Morgunblaðið - 12.07.2003, Blaðsíða 17
AKUREYRI
MORGUNBLAÐIÐ LAUGARDAGUR 12. JÚLÍ 2003 17
Fæst í Kirkjuhúsinu Laugavegi 31, Reykjavík,
Shellstöðinni v/Hörgárbraut, Akureyri,
Litla húsinu, Strandgötu 13B, Akureyri og í
Radíovinnustofunni Kaupangi Akureyri.
Verð kr. 200
Einnig fylgja með afnot af veiðihúsinu
Flúðaseli í Fnjóskadal.
Tilboðum skal skila
fyrir 15. ágúst 2003.
Stjórn Veiðifélags Fnjóskár áskilur sér
allan rétt til að taka hvaða tilboði sem
er eða hafna öllum.
Lax- og silungsá til leigu
Auglýst er eftir tilboðum
í lax- og silungsveiði
Fnjóskár
í Suður-Þingeyjarsýslu,
frá árósum fram að
ármótum Bakkaár.
Nánari upplýsingar gefur formaður Veiðifélags Fnjóskár, Jón Þ. Óskarsson,
Illugastöðum, Fnjóskadal, 601 Akureyri, sími 462 6199.
Leigan skal miðast við næstu fjögur ár, 2004-2007
ALFREÐ Steinþórsson hljóp við fót
niður stigann á dvalarheimilinu
Kjarnalundi við Akureyri í gær.
Niðri í borðstofu, kaffi og með því.
Hann var á leið í 100 ára afmælið
sitt.
Léttur á fæti, hárið á sínum stað,
en heyrnin eitthvað farin að gefa sig
sem og sjónin. „Ég fer út að ganga á
hverjum degi,“ segir hann og í ljós
kemur að gönguferðirnar um
Kjarnaskóginn og næsta nágrenni
Kjarnalundar eru þetta tvær til
þrjár á dag. Enda telur Alfreð ekki
ólíklegt að rekja megi langlífið til
þess hve hann hefur alla tíð verið
duglegur að hreyfa sig. „Ég hef allt-
af verið heilsugóður, var reyndar
svolítið magaveikur sem barn, en
annars hef ég alltaf verið hraustur.
Og duglegur að hreyfa mig, ætli það
skipti ekki máli,“ segir Alfreð.
Hann fæddist að Hömrum við Ak-
ureyri 11. júlí 1903, en foreldrar
hans komu úr Hörgárdalnum, móðir
hans Helga Stefánsdóttir var frá
Myrká og Steinþór Þorsteinsson
faðir hans frá Öxnhóli. Þau stunduðu
búskap á Hömrum en þar bjó Alfreð
til 24 ára aldurs. Þá flutti hann í
Lækjargötu 6 á Akureyri og ein-
hverjum árum síðar færði hann sig
ofurlítið um set, kom sér upp heimili
að Spítalavegi 21 ásamt konu sinni,
Fjólu Stefánsdóttur en þau eign-
uðust þrjár dætur. Alferð er ekki
maður mikilla breytinga, hann átti
heima á Spítalaveginum allt þar til
hann flutti inn á Kjarnalund þar sem
hann hefur dvalið í á þriðja ár. „Ég
vann við allt mögulegt, ef einhverja
vinnu var að hafa, þetta var nú ansi
stopult,“ segir hann „en svo kom
blessað stríðið og þá var nóg að gera,
mikil vinna út um allt og maður var
bara í öllu.“
Hestar hafa átt hug Alfreðs um
langa hríð „og þeir voru helsta
skemmtunin sem maður hafði.“ Al-
freð reið með hópi hestamanna suð-
ur á Þingvöll sumarið 1950, en þar
var haldið landsmót. Þaðan var svo
farið til Reykjavíkur og er það í eina
skiptið sem Alfreð hefur heimsótt
höfuðborgina, „ætli maður fari nú
aftur úr þessu. Nei, ég hef ekki farið
langt um ævina,“ segir hann en er
sáttur við veruna norðan heiða, hef-
ur ekki þurft að sækja neitt lengra.
Alfreð segir óskaplega miklar breyt-
ingar hafa orðið í þjóðfélaginu frá
því hann var ungur drengur heima á
Hömrum fyrir heilli öld og flest orð-
ið til batnaðar. Nefnir þó ekkert sér-
stakt og enginn viðburður er honum
minnisstæðari en annar, þó margt
hafi vissulega gerst á löngum tíma.
„Annars finnst mér nú dagurinn í
dag vera svipaður og dagurinn í
gær,“ segir Alfreð.
Alfreð Steinþórsson í Kjarnalundi 100 ára í gær
Morgunblaðið/Margrét Þóra
Alfreð Steinþórsson fagnaði 100 ára afmæli sínu í gær í faðmi fjölskyld-
unnar, en hér er Helga, dóttir hans, að lesa fyrir hann afmæliskveðju.
Ekki far-
ið langt
um ævina
ÞORSTEINN Pétursson, lögreglu-
maður á Akureyri, ljáði máls á því
fyrir skömmu að þörf væri á því að
komið yrði á fót skipaminjasafni á
Akureyri.
Guðbrandur Sigurðsson, fram-
kvæmdastjóri Útgerðafélags Akur-
eyringa, sagði að hugmyndin væri
góð og eðlilegast væri að hér yrði
togarasafn.
„Við höfum reynt að halda til
haga ýmsum hlutum og látið iðn-
aðarsafnið fá það merkilegasta sem
hægt er að halda utan um. Vanda-
málið við skipaminjasafn sem þetta,
væri að þetta yrði svo rosalega dýrt
í rekstri. Það er enginn staður á Ís-
landi betur til þess fallinn að gera
eitthvað á þennan hátt. En ég get
ekki fyrir hönd fyrirtækisins lofað
einhverjum fjármunum í slíkt verk-
efni. Við myndum samt vera mjög
áhugasöm um að koma einhverjum
hlutum í safnið. Það yrði meirihátt-
ar mál að vera með stórt skip í safn-
inu, sérstaklega ef það væri á floti.
Það er samt alveg sorglegt að sjá
þegar skemmtiferðaskipin koma
hingað og fylgjast með þegar ferða-
mennirnir fara beint upp í rútu sem
keyrir þau á Mývatn. Hér er alltof
lítið aðdráttarafl fyrir ferðamenn,
það er ekkert til að stoppa þetta
gegnumstreymi sem er hérna í
gegn en þetta gæti verið einn þátt-
ur í því,“ sagði Guðbrandur.
Má ekki alltaf henda
öllu sem gamalt er
Jakob Björnsson, formaður bæj-
arráðs, sagði að hugmyndin væri
áhugaverð en kostnaður væri senni-
lega mjög mikill.
„Menn verða að passa sig á því að
henda ekki alltaf öllu sem gamalt
er. Það er löng útgerðar- og sjó-
sóknarsaga á Akureyri og í Eyja-
firði, svo hugmyndin sem slík er
áhugaverð. Við erum með Minja-
safn sem nýtur vinsælda og ein-
hverjir eru að gæla við hugmynd
um búvélasafn og fleira. Það þarf
mjög mikið pláss undir slíkt safn og
allt viðhald yrði mikið, sérstaklega
ef það yrði utandyra. Það er samt
ljóst að allt svona nýtist heimaaðil-
um til dæmis við kennslu í skól-
unum við að uppfræða nýjar kyn-
slóðir um það sem á undan er
gengið og einnig þá sem heimsækja
okkur. Ég veit ekki til þess að það
hafi verið fjallað um þessa hugmynd
með einhverjum formlegum hætti,
en hugmyndin er mjög áhugaverð.
Hún er þess eðlis að hún tengist
menningartengdri ferðamennsku,
sem bæjarstjórn hefur haft áhuga á
að geta stutt við bakið á. Við mynd-
um skoða þetta með jákvæðum
huga og sjá í hverju þetta fælist ef
fram kæmi,“ sagði Jakob.
Hugmynd um
skipaminjasafn
Áhuga-
verð en
kostnað-
arsöm
STJÓRN Eyþings, sambands
sveitarfélaga í Eyjafirði og
Þingeyjarsýslum hefur sam-
þykkt ályktun þar sem skorað
er á heilbrigðisráðherra að aug-
lýsa á ný starf forstjóra Lýð-
heilsustöðvar og taka í þeirri
auglýsingu af skarið með að
stofnunin verði staðsett á Akur-
eyri. „Með því móti getur ráð-
herra bundið enda á þá óvissu
sem einkennt hefur stofnun og
staðsetningu stofnunarinnar og
þá ekki síst ráðningu forstjóra
hennar. Öllum er fyrir bestu að
gengið sé hreint til verks svo
enginn þurfi lengur að velkjast í
vafa. Fordæmi eru fyrir endur-
auglýsingu af þessu tagi,“ segir í
ályktun stjórnar Eyþings um
Lýðheilsustöð.
Eyþing um
Lýðheilsustöð
Starfið
verði aug-
lýst að nýju
Framfarafélag Dalvíkurbyggðar
efnir til félagsfundar á kaffihúsinu
Sogni annað kvöld, sunnudags-
kvöldið 13. júlí kl. 20.30. Aðalmál
fundarins verða málefni ungs fólks
í Dalvíkurbyggð.
Bjarni Gunnarsson æskulýðs-
fulltrúi segir frá starfsemi á veg-
um sveitarfélagsins og Katrín
Ingvarsdóttir nemandi segir frá
för sinni á æskulýðsráðstefnu í
Svíþjóð þar sem fjallað var um
æskuna og lýðræðið. Að lokum
verða umræður um málefnið og
fólki gefst kostur á að bera fram
spurningar og koma með ábend-
ingar.
Á MORGUN
HÉRAÐSDÓMUR Norðurlands
eystra hefur dæmt karlmann á þrí-
tugsaldri í 30 daga fangelsi, skilorðs-
bundið til tveggja ára. Hann var
ákærður ásamt tveimur piltum fyrir
að hafa í sameiningu og í þjófnaðar-
skyni brotist inn í lyfjageymslu tog-
ara sem lá við bryggju á Siglufirði í
þeim tilgangi að stela þar m.a. lyfj-
um.
Játaði maðurinn háttsemi sína og
þótti brot hans nægilega sannað.
Eftir að ákæra var gefin út greiddi
maðurinn einn þriðja hluta þess
tjóns sem varð á innbrotsstað.
Manninum var gert að greiða sak-
arkostnað.
Héraðsdómur
Norðurlands eystra
Ætluðu að
stela lyfjum
NÆR allir ökumenn sem leið áttu
um Skarðshlíð við Undirhlíð á
meðan á könnun umferðarfulltrúa
Slysavarnafélagsins Landsbjargar
stóð á fimmtudag óku yfir sekt-
armörkum. Þarna er svonefnt 30
kílómetra hverfi en samkvæmt
könnuninni óku 95% ökumanna of
hratt. Langflestir óku á 40 til 55
kílómetra hraða þar sem leyfilegur
hámarkshraði er 30 kílómetrar á
klukkustund.
Allir 6 umferðarfulltrúar Slysa-
varnafélagsins Landsbjargar voru
að störfum á Akureyri fyrir helgi,
en á fimmtudag gerðu þeir um-
ferðarkannanir víða um bæinn þar
sem þeir könnuðu bílbeltanotkun,
öryggisbúnað barna í bílum, öku-
hraða og notkun á handfrjálsum
búnaði svo eitthvað sér nefnt. Í
gær var sjónum beint að öryggis-
málum við hafnir á svæðinu.
Þegar fulltrúarnir könnuðu
ástandið á gatnamótum Byggða-
vegar og Þingvallastrætis kom í
ljós að flestir ökumenn nota bíl-
belti, en þó höfðu 97 ökumenn af
720 ekki haft fyrir því að spenna á
sig öryggisbelti.
Nokkur misbrestur var á að öku-
menn notuðu stefnuljós og eins sáu
nokkrir ekki ástæðu til að stöðva
við stöðvunarskyldumerki, en
flestir fóru þó skilmerkilega eftir
umferðarlögum.
Hraða- og stefnuljósakönnun var
gerð á gatnamótum Glerárgötu og
Geislagötu og náði hún til 267 bíla.
Í ljós kom að 37% ökumanna
keyrðu yfir sektarmörkum. Þannig
mældust tæplega 100 ökumenn á
50–80 kílómetra hraða. Í almennri
umferðarkönnun sem gerð var á
Drottningarbraut kom í ljós að
98% ökumanna sem könnunin náði
til voru með öryggisbelti spennt.
Spurt var hvort ökumaður ætti
farsíma en þeirri spurningu svör-
uðu 88% þátttakenda játandi, en
hins vegar notuðu einungis 44%
þeirra handfrjálsan búnað við
akstur. Örlítið færri, eða 39%,
sögðust ekki nota slíkan búnað við
akstur en aðrir svöruðu ekki. Eins
kom í ljós að 60% ökumanna höfðu
lent í umferðaróhappi á ökuferl-
inum, þar af hafði verið um alvar-
legt umferðarslys að ræða í 6% til-
vika.
Umferðarfulltrúar Slysavarnafélagsins Landsbjargar
Morgunblaðið/Ásgrímur Örn
Sex umferðarfulltrúar voru á Akureyri við umferðareftirlit.
Nær
allir óku
of hratt