Morgunblaðið - 12.07.2003, Blaðsíða 16

HÖFUÐBORGARSVÆÐIÐ
16 LAUGARDAGUR 12. JÚLÍ 2003 MORGUNBLAÐIÐ
MINNISVARÐI um horfna, eftir
listakonuna Rúrí, rís í Gufu-
neskirkjugarði um þessar mundir.
Heimir Janusarson, aðstoðargarð-
yrkjustjóri Kirkjugarða Reykjavík-
urprófastsdæma, segir að verkið sé
staðsett á hægri hönd þegar komið
sé inn í garðinn og það sé nánast í
miðjum garðinum.
„Verkið er ekki tilbúið. Það er
búið að reisa smáhýsi utan um það
og síðan kemur mikil hellulögn
þarna í kring. Hellulögnin er mikil
og flókin, en munstrið er völund-
arhús sem sýnir þroskaleið manns-
ins. Það verður ekki unnið í hellu-
lögninni fyrr en það fer að hægjast
um í sumarverkunum í september,“
bendir hann á.
Hann segir að minnisvarðinn
sjálfur sé úr graníti og unninn í
Kína. Granítið var sagað þar niður
eftir hönnun og undir eftirliti Rúrí-
ar. Alls voru um 40 tonn af grjóti
söguð til í Kína og flutt með gámi
hingað til lands. „Síðan kemur í
þetta mikil lýsing. Þetta er allt
mjög spennandi. Ég er að láta mig
dreyma um að verkið verði tilbúið í
lok september. Við ætluðum að
reyna að klára þetta fyrir vorið en
þá brast á með vorverkum áður en
maður vissi af og við náðum ekki að
klára þetta.“
Fyrsta listaverkið
í Gufunesgarði
Að sögn Heimis voru nokkrir
listamenn valdir til að koma með
tillögur og dómnefnd valdi síðan til-
lögu Rúríar úr þeim. Nokkur lista-
verk prýða Fossvogskirkjugarð og
garðinn í Suðurgötu, en engin
Gufunesgarðinn. Í Fossvogs-
kirkjugarði eru til dæmis minn-
isvarði um óþekkta sjómanninn og
minningaröldur um þá sem hafa
drukknað og ekki fundist, en í Suð-
urgötu er minnisvarði um franska
sjómenn. „Það er ekkert enn hér í
Gufunesgarði og kominn tími til.
Nú er Gufunesgarðurinn að verða
stóri garðurinn. Hér bætast um 500
grafir á ári og það pláss sem eftir
er á að duga okkur í 12–15 ár í við-
bót,“ segir hann.
Athvarf þeirra sem vilja
minnast horfinna aðstandenda
Verk Rúríar verður um 170 m² að
flatarmáli, rúmir 13 metrar á hlið
og hæðin um 3 metrar, unnið úr
graníti. Innan ferhyrndrar stétt-
arinnar verður hringlaga völund-
arhús. Eftir því má feta veginn að
miðju hringsins þar sem rís hátt
hlið, eða skáli, en þak þess verður
um 2,20 metra frá jörðu að inn-
anverðu. Gat verður í þakinu, þar
sem ljós leikur um, og í þakrönd-
inni verður glersteinn sem varpar
birtu um svæðið. Þegar rökkvar
lýsist verkið upp og birta streymir
um opið. Umhverfis völundarhúsið
verður einnig lýsing sem lifnar við
er rökkva tekur. Undir hliðinu
verður ferhyrndur steinn og utan
þess sætisbekkir, þar sem gestir
geta tyllt sér. Utan völundarhúss-
ins verða svo steinar og á þá verða
grafin nöfn þeirra sem hafa horfið.
Þannig verður staðurinn athvarf
þeirra sem vilja minnast aðstand-
enda og vina sem hafa horfið, en
eiga sér engan legstað.
Minnis-
varði um
horfna rís í
Gufunes-
kirkjugarði
Morgunblaðið/Arnaldur
Minnisvarðinn verður athvarf
þeirra sem vilja minnast aðstand-
enda og vina sem hafa horfið, en
eiga sér engan legstað.
Gufunes
BÆJARRÁÐ Kópavogs samþykkti á fundi sínum á mið-
vikudaginn að fela bæjarstjóra að undirrita viljayfirlýs-
ingu um byggingar 480 íbúða og gatnagerð í landi Lund-
ar í Fossvogsdal.
Fulltrúar Sjálfstæðis- og Framsóknarflokks sam-
þykktu viljayfirlýsinguna en fulltrúi Samfylkingarinnar
greiddi atkvæði gegn henni.
Lundarsvæðinu var úthlutað til ábúðar árið 1945 og
gerður var erfðafestusamningur við ábúendur. Nokkrar
deilur voru innan bæjarráðs um túlkun samningsins og
hvort að hann jafngilti eignarrétti á jörðinni. Fulltrúi
Samfylkingarinnar í bæjarráði, Flosi Eiríksson, lét bóka
á fundinum að hann væri ósammála þeim skilningi að
erfðafestusamningnum fylgdi eignarréttur, réttindi ábú-
enda væru til að reka landbúnað og skylda starfsemi en
annað ekki. Kópavogsbær keypti svæðið af ríkinu 1968
og þannig er Kópavogsbær nú að greiða fyrir land sem
hann hefur þegar greitt fyrir með réttinum til að byggja
íbúðir á svæðinu, að mati Flosa.
Hann sagði í samtali við Morgunblaðið að það væri
ekki rétt að erfingjarnir ættu landið. „Þeir eiga aftur á
móti réttinn á að búa á landinu og hann er eign og þeir
eiga að fá eðlilegt gjald fyrir það. Bærinn hefur hins veg-
ar ákveðið að segja að þau eigi landið. Við erum í raun og
veru að afhenda erfingjunum verðmæti og mér finnst
þetta skrýtin meðferð á almannafé,“ sagði Flosi.
Bærinn ekki að kaupa landið
Meirihlutinn lét bóka á fundinum að bærinn greiddi
ekki neitt fyrir landið og að erfðafesta væri nytjaréttur
sem túlkast samkvæmt lögum sem ígildi landeignar.
Gunnar Birgisson, fulltrúi Sjálfstæðisflokks í bæjar-
ráði, sagði í samtali við Morgunblaðið að það væri ekki
rétt að bærinn væri að kaupa landið af erfingjunum.
„Erfðafestusamningur jafngildir eignarrétti og því til
staðfestingar eru fjölmörg lögfræðiálit og hæstaréttar-
dómar,“ sagði Gunnar og bætti við að það væri ekkert
nýtt að minnihlutinn væri á móti slíkum tillögum.
„Allt síðan ég byrjaði í bæjarstjórn fyrir 13 árum hefur
vinstriminnihluti Kópavogs nær ævinlega verið á móti
öllum hugsanlegum breytingum á deiliskipulagi eða að-
alskipulagi bæjarins. Ég tel þessar aðferðir minnihlut-
anum ekki til mikils framdráttar.“
Viljayfirlýsing um byggingu
á Lundarsvæðinu samþykkt
Kópavogur
Morgunblaðið/Arnaldur
Á Lundarsvæðinu í Kópavogi munu rísa átta háhýsi
með um 480 íbúðum. Framkvæmdir hefjast um áramót.
REYKJAVÍKURBORG hefur í hví-
vetna farið að lögum og ákvæðum
kjarasamninga varðandi kjör starfs-
manna leikskóla sem lokað er vegna
sumarleyfa, að sögn Birgis Björns
Sigurjónssonar, forstöðumanns hjá
Reykjavíkurborg. Eins og fram hef-
ur komið hefur ríkt óánægja meðal
þeirra starfsmanna leikskóla sem
missa laun vegna sumarlokana leik-
skóla, þar sem viðkomandi hafa ekki
unnið nægilega lengi til að ávinna sér
fullan orlofsrétt og hefur þeim einnig
verið neitað um atvinnuleysisbætur.
,,Það er okkur mikilvægt að fara
vel með okkar starfsfólk og það hall-
ar ekkert á það í þessu máli,“ segir
Birgir Björn. „Sumarlokanir leik-
skóla hafa verið tíðkaðar bæði hér í
Reykjavík og í mörgum öðrum sveit-
arfélögum í langan tíma. Þegar
starfsmenn eru ráðnir er þeim gerð
grein fyrir þessu með löngum fyr-
irvara,“ segir hann.
Hann bendir á að í mörgum til-
fellum hafi starfsmenn leikskóla sem
hér um ræðir áður fengið uppgert
orlof við starfslok hjá fyrri vinnu-
veitanda áður en þeir komu til starfa
á leikskóla.
„Þessi framkvæmd er að öllu leyti
í samræmi við 9. grein orlofslaganna
[lög nr. 30/1987] og hefur þetta verið
gert með þessum hætti um áratuga-
skeið. Það er enginn ágreiningur á
milli okkar og Félags leikskólakenn-
ara og annarra stéttarfélaga sem
málið varðar um að þetta styðst við
lög og venjur. Það sama gildir um
sumarlokanir fyrirtækja,“ segir
hann.
Sjaldgæft að skólafólk sé ráðið
í fáeinar vikur fyrir lokanir
Birgir Björn bendir einnig á vegna
umræðunnar að undanförnu að
mörgum finnist ósanngjarnt að
starfsmenn sem nýkomnir eru úr
skóla og eiga þess vegna engan or-
lofsrétt skuli missa laun við sumar-
lokanirnar. Hann segir hins vegar
afar sjaldgæft ef þess væru þá nokk-
ur dæmi að fólk, sem er nýkomið úr
skóla, sé ráðið til starfa í eina til tvær
vikur fyrir sumarlokanir leikskól-
anna.
„Ég get hins vegar vel skilið að
fólk sem er orðið launalaust í hluta af
júlímánuði banki upp á hjá Vinnu-
miðlun og vilji fá atvinnu og hjá At-
vinnuleysistryggingasjóði og óski
eftir að fá atvinnuleysisbætur. Eins
og landslögin eru þá á þetta fólk ekki
rétt á bótum,“ segir hann.
Birgir Björn Sigurjónsson
um sumarlokanir leikskóla
Farið að lögum
og kjarasamn-
ingum í hvívetna