Morgunblaðið - 15.07.2003, Blaðsíða 19

LANDIÐ
MORGUNBLAÐIÐ ÞRIÐJUDAGUR 15. JÚLÍ 2003 19
FJÖLSKYLDUHÁTÍÐIN Matur og
menning verður haldin á Blönduósi í
fyrsta sinn um næstu helgi. Markmið
hátíðarinnar er að festa í sessi ímynd
bæjarfélagsins Blönduóss sem mat-
vælabæjar í hæsta gæðaflokki, auk
þess sem haldið verður upp á síðbúið
afmæli Blönduósbæjar.
Fjölskylduhátíðin er m.a. liður í at-
vinnustefnu sem Blönduósbær hefur
sett sér að í árslok 2013 verði bæjar-
félagið þekkt fyrir að leiða rann-
sókna- og frumkvöðlastarf í mat-
vælaiðnaði á Íslandi. Þessu marki er
ætlað að ná m.a. með stofnun frum-
kvöðla- og rannsóknaseturs, auk þess
sem áhersla er lögð á matvælafram-
leiðslu þar sem hvorutveggja er um
að ræða hráefnisvinnslu og full-
vinnslu hráefnis. Blönduósbær legg-
ur megináherslu á að skapa fyrir-
tækjum og einstaklingum gott
starfsumhverfi í sveitarfélagi þar
sem sérhæfður stuðningur fyrir
hvers kyns matvælastarfsemi er fyr-
ir hendi.
Til að kynna starfsemi sína munu
fyrirtæki á Blönduósi bjóða Íslend-
ingum í mat laugardaginn 19. júlí frá
kl. 13 til 17, þar sem áherslan er ann-
ars vegar á að kynna hefðbundna
matvælaframleiðslu, og hins vegar á
að kynna þær nýjungar sem ferskt
gæðahráefni héraðsins býður mat-
gæðingum landsins upp á. Annað
markmið atvinnustefnu Blönduós-
bæjar er að gera bæjarfélagið að án-
ingarstað Norðurlands vestra þar
sem áhersla er lögð á skemmtilega
upplifun fyrir fjölskyldufólk. Á fjöl-
skylduhátíðinni Matur og menning
er því leitast við að bjóða öllum fjöl-
skyldumeðlimum upp á skemmtun
og afþreyingu við hæfi. Trúðar og
töframenn skemmta og boðið verður
upp á harmonikkuleik og dansleik
þar sem Land og synir koma fram
með sjálfum kúreka norðursins,
Hallbirni Hjartarsyni.
Býður Íslendingum í mat
Blönduós
Morgunblaðið/Jón Sigurðsson
Kvöldstemming við Blönduós.
ÞAÐ ríkti kynngimögnuð stemning
á Galdrasýningu á Ströndum sl.
sunnudag þegar nærstaddir fylgd-
ust með galdramanni af Ströndum
kveða niður draug. Skömmu áður
mátti heyra upptöku þar sem Stein-
dór Andersen kvæðamaður kvað
Snjáfjallarímur og í kjölfarið birtist
galdramaður búinn steinbítsroði,
hreindýraskinni, galdrastöfum og
krossmarki til varnar draugnum.
Fékk hann sjálfboðaliða til að gera
krossmark á nef sér með blóði úr
vinstri tá og hægri geirvörtu, blönd-
uðu heila úr lifandi hrafni. Þá voru
áhorfendur fengnir til að „humma“
með galdramanninum áður en hann
fór með hina kröftugu þulu. Auk
þess fékk hver gestur sinn stein með
galdrastaf ætlaðan til að bera á sér
til að forðast drauginn í héraðinu.
Um leið og kemur að sýslumörkum
skal hins vegar losa sig við steininn,
því utan sýslunnar getur hann virk-
að eins og segull á drauginn. Eftir að
hafa farið með særingar og formæl-
ingar og spýtt yfir leiði uppvakn-
ingsins, sem er staðsett á sýning-
unni, taldi galdramaðurinn að
draugurinn væri á bak og burt.
Hann mun þó endurtaka leikinn að
viku liðinni, en það er Sigurður Atla-
son, einn af forsvarsmönnum sýn-
ingarinnar, sem ljær galdramann-
inum leikhæfileika sína. Mun hann
kveða niður drauga á Galdrasýn-
ingu á Ströndum kl. 11, 13, 15 og 17
næstkomandi sunnudag.
Morgunblaðið/Kristín Sigurrós
Ungur sjálfboðaliði gerir kross-
mark með blóði á nef galdramanns-
ins. Að sögn er blóðið úr vinstri tá
og hægrigeirvörtu galdramanns-
ins, blandað heila úr lifandi hrafni.
Galdramað-
ur af Strönd-
um kveður
niður draug
Hólmavík
SKÓLASLIT Grunnskólans í
Hveragerði fóru fram í Hveragerð-
iskirkju að viðstöddu fjölmenni. Við
skólaslit eru nemendur sem ljúka
10. bekk kvaddir og þeim þökkuð
samfylgdin sl. 10 ár. Hópurinn sem
nú útskrifaðist var frekar fámennur
en afskaplega góður hópur og hafa
krakkarnir fengið mikið hrós fyrir
fyrirmyndarframkomu, iðni og
vinnusemi, frá öllum þeim sem not-
ið hafa krafta þeirra. Kom þetta
fram í ræðu skólastjórans, Guðjóns
Sigurðssonar, umsjónarkennara
þeirra síðustu fjögurra ára, Guð-
ríðar Aadnegaard, og einnig for-
manns skólanefndar, Magnúsar Á.
Ágústssonar. Ekki amalegir dómar
það, enda voru krakkarnir kátir og
tilbúnir til að takast á við lífið sem
fram undan er. Auður Elísabet
Guðjónsdóttir, formaður nemenda-
ráðs, þakkaði fyrir hönd útskriftar-
nema fyrir samveruna og þolin-
mæðina sl. tíu ár og sagði m.a. að
nú væri stórt verkefni fyrir höndum
að byggja brú frá grunnskólanum
og út í lífið, hvort heldur sem þau
veldu að stunda nám eða atvinnu.
Andri Kristinn Kolbeins fékk verð-
laun fyrir bestan árangur á sam-
ræmdum prófum og einnig fengu
nemendur verðlaun fyrir árangur í
einstökum greinum, þau verðlaun
eru gefin af fyrirtækjum í bænum.
Heiðrún Halldórsdóttir og Ingi-
björg Steinunn Sæmundsdóttir
fengu verðlaun fyrir iðni og elju-
semi í námi. Athygli vöktu tvær
stúlkur úr 9. bekk, þær Anna Jak-
obína Guðjónsdóttir og Guðrún
Helga Sigurðardóttir, en þær tóku
samræmt enskupróf í vor og fékk
Anna Jakobína 8,5 í einkunn og
Guðrún Helga 9,5, sem er hæsta
einkunn sem gefin var í ensku í ár.
Á milli atriða söng kór elsta stigs
og var það mál manna að aldrei
hefði kórinn verið betri en einmitt
þetta kvöld. Eftir að gömlu skóla-
bjöllunni hafði verið hringt út, sem
tákn um að skólaárinu væri lokið,
fóru allir kirkjugestir í grunnskól-
ann, þar sem nemendur 9. bekkja
og foreldrar þeirra biðu gesta með
dýrindis kræsingar.
Við eigum eftir að
sakna ykkar
Hveragerði
Morgunblaðið/Margret Ísaksdóttir
Andri Kristinn Kolbeins og Bjarni
Jóhann Lúthersson voru meðal
þeirra nemenda sem útskrifuðust.
LJÓSMYNDASÝNING
Bryggjuhátíðar á Drangsnesi var
opnuð formlega á laugardag í
Drangsnesskóla. Þarna eru sýnd-
ar stækkanir á gömlum ljósmynd-
um sem sýna mannlífið eins og
það var í Kaldrananeshreppi í
kringum 1960. Það er orðin föst
hefð fyrir því á Bryggjuhátíð að
setja upp sýningu með gömlum
ljósmyndum. Hefur fólk verið
mjög jákvætt að lána myndirnar
sínar til stækkunar og eru alltaf
nýjar myndir á hverju ári og er nú
kominn dágóður vísir að ljósmynda-
safni á Drangsnesi. Á sýningunni í ár
eru nálægt eitt hundrað myndir. Sýn-
ingin verður opin fram að Bryggjuhá-
tíð þann 19. júlí nk. og eitthvað lengur
meðan skólinn þarf ekki húsnæðið.
Soffía Þorkelsdóttir skoðar myndir á
ljósmyndasýningu Bryggjuhátíðar.
Ljósmyndasýning
Bryggjuhátíðar opnuð
Drangsnes
Morgunblaðið/Jenný Jensdóttir
AUGLÝSINGADEILD
netfang: augl@mbl.is eða sími 569 1111
Skógarhlíð 18, sími 595 1000. www.heimsferdir.is
Heimsferðir bjóða nú einstakt tækifæri í haust til að dveljast við frábærar
aðstæður á suðurströnd Spánar í 3 eða 4 vikur á ótrúlegum kjörum. Beint
flug til Benidorm og Costa del Sol þar sem þú nýtur þjónustu fararstjóra
Heimsferða allan tímann og getur valið um spennandi kynnisferðir á meðan
dvölinni stendur. Við bjóðum þér okkar bestu íbúðarhótel með frábærri að-
stöðu fyrir farþega.
Haustferðir til
Costa del Sol
og Benidorm
1. október
frá kr. 30.912
Costa del Sol - 1.okt
Verð frá kr. 39.950
Flugsæti með sköttum
Verð frá kr. 61.362
M.v. hjón með 2 börn, 2 - 11 ára, Aguamar-
ina. Flug, gisting, skattar.
Verð kr. 75.050
M.v. 2 í stúdíó, Aguamarina, 1. okt, 21 nótt.
Flug, gisting, skattar, íslensk fararstjórn.
Benidorm - 1.okt
Verð frá kr. 30.912
Flugsæti m.v. hjón með 2 börn, 2 - 11 ára,
með húseigendaafslætti, 1.okt.
Verð frá kr. 49.962
M.v. hjón með 2 börn, 2 - 11 ára, Vacanza,
1.okt., 3 vikur. Flug, gisting, skattar.
Verð kr. 69.950
M.v. 2 í íbúð, Vacanza. Flug, gisting, skattar.