Morgunblaðið - 22.07.2003, Blaðsíða 9

FRÉTTIR
MORGUNBLAÐIÐ ÞRIÐJUDAGUR 22. JÚLÍ 2003 9
ÞAÐ er mjög undarleg tilfinning að
vera á vestasta hluta Evrópu, sögðu
ferðafélagarnir Matthias Wübben
og Thomas Kilian frá Þýskalandi í
spjalli við Morgunblaðið þegar þeir
höfðu lokið við að tjalda í Látravík
við Látrabjarg. Þeir sögðust hafa
ítrekað það oft í póstkortum til fé-
laga sinna undanfarna daga að leið-
in lægi á þennan vestasta útjaðar
álfunnar. Nú er þeim áfanga náð.
„Þetta er mjög sérstakt,“ sagði
Matthias en í fyrrasumar fóru þeir
á syðsta hluta Afríku. Þeir hafa
verið í þrjár vikur á Íslandi og fara
aftur til Þýskalands næstu helgi. Í
gær héldu þeir ferð sinni áfram og
ætla að nota tímann til að skoða
Þingvelli og jafnvel Þórsmörk ef
tími gefst til.
Félagarnir hafa ferðast gang-
andi og með áætlunarbílum. Þeir
segjast upplifa landið öðruvísi með
þeim hætti; geta gefið sér betri
tíma til að skoða áhugaverða staði,
stórbrotna náttúru og skipulagt
ferðalag sitt sjálfir.
Reykjavík togar ekki í þá en þeir
segja borgina fallega og litríka. Þar
sé rólegra yfir fólki en í Þýska-
landi. Bjórinn þar er hins vegar of
dýr og þeir geta nálgast fjölbreytt
skemmtanalíf í heimalandinu. Á Ís-
landi sækjast þeir eftir að vera úti í
guðsgrænni náttúrunni.
„Landslagið hér er svo sí-
breytilegt að maður þarf að hafa
sig allan við,“ segir Thomas sem er
líffræðingur að mennt. „Hann get-
ur sagt þér allt um fuglana í bjarg-
inu,“ segir rafnmagnsverkfræðing-
urinn Matthias eftir að þeir höfðu
skoðað Látrabjarg, stærsta fugla-
bjarg Íslands og eitt hið stærsta í
Evrópu.
Bjartar nætur Íslands trufluðu
þá aðeins í upphafi ferðar en nú
segjast þeir ekki eiga í erfiðleikum
með að fara að sofa klukkan tíu á
kvöldin. Það hafi hins vegar verið
einstæð upplifun að liggja í útisund-
laug á Snæfellsnesi og horfa á Snæ-
fellsjökul baðaðan í kvöldsólinni.
Félagarnir hafa ferðast um heim-
inn í mánuð á hverju ári síðastliðin
þrjú ár. Thomas hafði dreymt um
að koma til Íslands frá því að hann
var fimmtán ára. Hann lét fyrst
verða af því fyrir tveimur árum en
nú dró hann vin sinn með sér. Að
þeirri ferð lokinni halda þeir til síns
heima í Mannheim og Düsseldorf en
útiloka ekki endurkomu seinna.
Morgunblaðið/Björgvin Guðmundsson
Matthias Wübben og Thomas Kilian frá Þýskalandi hvíla lúin bein eftir að hafa skoðað stórbrotið fuglalíf í Látra-
bjargi. Næst liggur leiðin til Þingvalla og Þórsmerkur en þeir segja Reykjavíkurborg ekki toga sérstaklega í sig.
Ánægðir á útjaðri Evrópu
MEIRIHLUTI Evrópubúa er
hlynntur því að hjónabönd sam-
kynhneigðra para verði lögleidd.
Þetta kemur fram í niðurstöðum
skoðanakönnunar sem Gallup í
Evrópu framkvæmdi. Um 15.000
manns í 30 ríkjum tóku þátt í
könnuninni en í henni var spurt
tveggja spurninga. Annars vegar
var spurt um afstöðu til lögleið-
ingar hjónabanda samkynhneigðra
í Evrópu og hins vegar var spurt
um afstöðu til þess að samkyn-
hneigð pör fengju rétt til að ætt-
leiða börn.
Í niðurstöðunum kemur fram að
íbúar landa innan Evrópusam-
bandsins eru almennt jákvæðari
hvað varðar réttindi samkyn-
hneigðra en íbúar utan þess. Þann-
ig eru 57% íbúa ESB hlynnt hjóna-
böndum samkynhneigðra en aðeins
23% íbúa annarra Evrópuríkja.
Danir bera höfuð og herðar yfir
aðrar Evrópuþjóðir hvað þetta
varðar en 82% Dana eru hlynnt
hjónaböndum samkynhneigðra.
Holland fylgir þétt á eftir með 80%
íbúa. Á Kýpur er hins vegar mest
andstaða við hjónabönd samkyn-
hneigðra en aðeins 9% íbúa þar
lýstu sig hlynnt eða nokkuð hlynnt.
Innan við helmingur
hlynntur ættleiðingarrétti
Afstaða til þess hvort samkyn-
hneigð pör eigi að fá réttindi til að
ættleiða börn er aftur á móti ekki
eins afgerandi. 42% íbúa innan
ESB eru fylgjandi því að samkyn-
hneigðir megi ættleiða börn en að-
eins 17% íbúa í löndum utan ESB.
Það er aðeins í fjórum löndum að
meirihluti er fylgjandi ættleiðing-
arrétti en það eru Holland, Þýska-
land, Spánn og Danmörk.
Meirihluti hlynnt-
ur hjónaböndum
samkynhneigðra
ICELANDAIR lenti í þriðja sæti
vínsamkeppni Business Traveler
Magazine en nokkuð á fjórða tug al-
þjóðlegra flugfélaga tók þátt í
keppninni og lögðu þau fram rauð-
vín, hvítvín og freyðivín sem þau
bjóða upp á á fyrsta farrými. Veitt
voru verðlaun í einstökum flokkum
en Tai Airways varð hlutskarpast í
heildarkeppninni, Lufthansa var í
öðru og sem fyrr segir Icelandair í
því þriðja.
Guðjón Arngrímsson upplýsinga-
fulltrúi segir Icelandair áður hafa
náð langt í vínkönnunum og að það
sé vart tilviljun að félagið hafi náð
jafnlangt í keppni Business Traveler
Magazine og raun ber vitni. „Fyrir
örfáum árum tókum við þetta vand-
lega fyrir hjá okkur og fengum
nokkra sérfræðinga, auk nokkurra
ágætra viðskiptavina, til liðs við okk-
ur og settum saman eins konar sam-
ráðsnefnd sem síðan smakkaði og
valdi vín. Þannig að við höfum lagt
vinnu í að geta boðið upp á gott vín.“
Icelandair í toppsæti
AUGLÝSINGADEILD
netfang: augl@mbl.is eða sími 569 1111
Bankastræti 14, sími 552 1555
Útsala 40-80%
afsláttur
Opið virka daga frá kl. 10.00–18.00, laugardaga frá kl. 10.00–16.00.
15%
aukaafsláttur
af drögtum, kjólum og yfirhöfnum
Engjateigi 5, sími 581 2141.
Neðst við Dunhaga, sími 562 2230
Opið mán.-fös. frá kl. 10-18
Opið laugard. frá kl. 10-14
Nýjar haustvörur
Álfheimum 74, Glæsibæ, Reykjavík, s. 553 2347
Útsalan í fullum gangi
Frábær afsláttartilboðFataprýði
Verið velkomnar
Þri. 22/7: Afrískur pottréttur
m. fersku grænmeti,
hrísgrjónum og meðlæti.
Mið. 23/7: Grænmetisflatbaka
m. fersku grænmeti,
hrísgrjónum og
meðlæti.
Fim. 24/7: Kókoskarrý m. fersku
grænmeti, hrísgrjónum
og meðlæti.
Fös. 25/7: Ofnbakað grænmeti
m. fersku grænmeti,
hrísgrjónum og meðlæti.
Helgin 26.-27/7:
Indverskur matseðill.
Mán. 28/7: Fylltar paprikur.
Matseðill
www.graennkostur.is
20% aukaafsláttur
af peysum á útsölu
Eddufelli 2 Bæjarlind 6
s. 557 1730 s. 554 7030
Opið mán.—fös. frá kl. 10—18
lau. kl. 10—15
Síðumúla 3
sími 553 7355
Opið mán.-fös. kl. 11-18,
laugard. kl. 11-15.
ÚTSALA
Undirföt - Sundföt
20-50% afsl.
undirfataverslun
Laugavegi 4, sími 551 4473
www.lifstykkjabudin.is
Póstsendum
Lagerútsala
í kjallara
Nýtt kortatímabil
Álfhólsvegi 67, 200 Kópavogi, sími 554 5820.
Opið kl. 16-18 þri., mið., fim. • www.silfurhudun.is
Silfurhúðum gamla muni t.d. kaffikönnur, bakka,
kertastjaka, borðbúnað o.m.fl.