÍ 2003 MORGUNBLAÐIÐ
Hallgrímur B. Geirsson.
Styrmir Gunnarsson.
Framkvæmdastjóri:
Ritstjóri:
STOFNAÐ 1913
Útgefandi: Árvakur hf., Reykjavík.
Aðstoðarritstjórar:
Karl Blöndal, Ólafur Þ. Stephensen.
Fréttaritstjóri:
Björn Vignir Sigurpálsson.
ÞÓRUNN Indíana Lúthersdóttir dúxaðiaf náttúrufræðabraut frá Verk-menntaskólanum á Akureyri með 8,4í meðaleinkunn. „Ég hef alltaf átt
auðvelt með að læra og einkunnir á prófum
fara eftir því hversu mikinn tíma ég hef til að
undirbúa mig,“ segir Þórunn Indíana en hún
lauk stúdentsprófi á þremur árum. Þar að auki
var hún í 50–100% vinnu með náminu til að
framfleyta sér. Í haust ætlar hún að taka sér
hvíld frá námi en hugurinn leitar til útlanda.
„Mig langar til þess að læra til fulls þau tungu-
mál sem ég hef lært í skólanum. Sérstaklega
langar mig að læra dönsku og svo jafnvel
þýsku síðar.“
Þórunni Indíönu finnst námið í VMA vera
góður grunnur fyrir framtíðina og segir kenn-
arana hafa reynst sér sérlega vel. Hún telur
einkunnir ekki endilega segja allt sem segja
þarf um hversu góður skóli er heldur einnig
hvernig stuðningur er við hvern og einn nem-
anda en í þeim efnum segir hún VMA vera til
fyrirmyndar.
Skynsemi og skipulagning
Laufey Helga Guðmundsdóttir hlaut hæstu
einkunn til stúdentsprófs við Kvennaskólann í
Reykjavík. Hún var á náttúrufræðabraut og
fékk 9,35 í meðaleinkunn. Laufey sat ekki með
auðar hendur í vetur en auk þess að standa sig
vel í námi var hún gjaldkeri nemendafélags
Kvennaskólans. Aðspurð hvað liggur að baki
góðum námsárangri segir hún skynsemi og
skipulagningu ráða mestu um. Hún hefur
ákveðnar skoðanir á framhaldsskólanáminu:
„Framhaldsskólinn kennir manni mest að sitja,
þegja og mæta. Þó að það sé að mörgu leyti
gott veit ég ekki hversu lengi þessi menntun
endist manni.“
Laufey stefnir á lögfræðinám annaðhvort í
Háskólanum í Reykjavík eða Háskóla Íslands
og hlakkar til að stunda nám sem er innan
hennar áhugasviðs.
Skiptir máli fyrir sjálfsmyndina
Herdís Anna Jónasdóttir dúxaði frá Mennta-
skólanum á Ísafirði með 9,04 í meðaleinkunn.
Hún var á mála- og samfélagsbraut og tónlist-
arbraut. Herdís Anna hefur víða stigið niður
fæti og segist hafa haft einna minnstan tíma
fyrir námið.
Samhliða skólanum hefur hún lagt stund á
píanó- og söngnám auk þess sem hún hefur ver-
ið virk í leiklistarlífi menntaskólans og bæj-
arins. Í haust ætlar hún að nema söng við
Listaháskóla Íslands.
Herdís Anna telur mikilvægt að kennarar
geri kröfur til nemenda og að metnaður og
dugnaður liggi til grundvallar góðum náms-
árangri. „Góður námsárangur skiptir miklu
máli fyrir sjálfsmyndina og það er mikilvægt
að öllum geti liðið vel í skólanum.“ Hún er
Framhaldsskólanemendur verðlaunaðir fyrir
„Að læra jafnt og þ
Morgunblaðið/Halldór Sveinbjörns
Herdís Anna Jónasdóttir „Það er
mikilvægt að kennarar geri kröfur
til nemenda.“
Fríða Bjarnadóttir „Gott félagslíf
er mjög mikilvægt svo að nemendur
geti lyft sér upp.“
Morgunblaðið/
Þórunn I. Lúthersdóttir. „
til þess að læra til fulls þau t
mál sem ég hef lært í skólan
Sumarið er komið og framhaldsskólarnir hafa flestir slitið starfi s
skólum eru veitt verðlaun fyrir besta námsárangur til stúdentspr
ræddi við fjóra verðlaunahafa um framtíðina og gildi góðs námsár
Á myndinni má sjá stjórntæki fyrstu tölvunnar sem kom til landsins. Ritvélin við hlið tölvunnar var
notuð sem prentari. Á myndinni eru frá vinstri: Þórhallur Einarsson, Ragnar Ingimarsson, Helgi
Sigvaldason, Oddur Benediktsson og Magnús Magnússon.
FUNDURINN Í EVIAN
Fundir G8-hópsins eru árlegurviðburður og oft eru þeir um-deildir. Upphaflega sátu
þessa fundi fulltrúar sjö helstu iðn-
ríkja heims og nýttu þá til að bera
saman bækur sínar og samræma
stefnu í efnahagsmálum þegar þörf
var á. Undanfarin ár hefur forseti
Rússlands einnig setið fundi iðnríkja-
leiðtoganna og þjóðarleiðtogarnir því
orðnir átta á fundunum.
Fundur þeirra í Evian í Frakk-
landi, sem lauk í gær, sýndi að mörgu
leyti fram á hversu mikilvægar þess-
ar samkomur geta verið. Hann var
hins vegar jafnframt að mörgu leyti
tákn þess hversu gallaðar fundir sem
þessir eru.
Einn helsti kostur leiðtoga-
fundanna er sá að þeir skuli yfir höf-
uð vera haldnir. Þarna koma saman
helstu leiðtogar þeirra ríkja sem
mest áhrif hafa jafnt á þróun efna-
hagsmála sem stjórnmála í heimin-
um. Síðastliðna mánuði hefur andað
köldu á milli forseta Bandaríkjanna
annars vegar og leiðtoga Frakklands,
Þýskalands og Rússlands hins vegar
vegna stríðsins í Írak. Í Evian urðu
þeir hins vegar allir að setjast niður
og ræða sameiginleg hagsmunamál.
Er líklegt að forsetar Bandaríkjanna
og Frakklands hefðu átt fund saman í
bráð ef G8-fundurinn hefði ekki verið
skráður í dagbækur þeirra? Varla.
Vissulega er ágreiningur enn til stað-
ar. Hins vegar hefur verið stigið
skref á í þá átt að koma samskiptum í
viðunandi horf á nýjan leik.
Það má jafnvel færa rök fyrir því að
í nokkrum málaflokkum hafi verið
tekin mikilvæg skref í rétta átt. Leið-
togarnir voru sammála um að þrýsta
á Íran og Norður-Kóreu vegna kjarn-
orkuáætlana ríkjanna. Þá náðist sam-
staða um að standa sameiginlega að
uppbyggingu Íraks að stríðinu loknu.
Einnig lögðu þeir ríka áherslu á mik-
ilvægi þess að hægt yrði að standa við
markmið þau og tímasetningar sem
sett voru við upphaf Doha-samninga-
lotunnar um aukið frelsi í alþjóðavið-
skiptum.
Engu að síður má velta því fyrir sér
hversu miklum tilgangi fundir sem
þessir þjóna. Óneitanlega eru þau
ríki sem þarna koma saman stór og
voldug. Það vekur hins vegar athygli
að ríki á borð við Kína skuli ekki eiga
fasta aðild að þessum hópi. Kína er
fjölmennasta ríki veraldar og kín-
verska hagkerfið er stærra en hag-
kerfi flestra þeirra ríkja sem sitja
fund iðnríkjanna. Frakkar buðu
vissulega Hu Jintao til fundarins og
hitti hann leiðtogana á mánudag.
Bandaríski dálkahöfundurinn
Nicholas D. Kristof bendir hins vegar
réttilega á í The New York Times í
gær að í flestum þeim hagsmunamál-
um sem leiðtogarnir ræða á G8-fund-
unum séu Kínverjar lykilþjóð. Það á
jafnt við um þegar reynt verður að
finna lausn á Norður-Kóreudeilunni
sem því hvernig draga eigi úr gróður-
húsaáhrifum og loftslagsbreytingum.
Fundir G8-hópsins eru oft gagn-
rýndir fyrir að vera innihaldslitlar
fjölmiðlasamkomur. Ef þeir yrðu á ný
fundir þeirra ríkja sem mestu ráða
um þróun mála í heiminum gæti vægi
þeirra aukist á nýjan leik.
BÖRN OG BÆKUR
Barna- og unglingabækur eru van-metin grein bókmennta og þó
verður seint gert of mikið úr mikil-
vægi þeirra. Áhugi barna á lestri
markast ekki síst af þeim bókmennt-
um, sem völ er á handa þeim. Það sést
sennilega best á þeirri sprengingu,
sem orðið hefur í lestri með tilkomu
bókanna um Harry Potter. Börn og
unglingar, sem áður tóku sér vart bók
í hönd, fara létt með að gleypa í sig
nokkur hundruð síðna doðranta um
ævintýri Potters og félaga hans í
skóla galdra og seiða og hafa ekki
fyrr lagt þá frá sér en þau biðja um
meira. Galdurinn er að gera heim
bókarinnar spennandi og eftirsókn-
arverðan. Aðdráttarafl bókarinnar
þegar fram í sækir byggist að miklu
leyti á fyrstu viðkynningu.
Vel heppnaðar barnabækur eru
alltaf ánægju- og fagnaðarefni. Yfir-
leitt leynir sér ekki á viðtökum
yngstu lesendanna (og hlustendanna)
hvernig til hefur tekist. Bókin Engill
í Vesturbænum eftir Kristínu Steins-
dóttur vakti athygli um leið og hún
kom út á liðnu ári og á þessu ári hefur
hún verið hlaðin viðurkenningum. Í
upphafi árs hlaut hún árleg barna-
bókaverðlaun Fræðsluráðs Reykja-
víkur fyrir bestu frumsömdu barna-
bókina og í vor hlaut Kristín ásamt
Höllu Sólveigu Þorgeirsdóttur, sem
myndlýsti bókina, og Sigrúnu Sig-
valdadóttur, sem sá um grafíska
hönnun hennar, Vorvinda, viður-
kenningu IBBY á Íslandi. Þriðja við-
urkenningin, sem Engill í Vestur-
bænum fær, er hin Norrænu
barnabókaverðlaun, sem veitt voru í
vikunni. Þau verðlaun hafa verið veitt
frá árinu 1985 og hafa einu sinni áður
verið veitt Íslendingi er þau komu í
hlut Guðrúnar Helgadóttur árið 1992
fyrir bókina Undan illgresinu.
Barna- og unglingabækur eiga það
skilið að eftir þeim sé tekið, en það
hefur verið haft til marks um það að
þeim er skipað skör neðar en öðrum
bókmenntum að bókmenntaverðlaun
Nóbels hafi aldrei verið veitt höfundi
barna- og unglingabóka. Í því sam-
bandi er nærtækast að benda á Astr-
id Lindgren, sem var afkastamikill
rithöfundur, sem setti sterkan svip á
fjölda kynslóða með skáldskap sínum
og á að vissu marki þátt í því að
breyta viðhorfi til barnauppeldis til
aukins frjálsræðis og meiri virðingar
fyrir einstaklingseðli þeirra en áður
var. Margir eru þeirrar hyggju að
það hafi eingöngu verið vegna for-
dóma í garð barna- og unglingabóka,
sem hún hlaut ekki náð fyrir augum
sænsku akademíunnar.
Mikilvægi lestrar í nútímaþjóð-
félagi er gríðarlegt. Með honum opn-
ast framandi heimar og námur fróð-
leiks. Sá sem ekki hefur aðgang að
þessum brunni þekkingar er illa
staddur. Bækur á borð við Engil í
Vesturbænum eiga þátt í því að gera
lesturinn að tilhlökkunarefni.