Morgunblaðið - 15.07.2003, Blaðsíða 13
VIÐSKIPTI
MORGUNBLAÐIÐ ÞRIÐJUDAGUR 15. JÚLÍ 2003 13
! !
" !
# $ % %&
' #(#
)## %&
!" " #$%&'(()
*"
!
+%(
,
+%-
,
+%-
,
. ''$(((/0 "0
1
#
*" 2 '((#
30
!
"
45
6
7899:'--
* 7899:'((
*;<
ÚR VERINU
VEL hefur fiskazt í Barentshafinu
á þessu ári. Aflabrögð hafa verið
betri en í fyrra og gert er ráð fyrir
töluverðri aukningu á þorskkvót-
anum þar. Nokkur skip í eigu Ís-
lendinga stunda veiðar í Barents-
hafinu, meðal annarra skip í eigu
Samherja og Brims. Þau eru skráð í
Bretlandi og Þýzkalandi og veiða
úr kvóta Evrópusambandsins þar.
„Það hefur verið mjög góð veiði í
Barentshafinu allt þetta ár og ef
hún helst góð áfram sýnist mér að
kvótinn muni klárast einhvern tím-
ann í haust,“ segir Sturlaugur Har-
aldsson, framkvæmdastjóri Boyd
Line í Hull, á heimasíðu ÚA, en Bo-
yd Line er í eigu ÚA. Frystiskip fé-
lagsins, Arctic Warrior, stundar
veiðar á bolfiski í Barentshafi. Það
er samdóma álit manna að töluvert
betri veiði sé í Barentshafi í ár en
mörg undanfarin ár og vísinda-
menn kunni að hafa vanmetið
þorskstofninn á þessu svæði.
Sturlaugur segir því að menn
geri sér vonir um kvótaaukningu í
Barentshafi á næsta fiskveiðiári.
Sem stendur er Arctic Warrior að
veiðum á Svalbarðasvæðinu og hafa
verið góð aflabrögð að undanförnu.
Skipið landaði síðast fyrir þremur
vikum í Noregi og býst Sturlaugur
við að það komi næst inn til lönd-
unar öðru hvorum megin við mán-
aðamótin júlí-ágúst. Í áhöfn skips-
ins eru 26 manns, flestir koma frá
Hull og nágrenni – Humberside-
svæðinu. Hitt skip Boyd Line, Arct-
ic Corsair, liggur nú við bryggju í
Hull og er það á söluskrá.
Góð veiði í Barentshafi
TÚNFISKVEIÐAR eru heimilar
frá og með 15. ágúst nk. hér við land.
Útgerðum þriggja íslenskra skipa
var úthlutað veiðileyfi ásamt nokkr-
um japönskum skipum. Tvö íslensku
skipanna munu líklega ekki nýta sér
heimildina en útgerð þess þriðja er
að vinna í málinu.
Túnfiskveiðar hafa verið stundað-
ar hérlendis síðustu árin og hefur
verið um tilraunaveiðar að ræða. Ís-
land gerðist aðildarríki að Atlants-
hafstúnfiskveiðiráðinu (Internation-
al Commission for the Conservation
of Atlantic Tunas, ICCAT) á síðasta
ári. Einn túnfiskstofn (Austur-Atl-
antshafstúnfiskur, bláuggi) gengur
inn í íslenska lögsögu og á undan-
förnum árum hafa verið gerðar til-
raunir til að þróa túnfiskveiðar við
Ísland.
Túnfiskur er einhver verðmæt-
asta sjávarafurð sem til er og
bláuggi verðmætastur. ICCAT út-
hlutaði Íslendingum 30 tonna kvóta
fyrir þetta ár, sem er nokkuð meira
en íslensk skip hafa mest veitt á einu
ári. Aflaheimildir Íslands munu tvö-
faldast á næstu árum. Árið 2004
verður hlutur Íslands þannig 40
tonn, 50 tonn árið 2005 og 60 tonn
árið 2006.
Droplaug Ólafsdóttir, fiskifræð-
ingur hjá Hafrannsóknastofnuninni,
segir að verið sé að ganga frá samn-
ingum við sama umboðsfyrirtæki,
Tairyo í Japan, og hefur séð um
veiðar japönsku túnfiskveiðibátanna
undanfarin ár. Reiknað er með að
fimm japönsk skip stundi veiðarnar í
ár. Gert er að ráð fyrir að veiðarnar
geti hafist 15. ágúst en Droplaug
segir að Japanirnir komi yfirleitt um
mánaðamótin ágúst, september, þeir
fylgi fiskinum upp til Íslands. Fisk-
urinn sé veiðanlegastur í september,
október en allur gangur sé á hvenær
veiðum ljúki.
Þrjú íslensk skip fengu úthlutað
túnfiskkvótanum fyrir árið 2003,
Byr VE, Guðni Ólafsson VE og Guð-
rún Björg HF.
Ekki er útlit fyrir að útgerð Byrs
VE nýti sér veiðiréttinn, skipið er í
Brasilíu um þessar mundir, og Guðni
Ólafsson VE var leigður til Nýja-
Sjálands í desember sl. þar sem
hann var notaður við tannfiskveiðar.
Að sögn Guðna Sigurðssonar hjá út-
gerð Guðna Ólafssonar VE er hann
bundinn við bryggju þar og um þess-
ar mundir er verið að kanna með
áframhaldandi leigu þar og því litlar
líkur á að hann veiði hér við land í ár.
Hafsteinn Aðalsteinsson, útgerðar-
maður Guðrúnar Bjargar HF, vill
sem minnst láta hafa eftir sér annað
en að málið sé í undirbúningi.
Óvíst um túnfiskveið-
ar íslenskra skipa
Veiðar á tún-
fiski við Ísland
eru heimilar
frá 15. ágúst
Morgunblaðið/Hafþór Hreiðarsson
Guðrún Björg HF 125 í Hafnarfjarðarhöfn á dögunum.
EFTIRFARANDI yfirlýsing frá
Landssambandi smábátaeigenda
hefur borist Morgunblaðinu til
birtingar:
„Fundur stjórnar Landssam-
bands smábátaeigenda haldinn í
Færeyjum 10. júlí 2003 beinir
því til stjórnvalda að fresta öll-
um ákvörðunum um smíði varð-
skips en þess í stað að einbeita
sér að því að efla þyrlukost
Landhelgisgæslunnar með
kaupum á nýrri þyrlu. Í ljósi
þeirrar óvissu sem nú ríkir um
samstarf Landhelgisgæslunnar
og varnarliðsins ber að hraða
þessari vinnu eins mikið og
kostur er.“
Yfirlýsing frá Landssambandi smábátaeigenda
Þyrlu en ekki
varðskip
Nýja forgangsröðun vegna
óvissunnar um varnarliðið
RÁÐGJAFARNEFND bandarísku
matvæla- og lyfjastofnunarinnar,
Food and Drug Administration,
FDA, hefur mælt með því að nýtt lyf
lyfjafyrirtækisins AstraZeneca,
gegn of háu kólesteróli, verði heim-
ilað. Þetta lyf nefnis Crestor og er
talið vera helsta von AstraZeneca
um aukna sölu á lyfjamarkaði.
Fram kemur í frétt á vefsíðu Reut-
ers-fréttastofunnar að þeir sem sæti
eiga í ráðgjafarnefndinni hafi verið
einhuga um að heimila ætti hið nýja
lyf Crestor í allt 40 milligramma
skömmtum. Segir í fréttinni að
nefndin leggi þó til að fylgst verði
sérstaklega með þeim sjúklingum
sem verði gefið lyfið í þetta stórum
skömmtum, vegna hugsanlegra
aukaverkana lyfsins. Jafnframt
kemur fram að FDA muni ákveða
hinn 12. ágúst næstkomandi hvort
Crestor verði heimilað. Vaninn sé að
fara að ráðum ráðgjafarnefndar-
innar.
Áætluð árleg sala AstraZeneca á
Crestor er talin geta numið allt að 3
milljörðum Bandaríkjadala, jafnvirði
um 230 milljörðum íslenskra króna.
Gengi hlutabréfa í AstraZeneca
hefur hækkað frá því tilkynnt var um
samþykkt ráðgjafarnefndar FDA.
AstraZeneca
með nýtt lyf við
of háu kólesteróli
ALTECH JHM hf. hefur sagt upp
öllum starfsmönnum sínum, alls 17
manns, og hefur að sögn forstjóra og
aðaleiganda fyrirtækisins, Jóni
Hjaltalín Magnússyni, ekki greitt
laun í tæpa tvo mánuði. „Eins og oft í
litlum fyrirtækjum sem eru að vaxa
hratt þá höfum við lent í fjárstreym-
isvandamáli,“ segir Jón Hjaltalín
Magnússon, en bætir við að vonir
standi til að hægt verði að gera upp
launaskuldir í lok þessarar viku.
Hann segir að fyrir liggi samning-
ar upp á 300 milljónir króna og nú sé
unnið að gerð véla og tækja upp í þá,
sem muni skila fyrirtækinu góðum
hagnaði. Að auki séu mörg verkefni
af stærðargráðunni 30 til 200 millj-
ónir króna í farvatninu hjá fyrirtæk-
inu. Verið sé að ganga frá samning-
um við íslensk véla- og rafmagns-
verkstæði vegna þessara samninga
og Jón segir að fyrir utan starfs-
menn Altech JHM starfi 15–20 Ís-
lendingar óbeint að verkefnum fyrir
fyrirtækið.
„Við höfum þurft að leita aðstoðar
hjá bönkum og erum komin yfir á yf-
irdrætti okkar,“ segir Jón. Þess
vegna hafi Altech JHM átt í viðræð-
um við Nýsköpunarsjóð atvinnulífs-
ins, en sjóðurinn hafi heimild til að
veita bönkunum bakábyrgðir til að
fjármagna útflutningsverkefni.
Verkefnastaðan aldrei betri
Jón segir að fyrirtækið hafi aldrei
verið með betri verkefnastöðu en í
ár. Til að hraða vexti sé ætlunin að
taka inn innlenda eða erlenda fjár-
festa. Viðræður standi yfir við
nokkra slíka og vonir standi til að
niðurstaða fáist úr þeim á næstu vik-
um. IBM ráðgjöf hafi aðstoðað við
viðskiptaáætlun og kynningu á fyrir-
tækinu.
Jón segir að uppsagnir starfsfólks
fyrirtækisins hafi tekið gildi í lok
maí, en reiknað sé með að endurráða
alla starfsmennina og jafnvel að
bæta við starfsfólki. Starfsfólkið sé
allt enn að störfum, nema fram-
kvæmdastjórinn sem hafi hætt í
byrjun þessa mánaðar.
Að sögn Jóns hefur fyrirtækið áð-
ur lent í tímabundnum vanda, bæði í
fyrra og árið 2001. Sjaldan hafi
launagreiðslur þó dregist í meira en
einn mánuð. Hann segir að þar sem
verkefnin séu stór og peningarnir
komi óreglulega inn, auk þess sem
eiginfjárstaðan sé veik, hafi fyrir-
tækið lent í þessum fjárstreymis-
vanda.
Altech hefur
sagt upp öllum
starfsmönnum
Morgunblaðið/Halldór Kolbeins
Altech JHM hefur ekki greitt laun í tæpa tvo mánuði að sögn Jóns Hjaltalín
Magnússonar aðaleiganda þess.