Morgunblaðið - 12.07.2003, Blaðsíða 33
MESSUR/KIRKJUSTARF
MORGUNBLAÐIÐ LAUGARDAGUR 12. JÚLÍ 2003 33
ÁSKIRKJA: Lagt upp í árlega safn-
aðarferð frá Áskirkju kl. 9.30. Guðsþjón-
usta í Strandarkirkju, Selvogi, kl. 11.
Árni Bergur Sigurbjörnsson prédikar. Kór
Áskirkju syngur. Organisti Kári Þormar.
Hádegisverður snæddur á Selfossi, síð-
an haldið að Sólheimum í Grímsnesi og
staðurinn skoðaður. Árni Bergur Sig-
urbjörnsson.
BÚSTAÐAKIRKJA: Guðsþjónusta kl. 11.
Pálmi Matthíasson.
DÓMKIRKJAN: Messa kl. 11. Sr. Jakob
Á. Hjálmarsson prédikar. Organisti er
Guðný Einarsdóttir og sönghópur úr
Dómkórnum syngur.
GRENSÁSKIRKJA: Guðsþjónusta kl. 11.
Kirkjukór Grensáskirkju syngur. Org-
anisti Ástríður Haraldsdóttir. Sr. Hreinn
S. Hákonarson.
GRUND, dvalar- og hjúkrunarheimili:
Guðsþjónusta kl. 10.15. Organisti Kjart-
an Ólafsson. Sr. Kjartan Örn Sig-
urbjörnsson.
HALLGRÍMSKIRKJA: Messa kl. 11. Sr.
Sigurður Pálsson prédikar. Hópur úr
Mótettukór syngur. Organisti Hörður Ás-
kelsson.
HÁTEIGSKIRKJA: Messa kl. 11. Org-
anisti Douglas A. Brotchie. Sr. Helga
Soffía Konráðsdóttir.
LANGHOLTSKIRKJA: Kirkja Guðbrands
biskups. Lesmessa kl. 11 í umsjón sr.
Maríu Ágústsdóttur, héraðsprests. Kaffi-
sopi eftir stundina. Langholtskirkja verð-
ur lokuð í júlí vegna sumarleyfa starfs-
fólks. Sr. Pálmi Matthíasson,
sóknarprestur Bústaðakirkju, þjónar
Langholtsprestakalli í júlímánuði.
LAUGARNESKIRKJA: Vegna sumarleyfa
starfsfólks er bent á guðsþjónustur í ná-
grannakirkjunum.
NESKIRKJA: Messa kl. 11. Kór Nes-
kirkju syngur. Organisti Reynir Jón-
asson. Prestur sr. Frank M. Hall-
dórsson.
SELTJARNARNESKIRKJA: Bæna- og
kyrrðarstund kl. 11. Ritningarlestur og
bæn. Umsjón Jóhanna Guðjónsdóttir
guðfræðingur.
FRÍKIRKJAN í Reykjavík: Frá og með
29. júní til loka júlímánaðar verða ekki
almennar guðsþjónustur á sunnudög-
um. Kirkjan verður samt opin fyrir allar
aðrar athafnir í allt sumar. Nánari upp-
lýsingar er hægt að nálgast í símum
552-7270 og 899-4131. Einnig er hægt
að senda fyrirspurn á netfangið: hjort-
urm@frikirkjan.is
ÁRBÆJARKIRKJA: Guðsþjónusta kl. 11.
Sr. Sigurjón Árni Eyjólfsson þjónar fyrir
altari. Kórinn leiðir söng undir stjórn
Gróu Hreinsdóttur organista. Molasopi
að guðsþjónustu lokinni. Prestarnir.
BREIÐHOLTSKIRKJA: Guðsþjónusta kl.
11. Sr. Lilja Kristín Þorsteinsdóttir
messar. Organisti: Sigrún Þórsteins-
dóttir.
DIGRANESKIRKJA: Sameiginleg kvöld-
messa Digranes- og Lindakirkju kl.
20.30. Sr. Gunnar Sigurjónsson. Þor-
steinn Haukur Þorsteinsson sér um tón-
listarflutning (sjá nánar: www.digra-
neskirkja.is).
FELLA- OG HÓLAKIRKJA: Kvöldguðs-
þjónusta kl. 20. Sr. Guðmundur Karl
Ágústsson.
Organisti: Jón Ólafur Sigurðsson. Fé-
lagar úr kór kirkjunnar leiða almennan
kirkjusöng.
GRAFARVOGSKIRKJA: Guðsþjónusta kl.
11. Séra Anna Sigríður Pálsdóttir pré-
dikar og þjónar fyrir altari. Kór Graf-
arvogskirkju syngur. Organisti: Hörður
Bragason.
HJALLAKIRKJA: Guðsþjónustur falla nið-
ur í júlímánuði og fram yfir versl-
unarmannahelgi vegna sumarleyfa
starfsfólks kirkjunnar. Bent er á helgi-
hald í öðrum kirkjum Kópavogs. Við
minnum á bæna- og kyrrðarstundir á
þriðjudögum kl. 18 (sjá einnig á heima-
síðu Hjallakirkju: www.hjallakirkja.is ).
Prestarnir.
KÓPAVOGSKIRKJA: Fyrsta guðsþjónusta
að loknu sumarleyfi sóknarprests verður
um verslunarmannahelgina, 3. ágúst,
kl. 11. Kirkjan er opin á hefðbundnum
opnunartímum og kirkjuvörður aðstoðar
fólk og veitir upplýsingar. Sr. Ægir Fr.
Sigurgeirsson.
SELJAKIRKJA: Kvöldguðsþjónusta er
sunnudag kl. 20. Altarisganga. Sr. Val-
geir Ástráðsson prédikar. Organisti er
Bjartur Máni Guðnason. Sóknarprestur.
ÍSLENSKA KRISTSKIRKJAN: Samkoman
fellur niður vegna útilegu kirkjunnar í
Húsafelli þessa helgi.
BOÐUNARKIRKJAN, Hlíðasmári 9, Kóp:
Samkomur alla laugardaga kl. 11.
Bænastund alla þriðjudaga kl. 20. Bibl-
íufræðsla allan sólarhringinn á Útvarp
Boðun FM 105,5. Allir alltaf velkomnir.
HJÁLPRÆÐISHERINN: Sunnudagur:
Hjálpræðissamkoma kl. 20. Umsjón
majór Elsabet Daníelsdóttir.
FRÍKIRKJAN KEFAS, Vatnsendabletti
601: Sunnudaginn 13. júlí er samkoma
kl. 20. Helga R. Ármannsdóttir talar.
Lofgjörð og fyrirbænir. Barnagæsla fyrir
1–7 ára börn á samkomutíma. Kaffi og
samfélag eftir samkomu. Allir eru hjart-
anlega velkomnir.
FÍLADELFÍA: Laugardagur 12. júlí:
Bænastund kl. 20. Kristnir í bata kl.
21. Sunnudagur 13. júlí: Almenn sam-
koma kl. 20. Vörður Leví Traustason
predikar. Niðurdýfingarskírn. Gospelkór
Fíladelfíu sér um lofgjörðina. Allir hjart-
anlega velkomnir.
VEGURINN: Kennslan um Trú heldur
áfram. Jón G. Sigurjónsson kennir,
kennt er kl. 10 og síðan endurtekið kl.
19. Allir velkomnir
KAÞÓLSKA KIRKJAN:
Reykjavík – Kristskirkja í Landakoti,
dómkirkja og basilíka: Sunnudaga:
Messa kl. 10.30. Messa á ensku kl.
18. Alla virka daga: Messa kl. 18. Alla
miðvikudaga er rósakransbænin að
kvöldmessu lokinni.
Reykjavík – Maríukirkja við Raufarsel:
Sunnudaga: Messa kl. 11. Laugardaga:
Messa á ensku kl. 18.30. Virka daga:
Messa kl. 18.30.
Riftún í Ölfusi: Sunnudaga: Messa kl.
16. Miðvikudaga kl. 20.
Hafnarfjörður – Jósefskirkja: Sunnu-
daga: Messa kl. 10.30.
Karmelklaustur: Sunnudaga: Messa kl.
8.30. Virka daga: Messa kl. 8.
Keflavík – Barbörukapella: Skólavegi
38: Sunnudaga: Messa kl. 14.
Stykkishólmur, Austurgötu 7: Alla virka
daga: Messa kl. 18.30. Sunnudaga:
Messa kl. 10.
Ísafjörður: Sunnudaga: Messa kl. 11.
Flateyri: Laugardaga: Messa kl. 18.
Bolungarvík: Sunnudaga kl. 16.
Suðureyri: Sunnudaga: Messa kl. 19.
Akureyri, Kaþólska kirkjan: Péturs-
kirkja, Hrafnagilsstræti 2: Laugardaga:
Messa kl. 18. Sunnudaga: Messa kl.
11.
LANDAKIRKJA í Vestmannaeyjum: Kl.
11. Guðsþjónusta og skírn. Uppbyggileg
stund í helgidómi Drottins, lofgjörð,
bæn og blessun fyrir alla fjölskylduna.
Komum og fögnum fyrir Guði í einfaldri
sumarguðsþjónustu. Kaffisopi á eftir í
safnaðarheimilinu. Sr. Kristján Björns-
son.
HAFNARFJARÐARKIRKJA: Morg-
unsöngur kl. 10.30. Ath. breyttan tíma.
Þema „Fjölmenning og kristin trú“.
Prestur sr. Þórhallur Heimisson. Org-
anisti Jón Ólafur Sigurðsson.
VÍÐISTAÐAKIRKJA í Hafnarfirði: Guðs-
þjónusta sunnudag kl. 20. Sönghóp-
urinn Rúdolf sér um tónlistarflutning.
Allir velkomnir. Sóknarprestur.
GARÐAKIRKJA: Fyrsta kvöldguðsþjón-
usta sumarsins í Garðakirkju er kl.
20.30. Gott er að ljúka helginni í glæsi-
legu umhverfi Garðaholts og í samfélagi
safnaðarins. Kirkjukórinn leiðir safn-
aðarsöng, en organisti er Hrönn Helga-
dóttir. Sr. Friðrik J Hjartar þjónar. Rúta
fer frá Vídalínskirkju kl. 20 og frá Hlein-
um kl. 20.10 og til baka að lokinni at-
höfn. Án sunnudaga væru aðeins vinnu-
dagar. Prestarnir.
KEFLAVÍKURKIRKJA: Dagur menning-
artengdrar ferðaþjónustu. Guðsþjónusta
kl. 11 árd. Kristján Pálsson, formaður
Ferðamálasamtaka Suðurnesja, talar.
Prestur: sr. Ólafur Oddur Jónsson. For-
söngvari: Steinn Erlingsson. Organisti:
Ester Ólafsdóttir. Meðhjálpari: Helga
Bjarnadóttir. 13. júlí er sérstakur kynn-
ingardagur menningartengdrar ferða-
þjónustu á Suðurnesjum. Keflavík-
urkirkja verður opin af þessu tilefni og
fólk fær bækling sem nefnist Skoðum
kirkjur á Suðurnesjum. Vert er að geta
þess að Keflavíkurkirkja er opin alla
virka daga árið um kring. Gengið er inn í
Kirkjulund Kirkjuteigsmegin, á bak við
kirkjuna. Sjá nánar undir tilkynningar í
vefriti Keflavíkurkirkju, keflavikurkirkja.is
BORGARPRESTAKALL: Messa í Borg-
arneskirkju kl 14. Messa í Borgarkirkju
kl 16. Sóknarprestur.
BAKKAKIRKJA í Öxnadal: Guðsþjónusta
verður laugardaginn 12. júlí kl. 14 í
tengslum við ættarmót Bakkaættar. Allir
hjartanlega velkomnir. Sóknarpretur.
AKUREYRARKIRKJA: Sumartónleikar kl.
17. Páll Óskar Hjálmtýsson og Monika
Abendroth. Aðgangur ókeypis. Kvöld-
messa kl. 20.30. Sr. Jóna Lísa Þor-
steinsdóttir. Tónlist: Páll Óskar og
Monika. Félagar úr Kór Akureyrarkirkju
syngja. Organisti Björn Steinar Sól-
bergsson.
EGILSSTAÐAKIRKJA: Messa kl. 11 í
umsjá sr. Cecils Haraldssonar. Organisti
Torvald Gjerde. 14. júlí (mánud.) Kyrrð-
arstund kl. 18. 17. júlí (fimmtud.) Tón-
listarstund kl. 18. Sóknarprestur.
VALÞJÓFSSTAÐARPRESTAKALL: Ás-
kirkja í Fellum: Messa kl. 11. Valþjófs-
staðarkirkja. Messa kl. 16. Prófastur
Múlaprófastsdæmis, sr. Sigfús J. Árna-
son, sóknarprestur á Hofi í Vopnafirði,
heimsækir söfnuðina, prédikar og þjón-
ar fyrir altari ásamt sóknarprestinum,
Láru G. Oddsdóttur. Kórar Ás- og Val-
þjófsstaðarsókna syngja við messurnar
undir stjórn Kristjáns Gissurarsonar,
organista. Allir eru velkomnir í mess-
urnar.
SKÁLHOLTSDÓMKIRKJA: Messa verður
sunnudag 13. júlí kl. 17. Í messunni
verða fluttir þættir frá sumartónleikum
helgarinnar. Sóknarprestur.
HVERAGERÐISKIRKJA: Guðsþjónusta
kl. 14 í umsjá Félags fyrrverandi sókn-
arpresta. Sr. Ólafur Skúlason biskup
prédikar. Elín Ósk Óskarsdóttir syngur
einsöng. Organisti Kjartan Ólafsson.
Ath! Brottför frá Neskirkju í Reykjavík kl.
12.45. Félag fyrrverandi sóknarpresta.
VILLINGAHOLTSKIRKJA: Reglubundin
messa nk. sunnudag fellur niður vegna
endurbóta á kirkjunni. Sóknarprestur.
SAFNKIRKJAN Í ÁRBÆ: Messa nk.
sunnudag kl. 14. Organisti Sigrún Stein-
grímsdóttir. Almennur safnaðarsöngur.
Einstakt tækifæri til að leyfa börnum að
upplifa látlaust helgihald í gamalli ís-
lenskri torfkirkju. Kristinn Ág. Friðfinns-
son.
ÞINGVALLAKIRKJA: Messa nk. sunnu-
dag kl. 14. Sr. María Ágústsdóttir hér-
aðsprestur þjónar í forföllum setts Þing-
vallaprests, sr. Kristins Ág.
Friðfinnssonar. Organisti: Guðmundur
Vilhjálmsson. Almennur safn-
aðarsöngur.
Guðspjall dagsins:
Verið miskunnsamir.
(Lúk. 6.)
Morgunblaðið/Sverrir
Kotstrandarkirkja.
EINS og undanfarna sunnudaga
á þessu sumri verður þema
morgunsöngs í Hafnarfjarð-
arkirkju tengt siðfræðilegri um-
ræðu í samfélaginu.
Morgunsöngurinn hefst kl.
10.30. Að þessu sinni verður
fjallað um hið nýja fjölmenning-
arlega samfélag sem er í mótun á
Íslandi. Spurt verður um merk-
ingu hugtaksins fjölmenning og
hvaða kröfur það gerir til okkar
sem borgara í landinu. Hvað felst
í því að vera Íslendingur í dag?
Einnig verður spurt um stöðu
kristinnar trúar og menningar í
umróti samtímans og þau tæki-
færi sem fjölmenningarlegt sam-
félag felur í sér fyrir kirkjuna.
Prestur er sr. Þórhallur Heim-
isson en organisti Jón Ólafur Sig-
urðsson. Þetta er síðasti þema-
morgunn sumarsins.
Messa og hátíð
í Viðey
SUNNUDAGINN 13. júlí verður
sérstakur fjölskyldudagur í Við-
ey eftir hádegi.
Boðið er upp á siglingu frá
Reykjavíkurhöfn og er lagt af
stað frá smábátahöfninni fyrir
neðan Hafnarbúðir kl. 13.30.
Siglt er um Sundin og séra Þórir
Stephensen fyrrum staðarhaldari
í Viðey og dómkirkjuprestur
fræðir gesti um markverð kenni-
leiti á leiðinni. Siglingin tekur
um hálfa klukkustund.
Einnig verður bátsferð frá
Klettsvör kl. 14.
Fjölmenning
og kristin trú
í Hafnar-
fjarðarkirkju
Hafnarfjarðarkirkja og Tónlistarskóli Hafnarfjarðar.
Um kl. 14.30 hefst helgistund í
Viðeyjarkirkju. Söngfélagar úr
Dómkórnum leiða sönginn. Org-
anisti verður Guðný Einarsdóttir.
Eftir helgistund í kirkjunni
verður Viðeyjarstofa skoðuð og
gestir fræðast um sögu Viðeyjar.
Síðan verður leikið og sungið úti
á túni, grillað fyrir börnin en
boðið upp á kaffi og þjóðlegt
meðlæti fyrir fullorðna fólkið.
Brottför frá Viðey er kl. 16.30.
Kvöldguðsþjónustur
í Garðakirkju
Í SUMAR fer þunginn af helgi-
haldi Garðasóknar fram í Garða-
kirkju, en frá sunnudeginum 13.
júlí–17. ágúst verða kvöldguðs-
þjónustur í Garðakirkju kl. 20.30
alla dagana.
Það er gott að koma að Görð-
um í kvöldkyrrðinni og vel þess
virði að ganga um kirkjugarðinn.
Þar hefur farið fram mikið starf
á liðnum árum. Grjótgarður sem
afmarkar elsta hluta garðsins
hefur verið hlaðinn upp, lagðir
hafa verið stígar, auk alls þess
gróðurs sem plantað hefur verið
og frágangs.
Boðið verður upp á rútuferðir
frá Vídalínskirkju kl. 20 og frá
Hleinum kl. 20.10 og til baka að
lokinni athöfn.
Það ætti einnig að vera hent-
ugt fyrir skokkara, hjólreiðafólk,
göngu- og bíltúraunnendur,
þreytta sumarbústaðaeigendur
og fleiri að ljúka helginni í
Garðakirkju. Án sunnudaganna
væru allir dagar vinnudagar, en
það stríðir bæði á móti þörfum
fólks og þeirri skikkan skap-
arans að halda hvíldardaginn
heilagan.
Bæna- og kyrrðarstundir
verða eins og verið hefur í
Vídalínskirkju á fimmtudags-
kvöldum kl. 22. Bænarefnum má
koma til presta og djákna safn-
aðarins, en síminn í safn-
aðarheimilinu er 565 6380.
Þá má geta þess að opið hús er
á þriðjudögum í Safnaðarheim-
ilinu Kirkjuhvoli kl. 13–16. Þar
er spilað og spjallað. Dagblöð
liggja frammi og allir eru vel-
komnir.
Sr. Friðrik J. Hjartar.
Morgunblaðið/Sverrir
og amma hló mest. Alltaf stóð amma
á hlaðinu með opinn faðminn þegar
við komum í sveitina og alltaf fengum
við að sofa í ömmuherbergi á meðan á
heimsókn stóð.
Hún kenndi okkur bænirnar og
sagði okkur að fara með þær áður en
við sofnuðum. Svo kyssti hún mann
og strauk blíðlega um vanga. Við
sofnuðum aldrei með tóman maga því
amma var alltaf tilbúin að útbúa fyrir
okkur kvöldkaffi ef við báðum um og
raunar var svarið hjá henni alltaf já,
hver sem bónin var.
Nú er kominn tími til að kveðja
hana ömmu. Við munum sakna henn-
ar mikið og erum þakklátar fyrir all-
ar stundirnar sem við áttum með
henni og allt sem hún kenndi okkur
og munum áfram biðja bænirnar
okkar.
Vertu yfir og allt um kring
með eilífri blessun þinni.
Sitji guðs englar saman í hring,
sænginni yfir minni.
(Sig. Jónsson.)
Ömmustelpur
Berglind og Kolbrún.
Við hjónin sátum við kaffiborð í
eldhúsinu á Kirkjubóli að kvöldi dags
þegar við fórum síðast vestur fyrir
nokkrum árum. Talið barst m.a. að
vestfirsku hveitikökunum sem Aðal-
björg móðir mín og þær systur Ásdís
og Margrét bökuðu. „Þær voru alveg
einstakar þessar hveitikökur, engar
slíkar hef ég fengið síðan mamma dó
nema hér fyrir vestan,“ sagði ég.
Dísa frænka sat hljóð og hlýddi á
spjallið. Um morguninn heyrðist í
áhöldum úr eldhúsinu og þaðan barst
ljúfur ilmur. Dísa frænka, sem hafði
lítið sinnt eldhússtörfum eftir að ald-
urinn færðist yfir hana, stóð nú við
eldavélina og steikti hveitikökur af
miklu öryggi. Það var einn hnefi af
þessu og annar af hinu, dálítið af
þessu og svolítið af hinu. Nú var engu
gleymt þótt margt annað hefði farið
forgörðum í minninu. Hún vildi gefa
frænda sínum og konu hans allt hið
besta eins og alltaf með því að veita
heitar vestfirskar hveitikökur af
bestu gerð. Mikið voru þær ljúffeng-
ar.
Ræktun frændsemi og ættartengsl
ættfólks míns úr Dýrafirði og ná-
grenni var einstök. Ævintýraferðir
voru farnar vestur. Sigling um Ísa-
fjarðardjúp til Ísafjarðar, akstur að
Gemlufalli, sigling yfir til Þingeyrar
og ökuferð til Kirkjubóls. Síðan tóku
við daglegar heimsóknir á bæi eða
niður á Þingeyri því að víða var
frændfólk að finna. Svo var líka
stundum farið til Reykjavíkur og gist
hjá Margréti ömmusystur og Jóni á
Seljaveginum og þaðan haldið í heim-
sóknir á hverju kvöldi til ættingjanna
að vestan. Þessar heimsóknir voru
ekki það skemmtilegasta sem ungur
piltur fór í Reykjavík en þegar á full-
orðinsárin kom varð mér ljós mikil-
vægi þessarar heimsókna og frænd-
rækni. Frændgarðurinn er stór og
Dýrafjörðurinn tengir okkur saman.
Við köllum mörg hvert annað frænda
og frænkur þótt við séum skyld í
þriðja og fjórða lið. Tengslin voru svo
fléttuð saman með endalausum dýr-
firskum frásögum þeirra systra á
Akranesi og Vésteins móðurbróður
þegar þau sátu saman að spjalli.
Þannig myndaðist geislabaugur um
Dýrafjörð í minningunni sem hefur
verið þar ætíð síðan. Það voru og eru
forréttindi að vera ættaður að vestan.
Ásdís Bjarnadóttir var fulltrúi hins
besta úr systkinahópnum og úr
Dýrafirðinum. Hún stóð lengi fyrir
rekstri fjölmenns myndarheimilis
þar sem gestrisni var í hávegum höfð.
Hún virti fornar dyggðir og unni
landinu þar sem hún bjó. Þegar hún
kom í heimsókn til okkar og talið
barst að heimahögunum ljómaði and-
litið. Dísa var ræktarsöm við ætt-
ingjana og ljúf og hlý við okkur hjón-
in og börnin hvort sem hún kom í
heimsókn til okkar eða við komum
vestur sem var of sjaldan. Nú er
komið að leiðarlokum hennar og hún
hefur horft hinsta sinni yfir Kirkju-
bólsdalinn. Við Elín og börnin send-
um börnum Ásdísar, fjölskyldum
þeirra og Knúti frænda innilegar
samúðarkveðjur og vitum fyrir víst
að Guð tekur vel á móti Dísu frænku.
Þráinn Þorvaldsson.