Morgunblaðið - 14.07.2003, Blaðsíða 23

FRÉTTIR
MORGUNBLAÐIÐ MÁNUDAGUR 14. JÚLÍ 2003 23
Útsala
20-70% afsláttur
Bolir frá kr. 790
Kvartbuxur stærð 48-50.
Verð kr. 2.990
Opið virka daga frá kl. 10-18 • Laugardaga 10-16
Glæsibæ – Sími 562 5110
ALÞJÓÐLEG ráðstefna um núll-
frumlög verður haldin í stofu 101 í
Odda dagana 18.–19. júlí næstkom-
andi. Að ráðstefnunni standa Ís-
lenska málfræðifélagið, Hugvísinda-
stofnun Háskóla Íslands og Stofnun
Vigdísar Finnbogadóttur í erlendum
tungumálum. Fluttir verða fyrir-
lestrar um núllfrumlög í ýmsum
tungumálum en fyrirlesararnir koma
frá háskólum í Bretlandi, Svíþjóð,
Þýskalandi, Ítalíu, Ísrael, Kanada og
Kýpur.
Á heimasíðu ráðstefnunnar, http://
www.hugvis.hi.is/null, er að finna
dagskrá, útdrætti úr fyrirlestrum og
ýmsar aðrar upplýsingar um ráð-
stefnuna. Ráðstefnan er opin öllum
áhugamönnum um málfræði og það
eru engin þátttökugjöld, að því er
segir í fréttatilkynningu.
Núllfrumlög (e. null subjects)
nefnast frumlög sem ekki eru sýnileg
en eru samt hluti af setningunni að
því er virðist. Núllfrumlög eru algeng
í rómönskum málum, sbr. ítölsku
setninguna „Hanno telefonato“ sem í
beinni þýðingu er „Hafa hringt“ en
merkir „Þeir hafa hringt.“ Í íslensku
koma núllfrumlög m.a. fyrir í setn-
ingum eins og ’Má gefa dýrunum’?
eða í dagbókarstíl þar sem frumlag í
fyrstu persónu eintölu er undanskil-
ið, sbr. „Vaknaði snemma í morgun.“
Í tilkynningunni kemur fram að
það sé afar misjafnt eftir tungumál-
um hvers konar núllfrumlög eru
leyfð „en því hefur oft verið haldið
fram að núllfrumlög komi einkum
fyrir í málum með ríkulega sagn-
beygingu.“ Tengsl núllfrumlaga við
önnur málfræðileg fyrirbæri hafa
einnig verið athuguð en ekki hefur
fengist skýr niðurstaða úr þeim
rannsóknum, að því er segir í frétta-
tilkynningu.
Ráðstefna
um núll-
frumlög
Íslenska málfræði-
félagið
Lágafellskirkja. Bænastund í Lága-
fellskirkju kl. 20. Þórdís djákni þjón-
ar og tekur við bænarefnum í síma
691-8041 alla daga frá kl. 9–16. Al-
Anon-fundur í Lágafellskirkju kl. 21.
Borgarneskirkja. TTT-starf kl.
15.30–16.30.
Safnaðarstarf
FRAMKVÆMDIR eru hafnar við
gestastofu þjóðgarðsins Snæfells-
jökuls og menningarmiðstöð á
Hellnum. Þorsteinn Jónsson þróun-
arstjóri verkefnisins segir að í lok
þessa mánaðar muni fyrsti áfangi
safnasvæðisins verða opnaður með
gestastofu þjóðgarðsins og sýningu
á fágætum ljósmyndum frá svæðinu
undir jökli, allt frá Breiðuvík að
Hellissandi. Gestastofan og safnið
verða í enduruppgerðum útihúsum
á jörðinni Laugarbrekku, við hlið-
ina á Hellnakirkju, en í náinni fram-
tíð er gert ráð fyrir að fleiri safna-
hús verði byggð á svæðinu.
Siv Friðleifsdóttir umhverfis-
ráðherra og Guðlaugur Bergmann,
nágranni safnasvæðisins á Helln-
um, litu nú í vikunni við hjá Þor-
steini sem kynnti ráðherra fyrir-
hugaðar framkvæmdir, en
þjóðgarðurinn Snæfellsjökull fellur
einmitt undir ráðuneyti Sivjar.
Leist Siv sérlega vel á allar hug-
myndir Þorsteins og félaga hans og
sagði að gestastofan kæmi til með
að veita ferðamönnum mikilvægar
upplýsingar um þjóðgarðinn Snæ-
fellsjökul og kynna þeim alla þá
möguleika sem hann byði upp á.
Jón Líndal Magnússon bygging-
arverktaki sér um fyrsta áfanga
uppbyggingarinnar, en sjálfur hef-
ur Þorsteinn, ásamt börnum sínum,
tekið til hendinni við að hreinsa
húsin og meðal annars mokað út
gamla fjósið, en í því var um 20
sentimetra lag af skít. Aðkoman að
safninu verður prýdd hlöðnum
steinum úr grjótnámi á Vatnaleið,
en bræðurnir Benjamín og Guðjón
Kristinssynir af Ströndum sjá um
steinhleðsluna.
Morgunblaðið/Guðrún Bergmann
Siv Friðleifsdóttir kynnti sér fyrirhugaðar framkvæmdir með Þorsteini
Jónssyni þróunarstjóra og Guðlaugi Bergmann.
Gestastofa og menning-
armiðstöð á Hellnum
Hellnum. Morgunblaðið.
FRAKKAR og Íslendingar hafa tek-
ið höndum saman í samstarfsverk-
efni á sviði rannsókna og vísinda sem
kennt er við Jules Verne.
Tilgangur verkefnisins er að auð-
velda og þróa háþróað vísindasam-
starf milli rannsóknarteyma í báðum
löndunum og þar að auki að auðvelda
samstarf við önnur álíka verkefni í
Evrópu.
Að sögn Sébastien Nollet hjá
franska sendiráðinu í Reykjavík bár-
ust 23 umsóknir í vor, og var tíu
þeirra veittur styrkur. Verkefnin
segir hann öll mjög áhugaverð, og
sannarlega styrkja grunn vísinda-
rannsókna og samstarfs milli land-
anna tveggja.
Mikilvægt að gæta fjölbreytni
„Við val umsókna var þess gætt að
fjölbreytni ríkti, líkt og einkenndi
umsóknirnar sem bárust. Þrjú verk-
efni sem valin voru eru á sviði jarð-
vísinda, tvö á sviði orkumála, tvö á
sviði upplýsingatækni, og loks eitt úr
lífræði, úr stærðfræði og úr fé-
lagsvísindum,“ segir Sébastien.
Allar gerðir rannsókna, jafnt úr
hug-, félags- og raunvísindum, áttu
rétt á þátttöku í verkefninu. Rann-
sóknamiðstöð Íslands, Rannís, sá um
framkvæmd verkefnisins hér á landi
fyrir hönd menntamálaráðuneytis.
Upphaf samstarfs af þessu tagi
milli þjóðanna tveggja má rekja aft-
ur til ársins 1987, en var í fyrstu að-
eins á sviði jarðvísinda. Síðar hafa
opnast leiðir fyrir sífellt fleiri teg-
undir rannsókna. „Hvert nýtt verk-
efni tengir rannsakendur á Íslandi
og í Frakklandi betur saman, og get-
ur alið af sér ný verkefni og fleiri
möguleika. Þar af leiðir að íslenskir
rannsakendur geta tengst fjölda
annarra verkefna sem eru í gangi í
Frakklandi í samstarfi við aðrar
Evrópuþjóðir,“ segir Sébastien.
Jules Verne-samstarfsáætlunin
Mikilvæg tækifæri
fyrir rannsakendur
ÞÝSKA skútan Sy Quinte frá Ham-
borg kom til Neskaupstaðar ný-
lega. Í áhöfn skútunnar eru hjónin
Heike og Egon Klawitter sem eru
um 67 ára gömul. Þau lögðu af stað
frá Hamborg fyrir fimm vikum og
eru búin að koma við í Svíþjóð,
Danmörku, Noregi, Shetlands-
eyjum og Færeyjum á leið sinni til
Íslands.
Morgunblaðið/Ágúst Blöndal
Þýskir ellilífeyris-
þegar á skútusigl-
ingu um Atlantshaf
Neskaupstað. Morgunblaðið.
VALGERÐUR Sverrisdóttir, iðnað-
ar- og viðskiptaráðherra, sat fyrir
helgina óformlegan fund ráðherra-
ráðs Evrópusambandsins (ESB) um
samkeppnishæfni sem haldinn var í
Róm í boði ítölsku formennskunnar.
„Aðalefni fundarins var samhæf-
ing stefnumála á sviðum atvinnu-
mála, rannsókna- og þróunar í þeim
tilgangi að efla samkeppnishæfni
Evrópu. Skipulag innri markaðar-
ins, afnám vipskiptahindrana, efling
hagnýtra rannsókna, tengsl atvinnu-
lífs og rannsóknarstarfsemi sem og
opinber stuðningur við rannsóknar-
starf var meðal umræðuefna,“ segir
í fréttatilkynningu frá iðnaðar- og
viðskiptaráðuneytinu.
Valgerður gerði grein fyrir stefnu
Íslands á þessum sviðum, fjallaði um
almennt skattaumhverfi og nefndi
að ástæða kynni að vera til að endur-
skoða reglur um ríkisaðstoð innan
Evrópska efnahagssvæðisins til þess
að auka svigrúm til stuðnings við ný-
sköpun og rannsóknarstarfsemi. Þá
vék hún sérstaklega að samstarfi
sem komið hefur verið á um vetnis-
nýtingu á Íslandi og sagði það dæmi
um samstarf innan Evrópu sem gæfi
færi á sérstökum árangri. Sagðist
Valgerður vænta þess að sameigin-
lega mætti aðilum samstarfsins
komast vel áleiðis við að innleiða
vetnissamfélagið í Evrópu.
Í tilkynningu ráðuneytisins kem-
ur fram að fundarmenn voru sam-
mála um að mjög brýnt væri að ná
samstilltu átaki yfir allt sviðið til
þess að ná fyrri samkeppnishæfni
sem að væri stefnt. Einkanlega væri
mikilvægt að ná því markmiði sem
framkvæmdastjórn ESB hefur
kynnt og felur í sér að 3% af lands-
framleiðslu renni til rannsókna,
tækniþróunar og nýsköpunar árið
2010.
Auka þarf svigrúm
til nýsköpunar
ÚTGERÐARFÉLAGIÐ Bergur
Huginn ehf. festi nýlega kaup á nýj-
um bát, Smáey VE 144, af Dynj-
anda ehf. í Reykjavík. Kaupin höfðu
átt nokkurn aðdraganda en samn-
ingar voru undirritaðir 27. mars sl.
Skipið var afhent í Reykjavík á
föstudaginn og kom til Vestmanna-
eyja á laugardagsmorgun og hélt
svo til ýsuveiða strax um kvöldið
austur á Vík. Skipið, sem er 26
metrar á lengd, 9 metrar á breidd
og vegur 327 brúttótonn, er tæp-
lega þriggja ára gamalt og var
smíðað í Kína.
Tólf manna áhöfn var um borð í
Smáeynni hinni eldri og flyst hún
nú öll yfir á nýja skipið. Skipstjóri
Smáeyjarinnar er Sigurður G. Sig-
urjónsson og yfirvélstjóri Markús
Björgvinsson.
Útgerðarfélagið Bergur Huginn
er 30 ára um þessar mundir og ger-
ir jafnframt út frystitogarann Vest-
mannaey. Magnús Kristinsson,
framkvæmdastjóri félagsins, sagði
að koma skipsins væri mikil búbót
fyrir Eyjarnar enda voru margir
heimamenn mættir niður á höfn á
laugardagsmorguninn til að taka á
móti skipinu.
Smáey VE 144 kemur til Eyja
Morgunblaðið/Sigurgeir
Smáey Ve-144 siglir inn Vestmannaeyjahöfn á laugardagsmorgun.