Morgunblaðið - 26.06.2003, Blaðsíða 23
LISTIR
MORGUNBLAÐIÐ FIMMTUDAGUR 26. JÚNÍ 2003 23
„ÉG KEYRI 30 til 40.000 km hér á
ári. Ætli það þýði ekki að ég ferðist
mikið um landið,“ segir Thorsten
Henn þegar hann er spurður að því
hvort hann fari mikið um. „Það er
breytilegt hvert ég fer, en svæðið fyr-
ir norðan Mýrdalsjökul, Fjallabaks-
leið og þar í kring, er í uppáhaldi. Ég
ferðast um til að mynda. Ég leita
gjarnan að óvenjulegum sjónar-
hornum af þekktum stöðum. Það er
búið að mynda Skógarfoss með regn-
boga hundrað sinnum, en ég reyni að
finna ný sjónarhorn á staðina.“
Thorsten fæddist í Þýskalandi árið
1969 og stundaði ljósmyndanám í
Hamborg. Árið 1998 flutti hann til Ís-
lands og hefur síðan starfað hér við
ljósmyndun. Á þessum árum hefur
hann náð afar góðum tökum á tungu-
málinu.
Með íslenskt blóð í æðum
„Ég hef alltaf verið áhugamaður
um náttúru en fyrsta ferð mín hingað
til Íslands var samt algjör tilviljun.
Ég var sextán ára gamall að ferðast
um Evrópu og fékk far með vörubíl-
stjóra sem var að fara með Norrænu.
Ég kom blankur til Reykjavíkur og
hringdi heim í mömmu og bað hana að
senda mér pening. Hún varð orðlaus
þegar ég sagði henni hvar ég væri.
Þetta var í fyrsta skipti sem ég sá
Ísland og það var ást við fyrstu sýn.
Náttúra landsins er virkilega sérstök,
ekki lík neinu sem ég
hafði áður séð.“
Ári síðar kom Thors-
ten aftur og tók þátt í
alþjóðlegum leiðangri
sem fór fótgangandi yf-
ir landið. Svo liðu tíu ár
þangað til hann kom í
þriðja sinn, árið 1996.
„Þá var ég búinn að
gera ýmislegt í millitíð-
inni. Var búinn með
meistaranám í ljós-
myndun og búinn að
stofna fyrirtæki í Aust-
urríki, en ég sérhæfði
mig í að setja upp
slædssýningar. Ég hugsaði alltaf
mikið um Ísland, og hafði prófað að
dvelja lengi í öðrum löndum, eins og á
Sikiley, í Bandaríkjunum, Mexíkó og
Gvatemala. Ég var alltaf að hugsa um
að koma aftur til Íslands.
Ég kom loksins árið 1996 til að
mynda í slædssýningu fyrir aust-
urríska ferðaskrifstofu. Viku áður en
ég átti að fara heim lenti ég í mótor-
hjólaslysi rétt hjá Hvolsvelli. Ég
vaknaði upp beinbrotinn á sjúkrahúsi
og læknarnir sögðu að ég ætti að
liggja í þrjár vikur. Ég
hafði ekki þolinmæði í
það, var sendur heim
eftir tíu daga – en ætli
íslenska blóðið sem mér
var gefið á spítalanum
hafi ekki dregið mig
svona fljótlega aftur til
landsins,“ segir Thor-
sten og hlær. Tveimur
árum síðar var hann
fluttur hingað og ekki
löngu síðar genginn í
hjónaband.
„Ég hef verið að
mynda hér síðan ég
kom. Ég var fyrst að
vinna með slædssýningar, sem gekk
ágætlega, en svo var þessi markaður
dauður; tölvan og sýningaforrit sáu til
þess. Þá fór ég alfarið að mynda og
það er líka mjög gaman.“
Þetta er algjörlega ég
Elstu myndirnar í Íslandslitum eru
frá árinu 1996 en flestar teknar á síð-
ustu þremur árum. „Ég raða mynd-
unum í bókina eftir litblænum á þeim.
Það er gaman að vinna með svona
konsept. Og það er yfirhöfuð mjög
gaman að vinna bók sem þessa. Dags-
daglega er ég mikið að vinna í auglýs-
ingum, sem er gert eftir hugmyndum
kúnnans; það er líka skemmtilegt en
þetta er algjörlega ég.
Myndirnar byrjuðu að safnast upp
hjá mér og þá fæddist hugmyndin að
koma þeim út á bók – ég er ekki svo
hrokafullur að hafa ætlað að koma
sérstaklega til landsins til að gera
ljósmyndabók,“ segir hann og bros-
ir.“ En Ísland er svo rosalega litríkt,
litirnir sérstakir, og það var gaman
að láta litina ráða við flæðið í bókinni
en engu að síður er myndbyggingin
langmikilvægasti þátturinn í mynd-
unum.“
Myndirnar merkir Thorsten með
nafni staðarins þar sem þær eru
teknar og GPS-staðsetningu þeirra.
„Ég vil hafa nafn staðanna með
myndunum. Ég er sjálfur útlend-
ingur og veit hvað erlendu fólki finnst
gaman að sjá og heyra öll þessi nöfn.
Íslenskan verður aldrei alheims-
tungumál en hún er samt sem áður
rosalega flott mál. Þetta eru þó engir
leynistaðir sem ég vil sitja einn að,
það geta allir farið þangað. Ísland er
ekkert leyndarmál.“
Ísland er ekkert leyndarmál
Litbrigði landsins er
þema Íslandslita, nýrrar
ljósmyndabókar Thor-
stens Henn. Höfundur-
inn er fæddur í Þýska-
landi en flutti til Íslands
fyrir fimm árum, og hef-
ur starfað hér við ljós-
myndun síðan.
Ljósmynd/Thorsten HennLindaá N 65 14’443 W 16 10’654.
Thorsten Henn
DANSKA jazztríóið Sophisticated
Ladies, ásamt norsku söngkonunni
Hilde Hefte, er nú hér á landi. Tríóið
skipa Marie
Schmidt píanó-
leikari, Helle
Marstrand bassa-
leikari og Benita
Haastrup tromm-
ari. Þær hafa
leikið lengi sam-
an og voru m.a.
um skeið hljóm-
sveit söngvarans
og básúnuleikar-
ans Richards Boones, en það var
hann sem fékk þær til að leika sam-
an. Þær stöllur hafa einnig leikið
með fjölmörgum öðrum jazzleikur-
um.
Hilde og Sophisticated Ladies
munu koma fram á minningartón-
leikum um Jón Kaldal í Reykjavík í
kvöld, tónlistarhátíðinni á Ólafsfirði
á föstudag, en aðaltónleikar þeirra
eru lokatónleikar 16. djasshátíðar
Egilsstaða á laugardagskvöld. Það
er Norræni menningarsjóðurinn
sem styður tónleikaferð þeirra til Ís-
lands.
Norrænn
jazz
Hilde Hefte
♦ ♦ ♦
TÍNUGERÐ verður kynnt í dag á
Minjasafni Austurlands, Egilsstöð-
um, kl. 13 til 17. Hlynur og Edda á
Miðhúsum sýna gestum og gang-
andi undirstöðuatriði tínugerðar,
en tínur eru box úr sveigðu birki,
sem voru skreyttar með saumi úr
birkirót.
Yfir sumartímann eru fimmtu-
dagar á Minjasafni Austurlands
þjóðháttadagar, þar sem fólk sýnir
handverk og forna hætti í margs-
konar sýnikennslu. Frekari upp-
lýsingar á slóðinni www.minjasafn-
.is
Tínugerð á
Egilsstöðum
Út er komin ljóða-
bókin 2004 eftir
Hauk Má Helga-
son. „2004 er
pólitískt ástfangin
bók, læðist um og
bítur fólk í boss-
ann – fyrir nýju ár-
in til höfuðs þeim
liðnu – blaut eins og hafið. Horn í
blæðandi síðu nasískrar þjóðar.
Haukur Már er 25 ára „altmulig-
maður“ í landamæralausri hug-
myndafaktoríu Nýhils. Hann er með
grátt hár og eitthvað í ljóðum hans er
beintengt mjöðminni á honum og hæl-
unum svo þegar hann les þá skekur
hann sig, lyftist upp og niður, rekur
upp fingurinn eins og til að leggja
áherslu á „akkúratið“ í orðunum.“ Út-
gefandi er Nýhil. Bókina er hægt að
nálgast í öllum vandaðri bókabúðum
eða með því að senda tölvupóst á ny-
hil@nyhil.com. Verð: 2.000 kr.
Ljóð
STÚDENTALEIKHÚSIÐ
mun sýna tvær sýningar á
Sweeny Todd, morðóða rakar-
anum við Hafnargötuna. Ekki
náðist að sýna nema eina sýn-
ingu á vorsýningunni í mars
síðastliðnum vegna húsnæðis-
skorts, sem skapaðist af skorti
á sýningarleyfum húsnæðisins.
Meðlimir leikhússins láta slíkt
bakfall ekki á sig fá og hyggjast
taka upp sýningar að nýju, seg-
ir í fréttatilkynningu.
Sýningarnar fara fram á
föstudag kl. 20 og laugardag kl.
20. Sýnt er í Tjarnarbíói og eru
miðapantanir í síma 8810155
eða á studentaleikhus@hotma-
il.com. Miðaverð er 500 krónur
fyrir háskólanema og 1.000
krónur fyrir aðra.
Morðóður
rakari í
Tjarnarbíói
MÁLVERKASÝNING Sigríðar S.
Pálsdóttur stendur nú yfir í Þrastar-
lundi. Þar sýnir hún 20 olíumyndir
sem allar eru til sölu. Sigríður hefur
stundað nám í olíumálun og teikn-
ingu í FB og námsflokkum Reykja-
víkur. Einnig stendur nú yfir sýning
á verkum Sigríðar á Kaffi Nauthól.
Sýningarnar standa báðar til 7. júlí.
Sigríður sýnir
málverk
♦ ♦ ♦
Listasetrið Kirkjuhvoli,
Akranesi
Sýningu Áslaugar Woustra Fin-
sen og Rebekku Gunnarsdóttur,
„Aftur í Heimahagana“ lýkur á
sunnudag. Listasetrið er opið alla
daga nema mánudaga frá kl. 15-18.
Sýningu lýkur
♦ ♦ ♦
HAGSTÆTT VERÐ
RAFSTÖÐVAR
m/HONDA MÓTOR