Morgunblaðið - 12.07.2003, Blaðsíða 9
FRÉTTIR
MORGUNBLAÐIÐ LAUGARDAGUR 12. JÚLÍ 2003 9
ÚTSALA — ÚTSALA
Mikill afsláttur
Eddufelli 2 Bæjarlind 6
s. 557 1730 s. 554 7030
Opið mán.—fös. frá kl. 10—18
lau. kl. 10—15
Opið virka daga frá kl. 10.00–18.00, laugardaga frá kl. 10.00–16.00.
Sportfatnaður
í sumarfríið
á stórútsölu
Engjateigi 5, sími 581 2141.
Neðst við Dunhaga, sími 562 2230
Opið í dag
kl. 10-14
Útsala 20-70% afsláttur
Smáralind og Laugavegi
Ný
sending
10% kynningar-
afsláttur í júlí
af þessari
fallegu gjafavöru
Útsala á
töskum
HÆSTA vilyrðið sem veitt hefur
verið í sögu Kvikmyndasjóðs, 75
milljónir króna, kemur í hlut mynd-
arinnar Óvinafagnaður sem Friðrik
Þór Friðriksson leikstýrir og fram-
leidd er af Íslensku kvikmynda-
samsteypunni. Tilkynnt var um
styrkveitingar úr Kvikmyndasjóði í
gær, en þetta er í fyrsta sinn sem
veitt er í samræmi við ný lög og
reglugerð um Kvikmyndasjóð.
Alls bárust 255 umsóknir um
framleiðslustyrk vegna leikinna
kvikmynda, sjónvarpsefnis og stutt-
og heimildarmynda. Kvikmyndaráð-
gjafar fjölluðu efnislega um umsókn-
irnar og gerðu tillögur um styrki og í
framhaldi voru teknar ákvarðanir
sem meðal annars miða að því að þau
verkefni sem langt eru komin í und-
irbúningi hafi forgang. Sjö leiknar
kvikmyndir í fullri lengd fengu vil-
yrði fyrir styrkjum á bilinu frá 10
upp í 75 milljónir, alls 267,5 milljónir
króna.
Óvinafagnaður, sem byggir á sam-
nefndri bók Einars Kárasonar, er
fjölþjóðlegt framleiðsluverkefni sem
verður að stærstum hluta tekið hér á
landi. Þetta er viðamesta verkefni ís-
lenskrar kvikmyndasögu en áætl-
aður framleiðslukostnaður mynd-
arinnar nemur um einum og hálfum
milljarði.
Langstærsta
kvikmyndaverkefnið
Að sögn Friðriks Þórs er nú þegar
að mestu leyti búið að fjármagna
myndina. „Mér líst bara vel á vil-
yrðið. Vonandi er núna komið að
þeim tímamótum að við getum farið
að einbeita okkur að kvikmynda-
gerðinni sjálfri,“ sagði Friðrik Þór í
samtali við Morgunblaðið í gær en
áætlað er að tökur hefjist í haust.
„Við erum ofsalega ánægð með að
geta veitt þessa stóru fjárhæð,“ segir
Hjörtur Grétarsson, framleiðslu-
fulltrúi Kvikmyndamiðstöðvar Ís-
lands, og bætir við: „Þetta er verk-
efni upp á einn og hálfan milljarð og
þar með langstærsta kvikmynda-
verkefnið í sögu Íslands. Ef það
gengur upp, sem öll von er til, þá er
útlit fyrir að 880 milljónir muni skila
sér til Íslands við gerð þessarar
myndar, þannig að styrkur okkar er
bara lítið brot af því sem við getum
fengið til baka inn í landið. Ef af
verkefninu verður, sem við vonum og
trúum, þá verður þetta mikil inn-
spýting í íslenska kvikmyndagerð
sem hefur verið í mikilli ládeyðu und-
anfarið. Þetta er því bara lítið gjald
að borga fyrir slíka innspýtingu.“
Myndin Næsland í framleiðslu Zik
Zak kvikmynda fékk framlengt vil-
yrði upp á rúmar 54 milljónir, en
leikstjóri hennar er Friðrik Þór og
hefjast tökur í næstu viku. „Ég féll
einfaldlega fyrir handriti Huldars
Breiðfjörð, því þetta er eitt það fal-
legasta handrit sem ég hef lesið
þannig að ég gat náttúrlega ekki sagt
annað en já við því. Svo er líka voða-
lega gaman og þokkaleg tilbreyting
að vera á launaskrá hjá einhverjum,“
segir Friðrik Þór.
Mynd Baltasars Kormáks Saga
sem byggir á Brennu-Njálssögu og
framleidd er af Sögn ehf. fékk 60
milljón króna vilyrði sitt, sem upp-
haflega var veitt í janúar á síðasta
ári, framlengt fram á mitt næsta ár. Í
takt við tímann, sjálfstætt framhald
hinnar vinsælu Stuðmanna-myndar
Með allt á hreinu og framleidd er af
Ísfilm og Dís í framleiðslu Sagnar
ehf. fengu hvor um sig vilyrði upp á
30 milljónir.
Guy X í framleiðslu Íslensku kvik-
myndasamsteypunnar og When
children play in the sky sem fram-
leidd er af Saga Film fengu hvor 10
milljón króna vilyrði. „Við tökum
þátt í þessum tveimur verkefnum
sem minnihlutafjárfestar. Okkur
þykir nauðsynlegt að styrkja erlend-
ar sam-framleiðslur þar sem við Ís-
lendingar sækjum náttúrlega mjög
mikið í erlenda sjóði. Í raun kallar
kvikmyndabransinn hérna heima
eftir þessu. Bæði þessi verkefni
verða að hluta tekin hér á landi og
með íslensku starfsfólki,“ segir
Hjörtur.
Myndin 1.0 fékk framlag upp á 10
milljónir og Opinberun Hannesar
fékk 22 milljónir en Hjörtur tekur
fram að sú mynd fékk úthlutað í
febrúar s.l. áður en núverandi starfs-
fólk tók til starfa hjá Kvikmynda-
miðstöðinni. Pegasus fékk tveggja
og hálfrar milljón króna framlag til
að vinna handrit fyrir myndina Sjálf-
stætt fólk sem byggir á samnefndri
skáldsögu Halldórs Laxness.
Sjö stuttmyndir og ellefu heimild-
armyndir fengu vilyrði um fram-
leiðslustyrk. Veitt voru sjö framlög
til handritsgerðar heimildarmynda
og eitt framlag til handritsgerðar
stuttmyndar. Einn þróunarstyrkur
fyrir leikið sjónvarpsefni var veittur
og gefið var vilyrði fyrir fram-
leiðslustyrk til handa leikinni saka-
málasjónvarpsmynd.
Niðurstöðu um styrkveitingar í
flokki handrita, þróunar og eft-
irvinnslu fyrir kvikmyndir og sjón-
varpsefni er að vænta fyrir 1. sept-
ember n.k. Í framtíðinni er stefnt að
því að opið verði fyrir umsóknir árið
um kring og að hægt verði að þróa
verkefni jöfnum höndum í samráði
við kvikmyndaráðgjafa Kvikmynda-
miðstöðvar Íslands.
Úthlutun framleiðslustyrkja og vilyrða úr Kvikmyndasjóði
Óvinafagnaður fær hæsta
vilyrði sem veitt hefur verið
BRÓÐURPARTURINN af um
tonni af humri sem stolið var úr fisk-
iðjunni Fiskco á Akranesi fannst í
fyrrinótt, um sólarhring eftir inn-
brotið. Humarinn var dæmdur ónýt-
ur og ekið beint í eyðingu. Tjón fisk-
iðjunnar nemur á þriðju milljón
króna.
Lögreglan í Hafnarfirði fann hum-
arinn eftir ábendingu. Að sögn Við-
ars Stefánssonar, lögreglufulltrúa á
Akranesi, fannst humarinn á Elliða-
vatnsvegi í Heiðmörk, skammt frá
Vífilsstöðum. „Það er líkt því að
menn hafi þurft að losa sig við þetta í
flýti,“ sagði hann. Humarinn hefði
verið þiðinn og því ónýtur. Lögregla
óskar eftir upplýsingum um manna-
ferðir við fiskiðjuna en ljóst er að
þjófarnir óku sendiferðabíl.
Talsvert hefur verið um innbrot í
fiskvinnslufyrirtæki að undanförnu
og iðulega sækjast þjófarnir eftir
humri. Í apríl var rúmlega hálfu
tonni stolið í tveimur innbrotum í
Þorlákshöfn og Grindavík. Í maí
handtók lögreglan í Keflavík tvo
menn á flótta við Kleifarvatn og við
yfirheyrslur játuðu þeir á sig innbrot
eða innbrotstilraun í fiskvinnslufyr-
irtæki í Grindavík skömmu áður. Í
dagbók lögreglunnar segir að menn-
irnir hafi verið grunaðir um „skipu-
lagða brotastarfsemi sem tengist
fíkniefnaheiminum.“ Í sömu viku
voru tveir menn handteknir við sömu
iðju í Þorlákshöfn og á Eyrarbakka.
Jóhannes Jensson, aðstoðaryfir-
lögregluþjónn í Keflavík, segir erfitt
að fullyrða hvernig þjófarnir komi
stolna humrinum í verð. Í mörgum
tilfellum kaupi veitingahús stolna
humarinn en einnig eru dæmi þess
að hann sé seldur af farandsölu-
mönnum. Hann tekur þó fram að
veitingahúsaeigendur og farandsal-
ar séu ekki óheiðarlegri en annað
fólk.
Humarinn var ónýtur enda hafði hann ekki verið geymdur í frysti í sólarhring þegar hann fannst.
Tonn af stolnum humri
fannst í Heiðmörk
GRUNSAMLEG sígarettuviðskipti
á hafnarbakka í Hafnarfirði urðu til
þess að tollgæslan lagði hald á um
94.000 sígarettur sem voru faldar
um borð í rússneska togaranum
Obsha. Útsöluverð vindlinganna í
Áfengis- og tóbaksverslun ríkisins
nemur um 2,5 milljónum króna.
Á miðvikudagskvöld urðu toll-
verðir vitni að því þegar maður
keypti 4–5 karton af sígarettum á
hafnarsvæðinu við hlið togarans. Í
kjölfarið var gerð leit í skipinu „og í
ljós komu 94 þúsund sígarettur en
söluverðmæti er nálægt tveimur og
hálfri milljón hjá ÁTVR. Þannig að
þetta er slatti,“ sagði Hreinn Páls-
son, tollvörður hjá tollgæslunni í
Hafnarfirði í samtali við Morgun-
blaðið í gær.
Sígaretturnar voru faldar víða í
skipinu en skipverjar voru sam-
vinnuþýðir og vísuðu á hluta af
góssinu. Þeir eiga von á kærum og
sektum fyrir smyglið sem verður
allt gert upptækt. Um er að ræða
bandarískar sígarettur af gerðinni
L&M.
Morgunblaðið/Árni Sæberg
Friðbjörn Margeirsson hjá Tollgæslunni í Hafnafirði með smyglvarninginn.
Faldir á ýmsum stöðum í
rússneskum togara
Tollgæsla leggur hald á 94.000 vindlinga