Morgunblaðið - 26.06.2003, Blaðsíða 19

AKUREYRI
MORGUNBLAÐIÐ FIMMTUDAGUR 26. JÚNÍ 2003 19
Austurstræti 17, 3. hæð, 101 Reykjavík, sími 56 20 400, fax 562 6564,
netfang: prima@heimsklubbur.is, heimasíða: http://www.heimsklubbur.is
Stórglæsilegar siglingar í ágúst - Síðustu forvöð að bóka
Þú baðar þig í vellystingum á einhverjum glæsilegustu skipum veraldar, á
meðan þú ferðast um einhverjar fallegustu siglingaleiðir veraldar.
Golden Princess í Miðjarðarhafinu
9.-23. ágúst
Barcelona - Monte Carlo
- Livorno - Pisa - Flórens
- Napólí - Aþena - Efesus
Istanbúl - Feneyjar -
Mílanó
- Íslensk fararstjórn -
Sun Princess í Alaska og Kanada
7.-24. ágúst
Anchorage - Denali þjóðgarðurinn -
Seward - Collage fjörðurinn - Glacier
Bay Skagway - Juneau - Ketchikan -
Vancouver - Whistler -
Victoria - Seattle
- Íslensk fararastjórn -
STÍLL ehf. hefur keypt Vinnandi
menn og hinn 1. júlí næstkomandi
verður til stærsta auglýsingastofa og
skiltagerð utan höfuðborgarsvæðis-
ins, þegar fyrirtækin sameina krafta
sína undir nafni Stíls ehf. Höfuð-
stöðvar hins nýja fyrirtækis verða á
Óseyri 2 á Akureyri og verður fjöldi
starfsmanna átta til tíu manns.
Stíll ehf. var stofnað árið 1980 og
hefur alla tíð verið með rekstur á Ak-
ureyri í auglýsingagerð, skiltagerð
og fatamerkingum ásamt annarri
þjónustu tengdri auglýsinga- og
markaðsmálum. Vinnandi menn hef-
ur verið í rekstri frá árinu 1996 við
auglýsinga- og skiltagerð ásamt
þjónustu tengdri auglýsinga- og
markaðsmálum.
G. Ómar Pétursson verður fram-
kvæmdastjóri auglýsingastofu og
skiltagerðar og Arnar Birgisson
verður framkvæmdastjóri verslun-
arsviðs og fatamerkinga.
G. Ómar sagði við Morgunblaðið
að þetta ætti sér stuttan aðdraganda
og að markmiðið með þessari sam-
einingu væri að byggja upp stærsta
og öflugasta þjónustufyrirtæki í aug-
lýsinga- og markaðsmálum á lands-
byggðinni. „Þetta verður til þess að
við eigum auðveldara með að sækja
verkefni, til dæmis til Reykjavíkur,
en við höfum getað gert í sitthvoru
lagi. Bæði fyrirtækin hafa verið að
vinna fyrir aðila í Reykjavík og átt í
samstarfi við aðila þar. Við höfum
unnið verkefnin hér fyrir norðan og
svo sent þau suður og reyndar út um
allt land. Það er ekkert í kortunum
að koma okkur upp aðstöðu í
Reykjavík, en auðvitað ræðst það á
því hvernig árangri við náum þar,“
sagði G. Ómar við Morgunblaðið.
Samstarfssamningur
við Odda
Stíll ehf. hefur gert samstarfs-
samning við Odda hf. og mun hinn
27. júlí opna nýja þjónustuverslun
með rekstrarvörur fyrir einstak-
linga, fyrirtæki og stofnanir á Óseyri
2. „Við erum að taka stóran hluta af
jarðhæðinni undir verslunina eða um
110 fermetra. Þannig að það verður
hin glæsilegasta verslun með góðu
úrvali. Við leggjum einnig sérstaka
áherslu á þjónustu við fyrirtæki og
stofnanir með reglulegum heim-
sóknum til þeirra,“ sagði G. Ómar.
Stíll ehf. hefur einnig gert sam-
starfssamning við Bros sem sérhæf-
ir sig í hvers konar auglýsingavörum
og merkingum.
Eignarhald í Stíl ehf. eftir kaupin
eru þannig að Sjöfn hf. á 60% hlut og
Arnar Birgisson og G. Ómar Péturs-
son 20% hlut hvor. Í stjórn hins nýja
félags verða Baldur Guðnason
stjórnarformaður, Steingrímur Pét-
ursson, Arnar Birgisson og G. Ómar
Pétursson.
Stíll ehf.
kaupir Vinn-
andi menn
Stærsta auglýsingastofa og skiltagerð
landsbyggðarinnar verður til
MIKLAR framkvæmdir standa nú
yfir við Akureyrarsundlaug og
margir hafa lýst yfir undrun sinni
við sundlaugarverði á tímasetningu
framkvæmdanna.
Gísli Kristinn Lórenzson, for-
stöðumaður Akureyrarsundlaugar,
sagði að aðsóknin að lauginni í sum-
ar hefði verið góð þrátt fyrir fram-
kvæmdirnar. „Það er verið að taka
gömlu laugina og snúa henni við,
um leið er dýpið minnkað, dúkur
settur inn í hana, innipottur tengd-
ur við laugina og hún hækkuð upp.
Það er verið að reisa varðturn en í
honum verða eftirlitsmyndavélar
og einnig tvær snyrtingar fyrir al-
menning. Jafnframt er verið að
gera sérstakt barnasvæði fyrir
börn á aldrinum 0–6 ára, þar verða
meðal annars leiktæki, rennibraut,
sveppur og busllaug. Þegar breyt-
ingunum lýkur verður allt svæðið í
sömu hæð svo aðgangur fyrir hjóla-
stóla verður mjög góður. Okkur líst
ágætlega á sumarið, en það sem við
höfum mestar áhyggjur af er að
okkur vantar nokkuð mikið svæði í
notkun enn þá, vegna fram-
kvæmdanna. Ég skal viðurkenna að
þær eru í gangi á óheppilegum tíma
og ekki á þeim tíma sem ég hefði
óskað eftir. Það er samt erfitt að
segja hvenær sé besti tíminn, því á
haustin byrjar kennsla skólasunds
og þá er búist við frosti. Fólk sagði
við okkur að það hefði verið hægt
að gera þetta í vetur, en það bjóst
enginn við því að það yrði enginn
snjór hér í vetur og yrði bara 15
stiga hiti,“ sagði Gísli.
Framkvæmdum á að ljúka 15. júlí
en það verður að koma í ljós hvort
það eigi eftir að ganga eftir.
„Þetta er mjög erfið staða og við
fáum miklar skammir fyrir þetta en
það eru margir sem sýna þessu
mjög góðan skilning. Það verða all-
ir ánægðir þegar framkvæmdum
lýkur og gleyma þessu. Við verðum
þá með eitt flottasta svæði landsins,
ef ekki það flottasta. Við erum að
gera hér góða hluti en þetta tekur
allt sinn tíma,“ sagði Gísli.
Eitt flottasta svæði lands-
ins, ef ekki það flottasta
Morgunblaðið/Skapti Hallgrímsson
Gamla laugin hefur mikið breyst og verður tekin í notkun innan skamms.
Gísli Kr. Lórenzson, forstöðumaður Akureyrarsundlaugar
ALLT frá árinu 1996 hefur Jazz-
klúbbur Akureyrar skipulagt fjöl-
breytta og eftirsótta tónleika á
Listasumri á Akureyri.
Jón Hlöðver Áskelsson, formaður
Jazzklúbbs Akureyrar, segir að heit-
ir fimmtudagar í Deiglunni séu orðn-
ir ómissandi þáttur í listalífi margra
og væru þegar farnir að virka sem
aðdráttarafl því margir ferðamenn,
bæði innlendir og erlendir væru
farnir að ganga að þeim sem vísum.
„Síðastliðin sjö sumur höfum við
efnt til um 70 heitra fimmtudaga og
er þetta því í áttunda sinn sem við
stöndum fyrir þeim. Það er ekki
fjarri að telja að um 6.000 manns hafi
sótt tónleika þessa. Sumarið í ár er
að sjálfsögðu hlaðið góðum tækifær-
um fyrir djassáhugafólk.“
Fyrsti heiti fimmtudagurinn í
Deiglunni verður í kvöld kl. 21.30 og
mun tríóið B3 spila en þar eru á ferð-
inni Ásgeir Jón Ásgeirsson, gítar,
Agnar Már Magnússon, hammond-
orgel og Erik Qvick, trommur.
„Efnisskráin er skemmtileg og á
henni er músík eftir Larry Goldins
orgelleikara og Peter Bernstein gít-
arleikara, blönduð tónlist af djassi,
fönki og blús svo allir ættu að finna
eitthvað við sitt hæfi,“ sagði Jón
Hlöðver.
Seld verða áskriftarkort á átta
heita fimmtudaga á 4.000 kr. og fást
þau keypt á skrifstofu Gilfélagsins í
Ketilhúsinu, svo og við innganginn,
en annars er verð á einstaka tónleika
800 krónur.
Margir
ferðamenn
ganga að
djassinum
sem vísum
Skemmtun verður í húsi Hjálpræð-
ishersins í dag kl. 17.30. Ýmis
skemmtiatriði verða í boði hjá börn-
unum sem fengu húsnæðið lánað til
að halda skemmtunina, en þau eru að
safna fé til styrktar heimili litlu ljós-
anna, sem er munaðarleysingjaheim-
ili á Indlandi. Fyrir 16 ára og eldri
kostar 500, fyrir yngri en 16 ára kost-
ar 300 en ókeypis er fyrir yngri en 3
ára. Nú þegar hafa krakkarnir safnað
um 10.000 kr með tombólum og vona
þau að sem flestir mæti.
Í DAG
VEÐUR
mbl.is