Morgunblaðið - 26.06.2003, Blaðsíða 6

FRÉTTIR
6 FIMMTUDAGUR 26. JÚNÍ 2003 MORGUNBLAÐIÐ
EKKI gátu menn kvartað undan
veiðiskapnum í Haffjarðará og
Grímsá er þær voru opnaðar um
helgina. Alls komu sex laxar úr
Grímsá og heilir sextán fiskar úr
Haffjarðará, þar sem aðeins var
veitt með fjórum stöngum. Líklega
besta opnun sumarsins til þessa.
Einar Sigfússon, annar eigenda
Haffjarðarár, sagði menn hæst-
ánægða með veiðina í ljósi aðstæðna.
„Það er svo sem aldrei mjög mikill
fiskur í ánni á þessum tíma, en hann
var vel dreifður og við sáum fiska á
hraðri göngu. Sextán fiskar í opnun
er mjög góð útkoma, sérstaklega
þar sem aðstæður voru ekki góðar,
áin mjög vatnslítil. En fiskurinn er
að koma og þessi afli var blandaður,
smálax og vænni fiskar, allt að 15
pund,“ sagði Einar. Í Grímsá var
sömu sögu að segja, fiskurinn búinn
að dreifa sér og veiddist allt upp í
Strengi.
Leirvogsá var opnuð í gærmorg-
un og veiddust sjö laxar fyrir hádeg-
ið. Flestir veiddust í pyttum við brú
yfir Vesturlandsveg og tóku maðk.
Steinunn Ásmundsdóttir veiddi
annan stærsta laxinn sem enn hefur
frést af úr íslenskri á í sumar er hún
landaði 19 punda hæng, 96 cm, í
Laxá í Aðaldal 23. júní. Laxinn tók
maðk í Kistukvísl að austan og tók
tryllingslegar rokur. Þurfti að elta
hann á báti niður á Kistuhyl þar sem
honum var loks landað eftir æsilega
baráttu.
Fyrstu laxarnir eru komnir úr
Ytri-Rangá sem nýverið var opnuð,
sá fyrsti var boltafiskur sem veiddist
í Djúpósi.
Lítið eða ekkert hefur veiðst á
mið- og neðstu svæðum Stóru-Laxár
þrátt fyrir góða opnun á efsta svæð-
inu. Aftur á móti hefur verið drjúg-
ur reytingur á Iðu.
Hjaltadalsá og Kolka voru opn-
aðar í vikubyrjun. Alls komu fjórtán
bleikjur á land á tvær stangir, stærst
var 5 punda bleikja, en einnig veidd-
ust fimm 4 punda fiskar og engin
bleikja var undir 2 pundum.
Líflegar opnanir í
Haffjarðará og Grímsá
Steinunn Ásmundsdóttir með ann-
an stærsta lax sumarsins.
ERU
ÞEIR AÐ
FÁ’ANN?
Morgunblaðið/Stefán Bjarnason
BANDARÍKJAMAÐURINN sem
var dæmdur í sex mánaða fangelsi
fyrir að smygla sex Kínverjum til
landsins losnaði úr fangelsi upp úr
hádegi í gær, um þremur mánuðum
eftir að hann var handtekinn og
fimm dögum eftir að dómur var
kveðinn upp. Síðdegis flaug hann í
áætlunarflugi áleiðis til New York,
skv. upplýsingum frá embætti
sýslumannsins á Keflavíkurflug-
velli.
Héraðsdómur Reykjaness dæmdi
manninn í sex mánaða fangelsi en
það þótti sannað að hann hefði vís-
vitandi og í auðgunarskyni aðstoðað
sexmenningana við að komast til
landsins. Áfangastaður fólksins var
Bandaríkin en aðeins einn komst
alla leið, fjórir voru handteknir á
Keflavíkurflugvelli og einn á Log-
an-flugvelli í Boston í Bandaríkj-
unum. Dómnum var ekki áfrýjað.
Maðurinn hafði lokið afplánun á
helmingi refsitímans og var að hans
ósk veitt reynslulausn en sömuleið-
is vísað úr landi. Með úrskurði Út-
lendingastofnunar var honum
bannað að koma aftur til Íslands
næstu tíu árin. Ellisif Tinna Víð-
isdóttir, fulltrúi sýslumanns, segir
að bandarísk innflytjendayfirvöld
hafi óskað eftir upplýsingum um
manninn og búist var við að fulltrú-
ar stjórnvalda tækju á móti honum
í New York.
Smyglarinn má
koma aftur árið 2013
SAMÞYKKT var í bæjarstjórn Hafnarfjarðar
á þriðjudaginn að leggja niður starf jafnréttis-
ráðgjafa, skipulagsstjóra, byggingafulltrúa og
bæjarverkfræðings. Lúðvík Geirsson bæjar-
stjóri segir ákvörðunina hluta af víðtækum
stjórnsýslubreytingum. Reynt verði að færa
fólk til í starfi en tveimur starfsmönnum, jafn-
réttisráðgjafa og skipulagsstjóra, hafi verið
sagt upp störfum. Bæjarstjórn hafi upphaf-
lega tekið ákvörðun um ráðningu þessara
starfsmanna og því var ákvörðun um uppsögn
samninganna tekin á þeim vettvangi.
Minnihluti Sjálfstæðisflokks í bæjarstjórn
mótmælti þessum breytingum. Samkvæmt
Lúðvík eiga skipulagsbreytingarnar að ganga
yfir á löngum tíma og stórfelldar uppsagnir
eru ekki fyrirséðar.
Lúðvík segir að breytingarnar feli það með-
al annars í sér að vera með sameiginlega
rekstrarstjórnun á einum stað undir rekstr-
arsviði. Þá fækki afgreiðslum úr 5–6 við
Strandgötuna í eitt allsherjar þjónustuver.
„Það mun fylgja þessu fyrst og fremst til-
færslur starfsmanna í þessar miðstöðvar.“
Eflir lýðræðisumræðu
Á tæknisviði segir Lúðvík að verið sé að
leggja niður þrjár lykilstöður; starf bæjar-
verkfræðings, byggingarfulltrúa og skipulags-
stjóra. Í staðinn verður auglýst í starf sviðs-
stjóra á umhverfis- og tæknisviði sem mun
taka yfir þessi verkefni.
„Við erum að leggja niður jafnréttisnefnd-
ina í þeirri mynd sem hún hefur verið en sam-
þykktum [í fyrradag] að skipa í staðinn lýð-
ræðis- og jafnréttisnefnd. Það er í anda
þeirrar stefnuyfirlýsingar sem Samfylkingin
hér í Hafnarfirði, sem og á landsvísu, hefur
lagt mikla áherslu á, að gera lýðræðisumræð-
una og -málin virkari í stjórnsýslunni,“ segir
Lúðvík. Auglýst verður fljótlega eftir starfs-
manni í starf lýðræðis- og jafnréttisfulltrúa.
Spurður um af hverju skipulagsstjóra og
jafnréttisráðgjafa er sagt upp en ekki öðrum
vegna þessara breytinga segir Lúðvík reynt
að færa fólk frekar til í starfi en segja því upp.
Núverandi bæjarverkfræðingur muni taka við
stjórn fráveitu Hafnarfjarðar, sem er nýtt fyr-
irtæki.
Með þessu náist fram hagræðing og sparn-
aður í rekstri. Líka fáist betri þjónusta innan
stjórnsýslunnar og gagnvart íbúum Hafnar-
fjarðar.
Lúðvík var spurður hvort núverandi meiri-
hluti væri að segja upp starfsfólki sem meiri-
hluti Sjálfstæðisflokks og Framsóknarflokks
réð á síðasta kjörtímabili.
„Ég vísa því alfarið á bug. Hér er ekki um
neinar pólitískar hreinsanir að ræða,“ sagði
bæjarstjórinn. Fulltrúi Sjálfstæðisflokksins
hafi greitt atkvæði með þessum tillögum.
Sjálfstæðismenn bókuðu mótmæli í bæjar-
stjórn við þessar skipulagsbreytingar. Magn-
ús Gunnarsson, oddviti sjálfstæðismanna í
bæjarstjórn, segir byrjað á öfugum enda. Búið
sé að ákveða einhverjar breytingar en ekki
liggi fyrir hvernig eigi raunverulega að vinna
úr þeim. Unnið sé eftir stöðumati sem
ráðgjafarfyrirtæki lagði fram sem drög. Sára-
lítil umræða hafi verið um breytingar á stjórn-
sýslunni.
Magnús segir að nýtt skipulag á tæknisviði,
þar sem ný staða framkvæmdastjóra á að taka
yfir starf byggingarfulltrúa, skipulagsstjóra
og bæjarverkfræðings, sé óheppilegt. Betra
hefði verið að ráða strax framkvæmdastjóra
yfir þessu sviði og láta hann vinna að skipu-
lagsbreytingum og nýta þar starfsfólk sem
býr yfir mikilli reynslu.
Ekki leiðarstika að hagræðingu
„Við teljum ekki skynsamlega að þessu
staðið,“ segir Magnús þótt Sjálfstæðisflokk-
urinn sé ekki á móti því að stjórnsýslan sé sí-
fellt í endurskoðun. Enn og aftur geri Sam-
fylkingin miklar breytingar sem hafi í för með
sér mikið rót hjá starfsmönnum. „Það er ekki
gott ef starfsfólk hreinlega missir fótanna því
það finnur sig varla öruggt á milli mánaða
þegar verið er að gera eilífar breytingar.“
Þetta er ekki góð stjórnsýsla að mati Magn-
úsar.
„Við höfum ekki trú á því að þetta sé leiðar-
stikan að hagræðingu og sparnaði í bæjarkerf-
inu. Þess vegna vorum við á móti og ábyrgðin
er að sjálfsögðu þá Samfylkingarinnar.“
Bæjarstjórn Hafnarfjarðar samþykkir stjórnsýslubreytingar og segir upp starfsmönnum
Engar stórfelldar upp-
sagnir eru fyrirséðar
Engar pólitískar
hreinsanir segir
bæjarstjóri
SVALA Jónsdóttir, fráfarandi jafnréttis-
ráðgjafi Hafnarfjarðarbæjar, segir að
þessar skipulagsbreytingar hafi ekki
komið á óvart. Henni hafi verið tilkynnt
að starfið yrði lagt niður og annað stofn-
að í staðinn. „Þetta mál er í skoðun hjá
starfsmannafélaginu og lögfræðingi,“
segir Svala. „Það er augljóslega verið að
draga úr vægi jafnréttismála hjá bænum.
Þetta var fullt starf í jafnréttismálum og
heyrði á síðasta kjörtímabili beint undir
bæjarstjóra,“ segir Svala. Nú snúi starfið
bæði að jafnréttis- og lýðræðismálum og
verði undir bæjarlögmanni. Hún geti því
ekki séð annað en verið sé að draga úr
vægi málaflokksins.
Hafdís Hafliðadóttir, fráfarandi skipu-
lagsstjóri, líkir breytingum á sínu sviði
við að framkvæmdavald og löggjafar-
vald yrði sett undir sama aðilann. Það sé
miður. Með stofnun stöðu skipulags- og
byggingarfulltrúa sé þetta fyrir bí. Auk
þess séu verkefnin sem falli á þann aðila
sem sinni nýju stöðunni of víðfeðm til að
vel sé hægt að sinna þeim.
Hún segir að mikill gangur hafi verið í
skipulagsmálum innan Hafnarfjarðar-
bæjar undanfarið, sem sýni að unnið hafi
verið vel að áætlunum.
Svala telur erfitt að fullyrða hvort ver-
ið sé að segja upp starfsfólki vegna þess
að það var ráðið í tíð meirihluta Sjálf-
stæðisflokks og Framsóknarflokks. Hún
og Hafdís séu ekki þær fyrstu til að vera
sagt upp því í fyrra var tveimur ein-
staklingum sagt upp, sem ráðnir voru af
fyrrverandi meirihluta.
Lögfræðingur
skoðar málið
BJÖRGUNARSVEITARMENN
fundu villtan ferðalang á fólksbíl
suður af Dyngjufjöllum í gærmorg-
un, sem hafði villst á leið sinni suður
yfir Sprengisand um helgina. Hann
var einn á ferð á bíl sínum, sem fest-
ist á grjóti suður af Dyngjufjöllum í
afleitri færð. Hófst skipulögð leit að
manninum á þriðjudag þegar ekkert
hafði spurst til hans síðan á föstu-
dag. Björgunarsveitarmenn úr Mý-
vatnssveit fóru í fyrrinótt suður fyrir
Dyngjufjöll og fóru eftir vísbending-
um frá bílaslóð sem sést hafði austan
Skjálfandafljóts. Maðurinn var heill
á húfi þegar hann fannst en ban-
hungraður.
Týndur
ferðalangur
fannst
ÞESSI litli sandlóuungi lét sér vel
líka vistin í heitum lófa en hann
var nýskriðinn úr eggi sínu þegar
myndin var tekin á Siglufirði í
gær. Nú þegar liðið er á sumar,
fólk er á faraldsfæti og ungar að
skríða úr eggjum sínum, ættu
þeir fyrrnefndu að stíga varlegar
til jarðar en venjulega. Fugla-
hreiður geta leynst á ótrúlegustu
stöðum og láta ekki mikið yfir
sér.
Nýskriðinn úr eggi
Morgunblaðið/Sigurður Ægisson