Morgunblaðið - 15.07.2003, Blaðsíða 11

FRÉTTIR
MORGUNBLAÐIÐ ÞRIÐJUDAGUR 15. JÚLÍ 2003 11
HOLLIÐ sem lauk veiðum um
helgina í Norðurá fékk 130 laxa,
sem verður að teljast mjög góð
veiði því skilyrði voru afar slæm,
lítið vatn í ánni, norðanrok og
kuldi. Þetta er langbesta holl sum-
arsins til þessa. Mest af því sem
veiddist var nýgenginn smálax, en
einnig slangur af tveggja ára fiski.
Að sögn Þórarins Sigþórssonar
tannlæknis, sem var við veiðar í
ánni umrædda daga ásamt veiði-
félaga sínum, Ingólfi Ásgeirssyni,
virðast horfur góðar ef skilyrði
batna. Þórarinn og Ingólfur fengu
35 laxa á stöng sína og gáfu mjög
smáar flugur og svokallaðar gár-
utúbur bestan árangur. Á þessum
tíma sumars er einungis veitt á
flugu í Norðurá.
Illveiðandi vegna
laxamergðar
Um helgina voru komnir nær 80
laxar á land úr Korpu. Þar hafa
göngur verið svo góðar síðustu
daga að illveiðandi hefur verið í
fosshyljunum tveimur neðst í ánni
vegna kraðaks laxa. Þykir þetta
afburða góð byrjun í ánni.
Komnir eru á land 20 til 30 lax-
ar úr Hafralónsá í Þistilfirði, nær
allt tveggja ára fiskur, 8–14 pund.
Í lok síðustu viku rigndi svo mikið
á Norðausturlandi að mikill vöxtur
hljóp í árnar í Þistilfirði. Þegar
veðrinu slotaði og sjatnaði í ánum
glæddist veiðin mjög. Smálax er
að byrja að sýna sig á þessum
slóðum.
Veiði er einnig að glæðast í
Eystri-Rangá. Að sögn Sigurðar
Jack leiðsögumanns var hann þar
með þremur bandarískum veiði-
mönnum sem fengu tíu væna laxa
á þremur dögum.
Ljósmynd/Sigurður Jack
Paul (t.v.) með 7,5 kg lax, Byron Moore með 8,5 kg lax og Bob Cole með 6
kg lax. Fiskana veiddu þeir á Toby-spúna í Rimahyl í Eystri-Rangá.
Veiði glæðist víða
ERU
ÞEIR AÐ
FÁ’ANN?
TÓMAS Ingi Olrich menntamálaráð-
herra segist hafa beitt sér fyrir
hækkun fjárveitinga til Tæknihá-
skóla Íslands fyrir árið 2004 til að
styrkja uppbyggingu skólans í ljósi
breytinga sem orðið hafa á grund-
velli nýrra laga um háskóla. Miðað sé
við að skólinn geti tekið við 800 nem-
endum árið 2004 en á fjárlögum í ár
er miðað við 750.
Hann segir að jafnframt hafi verið
tekið mið af mikilli þörf fyrir tækni-
menntað fólk á íslenskum vinnu-
markaði sbr. yfirlýsingar atvinnu-
lífssamtaka þar um upp á síðkastið.
„Sérstaklega verður athugað
hvernig þeim hluta kostnaðarins sem
fellur á haustmisseri 2003 verður
mætt en meginþungi kostnaðar sem
af þessu hlýst fellur á næsta ár og ár-
in þar á eftir. Rétt er að taka fram að
rekstrarsamningar við alla háskóla á
verksviði menntamálaráðuneytisins
renna út um næstu áramót. Nýir
samningar verða undirbúnir í haust
og í viðræðum við háskólana mun
verða fjallað um heildarramma nem-
endafjölda og fjárveitinga til þeirra
næstu þrjú árin. Í nýjum rekstrar-
samningi við Tækniháskóla Íslands
mun verða tekið tillit til framan-
greindrar ákvörðunar um fjölgun
nemendaígilda,“ segir Tómas Ingi.
Menntamálaráðherra hækkar fjárveitingu í tækninám
Rekstrarsamningar við há-
skóla renna út um áramótin
UNDIRBÚNINGUR fyrir Bryggju-
hátíðina á Drangsnesi stendur nú
sem hæst. Að mörgu er að hyggja
til að allt gangi upp. Eitt af því
sem ekki má klikka er að hafa
lunda til að grilla á sjávarrétta-
smakkinu. En lundi er nægur í
Grímsey, sem er steinsnar frá
Drangsnesi. Fjórir knáir kappar
úr Björgunarsveitinni Björg
brugðu sér á lundaveiðar fyrir há-
tíðina og veiddu vel. Þannig að
ekki mun vanta lundann á sjávar-
réttasmakkið.
Af öðru góðgæti á sjávarrétta-
smakki Bryggjuhátíðar má nefna
reyktan sel, selabollur og grill-
aðan sel ásamt grillaðri siginni
grásleppu. Marineruð keila og
grafinn karfi eru ekki á borðum
Drangsnesinga svona dagsdaglega
en á Bryggjuhátíð er bryddað upp
á ýmsu óvæntu í matargerðinni.
Margt fleira er að finna á þessu
ágæta matborði en allt sem á því
verður kemur úr Húnaflóanum.
Það eru félagskonur í Kven-
félaginu Snót sem hafa umsjón
með sjávarréttasmakkinu og bjóða
öllum að smakka þennan ágæta
veislukost og kosta herlegheitin
ekki neitt.
Morgunblaðið/Jenný Jensdóttir
Halldór Friðgeirsson veiðir lunda í
Grímsey utan við Steingrímsfjörð.
Veiða
lunda í
Grímsey
Drangsnesi. Morgunblaðið.
FYRRVERANDI for-
maður Félags bóka-
gerðarmanna, prentar-
inn Magnús E.
Sigurðsson, er nú kom-
inn í stjórn sænska
prentarafélagsins, eftir
að hafa starfað í
svæðisdeildum þar í
landi í nokkurn tíma.
Magnús flutti til Sví-
þjóðar 1990 með konu
sinni, Kicke Borhamm-
ar, og tveimur sonum,
sem nú eru 19 og 21
árs. Þau eru búsett
mitt á milli vatnanna
Vänern og Vättern, um
90 mínútna ferð frá Gautaborg.
„Þetta kom nú bara til þannig að ég
fór að vafstra í félagsmálum í prent-
smiðjunni þar sem ég fékk vinnu þeg-
ar ég kom hingað,“ segir Magnús.
„Svo lenti ég í stjórn í svæðisdeildinni
hér, og svo í stjórn deildarinnar sem
er fyrir Vestur-Götaland. Svo var ég
kosinn í stjórn á síðasta þingi lands-
sambandsins.“
Magnús er varaformaður prentara-
félagsins í Vestur-Götalandi og með-
stjórnandi í landsstjórn prentara-
félagsins. Hann segir starf sitt í
Svíþjóð ekki ólíkt starfinu í Félagi
bókagerðarmanna hér heima en hann
var fyrsti formaður félagsins: „Það
sem ég er að vinna í hér
dagsdaglega er að að-
stoða félagsmenn hér á
þessu svæði í þeim
vandamálum sem upp
koma.
Það sem er mesti
munurinn á félaginu
hérna og félaginu á Ís-
landi er að hér eiga sér
stað heilmiklir fyrir-
tækjasamningar. Það er
mikið um það að maður
sé að aðstoða starfs-
mannafélög. Þau eru
ekki eins og heima held-
ur eru hrein hagsmuna-
félög sem hafa ákveðinn
rétt til samninga við atvinnurekand-
ann, og svo komum við inn í frá félag-
inu eftir því sem óskað er. Svo það er
mikið um samninga um smærri og
stærri atriði á einstökum vinnustöð-
um.“
Allt er þó stærra í sniðum í Svíþjóð,
og segir Magnús að alls séu um 25
sinnum fleiri félagsmenn í Svíþjóð en
á Íslandi, 30.000 miðað við 1.200 hér á
landi. „Þetta er svona á svipuðum nót-
um og heima, nema hvað allt er
stærra í sniðum. Litla deildin hér á
svæðinu er með um 1.000 virkum fé-
lagsmönnum. Í Vestur-Götalandi eru
þeir um 6.000 en í Svíþjóð allri eru um
30.000 virkir félagsmenn.“
Í stjórn prentarafélagsins í Svíþjóð
Magnús E. Sigurðsson
„Fór að vafstra í
félagsmálum í
prentsmiðjunni“