Morgunblaðið - 26.06.2003, Blaðsíða 45
ÍÞRÓTTIR
MORGUNBLAÐIÐ FIMMTUDAGUR 26. JÚNÍ 2003 45
SIGURBJÖRN Hreiðarsson, fyrir-
liði Valsmanna, var að vonum hress
að leik loknum en hann skoraði sig-
urmark Vals. „Við vorum búnir að
tapa fjórum leikjum og fengum svo á
okkur klaufamark í fyrri hálfleik. Við
komum svo mjög grimmir inn í
seinni hálfleikinn. Þetta var mikill
vinnusigur, við spiluðum ágætlega á
köflum en sigurinn var liðsheildar-
innar. Við lögðum leikinn upp þannig
að við ætluðum bara að spila okkar
bolta. Okkur hafði gengið illa í síð-
ustu leikjum og menn voru sammála
um það að hver og einn gæti bætt sig
um nokkur prósent. Við bættum
fyrst og fremst við vinnuna í dag en
við getum bætt margt annað,“ sagði
Sigurbjörn.“
Jóhann Hreiðarsson, bróðir Sig-
urbjörns, skoraði jöfnunarmark Vals
í leiknum en það var hans fimmta
mark í deildinni í sumar. „Jóhann
jafnaði fyrir okkur svo ég varð að
bæta um betur. Það er samkeppni
milli okkar. Staðan er núna 5:3 fyrir
stubbinn en við spyrjum að leikslok-
um, en það er liðsheildin sem skiptir
máli. Kannski við fáum gullskóinn
saman í haust, hver veit?“
Sigur liðsheildarinnar
KA 1:2 Valur
Leikskipulag: 4-5-1 Landsbankadeildin,
7. umferð
Akureyrarvöllur
Miðvikudaginn 25. júní 2003
Aðstæður:
Sunnan kaldi, þurrt og 18
stiga hiti.Völlurinn góður.
Áhorfendur: 649
Dómari:
Erlendur Eiríksson, Fram, 4
Aðstoðardómarar:
Einar Guðmundsson,
Guðmundur H. Jónsson
Skot á mark: 14(6) - 13(4)
Hornspyrnur: 4 - 4
Rangstöður: 4 - 2
Leikskipulag: 4-5-1
Sören Byskov
Steinn V. Gunnarsson
(Örlygur Þór Helgason 61.)
Slobodan Milisic M
Þorvaldur Sveinn Guðbjörnsson
Steingrímur Örn Eiðsson
Pálmi Rafn Pálmason M
Jón Örvar Eiríksson
Óli Þór Birgisson
(Þorvaldur Örlygsson 75.)
Elmar Dan Sigþórsson M
Jóhann Helgason
(Steinar Tenden 75.)
Hreinn Hringsson
Ólafur Þór Gunnarsson
Elvar Lúðvík Guðjónsson
(Birkir Már Sævarsson 66.)
Ármann Smári Björnsson M
Guðni Rúnar Helgason M
Sigurður Sæberg Þorsteinsson
Matthías Guðmundsson
(Stefán Helgi Jónsson 66.)
Sigurbjörn Hreiðarsson M
Baldvin Hallgrímsson
(Jóhann Georg Möller 46.)
Jóhann H. Hreiðarsson M
Bjarni Ólafur Eiríksson M
Hálfdán Gíslason
1:0 (25.) Slobodan Milisic tók aukaspyrnu og sendi inn til hægri á Pálma Rafn
Pétursson sem skallaði knöttinn inn í vítateig. Elmar Dan Sigþórsson
potaði boltanum í netið af stuttu færi.
1:1 (47.) Knötturinn skoppaði út úr KA-vörninni eftir hornspyrnu Valsmanna og
Jóhann Hreiðarsson var þar tilbúinn utan vítateigs og þrumaði knett-
inum í mark KA.
1:2 (74.) Aukaspyrna var dæmd á KA talsvert fyrir utan vítateig. Sigurbjörn
Hreiðarsson lét vaða undan vindi og hrökk boltinn í ysta manninn í
varnarvegg KA, breytti um stefnu og þeyttist í fjærhornið. Sören Bys-
kov var kominn úr jafnvægi á marklínunni.
Gul spjöld:
Óli Þór Birgisson, KA (10.) fyrir brot.
Ólafur Þór Gunnarsson, Val (55.) fyrir mótmæli.
Jón Örvar Eiríksson, KA (73.) fyrir brot.
Rauð spjöld: Engin
Valsmenn byrjuðu betur og press-uðu stíft á fyrstu mínútunum en
KA fékk sín fyrstu hálffæri á 19. mín.
þegar varnarmenn
Vals komust á síð-
ustu stundu fyrir
skot sóknarmanna
KA. Á 21. mín. átti
Sören Byskov glæfralegt úthlaup úr
marki KA en Valsmönnum tókst
ekki að færa sér það í nyt. Elmar
Dan Sigþórsson kom svo heima-
mönnum frekar óvænt yfir á 25. mín-
útu. Pálmi Rafn Pálmason var á auð-
um sjó fyrir framan mark Vals á 36.
mín. en náði ekki almennilega til
boltans. Besta færi Vals kom á 38.
mín. þegar Sören varði fast skot Jó-
hanns Hreiðarssonar með fótunum.
Bæði liðin stilltu upp í 4-5-1 þar
sem sóknarmaðurinn átti að fá
stuðning þegar tilefni gafst. Hreinn
Hringsson var æði einmana í
fremstu víglínu KA því miðjan var
döpur. Hann færði sig síðan út á
hægri væng og Elmar Dan var
fremstur. Hjá Val var Hálfdán Gísla-
son fremstur en Bjarni Ólafur Ei-
ríksson og bræðurnir Jóhann og Sig-
urbjörn Hreiðarssynir voru líka
sókndjarfir. Valsmenn náðu betri
tökum á miðjunni.
Í seinni hálfleik komu Valsarar
grimmir inn á völlinn og jöfnuðu
strax á 47. mínútu með góðu marki
frá Jóhanni Hreiðarssyni. Bæði liðin
áttu þokkaleg færi og áður nefndur
Jóhann það besta á 70. mín. þegar
hann skallaði framhjá marki KA.
Margt virtist þó benda til þess að lið-
in ætluðu að sættast á jafntefli en
Sigurbjörn Hreiðarsson var ekki á
sama máli og kom Val yfir úr auka-
spyrnu á 74. mínútu.
KA-menn lögðu að sjálfsögðu allt
kapp á að jafna og skiptu Þorvaldi
Örlygssyni og Steinari Tenden inn á
en sennilega kom þessi skipting of
seint. Steinar fékk enga háa bolta til
að moða úr frammi og KA gekk ekk-
ert betur að ná tökum á miðjunni þar
sem Valsmenn voru ákveðnari. Í
raun var lítið bit í sókn KA þótt til-
efnin væru næg til að blása í her-
lúðra en vörn liðsins opnaðist hins
vegar á 86. mín. þegar Hálfdán
Gíslason skaut framhjá marki KA úr
dauðafæri. Leiktíminn fjaraði síðan
út og baráttuglaðir Valsmenn fögn-
uðu sigri.
Dean Martin lék ekki með KA
vegna meiðsla og var hans sárt sakn-
að. Þá var Þorvaldur Makan í leik-
banni. Liðið náði sér ekki nógu vel á
strik þrátt fyrir allgóð tilþrif á köfl-
um og kannski höfðu menn hugann
við Evrópukeppnina. Pálmi Rafn
Pálmason gerði marga laglega hluti,
Slobodan Milisic var yfirvegaður í
vörninni og Elmar Dan Sigþórsson
barðist vel. Hjá Val sáu bræðurnir
Sigurbjörn og Jóhann um að af-
greiða andstæðingana en auk þeirra
áttu Bjarni Eiríksson og Ármann
Smári Björnsson mjög góðan leik.
„Þetta var alls ekki nógu gott hjá
okkur. Við vorum yfir í hálfleik og
mættum hreinlega ekki nógu
ákveðnir í seinni hálfleikinn,“ sagði
Steinn V. Gunnarsson, fyrirliði KA.
„Við hefðum þurft að standast álagið
fyrsta korterið í hálfleiknum en þeir
skoruðu strax á fyrstu mínútunni og
satt að segja komumst við ekki nógu
vel inn í leikinn eftir það. Okkur
gekk illa að byggja upp spilið og þeir
voru hreinlega sterkari og verð-
skulduðu sigur. Menn eiga að gíra
sig upp í hvern leik og klára hann á
fullu. Nú verðum við bara að gleyma
þessu og stefna að sigri í næsta leik.“
Bræðurnir af-
greiddu KA-menn
VALSMENN réttu úr kútnum eftir dapurt gengi í síðustu umferðum
og kræktu í langþráð þrjú stig með því að sigra KA á Akureyrarvelli í
blíðskaparveðri í gærkvöld. Lokatölur urðu 2:1 Valsmönnum í vil og
skutust þeir upp í 7. sæti deildarinnar en KA-menn sigu niður í 9.
sæti en þeir eiga þó leik til góða gegn Fram, sem vermir botnsætið.
KA hefur gengið illa gegn Val í efstu deild og aðeins unnið þrjá
heimaleiki, þrisvar hefur orðið jafntefli en nú hefur Valur sigrað í
sex leikjum á Akureyri. Liðin hafa reyndar ekki mæst í efstu deild
síðan sumarið 1992.
Stefán Þór
Sæmundsson
skrifar
Morgunblaðið/Skapti Hallgrímsson
Jóhann Hreiðarsson Valsari skoraði fyrra mark liðs síns í 2:1
sigri gegn KA. Jóhann Helgason KA-maður er til varnar.
Olís Char-Broil
grillmótið
Opna Olís Char-Broil mótið verður haldið
laugardaginn 26. júlí á Hamarsvelli.
Ræst verður út frá kl. 7.30 til 9.30
og 11.30 til 13.30.
Rástímapantanir á golf.is/gb og
í síma 437 1663.
Leikinn verður 18 holu höggleikur með
og án forgjafar.
Hámarks forgjöf: 24 karlar/28 konur.
Vegleg verðlaun.
Mótsgjald kr. 2.800.