Morgunblaðið - 26.06.2003, Blaðsíða 11
FRÉTTIR
MORGUNBLAÐIÐ FIMMTUDAGUR 26. JÚNÍ 2003 11
UNG stúlka frá Djúpavogi vakti
athygli um síðustu helgi þegar
hún lenti í öðru sæti á Íslandsmóti
unglinga í holukeppni í golfi.
Stúlkan heitir Ásta Birna Magn-
úsdóttir, fædd árið 1988 og hefur
stundað íþróttir frá því hún var
átta ára.
Ásta Birna hefur aðallega æft
frjálsar íþróttir og varð Austur-
landsmeistari í spjótkasti og lang-
stökki sumarið 2002. Eftir að ný
sundlaug var tekin í notkun á
Djúpavogi í desember sl. hefur
hún æft sund af kappi og þykir
efnileg í sundinu eins og í flestu
sem hún tekur sér fyrir hendur.
Ásta Birna byrjaði að stunda golf
fyrir fimm árum og hefur aðallega
notið leiðsagnar móðurbróður
síns, Jóns Rúnars Björnssonar.
Fréttaritari Morgunblaðsins settist
niður með þeim Ástu Birnu og
Jóni Rúnari á fallegum júnímorgni
í nýju húsi Golfklúbbs Djúpavogs.
Golfklúbbur Djúpavogs var
stofnaður árið 1991. Það voru
nokkrir Djúpavogsbúar sem tóku
sig saman og stofnuðu klúbbinn.
Fyrsti formaður var Ólafur Ragn-
arsson, þáverandi sveitarstjóri.
Tveimur árum síðar var fyrst spil-
að á vellinum en 1998 var hann
endanlega tilbúinn. „Völlurinn
þykir góður, stórt landsvæði og
gott pláss,“ segir Jón Rúnar. Golf-
skáli GKD var tekinn í notkun 24.
maí sl. og í tilefni af því var hald-
ið stærsta opna golfmótið hjá
klúbbnum fram að þessu. Mótið
þótti takast mjög vel og tóku 60
manns þátt víðs vegar að af land-
inu. Stefnt er að því að mótið
verði árlegt og unnið er að því að
halda fleiri mót. Þrjátíu manns
eru skáðir í GKD, þar af tíu undir
16 ára aldri.
Efnilegur unglingur
Ásta Birna er ein af fáum stelp-
um sem stunda golfið á Djúpavogi
en hún byrjaði að keppa í fullorð-
insflokki á innanfélagsmótum
fljótlega eftir að hún byrjaði að
spila. Hún fór fljótt að vinna til
verðlauna, varð í öðru sæti á
Meistaramóti GKD 1999 og vann
Landsbankamót sama ár. Fyrsta
mótið á vegum GSÍ sem sem Ásta
Birna fór á var svo Íslandsmót
unglinga í holukeppni sem haldið
var hjá Keili í Hafnarfirði. Þar
lenti hún í öðru sæti sem verður
að teljast frábær árangur. Jón
Rúnar var henni til aðstoðar og
eru þau sammála um að mótið hafi
verið til fyrirmyndar í alla staði.
Það var mikil reynsla fyrir Ástu
Birnu að taka þátt í slíku móti en
framundan eru svo fleiri mót sem
þau stefna á að taka þátt í. Jón
Rúnar hefur að mestu leyti séð um
að þjálfa Ástu Birnu en einnig hef-
ur Halldór Birgisson frá Golf-
klúbbi Hornafjarðar komið og að-
stoðað klúbbfélaga. Eftir
Íslandsmótið bauðst henni svo að
fara suður og æfa undir stjórn
Harðar H. Arnarssonar aðstoð-
arlandsliðsþjálfara. Framtíðin er
því björt hjá þessari ungu íþrótta-
konu frá Djúpavogi.
Breytingar
Jón Rúnar hefur sjálfur stundað
golf frá því klúbburinn var stofn-
aður en í apríl 2002 lenti hann í
alvarlegu vinnuslysi sem breytti
lífi hans. Hann missti annan fótinn
fyrir neðan hné og hefur síðan þá
ekki getað stundað golfið af full-
um krafti. Hann er þó alls ekki á
því að gefast upp og ætlar að spila
áfram. Hann fer reglulega í
sjúkraþjálfun og syndir og hreyfir
sig eins og hann getur. Jón Rúnar
hefur unnið mikið og gott starf
fyrir GKD og stefnir á að fara til
Skotlands og læra umhirðu golf-
valla en það er tveggja ára há-
skólanám. Hann hefur verið dug-
legur við að aðstoða unga kylfinga
á vellinum en félagið hefur ekki
efni á að hafa þjálfara í vinnu.
Klúbbfélagar hafa því lagt mikið
upp úr að fá golfkennara að sunn-
an eða frá Hornafirði nokkra daga
í senn. Hann gerir ekki mikið úr
sínum þætti varðandi árangur
Ástu Birnu en er ánægður með að
þau skuli vera komin í samband
við góðan þjálfara fyrir sunnan.
Hann telur hana geta náð miklum
árangri því hún sé líkamlega vel á
sig komin og hafi einbeitingu og
vilja til þess að ná langt. Það
hjálpi henni að hafa stundað
frjálsar íþróttir og sund en senn
komi að því að hún þurfi að velja
á milli íþróttagreina. Hvað varðar
Golfklúbb Djúpavogs er Jón Rúnar
bjartsýnn á framtíðina. Hann segir
árangur Ástu Birnu örugglega
eiga eftir að hafa hvetjandi áhrif á
golfmenn á Djúpavogi. Klúbb-
félagar séu stoltir af stelpunni og
stefnan sé að byggja upp sterkan
klúbb sem gefi klúbbunum fyrir
sunnan ekkert eftir. „Hér er ágæt-
is völlur, umhverfið er fallegt og
aðstaða öll hin besta,“ sagði Jón
Rúnar að lokum.
Ásta Birna Magnúsdóttir æfir spjótkast, langstökk, sund og golf af kappi
Efnileg í flestu
sem hún tekur
sér fyrir hendur
Ásta Birna Magnúsdóttir hefur not-
ið leiðsagnar móðurbróður síns,
Jóns Rúnars Björnssonar.
Djúpavogi. Morgunblaðið.
Morgunblaðið/Sólný Pálsdóttir
Í léttri sveiflu á golfvellinum. Ásta Birna Magnúsdóttir með kylfuna.
REKTORAR Háskóla Íslands og
Kennaraháskólans ákváðu síðasta
vor að láta kanna hvaða leiðir komi
til greina varðandi aukið samstarf og
var aðallega horft til uppeldis- og
menntunarfræða. Í framhaldinu var
skipaður starfshópur til að kanna
málið og skilaði hann skýrslu sinni í
desember sl. um kosti og galla frek-
ara samstarfs og sameiningar.
Í skýrslunni er fjallað um þróun
skóla erlendis og hvernig aukin sam-
vinna milli skóla hefur gengið. Al-
mennt má segja að undanfarin ár
hafi þróunin legið í átt að auknum
samruna milli háskóla. Smærri, sér-
hæfðari einingar hafa sameinast og
úr hafa orðið stærri og fjölbreyttari
einingar. Þannig hefur t.a.m. sjálf-
stæðum kennaraháskólum fækkað
og þeir í auknum mæli runnið inn í
stærri skóla.
Sameining mun auka fjöl-
breytni og rekstrarhagræði
Ýmsar leiðir standa til boða við
samstarf skólanna og fela þær í sér
mismikinn samruna. Þær leiðir sem
teknar eru fyrir í skýrslunni eru
annars vegar samstarfsleið, sem
myndi þýða að gerður yrði sam-
starfssamningur milli skólanna og
kraftar þeirra sameinaðir á
ákveðnum sviðum og hins vegar
sameining, en þá yrðu skólarnir
sameinaðir í einn skóla og sett yrði á
stofn deild í uppeldis- og menntunar-
fræðum. Að mati skýrsluhöfunda
myndi sameiningarleiðin hafa í för
með sér meiri hagræðingu í rekstri
og betri nýtingu fjármuna heldur en
ef samstarfsleiðin yrði farin. Auk
þess leiddi sameining til þess að
stærri og öflugri háskóli yrði til og
slíkur skóli væri betur í stakk búinn
til að taka þátt í alþjóðlegu sam-
starfi, byggja upp ný rannsóknarsvið
og námsleiðir og efla stoðþjónustu.
Aukin stærð leiðir til aukinnar fjöl-
breytni í kennslu og mikill styrkur
leynist í möguleikum á þverfaglegu
námi. Ef skólarnir tækju á hinn bóg-
inn upp samstarf myndi fjölbreytnin
afmarkast við ákveðin svið.
Reynsla af sameiningu skóla sýnir
að skoðanaágreiningur, deilur og
jafnvel átök um málið hafa oft valdið
því að markmiðin með sameining-
unni hafa ekki náðst. Mikilvægt er
því að skólarnir séu ekki þvingaðir til
sameiningar heldur komi frumkvæði
frá þeim sjálfum. Þrátt fyrir að sú
leið sé að jafnaði átakameiri er það
niðurstaða skýrsluhöfunda að sam-
eining sé vænlegri kostur heldur en
aukið samstarf milli skólanna.
Skýrsla um sameiningu Háskóla
Íslands og Kennaraháskólans
Sameining frek-
ar en samstarf
FLUGFÉLAG Íslands og ferðaþjón-
ustufyrirtækið Tanni Travel á Eski-
firði bjóða nú upp á ferðir inn á
virkjanasvæðið við Kárahnjúka.
Farþegar koma úr flugi og fara
með hópferðabifreið upp á hálend-
ið, þar sem svokallaður Kára-
hnjúkahringur er farinn. Þá er far-
ið upp úr Fljótsdal við Bessastaði,
inn Fljótsdalsheiði og yfir á Kára-
hnjúkasvæðið. Þaðan yfir Jökulsá á
Dal á nýrri brú við Gíga og út Brú-
ardali og Skógarháls, með viðkomu
á Laugarvöllum. Þá er haldið út
Jökulsdalsheiði eða Jökuldal og
gjarnan höfð viðkoma annaðhvort í
Sænautaseli eða Klausturseli og út
á Héraðið þar sem ferðin endar.
Vaxandi straumur ferðamanna
leggur leið sína um þessar slóðir og
hefur þessi samvinna hlotið góðar
viðtökur ferðalanga.
Morgunblaðið/Sigurður Aðalsteinsson
Ferðalangar skoða framkvæmdir við Kárahnjúkavirkjun af vesturbakka
Hafrahvammagljúfra, eða Dimmugljúfra eins og þau eru einnig nefnd.
Skipulagðar skoðunar-
ferðir um virkjanasvæði
VALNEFND Ingjaldshóls-
prestakalls ákvað á fundi sínum
18. júní síðastliðinn að leggja til
við biskup Íslands að Ragn-
heiður Karitas Pétursdóttir
guðfræðingur verði skipuð
sóknarprestur í Ingjaldshóls-
prestakalli. Sjö umsækjendur
voru um embættið.
Embætti sóknarprests í
Ingjaldshólsprestakalli er veitt
frá 1. september 2003. Vígslu-
biskup Skálholtsumdæmis boð-
ar valnefnd prestakallsins sam-
an en í henni sitja fimm
fulltrúar úr prestakallinu, auk
vígslubiskups. Kirkjumálaráð-
herra skipar í embættið til
fimm ára, segir í frétt frá Bisk-
upsstofu.
Valið í Ingj-
aldshóls-
prestakalli
BOGI Nilsson ríkissaksóknari telur
ekki efni til að áfrýja dómi Héraðs-
dóms Reykjaness yfir þrítugum
Bandaríkjamanni sem hlaut hálfs
árs fangelsi á föstudag fyrir þátt
sinn í skipulagðri brotastarfsemi
sem fólst í að aðstoða sex Kínverja
við að komast ólöglega inn á Scheng-
en-svæðið, til Íslands og áfram til
Bandaríkjanna. Dóminum þótti
sannað að ákærði hefði brotið gegn
3. mgr. 57. gr. laga um útlendinga nr.
96/2002. sem kveður á um sektir og
allt að sex ára fangelsi.
Bogi segir að með tilliti til refsi-
rammans og þess sem fyrir hafi legið
um aðgerðir ákærða, þá virðist sem
dómur héraðsdóms hafi verið viðun-
andi. „Ákærði virðist hafa aðstoðað
fólkið á leiðinni hingað til lands, en
ekki tókst að varpa skýru ljósi á
hvernig hinni ætluðu starfsemi var
háttað,“ segir Bogi. „Refsiramminn
er sektir og allt að sex ára fangelsi.
Ef litið er á refsirammann og það
sem raunverulega liggur fyrir um
aðgerðir ákærða, þá er refsiákvörð-
un héraðsdóms viðunandi.“
Málið er hið fyrsta sinnar tegund-
ar sem dæmt er hér á landi. Til sam-
anburðar má nefna að í aprílbyrjun
voru fjórir sakborningar dæmdir í
fangelsi af héraðsdómstól í Óðins-
véum í Danmörku fyrir að smygla 60
manns til landsins. Bogi tekur ekki
afstöðu til þess hvort málin séu sam-
bærileg og segir að meta verði mála-
vexti í hverju tilviki fyrir sig.
Telur dóm um
mansal viðunandi
AFGREIÐSLA lögreglustjór-
ans í Reykjavík mun miðviku-
daginn 2. júlí nk. flytjast frá
lögreglustöðinni við Hverfis-
götu í Borgartún 7. Í tilkynn-
ingu frá lögreglunni segir að
með stærra húsnæði verði
hægt að sameina á einum stað
alla afgreiðslu embættisins
vegna ökuskírteina, skotvopna,
skemmtanaleyfa og margvís-
legra annarra leyfa sem lög-
reglan veitir. Það húsnæði sem
losnar á lögreglustöðinni verð-
ur notað til að bæta aðstöðu
rannsóknadeildar embættisins
sem hefur búið við þröngan
kost síðustu árin.
Þjónustan við borgarana
verði jafn góð eða betri
Stefnt er að því að þjónusta
við borgarana verði a.m.k. jafn
góð og hingað til og vonandi
betri. Afgreiðsla og útgáfa
vegna skotvopnamála,
skemmtanaleyfa og annarra
mála sem verið hafa í leyfadeild
embættisins færast inn í af-
greiðsluna. Þessi breyting mun
taka nokkurn tíma og eru veit-
ingamenn, skotveiðimenn og
aðrir sem leita þurfa til emb-
ættisins vegna þessa beðnir að
sýna þolinmæði fyrst í stað
meðan breytingarnar ganga yf-
ir. Afgreiðslan verður eins og
fyrr segir í Borgartúni 7 og er
gengið inn frá Borgartúni á
horni byggingarinnar. Aðkoma
og bílastæði eru með ágætum
rétt við afgreiðsluna. Af-
greiðslutími er eins og fyrr frá
8.45 til 16 mánudaga til föstu-
daga.
Lögreglustjórinn
í Reykjavík
Afgreiðsl-
an flytur
í Borg-
artún 7