Morgunblaðið - 12.07.2003, Blaðsíða 31

MINNINGAR
MORGUNBLAÐIÐ LAUGARDAGUR 12. JÚLÍ 2003 31
✝ Bjarný Guðjóns-dóttir fæddist að
Raufarfelli undir
Eyjafjöllum 17. mars
1921. Hún dó á Heil-
brigðisstofnun Vest-
mannaeyja 8. júlí síð-
astliðinn. Foreldrar
hennar voru Guðjón
Vigfússon frá Raufar-
felli og Þorbjörg
Jónsdóttir frá Rauðs-
bakka. Bjarný var ein
af ellefu systrum:
Guðbjörg, Kristín
María, Sigríður,
Marta, stúlka fædd
andvana, Guðný, Kristín, Sigur-
björg Guðleif, Kristbjörg, Ásta
Jóna, og er nú aðeins ein eftirlif-
andi af þeim hópi Sigurbjörg Guð-
leif sem býr að Hrafnistu í Reykja-
vík.
Bjarný giftist
Kristni Sigurðssyni,
f. 2. sept. 1917, d. 26.
júní 1984. Börn
þeirra eru: Ásta, f.
1942, gift Ragnari
Guðnasyni, Sigfríð, f.
1945, gift Jóni Krist-
óferssyni, drengur, f.
1951, d. 1951, Jóna
Björg, f. 1953, gift
Erling Þór Pálssyni
og Eygló, f. 1959, gift
Grími Guðnasyni,
einnig ólu þau upp
elsta barnabarn sitt,
Guðrúnu Bjarnýju
Ragnarsdóttur, 1959, gift Þorvarði
V. Þorvaldssyni. Barnabörnin eru
níu og barnabarnabörnin eru 13.
Útför Bjarnýjar fer fram frá
Landakirkju í dag og hefst athöfn-
in klukkan 14.
Ég syng af gleði, syng af hjarta
sönginn dýrsta, er ég kann,
því ekkert hljómar yndislegra’ en hann,
óðurinn um kærleikann.
Ég syngja mun þann söng um eilífð
samræmt stef með englum hans.
Í sölum himins hljómar óður skær,
helgur söngur kærleikans.
(Þýð. Björk.)
Þessi vers lýsa mömmu vel því ég
minnist hennar syngjandi við leik og
störf. Hún var mjög góð móðir og
hún vildi öllum vel, hún var dugleg og
ósérhlífin þessi litla kona en eins og
hún sagði oft „margur er knár þótt
hann sé smár, linur þótt hann sé
langur“.
Þegar ég var ung stelpa fyrir gos
og við bjuggum á Urðaveginum vann
mamma heima og hafði alltaf nógan
tíma fyrir okkur en við ólumst upp
saman, ég og systurdóttir mín, en
það stoppaði hana ekkert í sínum
dugnaði, hún bakaði bæði kökur og
brauð, heitur matur var bæði í hádegi
og á kvöldin og grautur á eftir, frá
mömmu fór enginn svangur eða
blautur. Í gosinu var hún ein með
okkur stelpurnar í Reykjavík, pabbi
setti okkur um borð í bát og sagði
bless og við sáum hann 6 vikum
seinna. Við vorum alltaf staðráðin í
að fara aftur til Eyja eftir gos. Þegar
bjarga þurfti dótinu okkar frá eyjum
fór mamma út á Reykjavíkurflugvöll
og sníkti far með einni herflugvél-
inni, það stoppaði þessa litlu konu
ekkert. Hún pakkaði saman dótinu
og kom því í bát. Til Eyja fluttumst
við í júlí 1973. Þá var ekki víst hvort
það yrði skóli í Eyjum, loks var
ákveðið að vera með skóla og það var
mikill léttir að vera loksins alkomin
heim.
Mamma tók virkan þátt í Slysa-
varnadeildinni Eykindli og í öllum fé-
lagsstörfum sem pabbi starfaði í og
var hans hægri hönd en við fráfall
hans 1984 fannst mér kraftur hennar
minnka en hann hafði verið driffjöðr-
in og þar af leiðandi dróst hún hægt
og sígandi út úr hinu daglegu lífi.
Hún hafði unnið úti nokkurn tíma hjá
Fiskiðjunni en hætti þar þegar ég
eignaðist mitt fyrsta barn 1982 því
hún ætlaði að passa fyrir okkur hjón-
in. Þegar ég eignaðist mitt annað
barn 1986 var það engin spurning,
hún passaði frá fyrstu tíð og gaf
börnunum alla þá hlýju sem hægt er
að gefa. Þar sem foreldrar mínir
höfðu misst sitt hús undir hraun tók
við að finna framtíðarhúsnæði og
byggðu þau þá sitt annað heimili að
Bröttugötu 2 og var það heimili
mömmu alla tíð eftir það. Árið 1997
fór heilsu mömmu að hraka og þurfti
hún að fara í hjartaaðgerð og einnig
hafði hún vefjagigt og fór hún versn-
andi, síðustu æviárin dvaldi hún á
Heilbrigðisstofnun Vestmannaeyja
og líkaði það mjög vel enda allt
starfsfólk og aðstaða til fyrirmyndar.
Við getum seint fullþakkað starfs-
fólkinu fyrir þá hlýju sem það sýndi
mömmu.
Ég minnist mömmu með söknuði
og tárum, hún var mér svo góð fyr-
irmynd en ég veit að núna líður henni
vel og er sátt. Guð geymi þig elsku
mamma mín. Að lokum langar mig að
lýsa krafti þessarar yndislegu konu
með ljóði.
Þú áttir þrek og hafðir verk að vinna
og varst þér sjálfri hlífðarlaus og hörð.
Þú vaktir yfir velferð barna þinna.
Þú vildir rækta þeirra ættarjörð.
Frá æsku varstu gædd þeim góða anda,
sem gefur þjóðum ást til sinna landa
og eykur þeirra afl og trú.
En það er eðli mjúkra móðurhanda
að miðla gjöfum – eins og þú.
(Davíð Stefánsson frá Fagraskógi.)
Saknaðarkveðja.
Þín dóttir,
Eygló.
Elsku Bjarný.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(Vald. Briem.)
Síðustu dagar þínir voru erfiðir en
ég veit að það var hlúð vel að þér af
starfsfólki Heilbrigðisstofnunarinn-
ar og fjölskyldu þinni.
Er sárasta sorg okkurmætir
og söknuður huga vorn grætir
þá líður sem leiftur af skýjum
ljósgeisli af minningum hlýjum.
(H.J.H.)
Þinn tengdasonur,
Grímur.
Elsku Bjarný.
Núna ertu farin frá okkur og við
söknum þín sárt, en við huggum okk-
ur við allar góðu minningarnar um
stundirnar sem við áttum með þér.
Það var alltaf svo gott að koma til þín
og vera hjá þér því þú varst alltaf svo
góð við okkur. Og við gátum dundað
okkur endalaust við að horfa á spól-
ur, sem þú tókst upp fyrir okkur, og
gramsað í skápunum þínum og klætt
okkur upp í gömul föt.
Við munum að þú bjóst til besta
ostabrauð í heimi og gerðir bestu
brúntertuna og kleinurnar. Og á
sumrin gafstu okkur líka rabarbara
úr garðinum þínum.
Þú kenndir okkur bænir og baðst
okkur að fara með þær á kvöldin áður
en við færum að sofa. til dæmis
kenndir þú okkur þessa bæn:
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum.)
Og nú biðjum við til Guðs um að
hann varðveiti þig. Við vitum að núna
líður þér betur og ert komin til afa og
Lilla.
Og við vitum að þú verður alltaf
hjá okkur, passar okkur og fylgist
með okkur.
Elsku amma, þú lifir alltaf í hjarta
okkar og við elskum þig
Bjarný, Gauti og Víðir.
Elsku Bjarný amma.
Það er sárt að þurfa að kveðja jafn-
yndislega manneskju og þú varst, en
jafnframt vitum við að þú ert komin á
betri stað og til hans afa. Við minn-
umst þess hve gott það var að koma í
heimsókn til þín á Bröttó, um leið og
við gengum inn um útidyrnar heyrð-
ist söngurinn úr þér innan úr eldhúsi.
Svo fengum við auðvitað grjónagraut
og sódastream inn í sjónvarpsher-
bergi, kannski heimatilbúna kara-
mellu ef við vorum heppin, eftir það
var mjög oft kíkt út í garð og farið í
boltaleikinn okkar upp og niður sem
aðeins var spilaður hjá ömmu.
Þú varst okkur öllum svo góð og
kenndir okkur m.a. Faðir vorið. Oft-
ar en ekki sast þú inni í stofu að
prjóna sokka eða vettlinga handa
okkur svo okkur yrði nú ekki kalt, og
þá kíktum við oft inn í skápa og rót-
uðum og mátuðum föt og héldum fyr-
ir þig tískusýningu. Svo gleymi ég
seint þeim mörgu skiptum þegar við
fengum hjá þér aur til að kaupa smá-
nammi niðri í Eyjakjöri.
Ég er mjög þakklát fyrir það að
hafa unnið uppi á spítala sumarið
2002 því þá gat ég verið mun meira
með þér en áður. Þetta voru góðir
tímar sem við munum aldrei gleyma.
Þú varst yndislegasta amma sem
nokkur gæti hugsað sér og við vorum
mjög heppin að hafa átt þig að.
Æviskeið mitt, ungi vinur,
ætla má að styttist senn.
Harla fátt af fornum dómum
fullu gildi heldur enn.
Endurmeti sínar sakir
sá er dæmir aðra menn.
Gleðstu yfir góðum degi,
gleymdu því sem miður fer.
Sýndu þrek og þolinmæði
þegar nokkuð út af ber.
Hafi slys að höndum borið
hefði getað farið ver.
(Heiðrekur Guðmundsson.)
Þín ömmubörn,
Guðni og Kristín.
BJARNÝ
GUÐJÓNSDÓTTIR
Afmælis- og minningargreinum má skila í tölvupósti (netfangið er minning@mbl.is, svar er
sent sjálfkrafa um leið og grein hefur borist) eða á disklingi. Ef greinin er á disklingi þarf út-
prentun að fylgja. Nauðsynlegt er að tilgreina símanúmer höfundar og/eða sendanda (vinnu-
síma og heimasíma). Þar sem pláss er takmarkað getur þurft að fresta birtingu greina, enda
þótt þær berist innan hins tiltekna frests. Nánari upplýsingar eru á mbl.is. Um hvern látinn
einstakling birtist formáli og ein aðalgrein af hæfilegri lengd á útfarardegi, en aðrar greinar
skulu ekki vera lengri en 300 orð, u.þ.b. 1.500 slög (með bilum) eða um 50 línur í blaðinu (17
dálksentimetrar). Tilvitnanir í sálma eða ljóð takmarkast við eitt til þrjú erindi. Einnig er
hægt að senda örstutta kveðju, HINSTU KVEÐJU, 5–15 línur, og votta virðingu án þess að
það sé gert með langri grein. Greinarhöfundar eru beðnir að hafa skírnarnöfn sín en ekki
stuttnefni undir greinunum.
Sérfræðingar
í blómaskreytingum
við öll tækifæri
Skólavörðustíg 12,
á horni Bergstaðastrætis,
sími 551 9090.
Lundi V/Nýbýlaveg
564 4566 • www.solsteinar.is
Þökkum sýnda samúð við andlát og jarðarför
ILSE W. ÁRNASON,
Oddgeirshólum.
Guðmundur Árnason,
Angelika, Árni, Magnús, Steinþór
og fjölskyldur.
Ástkær eiginmaður minn, faðir og bróðir
okkar,
PÉTUR EINARSSON
byggingameistari,
Þrastarási 4,
Hafnarfirði,
lést þriðjudaginn 8. júlí.
Jarðarförin verður auglýst síðar.
Hildur Jónsdóttir,
Jón Ragnar, Kristín Erla,
Einar Pétur, Guðbjörg Hildur Pétursbörn,
Einína, Ólöf, Guðrún og Gyða Einarsdætur.
Hjartans þakkir færum við öllum þeim er sýndu
okkur samúð, hlýhug og vináttu við andlát og
útför ástkærs föður okkar, tengdaföður, afa og
langafa,
EINARS LÁRUSSONAR
frá Heiði
á Langanesi.
Sérstakar þakkir færum við starfsfólkinu á
dvalar- og hjúkrunarheimilinu Nausti fyrir frábæra umönnun.
Sæmundur Einarsson, Ragnheiður Valtýsdóttir,
Lára Einarsdóttir, Einar Nikulásson,
Anna Jenný Einarsdóttir, Jón Stefánsson,
Ásta Einarsdóttir, Guðmundur Bjarnason,
Egill Einarsson,
Sigurbjörg Einarsdóttir, Anleyg Petersen,
Einar Valur Einarsson,
Elísa Einarsdóttir, Ölver Guðnason,
barnabörn og barnabarnabörn.
Elskulegur eiginmaður minn, faðir okkar, stjúp-
faðir, tengdafaðir, afi og langafi,
LEIFUR KRISTLEIFSSON,
Bröttukinn 30,
Hafnarfirði,
sem lést laugardaginn 5. júlí, verður jarðsung-
inn frá Hafnarfjarðarkirkju mánudaginn 14. júlí
kl. 15.00.
Sigríður Guðmundsdóttir,
Birna Leifsdóttir, Sigurður Valgeirsson,
Guðmundur Leifsson, Kristrún Runólfsdóttir,
Sævar Leifsson,
Sigrún Jóna Leifsdóttir,
Elsa Óskarsdóttir, Hafsteinn Eggertsson,
Ingvar Sigurðsson, Pálína Þráinsdóttir,
barnabörn og barnabarnabörn.
Elskulegur eiginmaður minn, faðir okkar,
tengdafaðir, afi og langafi,
KRISTINN JÓNSSON
frá Vorsabæ, Austur-Landeyjum,
Túni,
Borgarbyggð,
sem andaðist á Sjúkrahúsi Akraness sunnu-
daginn 6. júlí, verður jarðsunginn frá Fossvogs-
kirkju þriðjudaginn 15. júlí kl. 13.30.
Blóm og kransar vinsamlegast afþakkaðir, en þeim, sem vilja minnast
hans, er bent á Krabbameinsfélagið.
Andrea Guðmundsdóttir,
Sjöfn Inga Kristinsdóttir, Helgi Guðmundsson,
Erling Svanberg Kristinsson, Anna Björg Þormóðsdóttir,
Svava Valgerður Kristinsdóttir, Sigurður Ingimarsson,
Guðmundur Ingi Kristinsson, Hulda Margrét Baldursdóttir,
Kristinn Andrés Kristinsson,
Þórunn Jóna Kristinsdóttir, Einar Magnússon,
barnabörn og barnabarnabörn.